劉興記生煎包專門店

營業中

休息中

叫咗招牌生煎包，汁係多嘅，但啲肉有好大陣騷味，有加胡椒粉，但都去唔到陣騷味，唔明點解咁多人話好食之前食過其他分店都唔係咁，有啲失望，所以不會再幫襯了。另外仲叫咗個雞絲粉皮，係熱嘅，麻醬偏多，味道都係麻麻地。

自從大圍分店開了之後，日日夜夜都大排長龍。有見及此，我都特意地5時半就到達，誰知最後還是等了半小時才能入坐。———————————————————————點了它的熱賣皇牌套餐S2。本身以為是前菜size的雞絲粉皮，竟然裝滿了一個湯碗！味道正常～麻醬味十分足夠，雞絲份量都多，但沒想到佔據整碗雞絲粉皮最多位置的是竟然是青瓜！比粉皮還要多！我想我頭十口都只是食到青瓜。生煎包美味多汁，一咬下去，當中的肉汁猶如開水龍頭般流出來，肉餡本身都很大粒鮮味，包皮煎得香口，又薄又脆。另外值得一讚的是點了套餐就可以無限添飲豆漿，豆漿有豆味，甜度只屬少甜，相信大部分食客都會滿意。———————————————————————劉興記價錢公道，味道中上，難怪分店愈開愈多。

早排去旅行去左上海，愛上吃上海菜，所以返到黎香港都搵左間黎吃，止下癮😆劉興記，好出名，唔洗講😂😂吃完發現真係難怪佢咁出名，好吃過上海好出名個間大壺x 😂🤩山煎包叫左招牌同蟹粉，兩隻都好多汁，佢仲要講明無汁一定換比你，可以見到對自己出品好有信心😝真係好好味！包既皮一啲都唔厚，好香，煎得剛剛好👍叫左糖醋排骨菜飯同蔥油雞扒菜飯，份量都是好多，雞扒炸到好香口，糖醋排骨好好味，開胃，配菜飯一流👍👍最後一定要講，佢叫夠$60就有豆漿任添😋啲豆漿飲落有渣嫁，真係真材實料👍👍堅好味過係上海吃😂😂

二訪這間人氣食店舖頭出晒名經常大排長龍當晚6:30 到已經要排15分鐘招牌生煎包$20（2隻）生煎包係即叫即煎，包底煎到非常香脆咬開超多汁看到枱上的牌子寫著「一口爆汁, 來這家店, 千萬別穿新衣服!」 笑咗 ~麻醬手撕雞絲粉皮 $35麻醬手撕雞真係有雞味，粉皮都好滑溜溜手工豆沙窩餅 $28由於不是太多上海食店都有豆沙窩餅吃所以看到都要點這個窩餅煎得脆香口任何套餐或者滿$60 或以上就可以豆漿任飲

之前買過食過幾次招牌擔擔麵，覺得好濃郁，面軟硬適中，汁又濃稠今日再食，面太淋，咬落覺得小爛，似乎煮耐左，汁都稀左同食落冇咁濃香，同之前比較，差左（返去5分鐘內路程，唔存在浸得太耐嘅程況）

垃圾中嘅垃圾，外賣平台 叫咗個鹹肉菜飯同埋兩隻生煎包, 90幾蚊都唔緊要，個菜飯小到嚇死人,真係垃圾中嘅垃圾,咁樣做生意真係完全對唔住良心希望你哋嘅廚房自己反省一下唔好做衰自己

第一次幫襯，所有食物無味，仲以為自己味覺有事，問我先生，佢都話冇🙄 問佢可以比少少豉油我，落去菜飯度，唔想晒左d飯，店員話冇，只有排骨汁，但帶酸昧的，如何𤏪飯？ 佢話廚房都冇豉油🙄！另外炸豬扒乾而無味🙄 所謂出名生煎包硬、凍，無湯汁！非常之難食🫤 不推薦不回頭🫠

呢間餐廳主打生煎包。迷你雞絲酸辣湯＋生煎包，套餐價錢$59，包括六隻生煎包同雞絲酸辣湯～～～酸辣湯酸香開胃，雞絲嫩滑，爆汁生煎包，生煎包內裡多汁，咬一口湯汁四溢。晚市仲有凍豆漿任飲。另外，招牌擔擔麵$42，擔擔麵麵條彈牙，花生醬香濃，辣味適中。麻將手撕雞粉皮$35，麻將醬香滑濃郁，手撕雞嫩滑，粉皮清爽。呢度嘅中式小吃選擇多樣，夠哂平。平日晚市都幾多人，好快就有一條長龍。要排隊入去食，所以建議早啲去～～

生煎包的確係多汁，但食到陣臊味。第一次食豬肉都有哩陣味，個人就係唔鍾意。 雞肉酸辣湯都唔太好飲，雞肉係就咁放面，唔係一齊煮。 個場好熱，好熱，好熱。 我開頭諗係咪特登冷氣開得細，但見係較咗15度，不過冷氣機好多塵，好污糟。額外叫咗個炸雲吞…都係唔太好食

[ 劉興記生煎包專門店 ] 呢間正宗上海生煎包專門店近幾個月超高人氣！港九新界都有分店，招牌生煎包新鮮即煎，粒粒爆汁😍。✿ 招牌生煎包 $30 (4隻) / $45 (6隻)✿ 蟹黃生煎包 $18/隻生煎包有兩款口味，搓皮至包餡都係全人手，保留原始風味👍。煎製後加黑芝麻、蔥花增加香味。兩款生煎包頂部鬆軟，包底煎至金黃脆口，包裡多汁到爆汁！豬肉餡料較少肥肉，肉質鬆軟。「蟹黃生煎包」將蟹膏🦀、蟹肉混合豬肉，味道鮮甜😋。✿ 雞絲酸辣湯小雲吞(6粒) $32除咗生煎包亦都有上海小雲吞，一口一顆方便食。酸辣湯酸辣平衡有層次，湯羹有雞絲、竹筍絲、木耳等，足料飽肚。✿ 秘製上海炸排骨 $22 🐷豬排炸得金黃酥脆，肉嫩多汁。總結🫦 店內生煎包新鮮即煎，每粒都熱辣辣爆哂汁，另外有菜飯、湯麵、酸辣湯等上海菜式，價錢親民👌。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿劉興記生煎包專門店地址：大圍積信街27號吉慶樓地下✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

.#foodie #hk #hkfoodie#HTB美食推介【大圍馳名上海菜｜🥟排長龍招牌爆汁生煎包】皇牌1 (上海炸豬扒湯麵+招牌生煎包+低糖豆漿） $54🐨上海炸豬扒湯麵推薦度：⭐️⭐️⭐️⭐炸豬扒一樣係新鮮炸起，所以相對等嘅時間會耐少少。炸豬扒係薄身一咬落去好軟唔會好韌，有少少嘅肉汁唔會太乾身～湯麵就相對比較清淡，但係麵質好彈牙。.🐨招牌生煎包推薦度：⭐️⭐️⭐️⭐⭐招牌係名不虛全，基本上一落單已上菜嘅速度～一上枱嘅時候熱辣辣，咬落去爆曬啲汁出嚟！！！包皮煎得好香，底部有香脆嘅口感、上面就似小籠包咁皮薄～.🐨低糖豆漿推薦度：⭐️⭐️⭐️⭐⭐低糖豆漿有驚喜，飲落豆香好濃，而且質地好濃稠，飲落口有漿住嘅感覺～！只要嗌套餐或者超過$60，仲可以免費添飲添😋😋.🐨蟹黃生煎包 $18推薦度：⭐️⭐️⭐️⭐⭐由於知道餐廳特別出名生煎包，所以都試埋佢另一款蟹黃版，食落蟹黃味好出、好鮮甜，相對地冇招牌咁多汁，但感覺味道就更加平衡～建議大家嚟都一定要加配！！——☼——☼——☼——☼——☼——劉興記生煎包專門店📍地址：大圍積信街27號地舖🐨推薦度：😋😋😋😋😋/5 🪸環境：👾👾👾👾🗣️服務：👍🏻👍🏻👍🏻👍🏻📸食物打卡度：💡💡💡

行過路過唔好錯過，佢嘅生煎包真係出晒名多汁，而佢嘅包皮亦都充滿着芝麻嘅香氣，咬落好香！一定係必試必食！如果肚餓嘅話，建議你揀佢嘅皇牌套餐，包埋嘢飲都係$54！今日我就揀咗麻醬雞絲粉皮加生煎包兩隻、 雞湯鮮蝦雲吞加生煎包兩隻～麻醬雞絲粉皮超級大兜，麻醬亦夠多！粉皮晶瑩剔透，咬落去相當煙靭。鮮蝦雲吞皮細細粒，皮薄餡靚，湯底清清地唔會太鹹，裏面仲搭配兩條菜心添~套餐亦都跟配一杯豆漿，作為下午茶真係一流，仲非常之有港式風味。

每次經過這間店都看到大排長龍🚶‍♂️‍➡️🚶‍♀️‍➡️🚶‍➡️🎊 而且他們的分店越來越多最近終於去了品嚐一下 ♡٩(❛ัᴗ❛ั ๑)當日時間不到六點 已經有人排隊等候除了人氣生煎包 我們還嘗試了不少上海菜人均消費大約$𝟓𝟎 已經可以食到好飽肚 𓏲 招牌生煎包 (𝟒隻) ($𝟑𝟎) 𓏲他們的招牌菜式 外皮脆口 餡肉鮮甜多汁 ❤️咬下去肉汁四溢（ 我吃的時候也差點燙倒呢✨餐廳標榜還「如果唔爆汁包換」汁水真的爆滿湧出 湯汁十分豐富難怪每桌客人都必點 🥢 𓏲 𝐒𝟏 上海排骨菜飯＋生煎包 (𝟏隻) ($𝟓𝟒) 𓏲排骨經過秘製醃料醃制 經過炸香 味道香濃 配上香氣四溢的菜飯 🥬🍚一口肉一口飯 滿足感爆棚 ♥♥♥𓏲 生炸雞扒蔥油拌麵 ($𝟒𝟐) 𓏲生炸雞扒炸到外皮金黃酥脆 🐣內裡肉質鮮嫩多汁 而蔥油拌麵則充滿蔥香香濃而不膩 令人食指大動 🤤𓏲 手功豆沙窩餅 ($𝟐𝟖) 𓏲飯後想吃甜點 也有豆沙窩餅 🫘切成細件 外皮色澤金黃 內餡軟綿綿的豆沙蓉甜度適中 甜而不膩 也是不錯的選擇 (〃´𓎟`〃)📍 劉興記生煎包專門店 (大圍)🐰: 𝟒.𝟐/𝟓#eatwithkeikei #劉興記生煎包專門店#sweetiedail

大圍道巴士站落車行唔使5分鐘就可以去到劉興記啦位置真係相當方便就算大圍站行過來都只係10分鐘左右喺門口已經見到有好多人等拎外賣走店舖裏面嘅座位大概有六七枱六點幾到 未需要等位餐牌同其他劉興記嘅店舖係一樣所以叫咗我平時最鍾意食嘅套餐套餐嚟講大概平單點$10 $8 生煎包好多人都介紹㗎啦，真係皮薄多湯一定要咬一小口皮去飲咗湯先之後再慢慢食肉心同埋薄皮但我好欣賞嘅，仲有杯豆漿因為豆漿係有豆渣同埋低糖唔似出邊一般超市買嘅冇口感另外食碗青瓜雞絲粉皮麻醬 份量，一啲都唔吝嗇連個雞湯雲吞都好好味，個雞湯真係會想飲晒佢

約了友人到大圍食飯，今次去劉興記，出名生煎包，都有幾間分店(上環都有)，但又想去圍方行下就順便食呢間。差唔多7:30去到，食飯時段，都幾多人排隊，大約等左20分鐘到有位。小小的店子，裝潢簡約。餐牌，要了一個餐及其他散叫。凍豆漿，$8，有點似百福豆腐花味，個人覺得太細杯。招牌生煎包(2隻)，$20，生煎包皮薄入口鬆軟，包底酥脆，一口咬落去澎湃的湯汁湧出來，果然爆汁~內餡鮮甜，味道不俗。蟹皇生煎包，每隻$18。，一場來到就試埋，一樣都係足料爆汁，肉餡內有埋蟹膏蟹肉，鮮香味濃，不俗。雞絲酸辣湯麵，$34，雞絲及配料份量十足，酸辣湯口感稠身，味道酸酸辣辣幾醒胃，麵條份量適中口感彈牙好飽肚。上海排骨菜飯+生煎包(1隻)配凍豆漿，$54，上海排骨，豬扒比較薄身，口感十分香脆，味道正常水準，菜飯唔算好香口，比較普通。生煎包值得試下。