劉森記麵家 (桂林街)

營業中

休息中

從來到劉森記都只為她的但前幾次晚上入來都賣哂所以好一陣子冇光顧了, 今天和同事來到西九龍中心又心思思這美食,不期然行入劉森記好彩今次有得食 ! 一于每人一碟根腩撈加凍可樂 咦, 点解根腩撈上枱好似份量少左既,其實劉森記前排己靜悄悄加左價,雖然只是一元幾角,咁我寧願佢地加多小小好過減份量呢. 好彩食物味道仍然保持水準.牛根肉質彈牙又够厚,咬落好有膠質的口感,反而牛腩普普通通雖然有好濃的牛腩味但唔够元朗個間咁有咬口,有小小痴牙. 撈麵好正,無鹼水味又彈牙又够熱配埋汽水食得好開心,其實有時食好野唔一定要去高級食府, 三四十元的消費,簡單的食物也能令人食得開心

見到咁多好評而又未試過，所以就慕名而去。Check過曬點樣行，但係依然出錯，冇錯，我係路癡一名。最終五分鐘的嘅路程，我行咗10分鐘，好彩都算近。去到當然要點最招牌菜，蝦子撈麵。呃，食落去覺得有d乾。蝦子真係好多。鮮蝦雲吞ok. 是日賣曬牛腩牛筋，唉，唔開心，唯有點個鵝腸牛百葉頂住。酸蘿蔔唔錯，酸辣酸辣的。

好多人都會食劉森記既蝦子面,其實我覺得佢既豬手都不錯是日經過買野,突然好想食粉面, 就入左劉森記叫左一個豬手面首先,  值得一讚就係個清湯冇乜味精, 其次, 就係個面煮剛好夠彈牙,而且面有蛋味没有鹼水味另外, 有D驚喜就係豬手整得夠林好入味, 已經林到接近同D骨分開左我知道有D 人鍾意豬手好軟好林, 有D鍾意好彈牙如果鍾意前者既不防試下呢間.!

係附近做野叫左個（雲呑蝦子撈） $37蚊打開見到都好靚仔 好多蝦子係麵上面但食落覺得無咩味同好乾..雲呑同出面既平價都無咩分別蝦子麵麵質都算幾好係份量唔多總算不過不失 不過唔會再食

是日晚餐：牛腩鵝腸雙併牛腩入味，夠腍；鵝腸爽，脆，滑！蝦籽墨魚丸水餃撈麵蝦籽份量多，夠香口，墨魚丸口感彈牙，水餃大隻，皮薄，鮮蝦餡足料，湯很清甜，無落味精，混入撈麵來吃，麵質很有嚼勁，口感一流！玉泉忌廉冰凍涼快，好好飲；支裝的比膠樽裝及罐裝都好味很多！免費酸蘿蔔，越食越開胃

if you ask any local what food they miss most when travelling abroad, 50% will give you wonton noodle while the other half will give you barbeque pork over rice.  lau sum kee will then be the top 10 answer in finding the most authentic wonton noodle in town.lau sum kee distinct itself with its preservation of traditonal noodle making technique.  with its bamboo beaten noodle, this small hidden treasure defines al dente in the wonton noodle world.  signature dishes such as pouched black beef trip

有日同朋友去開黃金商場果邊買啲電子野，行到咁上下就覺得有啲餓，問我呢頭仲有咩好食，事關譚仔果條街果幾間都全部食過晒。咁我緊系上黎operice 到睇下仲有咩未食過啦。咁就搵到呢間劉森記麵家，坐低就叫左三樣野，1）蝦子豬手撈河，睇下樣都幾好，好多蝦子，河粉都吾差，但主角豬手就有啲失色…冇咩肉，又吾夠入味2）蝦子雲吞麵，成個碗都系蝦子，但沉晒底…全蛋麵同雲吞就真系好食，好過好多出面既麵家。3）淨牛筋腩，好入味，又吾韌，量都吾少，夠食飽一個女仔，值得推薦

劉森記的雲吞麵早就好吃得街知巷聞，我比較喜歡這間舊店，總覺得比新店好吃！叫了一個蝦子冬菇黑柏葉撈麵，另加雲吞，還是撈麵比較好，可以把蝦子全部吃下肚，湯麵的話，不喝完整碗湯，就很難把蝦子吃清，太浪費了！黑柏葉真是一絕，有時兩個人吃就會獨立叫一碟，沾上微辣豉油，超正！雲吞中的蝦爽口彈牙，不過我覺得水餃更好吃，但一個人吃，真的吃不下那麼多！檯面上的酸蘿蔔，每次來吃都幾乎吃掉人家小半瓶，實在太好吃了，不知酸蘿蔔有沒有外賣呢！

今日在深水埗收工就去了好耐冇去過的深水埗桂林街劉森記麵家,最喜歡係佢自家制的醃酸蘿蔔(最重要係免費嘛),跟住叫了碗豬手湯麵,豬手炆得恰到好處唔太諗有咬口兼入味....至於個竹昇全蛋麵就碌得過晒龍喇,又諗…唔爽…唔彈牙囉,真的很失望,我估我下次再去都係叫番蝦籽撈麵穩陣d喇.....hehe

好耐冇黎其中一間我最愛嘅麵店 - 劉森記麵家, 自從豆豆走左之後都冇黎過……. 我一向都好鐘意食佢嘅竹昇麵, 貪佢夠彈牙, 冇梘水味又有蛋香味.今日兩個人黎到, 叫左兩個撈麵/河一碟菜. 唔好睇碟通菜十幾蚊貨仔, 其實都幾好味, 又新鮮又夠嫩~我叫左個黑栢葉牛筋蝦籽撈麵, 黑栢葉十分爽口, 同軟腍入味嘅牛筋相映成趣~雖然呢間店嘅蝦籽唔係話好香好香, 但就下得非常重手, 甚至食完之後仲有好多蝦籽剩喺碟度, 不過同時都反映左個撈麵瀝水瀝得唔夠好, 仲有多餘嘅水份, 令到蝦籽唔能夠緊]付麵身. 不過就真係以量搭夠, 蝦籽加上彈牙嘅竹昇麵, 混和左少少豬油同豉油, 係好食的!喺劉森記, 我嘅至愛其實係酸蘿蔔, 成樽放左喺枱上面任人食, 爽口, 唔會太酸, 十分開胃! 我每次都會食唔停口的 除左撈麵之外, 劉森記嘅蝦籽撈河都值得一試. 你睇個賣相幾靚! 隔離位仲叫我地借比佢影相添! 用左幼身嘅河粉, 每條河粉都沾滿蝦籽同少少淡色嘅腩汁, 河粉食落軟滑帶少許彈牙, 好味! 不過我覺得都係撈麵好食啲, 因為撈河較為淡身. 至於雲吞就平平穩穩啦, 餡料夠, 蝦佈尚算爽口, 不過其實呢度嘅餃子皮薄餡靚,

同朋友尼到深水埗下午茶，唔知食咩好就揀左食好出名既蝦子麵，一點間舖好多人坐滿晒，好多都係一個人尼食，不過好快等左一陣就入得。蝦子雲吞撈麵 $33份量唔少，佈滿蝦子既麵，食既時候要撈下，真係好多蝦子，但係個麵一啲都唔咸，好好食！雲吞只得三粒，有啲細，不過皮好薄好足餡。每枱都有一大瓶酸蘿蔔，辣辣地，甜中帶酸，啲蘿蔔好爽！

i need to get some electronic things at sspit has been quite a while since i wanted to try out this shop, so we popped by at lunch hourthere was alreasy a queue outside the shopwe waited for ard 15 min before there're seatsafter looking at menu, we order wanton noodles and dumpling noodleslater my mum said she wanted to try the beef so we ordered another bowlit was nice because they offer self-service pickled carrotnot too sour with right tinge of sweetnessall other seasoning/sauces are on the t

去黃金買野一定會去劉森記食面,一坐低即時叫碟蝦子撈. 面質彈牙無鹼水味,真係食過甘多間面店,無一家及得佢甘正，面過心唔會因要彈牙而過硬,樓面姐姐快手,師傅一煮好即時上台。姐姐可能見我係熟客,蝦子份量超多,未食都已經係好滿足的感覺。蝦子超香,真係撈面的好朋友,呢個時間人人賺快錢的年代,重有人肯甘用心去做面真係難得. 食完急急腳走人,因為門口已經有人等緊位.

今日又山長水遠走左黎石硤尾搵朋友食個靚飯同傾下計咁,無計喇鬼叫佢住咁遠咩,等埋佢收工之後就係地鐵站集合，時間都尚早既,佢就帶左我黎依到,劉森記麵家食蝦子麵。話食飽再去啤啤佢，雖然時間同仲早,但餐廳已經有八成人係裹面，兩個人好好彩地唔洗等位。, 餐牌選擇都算多，最後就叫左蝦子牛腩牛筋撈麵，落完單係等待既時候，我地一路傾一路係咁不停食醃蘿蔔，蘿蔔好爽脆，酸度控制得好，唔會太酸，仲有少少辣味，越食越開胃。轉眼間蝦子牛腩牛筋撈麵就已經放到我面前，十分之大碟，就咁眼睇都知麵上面好多蝦子，而且真係好香。自己平時都幾鍾意食幼麵，不過有時有好大陣鹼水味。估不到呢度既麵係咁好食，竟然完全無鹼水味，麵做得幼細又夠彈牙，真係必食之選。其他食落就好嫩，而牛腩同牛筋都好入味又夠鬆化，啱晒我口味，最後加埋鮮甜清湯，果然唔錯。 

三月十四日 (星期五)在這個星期五的下午，Suyi做孝順女，跟休假的爸爸遊走深水埗先到他最喜歡的劉森記來個午餐，這裡的蝦籽麵，一向很有水準!第二日，收到爸爸的whatsapp短訊：「昨日休假，無所事事，便约了剛下班的囡囡慕名前往深水埗黄金商場側那家老店：劉森記麵家，打算醫完肚再閑逛鴨寮街。店子十分狹小，不到十來張小桌，只能跟别人併檯坐。我和囡各自叫了牛腩虾子撈和雲吞蝦籽撈。厨子绝不吝嗇，厚厚的虾子铺滿麵上，麵是地道的竹昇幼麵，甘香彈牙，很有囗感，沒有一丁點兒討厭的梘水味。雲吞皮薄饀靚，吃得出是大大隻的鲜海蝦。牛腩，牛筋炆得腍軟適中，鮮嫩的牛肉味没有被花椒八角掩蓋。再喝上一口用大地魚熬成的濃湯，喔……真是齒頰留香，令人回味！值得推薦！」嘩! 寫得有紋有路，或許，爸爸也應該開一個部落格