加太賀

營業中

休息中

價錢唔算貴，但係D食物唔差，味道，門面裝飾都唔差……唯一唔夠好的係D食物的份量

年幾前我都試過係加太賀食野之後都冇去過喇...因為個度d侍應真係好唔掂呀...講野又大聲又唔應人呀....仲面黑黑架...直至到前日我朋友生日話想去個度食野我至再去...不過今次0既感覺完全唔同哂喇...就算我地未叫d侍應佢地已經主動過黎問我地有咩野需要呀...同埋佢地個個都好有笑容呀...比年幾前我係度食野完全係兩回事呀..可能當晚唔係太多人喇...侍應都有同我地傾幾句架...仲有我朋友切蛋糕個時仲有生日歌唱架...我都未試過係其他餐廳會試過播歌仔架...幾鬼過癮呀~~食物方便就好似多左好多新菜試架....而且價錢唔係好貴架...總括黎講食物同服務都比以前好左喇~~~

我今次去加太賀食，都好擔心侍應態度同切粒魚生，因為上次好唔開心！服務差同唔好食的切粒魚生。但今次我好開心！服務比已前好，魚生改善。

上星期去加太賀,完全唔駛等位,同前幾年相差好遠!由於人客少,坐位感覺上寬闊左,好坐左。但食物質數就退步左,價錢無變,唔算抵食!服務態度亦始終如一,非常差!

今晚星期六9:00左右去吃dinner, 完全唔需要等位(生意果然大不如前~)1. 花之戀- 一般2. 什錦刺生(細) - 好似無以前咁fresh3. 蒜蓉蟹籽炒飯- ok4. 炸蝦什菜天婦羅- 合格, 但炸蝦好似無以前咁好味整體食物質素雖比以前差些少, 但都叫做ok...不過我印象中, 以前我同男友兩個人食, 除非叫好多食物, 否則大多唔會過$200, 但今次埋單要$240, 我覺得無以前咁抵食囉...

我之前都去食過，食品一般，而且環境又唔算靚，d服務就差啦.....所以整體上係唔抵食，無再去lu~~

好多年前開始去加太賀,當時雖然覺得佢地食物味道只係中上,但勝在菜式花款又多又新穎,淨係花之戀壽司已名動全城,而且份量又足,所以明知大排長龍都會乖乖地捧住銀兩俾老闆使。時至今日,加太賀唯一仍然令我留戀的,就只剩下土佐豆腐,因為第二道食唔番個水準;成名菜式花之戀壽司已經好多地方食到,又唔覺有乜又新又好0既新菜式;服務水平中下,交通唔方便......

不停聽見待應大聲講粗口，客人走左佢地會叫ＤX 走左啦！執野啦！我相信自己食完都變左咁！>_<

要佢退食物, 居然咁講野!?好有興趣知你地打佢回頭o既原因係乜!?

些員工服務態度好差, 原本生日好開心, 但去那兒, 有食物不對要退, 他的員工還話我們無錢食就唔好食, 最好還要我收我們一半錢! 好怒呀! 以後都叫人不要再去此食店呀! 我有九拆咭到不會再去呀!

我上幾個星期同d 朋友去d花之戀sushi上面d三文魚真係冇以前咁freshd食物又上得慢仲好似細碟左添個蟹粥d味道又好似差左咁所以下次都未必會去lu

起初同朋友三個人好有興致咁去到....諗住即使要等一下都值得.....點不知..吉位多的是...去到就有位....侍應仲多過人客....我地5分鐘就選好食物.....但7..8..分鐘都唔多覺有人理會....叫好又等左15分鐘先到...仲要係手卷...魚生...味道亦只屬一般.....到最後埋單亦都係.......等......................................................唉~

其實「加太賀」的員工係咪需要再培訓呢?個個對佢地的評語都咁差，老闆，做d野啦!!咪累死自己呀!

以前佢大排長龍, 坐到背貼背的日子都已經過去啦, 呢d唔知係咪就係"有咁耐風流, 有咁耐........", 嘻嘻....order了一個加太賀沙津, 依舊大份, 材料係個d菜,蟹柳蟹子粟米咁上下,如果比番一兩片三文魚咁就good啦, 始終都係日式,有三文魚先似樣. 土佐豆腐依舊熱辣辣大大舊,饅魚炒飯係我既favour, 料多炒得好味. 叫了一客新菜係"芝士煙肉焗生豪"6件, 細細粒豪, 但係個芝士焗得好香味好濃, very good, 意想不到的好.而家其實已經裝修到有兩個私人房(收minimum charge), 其他舖的檯都無以前咁迫, 而家好鬼鬆動, 好明顯係無咩客啦, 但service係依然咁差, 派籌個阿姐黑口黑面, waiter叫極唔應個d啦

1.我不嬲覺得佢d三文魚唔好食2.我覺得佢有個"長腳crab"好正!極力推介呀~ 好似是$80,有四"夠",好多肉好厚,好飽肚~3.一提係佢個汁好正,酸酸地~同個crab好配合4.夏天食一流~