初見

營業中

休息中

我的心又似小木船~~~個心飄下飄下就黎到初見！呢度已經經常成為我哋嘅飯堂，佢啲日本料理創新得來又夠特別，似係日式vs韓式vs港式嘅混合版，令人津津有味不斷想重溫一下呢度嘅風味。我哋叫咗一個拉麵一個飯同埋軟殼蟹飯卷，櫻花蝦海鮮豚骨湯拉麵，只係追加$35就會送刺身小碟同埋西湯。今日個西湯係南瓜湯。刺身方面有吞拿魚、三文魚同劍魚腩，肥美可口。飲品方便揀咗熱柚子蜜同埋熱花茶玫瑰花，淡淡花香清新怡人，可以舒緩神經。柚子蜜只不太甜，滋潤養生。

忍左好耐冇出街，今日終於同男朋友出荃灣行下，跟住食餐街外飯因為太耐冇食壽司，所以揀左間日本野！見入面好多選擇又唔貴。叫咗個壽司飯，同埋番茄海鮮鍋入面環境細細但係好舒服大部分都係卡位個番茄海鮮鍋好快就上咗！見到好豐富丫 仲包碗飯+ drink gar lunch set!!!!青口幾鮮味！又大大粒蝦有兩隻大嘅，雖然唔算好鮮味，但口感唔錯！仲有三文魚！係大大舊個種！好少見令個味道好豐富另外，仲有啲細細粒嘅蜆肉，唔好睇佢細細粒，都好又粒架男朋友個壽司飯好令仔，我都忍唔到夾佢舊蝦&帶子黎食，好新鮮蝦個頭我都食埋hahaha加左溏心蛋蛋我鐘情佢haha蛋白滑滑的，蛋黃流心，正！$200唔使，值得一食環境又舒服😌

🔹刺身+湯 (跟麵轉定食+$35)👰🏻:🌕🌕🌕🌕🌑🤵🏻:🌕🌕🌕🌕🌑刺身好厚切赤身一啲都唔腥，幾有魚味三文魚正常發揮.👰🏻:🌕🌕🌕🌕🌑🤵🏻:🌕🌕🌕🌕🌗南瓜湯好杰身，幾有南瓜味，唔知係咪重加左少少蕃茄.🔹日式叉燒。豚骨湯拉麵 $68👰🏻:🌕🌕🌕🌗🌑🤵🏻:🌕🌕🌕🌗🌑湯底唔算濃，但幾香，唔知點解有啲粟米味，甜甜地.叉燒有3塊，肥瘦分明，一圈圈咁，炙燒迫左啲油香出黎，個味幾好，重好大片.不過要彈下隻溏心蛋有啲老，蛋白有啲乾.🔹安格斯牛肉。豚骨湯拉麵 $68👰🏻:🌕🌕🌕🌗🌑🤵🏻:🌕🌕🌕🌖🌑牛係好味既，幾嫩身，而且份量好多，只係無諗過上枱已經係全熟，同張圖差好遠.雖然老公鐘意硬身麵，但都覺得麵質偏硬.🔹炸和風甘栗紫薯餅 $28/件，$50/2件👰🏻:🌕🌕🌕🌕🌑🤵🏻:🌕🌕🌕🌕🌑外皮炸得好鬆脆，一啲都唔油.紫薯好蓉，入口唔算特別香，但食食下都幾有薯味，仲有咁栗子粒咬下，食得出好天然，無加多餘調味，唔錯.🔹炸雙拼雞翼 $68👰🏻:🌕🌕🌕🌕🌑🤵🏻:🌕🌕🌕🌕🌑一碟有齊兩款口味，芝士餃子同明太子，每款兩隻，都係去骨後釀入去，夠大隻啖啖肉.明太子雞翼偏咸，可能係因為中間真係太多明太子，真係勁飽滿，如果有得配啤酒一

🌿初見🍀《荃灣》人生若只如初見之前見到好多ig foodie 都好評呢間 話價錢抵又好食🤔 講到咁吸引就試試佢仙氣赤蝦壽司拼盤（$148）好新鮮美味 有帶子·三文魚·赤蝦 海膽 吞拿魚 玉子 赤貝 飛魚籽 一黎到噴晒煙咁 真係好有仙氣🤪呢個抵食👍🏻👍🏻👍🏻🐂🌿石燒香草吉列牛配糖心蛋（$128）呢個真心失望 d牛唔靚 好銀”香草🌿又冇乜味咁 失敗 唔知點解咁多人推介🤪😭之前食過荃灣另一間叫袐嘅石燒牛好食好多😼好食好多雜錦海鮮雜菜鍋配龍蝦湯（$88）呢個價錢只可以用正常黎形容 啲海鮮係好普通嘅完全唔會有驚喜 🤔個湯又不算特別濃很一般🥺總結來說不似網上評價咁好食🤔 但呢個價錢黎講是正常的～不要期望過高 真的試一次就夠😛人生若只如初見 咁就不要見了🤣

天氣突然間又轉冷，晚上就好想打下邊爐，搵搵下就見到呢間日本餐廳好似唔錯，又好多款式可以揀，唔使就朋友唔食呢樣又唔食個樣，生熟食物都有齊。刺身／丼飯雖然好吸引但太凍，最後都係嗌左熱食😂加左個升級套餐，有湯 刺身 同飲品。湯品正正常常，南瓜湯同味噌湯隨你喜好+$35既刺身來講都唔差架啦～起碼赤身冇筋，三文魚入口即融季節海鮮鍋 $88主食係海鮮鍋，同圖有少少出入但都有八成吧，因為都足料有兩種蝦，青口，蜆，魷魚，蜆肉，三文魚。蝦同蜆係新鮮同冰鮮都有，兩者食落分別都幾明顯，緊係新鮮既好食好多啦～個鍋本身就有蔬菜，菇，豆腐，芋絲湯底係龍蝦湯，個湯有龍蝦味，煮耐d會再出點。本身就配白飯，如果可以揀配烏冬就更好咁個鍋都算抵食！好多海鮮食左好耐，同人share食又得，食日式火鍋都不妨一試。

初見係一間主打日本料理嘅餐廳當中餐牌入邊有唔少好有詩意嘅句子，人生若只如初見餐廳雖然小本經營，但入邊其實好多日本嘅料理都有得食，譬如係炸薯餅、意粉、壽司、火鍋，甚至係石燒牛都有得食由於太多種類嘅關係，今日主打食意粉先，呢度嘅意粉係比較硬身，所以食起嚟係比較有口感，煙煙un un咁入面仲有隻流心蛋添明太子意粉非常creamy，頂層仲有個煙三文魚砌成嘅玫瑰花，令意粉增添不少美感最後個薯餅其實有啲似大型百貨公司買到嘅薯餅，非常香口

由住荃灣既舊同學帶路，今日我地黎左呢度食晏！！！因為呢日放假，我地兩個都想訓晏d，所以我地約左兩點左右去食個late lunch~~見到呢度lunch set既選擇都幾多，價錢唔貴，仲唔洗加一添！！！不過店內位置唔算好多，好彩我地去到岩岩好有兩個位，所以唔洗等=）之後我要左個刺身丼既set，而朋友就要左個鐵板雪花牛既set~~首先飲啖刺身丼既味噌湯暖下身：）之後刺身丼都好快黎到~~~我揀既係 初見特選海皇蟹刺身丼！！！用蟹蓋盛載住各款刺身~~當中既帶子鮮甜，魚蓉肥美，蟹膏濃郁，唔錯啵！！舊同學既鐵板牛就直頭係大堆頭既代表xpp除左有多塊牛肉，仲有菇菌同南瓜添~~試左一塊牛肉既味道都ok，肉味都幾濃！配上既仲係味素飯，唔係白飯黎添~~~

天氣好凍，想食餐暖笠笠晚餐，就入咗間乜都有得食嘅日式居酒屋，有鍋物同燒肉呀！好野！⛄️🔥🔹初見香草吉列牛 $128好耐冇食過吉列牛啦！本身見佢青BB咁樣，仲以為係好hit嘅牛油果之類，原來係香草～配溏心蛋同白飯，醬油有鹽同燒汁，同埋兩粒肥膏，畀你用黎燒啲油出黎～實物同圖都冇太大差別，熱一熱個鐵板就放落去燒啦🤗外圍嘅吉列脆脆又唔厚，望個紋理都唔錯。一次可以燒到四塊，兩邊輕輕燒一陣就食得啦～呢隻牛有USDA Prime個標誌，係美國牛扒最高級別，肉質好嫩，完全唔會有筋，油香特別豐富，配飯食好呀！就咁食牛味還好，加少少鹽先更突出肉味，幾乎冇食過個燒汁。另外粒溏心蛋個樣同味都麻麻😂🔸套餐升級 刺身/沙律 + 湯 + 熱飲 $35加咗錢有套餐，餐湯可選味噌/南瓜湯刺身方面有三文魚同赤身，不過不失，打定輸數赤身會有筋，但食落又冇喎，肉質都好軟，意外驚喜咗一下😂門面同店內都畀人感覺乾乾凈凈，舒適同好坐，如果兩人拍拖聚會都幾適合🎎

今次同朋友嚟咗呢一間位於荃灣嘅初見，佢哋改名係嚟自人生若只如初見，非常有意思。看過餐牌後，知道係食日本菜嘅，但係估唔到係咁豐富。有刺身、壽司、炸物、鍋物等等 應有盡有，主要以圖片作為展示，非常吸引。我哋首先叫咗一個刺身丼，有海膽、蟹肉、蟹籽、三文魚腩估唔到佢個海膽係咁新鮮，非常鮮甜，大讚。蟹肉鹹鹹地，頗為鮮甜。三文魚腩非常肥美，油脂滿溢，食得津津有味。壽司飯幾特別，有d脆脆。另外叫了一個安格斯牛肉鍋材料都好豐富，有名門卷、豆腐、獅子狗等等，煮牛肉嘅時間要控制得啱啱好，食落去好嫩滑。另外湯底係味噌湯，嘅調味啱啱好，唔會太鹹或者太淡！仲有碗白飯添😁

初見啲咖喱做得幾出色，配埋魚柳好鬆化，熱辣辣送飯最啱，佢係一個套餐仲有個湯可以飲，可以話幾抵食，想食飯嘅朋友就啱晒啦。另外都想試fusion野，呢款韓國日本mix的韓國泡菜三文魚小卷夠晒特色，總共有四件件件都咁大，泡菜辣辣地加埋三文魚零舍惹味。日式雞軟骨餃子口感特別，有雞軟骨脆脆的感覺，加上醬汁但有點咸過頭，不過份量都算多，有成五隻咁多，放喺鐵板上面可以保持熱度。最後飲埋杯神泡日式啤酒，同朋友兩個玻璃杯一齊share，爽呀！

「人生只若如初見」，呢句說話真係好值得去深思，你會發現人與人之間如果好似啱啱第一次見咁樣，永遠都會保持最新鮮同埋最好嘅熱度。荃灣呢間初見料理，之前都有聽過但係就冇食過，我最鍾意佢嘅環境樓底非常之高，坐得非常舒適，再加上佢嘅擺設全部用綠色同埋簡約嘅飾物裝置裝修而成，令人用餐的時候擁有輕鬆愉快的心情。我哋叫咗個日式咖喱炸魚柳飯、鐵板雞軟骨餃子同韓式泡菜三文魚小卷，另外當然要加罐嘢飲就係飲咗之前都有廣泛宣傳嘅神泡啤酒。

星期六約咗攝影師去南豐紗廠度影下相,過一個文青嘅下晝,影完相之後,就係附近搵嘢食,因為南豐紗廠嘢食佢都覺得麻麻,而且價錢偏貴,我哋就行咗出嚟,過對面街度望一望,比我地見到呢一間日本野,佢覺得啱食就一齊入咗去。我叫咗初見香草吉列牛配糖心蛋、白飯 $128，上到嚟嗰個份量好多啊， $100左右真係超值，仲唔使+1 ，晏晝仲送咗杯嘢飲俾我😳😳因為suppose係跟餐先會有嘢飲，但係晏晝叫呢一個，佢都會跟埋嘢飲俾我，超好！吉列牛個皮好脆好好味，糖心蛋，超級正啊！仲有海鹽同埋豉油，燒完吉列牛之後就可以點少少海鹽去吊味🤪另外叫咗板燒雪花肥牛配日式味素飯 $98朋友加咗$6轉左烏冬，我偷食咗一啖，烏冬好滑！雪花肥牛油脂分布好靚，食落去肉味好重，好滿足👍🏻初見 (荃灣)荃灣海壩街22號華達樓地下F號舖

今日lunch同事提議食初見個名改得好特別你我只初見好似好有感覺咁店唔算好大正值lunchtime 去到都坐左9成半去到冇人會問你幾多位樓面兩個服務員好忙咁上菜我地點左4個丼飯服務員話得一個師父丼飯要等耐啲一等我地就等左40分鐘都算但我地發現有一枱啱啱坐左一陣嘅客人好快就上菜而且我地係叫左一樣嘅丼我唔知係因為人地係熟客定點刺生丼要等40分鐘我哋真係大開眼界其實佢哋食物真係唔錯只係服務員真係要改善一下服務態度

初見香草吉列牛 配白飯、溏心蛋 $128曾經有段時間好興食呢種吉列牛，不過唔知係咪程序繁複，而家少左好多餐廳出，難得見呢到仲有得食就叫埋朋友懷舊一番牛肋肉本身係生嘅，外層塗上左一層厚厚嘅香草混麵包糠，再切開成多片，食嘅時候要自己放上熱石到燒熟佢，由於牛肉片唔太厚，所以好快就食得，一D都唔韌，除左食到香草醬嘅香之外仲有麵包糠嘅爽脆口感，相當唔錯安格斯牛肉 豚骨湯拉麵 $68 轉日本讚岐烏冬 加 $3本身驚淨係食燒牛肉會太膩，所以叫多個烏冬平衡一下，估唔到質素比想像中好，材料份量十足，有多片牛肉、筍、粟米粒、娃娃菜等…湯底濃郁仲有淡淡嘅紫菜味(唔知關唔關D紫菜浸左落個湯到事)，值得推介

本來係因為見到Menu上嘅吉列牛而黎, 但最後竟然無叫事關見到另一個更加吸引我嘅板燒雪花牛肉餐去到門口見到好多人等緊, 拎完飛等咗大約20分鐘我地就可以入座了環境唔錯, 裝修清新, 不過呢d晚飯時間會好多人, 座位稍為有啲迫, 同隔黎枱距離好近呢個係一人火鍋, 牛嘅份量都唔小味增湯底比較清淡一上枱就覺得好豐富, 啲牛肉有成十幾塊, 而每一片牛都好厚, 自己燒自己食, 想幾熟就燒到幾熟佢有3種醬料提供, 有特製醬、燒肉醬同鹽本人最喜歡鹽, 因為會令牛更加好食🤤薯條即叫即炸好新鮮, 但極小鹹蛋黃味