加太賀

營業中

休息中

0尋晚同男朋友去左食加太賀，我地叫左......彩虹壽司花之戀海鮮燒餅日式炒飯彩虹壽司- 我覺得一般0者。冇咩特別~花之戀- 次次我去襯加太賀就一定叫既! 好好食呀!!海鮮燒餅- 呢個亦都係我襯加太賀就一定叫既! 我既至愛! 不過份量太大喇!! 如果可以叫半客就好喇!! 因為我地兩個人真係食唔晒~ ><"日式炒飯- 我就覺得唔差啦，男朋友話好好食~講到服務- 埋單既時候，個侍應比左兩粒雪糕糯米"米茲"我地。我唔鐘意食菠蘿味，就叫個侍應幫我換第二隻味。佢同我換左幾次都仍然係咁好禮貌! 值得一讚!! ^^ 整體上都唔錯啦~ 招呼幾好呀~ ^^《不過我就覺得去加太賀始終都係一班人去食最好!! 》

昨晚和朋友去該處吃飯,其實唔想去,但年幾前應承左帶佢去,所以咋晚オ會去.去到發覺沒有以前那麼熱鬧,用來等位的鋪子也沒有,上一次去己是3年多前的事,我們叫了-什錦刺身(細)-海膽壽司-蟹子壽司-花枝壽戀司-燒墨魚咀-燒雞皮-海鮮茶壹湯...刺身size 細,除左三文魚外,樣樣薄chic chic味道一般,用料麻麻,服務幾好我唔會再去,位置又唔方便

我五年前去過, 已經覺得又貴又唔好食, 都唔明為咩要去到咁山卡啦, 又要等咁耐去食D 咁普通o既野, 如果佢地想用食物來做selling point, 咁就一定唔掂, 我唸D 人都係比呢到o既裝修吸引, 但D 人去過一次影過相後, 都唔會再去, 因為都無o野值得佢地再去了!!!!!近排經過附近, 即管去再試試, 去到都唔駛等位, 入到去重有好多吉位tim, 點知食完, 真係好後悔, 我地order 了一個二人餐+ 花之戀人壽司, 二人餐有咩食都唔記得, 但就記得有一碟牛柳, D 牛柳非常韌, 非常難食, 我地要叫佢地再換過一碟先好D, 其他o野就非常普通, 真令我再一次失望......我地說過以後都唔會去, 希望佢地會有所改善啦!!

我同我屋企人去食飯,去之前仲睇完啲評論先去.我諗冇想像中咁差呀.....都好好食!雖然人流唔係話太多,但都唔係得小貓三四隻.我覺得啲壽司有一定既水準,刺身又夠新鮮,入口仲好甜,價錢唔係貴.但係龍蝦剌身就麻麻,冇乜味道,淨左既就用嚟煲粥,反而就好好食,有好多膏.只於小食其實同出面都差唔多,但係算幾抵.特別要讚下個燒餅,幾有創意.最後講既當然係服務生既態度,佢地好似得好小人咁,叫人要噤鐘仔.但係我又唔明.佢開到咁大間(因為佢分a,b,c,d,e房),生意又大不如前,點解唔整細啲,雜中啲.等啲服務生可以只招呼一間或兩間房.莫非舖租平?但係都要理下啲 客人既感受.(食完有遊戲玩)

都有成5年冇去過呢度，上星期五晚8點9去到，冇book檯都即刻有位，兩個人坐bar檯，張都幾高，冇咁上下身手都好難”爬”上去。我地點左”夏”的2人套餐：錫紙焗牛油牛肉粒：幾香，好入味，但略嫌咸少少，”送”飯較好；雜錦刺身：份量單薄左d喎，好彩都新鮮；海鮮火鍋：我起初唔知佢地會將烏冬擺埋落去先，呢種做法我唔係咁鐘意，好易吸哂d湯底。D料都幾多，有好多三文魚骨lung d 肉、獅子頭、金菇咁lor，唔駛指意有貴野，總知’則’到你飽為止。食物整體上非常普通，可能我地冇省叫貴野食啦。但出邊條街就真係幾唔衛生，條坑渠係咁嘔白泡，應該係去水唔夠快，個廁所只有一隔，去完廁所一開門出來就對正條街……我下次寧願去番黃埔食好過！

前排同朋友去食，係第一次去食，朋友話長腳蟹腳好味，咪叫了一客，但黎到一睇，d蟹腳都未解凍，重結緊冰既。搞到放左一陣便出哂水，麻麻地~但其他壽司個d都算係ok好味~

我覺得卡太賀既野食質素是不錯的，但我都像其他人一樣越來越少去食。想了想，應該是以下原因：<br /><br />１．地點太不方便了，要冇車的人特登走去就唔係咁易，<br />２．太出名，食客要求就自然好高，但餐\廳方面又冇乜大進步，所以食客越食越無新意，就覺得佢\退步左咯。<br /><br />我而家間中都會去食，食番我鍾意個幾味，例如菊花蝦，招牌沙律、燒三文魚呀咁（我唔係幾好魚生既），質素次次都差唔多，冇特別差到，但亦冇乜驚喜菜色喎。

加太賀之前真係好出名, 我都成日去, 之前我公司一行17人到有房, 真係食七咁食呀, 一坐低己叫了2隻刺身船$612 for 1, 我覺得不是傳說中的好食, 唔抵, 花之戀次次來都必吃, 都ok ge 不過太多人的時候手工就ma fu 了, 串燒唔低, $32只有兩串, 蟹粥一流, 個個同事都無一不讚,鮮甜度高又綿又熱仲有成大隻蟹和蟹子煮成,實在係人間極品,yummy~~ 仲有我鐘意佢d軟殼蟹卷都係超正, 其他食品就真係麻麻地喇, 比新開張時為差, 現不收加一但我地食左成$54xx, 好彩有九折咭實收$49xx, 總結現在人流真的不如之前, 可能大家都開始食到悶悶地吧~~

我住喺加太賀樓上,日日都會經過,由已前好多人,到現在小貓三四.早兩日,我同朋友想唔到去邊度食飯,所以就去左加太賀食飯,感覺就係貼錢買難受,都唔知算係乜野曰本菜,魚眼,魚皮,魚骨,蝦腦,蝦腳,通通都係一d垃圾名菜,大佬要俾錢ka,花之戀壽司,三文魚加沙律醬蟹籽有乜好食,個d裝修靚咩,食野洗錢最緊要開心.但佢比唔倒我, 到兒家我明白, 點解由已前好多人,到現在得小貓三四喇. 仲有我想回應番之前兩位,首先係周圍食,我喺加太賀樓上住嫁, 喺 LEE 幾年, 我真你未見過熱鬧多人, 員工仲多過客人. 然後到小市民,係..... 環境變左好多, 不過係變差左, 整到絛街dirty到死, 唔該佢地兩位唔好再做馬啦啦!!!!!!!!!!!!!!!!!!

加太賀出名氣氛好, 香港無幾間可以做到,前個星期我先去完,人流都叫多,都好熱鬧下,見條街咁靚仲影埋相添,你幾時去架?唔係日頭去掛?

無去加太賀一段時間，上次跟朋友再一之去果度，發覺果度Ｄ環境變左好多，（與我印象中不同）無變既是個遊戲攤位，果度Ｄ食物都比以前好味左，令我感到喜出望外既是Ｄ服務，同以前差好遠，Ｄ服飾員ＧＥ態度比以前和藹，一同佢有眼神接觸就到（好以前好多呀^.^)。有機會都會再去。

前排行開紅磡, 諗住入加太賀食飯,但係行到門口都唔係好敢入去,好似無人幫襯咁,得小貓1、2隻,員工仲多過客人!唔係真係差成咁呀?結果梗係無入去啦!

難得過海食飯，朋友提議去紅磡加太賀，SURE!久仰大名。本來滿懷興...點知卻換來一太堆失望。Service: 都幾差，工作人員亳無笑容，亦唔主動。有d仲過份，掛住傾計唔理顧客。激死!Food:燒多春鱼(4條)- 好油；燒得唔夠香唔夠脆。燒八爪鱼丸(8粒)- OK,足料但presentation好核凸。三文鱼刺身- 普通，食得出並唔係上乘三文鱼。(元綠quality)加州卷- 超難食，飯好硬又無材料。網燒牛肉- 凍，扒身又乾又冇味。燒白茄子- 又係好油。天婦羅- OK, 味道毫不突出。炒野菜烏冬- 呢個反而唔錯，可惜胡椒落得太重手。Cost:$250 價錢唔算貴，但我都係prefer去和民或魚一丁。

好記得幾年前個個星期都會去幫襯, 但依家真係差左好多, 招呼又唔掂, 都諗唔到再幫襯既理由。

係半年前去過, 真係叫乜無乜，都係跟住牆上面menu 叫，但係起碼有一半係無，食物又唔係話好食過人，真係唔明點解咁出名!?