初遇

營業中

休息中

入到去氣氛已經麻麻 重點唔係午市繁忙時間個個都黑面最慘戴住口罩都感受到😷 心諗我入嚟食嘢啫 食飽咪走囉⋯個午餐 價錢 係呢樣又加錢 嗰樣又加錢 入去閒閒哋食百幾蚊一個午餐 我點咗個「價值$98幸福臭煱🍲」個煱大到嚇死你 😱 每樣食材都係得一粒或者一件 😨 加多個$10滷肉飯啦🤦🏼‍♀️ 上台仲嚇死 😰果一督滷肉 連個醬汁碟都大過佢 問櫃面嗰C字頭西面女人 要多少少得唔得 佢回覆我 規矩咁多就咁多 …..！「完」如果一開始試業 已經有咁嘅質素 同人才同一間大型連鎖店冇分別 🙄最重要係咁嘅價錢 粉嶺有好多好選擇最後補充下隔離間舖都係佢哋 一試難忘

屋企附近最近開咗初遇嘅台灣餐廳。餐廳新開張經常有人排隊，今次我醒目有預先用apps 拎定飛，去到等咗一張檯就好快有位喇。近日天氣都好凍，見到餐廳有鍋物就叫嚟試下，屋企人唔食辣所以叫咗個台式香濃沙茶鍋。✨台式香濃沙茶鍋 - 配沙茶醬沙茶鍋非常足料，有娃娃菜、牛肉片、米血糕、牛丸，沙白、粟米、金菇、烤枝竹、鳴門卷、花枝丸、韭菜、蕃茄、青豆角。湯底嘅沙茶味道都好香好濃，唔洗點醬料都好夠味。可配方便麵/寬條薯粉/粉絲/米飯，我加咗$10 轉滷肉飯 - 我好怕食到多肥膏嘅滷肉飯，呢度食到嘅滷肉係半肥瘦，味道啱啱好唔會偏鹹，似係台灣食到嘅味道。✨拉絲起司火腿蛋餅蛋餅同我平時食到嘅好唔同，呢度做法比較特別，加咗好多青瓜絲入去，食起嚟冇咁膩。雖然芝士未做到拉絲效果，但整體都還可以。每張檯面都擺放咗酸菜係度，想食可以隨便加。

由佢開始裝修就已經期待，咁岩佢開業第一日唔使點等位就可以入座，喜歡台吃嘅我緊係二話不說就衝入去啦😆2️⃣0️⃣1️⃣4️⃣ 晚飯時間🧋芋泥珍珠奶茶芋泥勁多，珍珠QQ，奶茶味被芋泥遮左，不過凍飲一流（不過好飽肚）🧋芋泥黑糖奶茶黑糖很甜，幾乎遮哂芋泥香，個人建議黑糖可以輕手一點。🥢刈包呢個失望，件肉有點膠，配酸菜本來好食但卻無味，而且無醬汁同花生醬，個包亦硬。唔夠台式味道亦做唔到好吃的質素。🥢紫薯拉絲起司蛋餅講真出乎意料靚而且相對之下幾好食，紫薯鋪蛋餅面幾甜，起司夾蛋餅本身是絕配，好打卡able。🥢慢烤雞腿起司蛋吐司呢個我食到港式味道😆 芝士唔係用台灣用開果隻，不過夾雞腿芝士係幾好食，麵包都有嘉頓的味道🙃🙂🥢麻辣臭豆腐呢個泡製得不錯，貌相也很可以，豆腐入哂味，亦吃出麻辣香，而不是死辣。🥢蜜汁滷排骨滷肉飯好大塊排骨，大過我臉。第一下感覺CP值高，但試咗第一啖排骨，好咸，醬油太重手，然後再試佢嘅滷肉飯，係自家煮嘅味道，無台灣味，我對排骨滷肉飯比較有要求，只好放棄。或許我試的時候是第一天營業，仍然有進步空間，店舖裝潢不錯，服務員都會有講有笑，希望食物方面再可提升。

諗住食個普普通通既lunch 加Tea，叫左紅燒牛肉麵併古早滷肉飯，期待左一下，嚟到發現啲滷肉得啲咁多，唔講以為比人食左先拎比我，之後問個店員，呢個滷肉飯啲滷肉係得咁多？之後佢就話，係丫，啲分量係咁多嫁喇，對唔住。大佬啊，你唔好對唔住我啦，你覺得唔好意思既就唔好整咁少都拎出嚟啦。。。

🤑價錢約 $50-100 🪑weekday去嘆下午茶都有卡位坐 坐得幾舒服👍🏻 arm arm 新開 乾淨企理Ⓙ 古早芋泥肉鬆蛋餅 $38芋泥幾香唔會好甜 煙煙韌韌 d皮唔會太厚跟餐飲品叫左養生嘅熱黑糖薑母茶 薑味唔重 有好多多真材實料嘅紅棗Ⓙ 紅燒牛肉麵拼古早滷肉飯 $48紅燒牛肉麵唔會辣🌶️ 牛肉都唔會太韌滷肉飯個汁正常 滷肉都算肥瘦適中 但飯底有少少硬 最後都唔少得溏心蛋伴碟跟餐加$8 叫左芋香珍珠奶茶🧋呢個有少少稀 而且珍珠好似無其他店gum大粒🤣

終於有多間台灣餐廳選擇，食物選擇多元化。新開張期間超多人排隊，午市排唔到唯有等下午茶。下午茶二點開始，選擇花多眼亂。唔想太飽，叫咗個「醉雞卷滷肉飯配花枝丸紫菜湯、地瓜條」，配杯薑母茶。聽個名有四樣嘢好豐富，未上菜之前都怕食唔晒。好彩，食物份量每樣細細份，勝在有唔同款，又幾啱我個人心水同口味。薑母茶都幾靚有心機，配有紅棗同玫瑰，唯獨係主角— 薑味略嫌太淡。最後埋單$46，地點係火車站附近商場，夠方便。會再試其他食物。

啱啱新開嘅台灣嘢，餐牌有好多種類嘅嘢食揀地理位置好方便買個外賣試吓，可能因為啱啱開，堂食非常多人叫咗個排骨手工麵同埋鹽酥雞飯鹽酥雞得幾粒味道正常，但份量太少而且全部都係炸醬，雞肉得好少排骨非常之鹹個面都係得好少最差係杯珍珠奶茶如果係真係想做台灣嘢，可唔可以真係學下台灣珍珠奶茶點整完全港式奶茶加糖加珍珠叫咗少甜都係得個甜字難飲到成杯冇飲餐廳唯一嘅好處係夠多種類 我見佢小食甜品飲品都有一大堆但係試過最基本嘅珍珠奶茶之後佢嘅飲品我係唔會再試

在粉嶺新開的一間臺灣餐廳，抱著嘗新的心態去試一下。到達時間，平日的下午五點多，客人不少。仍在下午茶時段，當然點選下午茶餐。先點個台灣小吃中比較有名的“疍餅”（中古芋泥肉鬆疍餅），可惜店員説已售完。心中感到有點可惜。（但回家後看了openrice的食評又覺得還好。）最後，點了“慢烤鷄腿疍吐司”和“花雕鷄卷麻辡拌面”。先説“慢烤鷄腿疍吐司”，賣相不錯。單論賣相還算吸引，但味道一般，正常發輝，也吃不出任何特別，更吃不到“慢烤”的味道。至于“花雕鷄卷拌面”，“花雕鷄卷”的鷄肉還算嫩滑，但欠缺“花雕”味。拌面貿感ok，但只有辡味，沒有麻味。返而跟面來的紫菜湯不錯。最後，跟餐的兩杯飲品，普普通通，不用評了。

叫左鹽酥雞魯肉飯貴lunch set 加蕃薯條同拉絲芝士火腿蛋餅魯肉飯有花生味已經夠晒奇怪 滷水蛋冇味 鹽酥雞幾好食嘅 （因為以為普通嘢冇影相）蕃薯條都唔錯 係份量較少重點係個「拉絲芝士火腿蛋餅」menu上個蛋餅幾吸引 但一上到吸以為食青瓜卷😑😑😑 menu上圖片完全冇青瓜 本人都未係香港其他台灣菜餐廳見到有人會係蛋餅加青瓜 然後佢個蛋餅係冇蛋 得個餅 唔知貴餐廳對蛋餅係咪有咩誤會 淨係比個餅皮人 又冇煎嘅 定係我對台灣蛋餅認知有誤呢😅😅😅

近年感覺多左標榜國家菜式在新界區開業但質素大部份強差人意，這個下午茶份量較少半碗大腸麵線加刈包＄48糖水＋＄22，食物吾熱，糖水芋圓都算彈牙但溫度不凍不熱感覺好怪