初遇

營業中

休息中

粉嶺名都開左新餐廳「初遇」每次放工經過超多人排隊，今日早收工，6點到達，剛剛好不用等位。餐廳主打台灣菜，餐牌多元化，有地道小食吐司、手工麵、古早麵薑蔥飯、手工拌麵、家傳滷肉飯、甜品、小鍋、台式飲品，好多選擇。士林鹽酥雞每次見到都一定必食，鹽酥雞即叫即炸，雞肉嫩滑，鹹脆香口。手工櫻花蝦餅食落幾香口台式香濃沙茶鍋（粉絲）好豐富，入面有娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、青豆角、鳴門卷。沙茶味道突出，粉絲索晒湯汁，一人份量剛剛好，食完都好飽肚。仙草珍珠奶茶入面有好多仙草，奶茶入口順滑不苦澀，珍珠質感Q軟。

粉嶺名都 #初遇 #meetcute粉嶺早幾年真系美食沙漠疫情開始 除了多個小夜市餐廳都多樣化了🌮🦪🍔🧋🍻🍹一間新店開幕 仍在試營中台灣冬粉 手工麵 鴨血 不能不試麻辣鴨血臭豆腐冬粉喜歡食辣不能錯過 👍👍👍👍👍台灣臭豆腐都不會好臭但炸豆腐吸收了麻辣的精華更加升華到另一個階段它的麻辣比較穩重 第一口已經感受到辣的衝勁 冬粉本來已經夠吸味 所以刺激感十足難得的粉嶺開左一間好食台灣餐廳 呢個一定要試😝😝😝

粉嶺名都一向連鎖店林立，冇咩特色餐廳，呢間初遇可謂打破僵局，記得大半個月前新張大排長龍，結果不敵人龍卻步，今日閒日避開繁忙時間，終於可以一嘗滋味😗😋打開menu，樣樣都想食，就揀咗有圖片嘅（最穩陣）古早芋泥肉鬆蛋餅，芋泥又香又軟又濃郁，每一啖都充滿芋泥，口感軟糯，平時我會有d抗拒肉鬆，覺得係萬年食品，但呢個肉鬆好新鮮，冇罐頭味，肉鬆俐落分明嘅質感同芋泥軟糯嘅口感互相平衡，配搭煙韌蛋餅，層次非常豐富，咬完一件再一件，津津有味檯上菜圃：初遇一品臭臭鍋，第一次試保守d叫小辣，果然小辣都夠辣，呢個鍋配料豐富，黑色臭豆腐其貌不揚（遠睇仲以為係烏雞🐔😆），但食落又幾過癮，配甜辣醬好有街道小食feel，粉絲同薯粉都好索味，整個鍋都唔算油，如果要講缺點就係鴨血唔入味，其餘都算唔錯跟餐飲品：冷泡阿里山烏龍呢款茶跟餐唔洗加錢，個樽仔十分精緻，呢樽嘢係奈X之茶賣幾十蚊古早仙草三色芋圓，跟餐加22蚊非常足料，芋圓「嘰彈」不生硬，呢個價錢好超值呢度播好多周杰倫歌，令我食得好寫意，今餐非常滿足，我正式宣布：粉嶺人又多一間食堂！

近排多左好幾間台式餐廳有機會就去初遇試試三點三下午茶都怕人多好彩可以APP拎位預返時間 唔使等太耐價錢十分抵食 都係$4～50一人鍋仲$100有找古早芋泥肉鬆蛋餅相對比較精緻蛋卷香甜陣陣芋香 加上肉鬆令人食指大動心思思 樣樣都想食見到有雙併 一次食到多款美食點知份量都好大份紅燒牛肉麵併古早滷肉飯香濃牛肉湯麵🍜牛肉入口即化惹味可口再搭配上滷肉飯 剛好中和一下 唔會太油膩大腸麵線併淡水滷肉刈包足料 大腸爽滑彈牙口感十足刈包 軟熟夾住滿滿 滷肉塊沾滿醬汁 配搭十分之好🤤士林鹽酥魷魚🦑香脆可口仲可以以優惠價升級餐飲 至台式飲品珍珠奶茶🧋珍珠芋香奶茶紅豆🫘珍珠奶茶🧋CP值好高值得推介

在平日的晚上，這家新開的台式cafe晚上非常爆場，完全意想不到在駱驛不絕的人流中等位，特別快有位環境非常肆正，刻印著台式餐廳獨有的温馨題詩，很有詩意服務算很不錯，沒想到在哪麼忙碌的情況下也能那麼殷勤食物古早花雕雞卷麻辣伴麵$72凍食的雞卷入口爽彈，花雕味濃，拌麵帶花椒，入口小辣麻香濃，很是惹味好吃配一小碗貢丸蛋花湯，提胃好喝慢煮烏醋豬軟骨 手工麵$68入口即溶，幾乎不用咀嚼的豬軟骨有四大塊，份量不少，烏醋令軟骨帶點酸味，更是開胃牛肉濃湯味濃而不過油，配合帶少許嚼勁的手工麵，相當好吃淡水滷肉刈包一件 $26不像傳統刈包，反而用上滷肉碎，要跟親友分著吃又容易了一點莞茜的味道不太濃烈，我也接受得到呢古早仙草三色芋圓$38份量頗大，芋圓煙韌有勁，仙草很爽，紅豆有夠多！椰奶夠香甜，正～

火車站見到一間新開嘅台式小店裝修好靚入去試吓上枱有驚喜蜜汁滷排骨麻辣拌麵排骨香脆 同埋好少食到呢個味道幾特別麻辣拌麵真係幾辣係惹味嘅豬手滷肉飯豬手略嫌有少少肥不過味道都係OK嘅芝士火腿蛋餅中間配青瓜味都幾清新

🍴放咗工陪阿媽去食個下午茶輕鬆吓～我哋揀咗屋企附近新開嘅台式餐廳「初遇」。等咗大概兩三張枱，好快就到我哋入座。🍲麻辣什錦牛肉鍋（$98）：好適合一個人食嘅迷李火鍋，特別適合獨自一人但乜都想食嘅時候。因勝份量不多但材料豐富，包括：娃娃菜、牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、嗚門卷、青豆角。仲可以自選主食。配以小火爐一直加熱，尤其是而家呢個涼涼地嘅天氣慢慢食真係唔錯。🥪慢烤雞腿蛋吐司（$38）：吐司經烘焗，口感香脆。配以嫩滑有彈性嘅雞腿肉。小編最鍾意嘅係流心蛋，整體入口濕潤，又大啖肉。賣相又靚仔，外賣去郊遊都唔錯。一份兩件，下午茶來講一件已經好足夠。🌯古早芋泥肉鬆蛋餅（$38）：入口先品嘗到甜芋泥，隨後就係肉鬆嘅鹹香。蛋餅口感軟實，獨自食曬都幾飽肚。建議作為飯後甜品一齊分享～🧋由於我哋於下午茶時段到訪，可享用套餐優惠～免費配送嘅一杯飲品，或者加$22購糖水。免費飲品可以選擇養生黑糖薑母茶、紅棗桂圓茶、冷泡阿里山烏龍等。下午茶套餐都幾實惠～👏🏼整體而言：1. 店員落單效率高，上餐速度快。2. 慢烤雞腿蛋吐司好味，小編私心推薦。3. 下午茶套餐實惠。4. 不

粉嶺開左好多新餐廳! 呢間 “初遇”非常熱鬧，好多人排隊等試新野!!🥰餐廳店鋪面績不大，但非常光鮮舒適富時代感!打開MENU食物款式非常多，小食都好多選擇!當中好多菜式都用上香芋口味! 岩哂我呢個香芋控!!!古早芋泥肉鬆蛋餅本身以為係咸食，試左先知原來呢款係甜口味既蛋餅，比我地當左做飯後甜品!鋪滿哂香芋粉好靚! 蛋餅皮十分煙韌，香芋泥原來都幾襯肉鬆甜甜地鹹鹹地，好好食!古早花雕雞卷配手工麵雞卷嘅賣相好吸引，都幾厚切片，花雕酒味滲曬落啲雞肉度，肉質唔鞋好滑嫩，手工麵做得好出色，好彈牙好好食！蜜汁滷排骨麻辣拌麵蜜汁滷排骨即係豬扒，大大塊，炸粉唔會好多所以唔覺得好漏，蜜汁令到佢甜甜地。麻辣味道做得啱啱好唔會辣到流曬鼻水，適合平時食開中小辣的人士。呢碗麵真係越食越開胃！自家芋泥黑糖奶茶我都係第一次飲有芋泥喺入面嘅奶茶，個口感好特別，甜度適中，茶香味濃，正!

一個人嘅me time 🕰️都好重要‼️自己食火鍋嘅兩個鐘頭都真係好爽🎉唔需要講嘢，靜下來純粹地享受食物的味道❤️舒服呀😌$98 初遇一品臭臭鍋配粉絲（大/中/小✅/微辣）娃娃菜、3-4大塊白豚肉、臭豆腐、1粒貢丸、2-3米血糕、大腸、3-4鴨血、沙白、鵪鶉蛋、蕃茄、榨菜絲、韮菜、金菇、鳴門卷🍥、炸支竹～鍋裡本身就有粉絲，我再加粉絲😛😁彈牙爽口+索湯汁一個鍋睇落份量唔係好多，但食落真係飽到痴咗線🥹絕對係抵食。另外值得一提嘅係雖然我喺繁忙嘅中午時間去食，店員忙到飛起，都keep住幫我留意吓個爐火😁會幫我調大小thanks so much ☺️≡≡≡≡💰Price reference💰≡≡≡≡人均～$106/1 person

粉嶺中心開咗兩間新食店，其中一間叫「初遇」！我鍾意呢個名，好有文青feel。果日同朋友一齊嚟食tea，下午茶menu 選擇不少，我哋點咗 3個 tea set：🍜 紅燒牛肉麵 拼 古早滷肉飯牛肉軟淋，湯底濃郁，麵質軟硬適中，不錯。滷肉飯比牛肉麵出色，半肥瘦滷肉好惹味，撈飯一流。貼心之處係每張枱都會有罐酸菜可以讓食客自己添加，我鍾意將滷肉、酸菜、白飯混吃，好好味！🍚大腸麵線 拼 淡水滷肉刈包大腸麵線質感像湯羹，帶少許胡椒粉味，不錯。刈包好有彈性，幾煙韌。內裏夾有滷肉、酸菜同莞茜，同滷肉飯相似，只是將飯換成包。🥪慢烤雞腿蛋吐司賣相吸引，吐司烤得香脆，帶牛油香。雞腿扒好惹味，肉質嘅軟硬度又適中，仲有半流心蛋，夾埋一齊食好好味😋！三款餐飲揀咗自家薏米水、鳳梨水果茶、冷泡亞里山烏龍，除咗亞里山烏龍，頭兩款需加$8升級。呢度嘅飲品都幾好高質素，香味拍得住出面嘅茶飲店。

講一樣都夠，碗飯入面有舊膠。本身只係露左一半出黎，我以為係d 乜新式野食半透明，拉出黎睇，根本係一舊保鮮紙類嘅膠！其實好覺眼！個阿姐講句唔好意思就拎番入去廚房，隔左冇5分鐘，原本個托盤都冇埋，徒手成隻原隻碗上番黎，碗野好似撈完d 肉再上過就算。無誠意無歉意。其次，樓面中間枱同枱之間距離極差，仲要夾硬將4人枱坐3組客（兩組1人客，同埋我同我男朋友2人），仲要係最入邊位。隔離位1人Auntie 係咁咳痰我想拉過少少保持距離都做唔到。Auntie 想走個陣，我又要起身讓比佢走。成個坐位安排極差，中間根本唔應該放咁多張枱咁。再黎，上菜極度亂，樓面d staff 好似唔知自己要上去邊張枱咁，四圍搵。佢地上錯左個香芋唔知咩卷比隔離位Auntie , 個Aunite 對住碟野一路咳痰一路同d staff 大叫唔係佢嘅，d Staff 又拎住碟野再一枱枱搵d 客枱面d 單問係咪佢地叫左😑大佬比我都唔敢食。如果上菜清清楚楚知上咩枱，唔係靠睇個客枱面張單，就唔洗咁唔衛生，又唔洗亂到咁。另外仲有同枱另一個1人大叔，我都聽到佢個set 等左半個鐘未到等到燥。間野就可能新開好多人，貪心想賺多d 開勁多張枱，但人

新開鋪既初遇係我公司附近，做完野約埋男朋友一齊試下😋我地叫左一份古早花雕雞卷麻辣拌麵（$72）拌麵既麻辣味意外地恰到好處，我呢個唔多吃得辣既都覺得好惹味，另外花雕雞卷既雞肉肥瘦適中，陣陣酒香一流👍👍蜜汁滷排骨滷肉飯（$62），排骨上碟令人驚嘆，因為未食已經被佢賣相吸引左，仲要大大塊👍滷肉飯最有台灣風味❤️兩份小食-士林鹽酥雞、士林炸魷魚，炸得香口，兩杯飲品中最想介紹自家芋泥黑糖鮮奶，芋泥有咬口😋

今日入咗粉嶺做嘢…岀返火車站都6點🥺返屋企實夜。因為名都廁所整緊，我哋就諗住過粉嶺中心，就經過呢到新開食物大腸麵線太懷念台灣麵線。以前中學時期，係旺角超多人食，我都係食呢啲做晚餐😂呢個佢似碗仔翅，佢好香麻油胡椒粉味！好多人嗌呢個食👍🏻慢烤雞腿蛋吐司呢個都推薦！佢將麵包烘到脆脆流心蛋醬！雞髀外脆內軟，成個食落好正因為驚麵線唔夠包，所以叫一份多士2人分😁香濃沙茶醬小鍋佢呢個都有好多材料湯底真係好香沙茶醬味。可能因為多數都係菜類🤣我老公成煲湯飲晒🤣🤣唔做大嘥鬼！💕鴨血:佢唔腥，佢好似好滑，但又好有質感💕米血糕:我勁鐘意呢個唔好烚太耐，會散！烚到啱啱好嘅話，佢好煙韌！💕鵪鶉蛋:佢哋唔鵪鶉🤣粒粒都珍寶珠咁環境都幾多人食，不過都好多卡位裝修都好靚💕呢到如果要水，要同佢哋講，同埋佢哋嘅禮貌都好好👍🏻粉嶺又多間食堂啦🥰開心其他問咗，新開未裝到支付寶、微信個啲。所以只收現金、八達通

我最鍾意試新嘢，見到粉嶺有新餐廳，即刻同阿女過嚟試吓，當中係因為個餐廳名💕初遇💕 - - - - - - - - - - - - - - - - - - - - - - - - - - - - 餐廳裝修用木系暖色做主調，有舒服溫暖嘅感覺，牆身寫住👇🏻✨幸福✨就是生活中一堆小確幸累積而成，每一口新鮮美味，形成滿滿一鍋幸福。- - - - - - - - - - - - - - - - - - - - - - - - - - - - -好認同✨幸福係由小確幸形成✨我同阿女差唔多18:00去到，仲有下午茶即刻叫咗一人一個鍋，想講個鍋嘅配料勁多，有成15種，仲可以配粉麵，我哋配咗薯粉同埋粉絲，唔要粉麵嘅話可以加$10轉台南滷肉飯麻辣雜錦牛肉鍋$98 （薯粉）娃娃菜，牛肉片、豬肉水餃、花枝丸、鴨血、沙白、米血糕、大腸、韭菜、金菇、炸枝竹、鳴門卷、青豆角初遇一品臭臭鍋$98（粉絲）娃娃菜、白豚肉、臭豆腐、新竹貢丸、米血糕、大腸、鴨血、沙白、鵪鶉蛋、蕃茄、榨菜絲、韭菜、金菇、鳴門卷、炸枝竹我覺得幾好食，湯底有四種辣度可以選擇，加埋佢個沙茶辣椒醬，點嚟食好正，我哋兩個食到勁飽，仲剩低勁多粉都食唔晒，好

入到去氣氛已經麻麻 重點唔係午市繁忙時間個個都黑面最慘戴住口罩都感受到😷 心諗我入嚟食嘢啫 食飽咪走囉⋯個午餐 價錢 係呢樣又加錢 嗰樣又加錢 入去閒閒哋食百幾蚊一個午餐 我點咗個「價值$98幸福臭煱🍲」個煱大到嚇死你 😱 每樣食材都係得一粒或者一件 😨 加多個$10滷肉飯啦🤦🏼‍♀️ 上台仲嚇死 😰果一督滷肉 連個醬汁碟都大過佢 問櫃面嗰C字頭西面女人 要多少少得唔得 佢回覆我 規矩咁多就咁多 …..！「完」如果一開始試業 已經有咁嘅質素 同人才同一間大型連鎖店冇分別 🙄最重要係咁嘅價錢 粉嶺有好多好選擇最後補充下隔離間舖都係佢哋 一試難忘