利強記北角雞蛋仔

營業中

休息中

:雖然話糖份太多, 但都忍唔住幫襯, 味道很好, 外脆內軟, 不太甜而有蛋香, 但必須快吃, 否則好易淋。師父操勞地製作,但沒有因為加速生產令水準下降。但15元真係好貴, 雖然通脹都唔好狂加呀!

今日去開北角, 咁岩經過呢間正舖, 決定買底試下, 不過加價加得好勁呀, 而家要$15底啦, 排隊既人都唔算多, 等候時間唔會太耐, 2-3分鐘就到我啦, 買左一底試下, 外脆內軟, 但蛋味唔重, 唔算話真係咁好食, 但肚餓時都可以頂下肚

以前肥老細親自落場時就真係好,而家?全部交哂俾C9做,雞蛋仔又乾(係過乾),又硬,仲係空心!! 另外就好似大家所講,爭d括損口!$13一底, 我寧願以後唔再幫襯.唔通呢d就係出名店鋪的宿命? 出左名後, 老細唔再睇場, 水準完全控制唔到......仲有鋪面張紙好核突, 寫住 "$13一底, $26兩底"個6字係剛貼上去的, 即係加左價, 買兩底都冇得平. 咁寫黎都冇意思喇.我唔知關唔關加租事, 但要我俾$13食空心刮口雞蛋仔.....我接受唔到囉!!

公司搬咗呢度附近之後, 已經有幾個同事同我講呢檔雞蛋仔好味今日食晏經過, 見只有5個排緊隊, 咪試吓$13一底雞蛋仔, 等咗5分鐘到手熱辣辣, 脆卜卜, 裡面煙"un", 有蛋香其實係雞蛋仔基本要求但.....又有幾多小食店可以做到?所以做到嘅就變成人龍店, 簡單嘅食物, 只要用心做, 用足料, 都可以好出色

知道佢好出名........ 今晚去開北角做冬, 先可以去TRY 下.....排隊時已經聞到好香, 買左第一時間放入口, 咬落去好跪, 真係好好食, 同其他雞蛋仔分別真係好大, 唔知佢有咩特別秘方嫁呢, 因為我阿仔好喜歡食雞蛋仔, 係旺角食開果D, 一D都唔跪, 而LEE當係聽人講,成日都要排隊, 咬落去的時候, 直情有好多煙飛出來, 真係好食過其他好多...

總覺得細路時期賣五蚊一底雞蛋仔係最好食。當依家樓下麵包店賣九蚊一底，呢度賣十三蚊一底，又咁多人介紹，無乜人排隊情況下姑止一試。朋友話雞蛋仔係脆口好食，我反而鍾意少少淋，咬落係軟o既。所以...我覺得味道一般，尤其邊界位脆到界口....

此店雞蛋仔的質素每況愈下，而且愈來愈貴，是時候是新野啦。其實這店的碗仔翅是北角最好吃的，不過這次我要說的是雞粥。招牌上自稱11蚊，事實上已經減價到10蚊。一打開蓋，一陣濃郁的雞湯味衝鼻而來，淡黃色的粥底，看到有冬菇絲和雞肉。不得了，那些雞肉不是浮在面，而是因為太大件，外加太多，所以堆到上粥面，真係未見過足料到這個地步的雞粥！其中有五件像圖裡一般大的，另加無數比較細件的（不過都佔了一整隻匙）…基本上似是「北菇雞飯」的粥版，因為選用的雞肉位置，可是連骨頭的嫩肉位置啊！跟街外那些雞肉碎煮的粥完全不同味道！老實說，第一次食粥會覺得好滋補，有點像吃蛇湯啊。吃的時候，也許會覺得似是雞湯滾粥…

The little egg is freshly baked! Very hot when eat! Each little is very large in size and there is “meat” , not air inside, when u finished the whole little egg, you will be very full.It’s not too sweet and very crispy outside and spongy inside, next time I will try another flavor…Many ppl queue outside, it’s worth to do that~

好耐之前食過 ,間唔中啊媽都會買啲番黎比我食今次甘岩經過家姐話想，所以去買。可能因為落雨，只係得3-4個人排隊。我買左個格仔餅，家姐買左個雞蛋仔。雞蛋仔入面得個吉　格仔餅好油。不過都幾好味，下次見少人排會再買

　　以前在北角工作經常光顧這間雞蛋仔店，喜歡外脆內軟以及雞味十足的美味，這是在尚未出名之前，尚未有開飯網之前，尚未有FB之前……甚至家中還未有電腦之前。從舊舖搬往新店，以有好一段日子，以前老闆親自處理，現在十年都唔見佢個影，可能有幾間分店要打理的關係！　　今次再光顧實在失望而回，外脆依然，但內軟呢？不見了，因為內裏根本就近乎無饀咁款，對於我們這班舊顧客來說就只有一句「失望」，好味街頭小吃幾近絕跡，連這店也做不到以前的味道，是否真的蘋果味道沒有以前那麼好吃呢？還是開分店惹來的禍呢？

一直都好出名既雞蛋仔….今日行過見冇咩人諗住買下黎食…點知發現…嘩…洗唔洗加價加到咁啊….雖然味道好好食…外皮脆卜卜, 質感都的確好脆…入面軟得黎又好食…半空心的加上底層厚但面層薄薄既粉漿….都的確幾好食既…但加到咁貴…開始覺得有少少過火了!而且開始有少少馬虎….唉….希望遲下會有番改進…不再乏味啦..

名氣勁, 有expecting. 但唔多有旦香, 外邊唔脆口+++++++++++++++++++++++++++++++++++++++++++推介 TST加連威道. 比較出色. 會吹FAN 風扇, many diff choice $12 / 底Co Co Milk椰香Seasem尖麻Cholocate 朱古力原味格仔餅都好味

係太古坊返工, 放工都要過黎北角買一份雞蛋仔!7 點左右黎到, 條龍都幾長...我等左大概10 分鐘, 一份新鮮熱辣嘅雞蛋仔就在我手上 食過好多次, 每次都係咁香蛋味, 加上佢外脆內軟...難怪我成日放工都幫襯! 雖然比起大部份地方嘅雞蛋仔貴左少少, 但係都值得!!

響呢頭返工咁多年都係第一次食呢間咁出名o既雞蛋仔，lunch食完碗麵個胃仲有位，見佢難得無人排隊就買返抵試下....用手一搣.....咁脆o既﹖ 再咬一啖，中間有軟心的呢~ 我最鐘意雞蛋仔中間有軟心，唔係間間都做到，不過我嫌佢外表脆過籠，好似食緊薄脆，成粒放入口更會挖損個口o忝，無誇張呢~不過佢甜度適中，外脆內軟，都算得上係高質素，唔怪得會咁出名啦~

耐唔久行過呢到，都會幫襯下呢到既雞蛋仔，有段時間水準下滑，雞蛋仔只有脆，無咩蛋味，只得一少底有蛋餡。今日行過，又試下。小人龍三四個人，等左五分鐘先有得食，夠熱夠脆依舊的，食第一粒有淡淡既蛋味，跟之前比係有改善的，蛋餡方面還可以的，一大底粒粒半滿的，整體水準有改善的。太多水準不錯既後起之秀，這裡賣十三蚊底，係有點貴，不過有改善，給個笑臉支持下。