劉興記生煎包專門店

營業中

休息中

知道出左新野，加上好掛住爆汁生煎包🤭又去食下先，真係平日都係爆場，好彩排隊都係等一陣就入得去🤟🏻🥟今次叫曬3款，一次過食晒三款口味😆！📍招牌🥟又叫經典招牌，都係嗰句勁多汁，好抵食 $35/4隻，食到最尾嗰隻，已經有晒經驗好小心，竟然都一Bit咇咗去前面杯豆漿度😆😆👍🏻👍🏻！🦀蟹黃🥟都有香香嘅蟹黃味，仲有少少蟹膏👍🏻 ！瀨尿蝦🥟淡淡海鮮味，相對就另外兩款吸引D😋！🗯️瀨尿蝦🦐🍜 $78一啲都唔算貴，size有成隻前手臂咁長，見到網紅介紹已經好想試😝期待期待期待丫！👍🏻肉質都彈牙，連佢pat pat位我都唔放過😆! 食埋個麵配埋湯底，我調冇加任何調味，有瀨尿蝦海鮮嘅味，好襯個瀨尿蝦肉😘！ 🥛$0 ～出邊真係好少有，豆漿係任飲，我係鍾意豆漿，唔甜🥰 姨姨職員都會不停同你refill👛😝😝經濟實惠，又回味 ！如果大埔上水粉嶺開分店就係必食飯堂😝！ 同埋好欣賞係自助QR code落單🤭

今日行過大圍，見到呢間新開嘅生煎包店大排長龍，身為吃貨嘅我梗係要入去試下啦！😋佢哋嘅生煎包真係名不虛傳，首先要推介嘅係蟹黃生煎包🦀，一咬落去，啲蟹黃香味即刻爆發，個包嘅表皮煎到卜卜脆，入面又好多汁，正！另外，佢哋仲有瀨尿蝦生煎包🦐，呢個配搭真係夠晒特別，鍾意食海鮮嘅朋友一定要試下。當然唔少得招牌生煎包🐷，啲肉汁真係香到不得了，啖啖肉，好滿足！除咗生煎包，佢哋嘅麻醬青瓜雞絲粉皮🥒都好足料，麻醬好香，撈埋啲青瓜同雞絲一齊食，好開胃，食到停唔到口！仲有招牌擔擔麵🍜，都好好食，不過今次試唔晒咁多嘢，下次一定要再嚟試下其他款式！

【沙田區】【劉興記生煎包專門店】自從之前同經理哥喺元朗食過一次劉興記之後，一直都念念不忘呢間全名叫「劉興記生煎包專門店」嘅上海嘢。同莊敬哥喺大圍做嘢，知道呢頭都有分店，就同佢都嚟試吓呢間。店內係用 QR Code 落單，非常方便，好快就落好單，上埋菜，順暢又絲滑嘅。首先嚟嘅係 $25 嘅「秘製上海炸排骨」，炸得幾好，啖啖肉。跟住試出名嘅生煎包，首先係 $38 兩隻嘅「蟹黃生煎包」，蟹粉味好濃，為生煎包注入咗新元素。跟住試 $28 兩隻嘅「瀨尿蝦生煎包」，呢款唔只有鮮味，仲保留到瀨尿蝦獨有嘅蝦味，好正呀。跟住試碗 $35 十二粒嘅「雞湯小雲吞」，一啖一隻啱啱好，勁邪惡。最後試埋 $28 嘅「手工豆沙鍋餅」，都好食，性價比幾高。最重點係，今次都係有得「任飲豆漿」，平時喺第二度叫一杯動輒都十幾蚊，呢度係任飲唔嬲。埋單 $154，飲多杯都抵返晒啦。。。（地址：沙田大圍積信街27號地舖）呢間餐廳我寫過其他分店嘅用餐體驗以及食物，如果想睇，可以打以下 hashtag 搜尋返嗰次嘅用餐體驗記錄：元朗區分店：1am1636#1amfoodie #foodie #hkfoodie #thatfoodie

嚟到大圍以爆汁招牌生煎包聞名嘅劉興記生煎包專門店，未去到門口已經見到好熱鬧呢，無論堂食定外賣同樣人氣高企！店內裝潢整潔，店員服務態度熱情，好主動咁幫忙斟滿豆漿，而且價格仲好抵呀，嚟大圍以後又多一個選擇呀！✨ 招牌生煎包生煎包外皮煎得金黃酥脆，咬嘅時候肉汁瞬間爆出，肉餡鮮嫩多汁，口感一流！✨ 招牌擔擔麵擔擔麵湯底濃郁帶少少辣，麵條軟硬適中，仲有櫻花蝦嘅鮮香，成碗麵香濃掛汁。✨ 原味上海小籠包小籠包薄薄嘅皮完美包住滿滿嘅熱湯，肉餡滑嫩鮮美，加埋醋同薑絲食起嚟層次豐富。✨ 酥炸小雲吞小雲吞外皮香脆，分量啱啱好，真係食唔停口呀～  

【雷門為食街 Layman's Yummy Guide】復活節長假最後一日，8點半去到大圍諗住無咩人，結果離遠已經見到有人等位😂 好彩排第3組人，around 10分鐘已經可以入座，後面仲排緊幾組人，力證小店經常排長龍!!! 👧🏻🍴劉興記生煎包專門店 @大圍積信街27號地舖我哋叫左兩隻蟹黃生煎包 ($38) ，來到未至於熱到辣嘴，但真係爆汁，大家都食得好小心，差啲噴到大家LOL 不過蟹黃味無想像中咁出🤧 >>> 本來打算生煎包+小籠包都試下，結果後者基本款售罄，得返蟹黃款，$80/4粒真係唔太捨得食...😣之後叫咗生炸雞排 ($25) 加蔥油拌麵 ($30) 👍🏻 唯獨呢個配搭無得叫套餐，但價錢相差1蚊，所以照嗌 😂 個人覺得兩樣都好食，蔥油無撈混已經夠入味，如果加生蔥花都應該好食；雞排賣相麻麻，但食落是OK的，唔會好乾好鞋~仲附送豆漿!!! 不過味道健康唔太甜，未必人人都鍾意飲~~ 整體來講食得開心!!

大圍一間需排隊的上海菜餐廳主打上海菜 爆汁生煎包尤其有名其他菜式也性價比很高價錢亦很親民排骨蔥油拌麵拌麵麵質彈牙 醬汁微甜 掛汁攪拌均勻後吃很惹味而排骨會另上 外脆肉嫩蔥油雞扒菜飯雞扒同樣外脆肉嫩菜飯份量足夠 偏乾身粒粒分明生煎包外皮煎得脆 豬肉餡新鮮一咬就爆汁 好吃店內招牌必定要點來試試。～上海小籠包一籠4個小籠包皮夠薄 內裏亦有滿滿湯汁蘸醋更惹顆豆漿點套餐可仼添 不太甜劉興記生煎包專門店 (大圍)大圍積信街27號地舖

估唔到6點幾去都要排隊，不過等咗唔使半個鐘都有位了，證明都真係多人食。叫咗個set，貪佢可以任飲豆漿，之前睇到啲人話個味比較淡，好似水咁，飲落又唔係，不過個味似豆奶多啲。個set係雞扒菜飯，再加一粒生煎包。其實我哋本身叫咗蟹粉生煎包，不過想試晒2隻味。我個人就中意蟹粉多啲，佢真係有蟹粉喺入面，肉眼睇到，朋友就話原味正啲，因為汁多啲。至於個主食，個菜飯真心好吃，佢一啲都唔油，菜真係多，個飯甜甜哋，調味夠既，不過雞扒就真係普通炸雞扒，冇咩特別。朋友叫咗個好大碗既炸醬麵，咁先三十幾蚊，味道好食既，不過佢係肉碎唔係肉絲，但呢個價錢真係冇得輸。甜品要咗個豆沙窩餅，一定要趁熱食，先會外皮脆。佢比平時食既豆沙窩餅厚身少少，如果薄身少少應該仲正。

買外賣等得耐不特止，仲要收外賣費，遂樣同你計，加加埋埋要俾多幾蚊不特止 最慘買個雞絲酸辣湯粉，唔同你分開放，個粉一早整好但因為有買生煎包，等咗45分鐘； 個粉就浸足係啲湯入面45分鐘，返到屋企啲粉吸晒啲湯，變到一pat pat，勁難食，呢間嘢啲嘢食真係一般般，根本唔值得排隊同浪費時間去食落單時明明問咗要等幾耐，一句好快好快，點知好快係要等45分鐘， 真係搞笑。 如果一早知要等咁耐，根本唔會落單，簡直浪費人時間。

餐廳環境狹小, 午膳時間座無虛席, 拼座是意料之內。由於枱面空間不多, 食物放置需與拼座的顧客互相遷就, 且與鄰座顧客甚為相近, 頗有壓迫感。食物種類不少, 有小籠包, 生煎包, 湯麵, 涼拌, 拌麵, 拌飯, 菜飯, 湯丸, 小食等。如選人氣熱賣皇牌套餐, 奉送的豆漿更可無限添飲。人氣熱賣皇牌套餐 S2 $541) 蔥油雞扒菜飯2) 生煎包1隻3) 豆漿 (可無限添飲)蔥油雞扒菜飯賣相不俗, 菜飯的飯菜比例得宜, 香口不油。雞扒炸得香口, 少許油膩, 肉質不柴。生煎包包底煎得香脆, 面頭的黑芝麻增添香氣, 肉餡飽滿, 正如小店溫馨提示, 吃時需小心翼翼, 以免爆汁弄得狼狽。豆漿豆味明顯, 不甜, 感覺健康, 套餐可無限添飲。

劉興記生煎包晚飯套餐上海排骨菜飯菜飯唔油膩，軟熟口感啱啱好，少少碎菜夾埋米飯配合及味道冇特別驚喜，如果再多啲蔬菜或加少少雪裡紅會較好。豬扒夠鬆軟，炸䊢亦都厚實鬆化，唔會太油膩肥騰騰，肉質略為薄身兼且乾身。豬扒醃料汁液本身唔鹹，不過已經足夠掩蓋晒二師兄嘅味力，以炸豬扒質素嚟講算OK。生煎包生煎包賣相扁撻撻唔吸引，皮厚度都算合格，生煎包底部餡皮鬆化酥脆，唔係好似傳統生煎包模樣，湯汁上枱時冇穿漏，豬肉味唔係咁濃，一啖咬落去口感豐富。豆漿清淡黃豆味而且夠晒濃度味帶微甜，自己則喜歡飲開平時濃度較輕盈款豆漿。餐廳裝修簡陋，店員服務都算可以，衛生程度唔係太過理想，而且座位及枱凳距離非常迫喼，但係都有好多人排隊堂食同埋外賣。

我食大圍果間，爆汁生煎包，名不虛傳。熱好耐，要小心食，咬少少吸左啲湯，不能心急大啖，啲汁噴射出黎😂。排骨拌麵，麵多，排骨肉質淋，即炸新鮮熱辣，拌麵味香。食晒超飽。跟餐係1隻包，果日散叫麵，同同事2人叫6隻，每人3隻🤭

突然記起有朋友曾經講過大圍有好多美食，於是就帶埋小朋友兜咗幾個圈，見到有間小餐廳排滿人，心思思又走去排下！然後發現原來係大圍人氣嘅生煎包！一坐低就叫咗✨招牌生煎包（2隻)，煎到好金黃香脆，咬落去仲會爆湯汁添！真係必叫！推介！❤️✨原味上海小籠包四粒！入面嘅肉又新鮮又多汁！✨麻醬青瓜雞絲粉皮見佢哋熱門嘅其中一項係麻醬青瓜雞絲粉皮，我就忍唔住叫左個，麻醬同粉皮嘅比例非常之好，雞絲同青瓜都唔少，食落唔會太乾口，而且味道很好！推介！❤️✨蔥油雞扒拌麵個雞扒新鮮炸出，外脆內軟，再加埋個拌麵，唔會煮到爛晒，勁爽口，佢哋嘅蔥油都有處理過，超香口！推介！❤️✨酥炸小雲吞（12粒)食落個皮唔會好厚，炸出嚟都唔會好多人！啲蝦好新鮮！如果下次配埋甜酸汁就會更加好啦😆✨最後就梗係要嗌埋佢哋嘅豆漿，叫完先發現原來係可以免費任refill!! 真係好正！😂❤️

6點收工過嚟已經要排隊😮聽講呢度嘅生煎包好出名，今次專登過嚟試吓🫢叫套餐仲有豆漿任飲，真係抵食😆🍖 招牌上海排骨菜飯 + 生煎包1隻 $54 （😸😸😸😸😺）生煎包真係熱辣辣，一咬落去就爆汁，湯汁鮮甜，皮薄餡多，絕對係招牌之作😋門口仲寫住「如果生煎包無爆汁，可免費更換」，果然信心十足！😎排骨大大舊，炸得外脆內嫩，肉質唔會乾柴，配上菜飯，健康得嚟又好味，整體份量足，食完好滿足👍 🍜 蔥油雞扒菜飯 (轉拌麵+$10） + 生煎包1隻 $54 （😸😸😸😸😺）拌麵唔會太鹹，調味岩岩好，麵質彈牙，吸晒蔥油嘅香味，好開胃😍 雞扒炸得好脆，外皮香口，肉質嫩滑，配上拌麵食真係一流！👍🏻當然唔少得生煎包，同樣爆汁，食完真係想encore😋🥟 上海小籠包 4隻 $40 （😸😸😸😸）小籠包皮薄餡多，湯汁鮮甜，一啖咬落去，湯汁即刻湧出，好滿足😍餡料調味恰到好處，唔會太鹹，配上薑絲同醋，味道更加提升，係一道好適合分享嘅小食👍

下午茶時間經過呢度，見到有人排緊隊，心思思想試下👀等左一陣，好快入座😆叫左小雲吞套餐（$54），有12粒小雲吞😍原來都幾大粒，一啖一粒，食完都幾滿足套餐仲有兩個生煎包🤩比我想像中大個，咬落去勁多湯汁😋外皮唔會硬，上面軟下面香脆😍😍餡嘅調味調得唔錯😋好味😋😋另外仲點左兩個蟹王生煎包（$38）😬同普通嘅質感一樣，係個饀多左蟹王，味道濃味啲另外值得一讚嘅係豆漿任飲🤩豆漿唔甜有啖啖豆香👍🏼店員都好nice😍😍難怪下午茶時候都要等位😗

一直好想試試的大圍人氣上海生煎包。果然一試難忘⋯⋯雖然店鋪不大約有廿幾個座位但人們都願意等都知食物質素一定唔錯👍佢地仲有冇限量添飲小甜豆漿。良心小店👍👍人氣生煎包, 煎到出面金黃脆口內裹仍十分多汁最重要係夠熱（小心燙口）招牌小籠包，又係必叫的。 皮薄肉鮮多汁⋯⋯即叫即蒸佢哋仲有五款熱賣皇牌套餐非常扺食，鍾意樣様試少少嘅我揀左雞絲酸辣湯餐，雖然足料但可以再辣少少的。之後再叫左雞絲粉皮⋯⋯滿滿雞絲加上青瓜絲拼上花生麻醬撈粉皮，清新解膩👍總括而言，值得再試的小店，服務良好同埋碟碟足料價廉物美⋯⋯