加記 (真善美大廈) (已結業)

星期日FATHER'S DAY!一家六口去加記食飯...平時去都要訂位!特別日子就更要早成個星期訂啦!那天還限時添(個半鐘)...不過都要帶爸媽嫲試一試!那裡平日晚上有很多特色菜的...但父親節那天就只是有部份特別菜色選擇!可能是怕人多應接不暇,影響水準罷?!雖然選擇少了..但仍是好菜上場啊我們叫了一個-4-6人餐六百幾加一白飯6碗,汽水6罐粟米魚肚羹********龍井浸滑雞一隻**********咕嚕骨*********清蒸海斑*********鮑菇扒菜膽***********白灼基圍蝦********荔枝一碟@V@加100分的服務態度.... ***********如果比分10粒星為滿分,平均分都好爆啊!這隻雞是最超水準,雖然我食唔出咩龍井味...但真的好滑,亞嫲都食得嘛!這餐飯真的是為父親節錦上添花!

有家庭式小菜和較有創意的菜式, 食物味道不錯,真的很平,6個人食了$360 (送甜品) 今天點了焗魚腸,例湯,招鹽豆付拼蝦,招絲付乳蝦醬通菜,中山魚頭雲煲,魚香茄子煲但食得趕,8:35 坐下, 8: 45 分食物上枱 9 : 25 食完不用五分鐘已經上甜品, 最後9:35 離坐,分分鐘快過去快餐店,差不多食完時侯,朋友拿起單望一望,侍應立即說: 幫你埋單老細, 雖然無黑口黑面, 但唔鐘意滾水陸脚

我4月27日去一行四人去食飯,大約六點幾開始,初頭都食得幾開心,野食都可以啦.但奇怪就係伙計成日睇住我地食晒d野未,一食晒即刻收,初時都覺得冇乜問題,好多地方都係咁.大約七點十分,我地d都叫食晒,但仲有d湯未飲,佢己經將我地d筷子,碗,全部收晒,仲好快上左糖俾我地.七點十五分己經叫我可唔可以埋左張單,我話"都未食晒,一陣先埋啦".唔夠二分鐘,又有第二個伙計又問埋左張單先,我都係話"未走喎,一陣先埋啦.".又過多三分鐘,第三個阿姐伙計又走埋黎問埋左張單先,今次真係火都黎,有冇理由十分鐘唔夠三次叫人埋單,其實我糖水都未食完,又未走,點解要埋單呢!過多五分鐘,有個伙計仲貼左張紙係張度,仲話"佢地走左即刻幫我擺四位呀...",我心諗咁即係趕客者,食都食得唔安樂,下次都唔駛再幫襯,咁樣招呼客人,野食幾好都冇用,要客人一個多鐘頭食晒所有野,仲趕過係快餐店食飯.雖然佢出面係有人等緊,但冇理由因做多輪生意而趕走入面既客人. 差差差差差....

We want to try for long times ago, but we were attracted by 光記on 水街.We plan to visit 光記today, but it was off! Then we move to 加記.3 of us were there and dislike other fans' comment. No need to wait and service is ok.Suprisingly, food is very so so.陽光十二菜: Huge in size, but tasteless, just like home made boiled vegatable.第(阿?)一骨: Rib bones with thousand island dressing on top, nothing special.小抄皇(攞過奬架喎!): Quite large in portion, nothing special, not delicious.白飯: served in a begger bowl, rice

三月頭,和父親兩人去吃,入去果時都8點,但唔駛等位,可能兩人關係啦,服務員都幾好,有求必應,特別係一位著便裝的女仔,叫了一個粉絲煲加一個椒salt魚,保持水準,跟住叫多個糯米飯,大約十五分鐘已經到晒,但最後都要打包走,跟住食埋個糖水,成個過程,没有其他人說的面黑人,趕人走的情況(可能兩人枱冇咩人會等掛),但人手有小許不夠的樣子,但食完後,見到門口好多人等位,這餐飯都好滿意。

我和家人一行8人在12月18日晚到加記食晚飯,之前有幾次幫襯的經驗，所以伙計面黑已見慣不怪，今次菜上得快, 到尾聲剩兩碟餸既時候, 待應已經有想執枱既舉動, 不斷問”上糖水嗎？”，我話”都未食完！”，到問第四次時，我們不岔好像被人趕走一樣，糖水送來後，他們問”埋張單嗎？”，連續幾次被人接二連三催走，那感覺很差．如果他們想在一晚內做多幾轉客，　應該在訂枱時聲明大約可以食幾耐，”不要再煩走客人們”．

一行五人訂了晚上七點45分,準時到達,但是還要等上20分鐘時間,所以如果冇訂台都唔知要等幾耐,食物都幾好,某0的職員面黑,沒有基本的服務態度,但其他都可以接受,失們叫了四餸一湯,食物都幾新鮮,上菜都幾快,但唯一失望之處是豆苗中發現菜蟲,米酒雞值得推介。

早排(11月3日), 同父母,女友4人一起去加記(本人上次與友人試過, 可參考早前之食評), 今次感覺好好多, 我們訂左6點半, 我地6點3到, 入到去, 人不多, 但坐落後發覺越來越多人(難以想像一間開係西環閒日可以咁旺).四個人叫左四樣送,1.涼瓜班頭腩煲2.一碟鵝腸3.鮑魚古扒菜擔4.半隻茶葉雞.1.個煲超大,連d料都好多,魚都有成十幾件, 苦瓜苦但好味, 食完想叫多煲.2.鵝腸都好味,女友話有少少沙tim 但不特別.3.鮑魚古整到好似鮑魚咁, 4.茶葉雞無乜茶葉味, 但超滑.食物有85分.到服務方面, 比上次好好多, 上次見果幾個唔好的waiter 已不見了, 可能無做, 地方略為窄d, 但幾靚..食飽後, 見到好多人等位, 仲聽到個人問有無位, 老細問有無訂位, 佢話無, 咁就無啦, 幾勁!!我比85分

It was my first visit to Ka Kee last night. I am satisfy with the food, very yummy and the price is reasonable. I would like to comment on their service. The service was not as bad as it was mentioned on the previous comments, but still have room to improve. Last night booked a table at 7:30, arrived at 7:15, did not get table until 7:45...wait is still too long. Service wise, waiters are very polite but they are extremely busy. Very hard to catch their attention. Also need to chase a after a th

過去一個月，逢星期五晚我都會同父母一齊去加記食飯，每次都會預先訂定三位，之前都相安無事，近呢兩個星期都唔係幾得...上星期五下午如常訂六點九三位，佢話可能要兩人加。去到佢安排一張路口位二人加，去過加記朋友都知果度有幾闊落，搞到坐開面爸爸經常比往來人撞到，極之冇癮，其實由我入去到走，都係半滿，都唔明佢點解唔可以安排張四人比我，佢仲要串我咁遲先訂係咁咖喇，真係巴閉...今個星期醒，早一日已經打去訂，時間人數相同，我亦講明如果要加就通知我。點知今晚去到又係安排一張二人加，最吹漲係對面有兩張四人放三個位，而且未齊人，我即刻出去櫃理論。個女人比張訂紙我睇，話咁有張字條遮住「四人」三個字，仲好傲慢咁話咁都冇辦法咖啦。同佢理論一番之後佢先至話一有四人埋單就安排我地過去坐。其實尋日訂果陣時我已經問點解早一日訂都要加，佢話因為有walk-in客自己位坐，如果坐落去就唔好意思叫人走，咁點解佢比人訂，但係又唔幫客人留呢? 咁不如唔好比人訂啦...

一間o係西環開左冇幾耐o既廣東菜館...見佢裝修得幾靚,又近屋企,就約左幾個friends 去試下啦... book 左8點3, 去到仲要等一陣先有位... 因為實在坐到滿哂!!!真係有d唔相信一間o係西環o既餐廳平日都要等位咁誇張...我地四個人叫左3個餸1.陽光十二菜~只係一句"好大碟", 共有十二種不同o既菜2.鴨胸豆腐~"正",炸豆腐加烤鴨胸3.土魷蒸肉餅~撈飯食最好味食完仲有糖水送, 正!!!

人人都話加記好味,有日lunch多d時間就諗住試下啦,對自己好d, 點知換黎一肚火。十二點半都未夠就入到去,成間餐廳空框框,得一兩個客,點知個位肥肥地,矮矮地既男"經理" 就要我搭枱,我問佢點解,佢就話一位係要搭枱既,我百思不得其解,好無奈咁就坐低左.叫左野食,愈諗愈唔對路,唔想食得唔舒服,於是同侍應講叫佢同我將個飯打包,跟住我就走左去比錢,好喇,比左錢,諗住好快有得食啦,點知個位經理又走埋黎話佢地唔做外賣,我話"吓!點解呀?",佢就話"為左保持我地食物既質素,我地唔設外賣.",跟住我就話"我好近既,應該唔會影響食物質素." 但係個經理都係唔肯. 喂,我比左錢架喎,如果你一早唔做外賣,你就唔好收我錢啦. 好啦,唔外賣,咁堂食囉,但係我真係唔想搭枱,我就叫佢比張枱我,仲同佢講一點前會走(我諗佢要人搭枱都係唔想一個人霸住張枱,其他人冇得食唧),點知佢都話唔得,我又問佢點解啦,佢竟然話"小姐,以我地既食物質素,$28一個午餐都唔搭枱既話,我地聽日執笠啦"........嘩,我都好耐冇聽過呢d咁既說話,我抑壓住我既怒火,叫佢比番錢我走.我諗,以佢地咁既服務態度,唔使幾多日,都會執笠.好食又點,

尋晚同d friend去食過, 裝修幾好, 但地方不太乾淨, 食物幾好, 俾80分, 但d 待應態度麻麻, 我地3個人食左3餸1湯, 其中一個餸係九里香骨, 但上枱佢地話係蒜香骨, 我地再問佢地依個係乜啦, 佢都話係蒜香骨, 咁我地要求換啦, 之後佢拿入廚房, 過左一陣, 佢又會翻一碟一樣的來, 重同我地講:其實九里香骨同蒜香骨差唔多架, 只係蒜香骨多d蒜蓉, 咁我地好無奈咁接受, 但唔係好明,點解過左咁耐佢都唔煮過一碟, 要咁耐先攞翻出來, 重要如果兩樣餸差唔多, 做乜要出兩個菜式呢..重要佢地唔多夠冷氣, 超熱....一路食一路流汗... 埋單$210, ok啦, 不過要講翻句..佢地d食物水準真係幾高, 值得一試!!

可能地點關係,加上要迎合市場需要,加記午市只造普通套餐,主力晚市,6:00pm已經要排隊,客似雲來.好有wok氣.抵食! 係石塘咀近年最巴閉既!

今晚去食完，價錢唔算太貴，免加一茶芥，味道頗佳，菜式也算特別，有私房菜feel，大大碟，大大盤，其中「陽光＋二菜」共有＋二款素菜煮成，用面盆般大的盆盛載，只是48元，十分抵食，椒鹽鮮魷雙拚不可不試，周末假日如果沒有訂檯，就會白行一趟