初見

營業中

休息中

人生若只如初見.....初次預見那種感覺總是令人回味...其實人同食物都一樣，好味的食物也會令人一試難忘～就是這個店名吸引了我來到光顧，呢度主打西日式fusion菜~餐牌上種類繁多，最後我哋揀咗呢幾款～🐮初見香草吉列牛（配白飯、溏心蛋）吉列牛係香港都興起了一陣子，加埋香草的吉列炸面就第一次見。上菜時牛肉約三成熟，自己在鐵板上加熱至自己喜愛的熟成度～ 有得食有得玩！個人認為五成熟就剛剛好～🐮安格斯牛肉鍋（味噌湯底、轉烏冬）鍋仔細細但材料十足～ 冬菇金菇獅子狗椰菜日式魚蛋～ 薄切安格斯牛肉份量多肉味濃～ 其後仲放上鐵板燒嚟食一樣正！🐟煙三文魚沙律靚靚玫瑰花煙三文魚～伴以清新醒胃沙律菜～ 🥔初見邪惡炸薯條咁邪惡既炸薯條、我真係第一次見呀！係本人極愛既粗薯條上加上牛油炒香過的鹹蛋黃！蛋黃控表示食到停唔到口！令我深刻的是餐牌最後一頁，是一段令人感動的文字。。 🥺相信有故事的人都會感受到當中意義。。還記得初見時彼此的微笑嗎？

下午茶時間，喺荃灣經過見到佢擺喺門口嘅餐牌上面有吉列牛，就諗住入去試吓！14:00左右，所以冇咩人！餐廳入邊嘅裝修都好簡單舒服，有少少似Cafe嘅感覺！初見香草吉列牛 - 雖然話係香草，但係香草味唔係話太勁，不過舊牛真係好好食，煎完之後我便脆卜卜，超正，另外有兩隻糖心蛋，好入味！煙三文魚田園沙律配日式芝麻汁 - 煙三文魚份量都算好多，配芝麻汁，不過啲菜就有少少苦！和風章魚燒 - 非常一般，不推介！總括，為咗個吉列牛一定會再返去幫襯！

今日約左朋友去南豐紗廠打卡影相，所以就係附近搵左間野食lunch。之前完全無行過黎呢邊，今日先見到原來呢頭咁多餐廳。最後我地揀左間望落去靚靚地既日本野。本身好想食佢綠色個吉列牛，好似好正咁，但店員話呢個時間未有，所以我叫左美國安格斯雪花牛，又係自己燒！朋友就揀左海皇蟹刺身丼。牛肉既份量好多，而且雪花仲幾靚添！！配菜有啲菇同埋南瓜。圓型鐵板上面本身落左啲油，可以直接燒左啲菇先。雖然佢既牛唔係和牛，但係口感同肉味都好好，比平時係街叫既安格斯牛肉好，燒到剛剛好熟既話，入口都幾軟滑架！肉味又夠香濃，lunch食呢啲有啲罪惡感添哈哈。刺身丼方面，因為無海膽，所以變左三文魚籽。蟹殼上面有吞拿魚茸，蟹肉同蟹膏，旁邊有玉子，帶子同埋蟹柳。整體黎講都幾新鮮，不過個人覺得都係牛肉正哈哈。裝修方面都幾簡單，但係天花掛左啲樹枝，，有一面牆係葉，感覺幾舒服。而且lunch set真係十分抵，98蚊一個set，有埋麵豉湯同飲品，仲有咁多牛肉食，正呀！

上網見到有人推薦一間幾高 cp 值嘅日本菜🇯🇵所以前幾日特登入去荃灣試下呢間初見🌸叫左個初見特選海皇蟹刺身丼配味噌湯🍱刺身丼賣相好吸引😍蟹蓋上裝著蔥吞拿魚蓉🐟海膽、蟹肉同蟹膏🦀旁邊仲有帶子、 玉子🍳帶子刺身中間夾住一塊檸檬🍋增添帶子鮮味👍🏻刺身非常新鮮， 唔會覺得係雪藏野😋口感相當豐富🤤味噌湯味道無平時出面飲嘅咁濃，料好足，整體真係超滿足😆板燒雪花牛肉配日式味素飯🔥一份有成 11 塊雪花牛肉🤩店員推介先燒菇類同南瓜🍄🎃雪花牛肉燒至半溶口感🥩食落好香滑又多肉汁😋 點埋牛肉醬汁、鹽燒汁、海鹽🧂就更加正🤤餐飲揀左凍柚子蜜同蘋果汽水🍎蘋果汽水好夠氣好清爽

搵到間抵食嘅日本嘢！我哋叫左2個lunch set加多個小食都係每人一百蚊！仲要大份量又好味，推薦！＊ 月見牛肉味噌煱配烏冬原本個餐係配白飯，但我哋覺得配烏冬更夾，所以就加6蚊轉烏冬。配烏冬完全係正確嘅選擇，烏冬彈牙有咬口，唔係淋batbat嗰啲cheap cheap烏冬。牛肉煱好膨拜，份量超多，牛肉本身已經唔少，仲有大量蔬菜，好滿足。仲有另上嘅味噌汁，可隨個人喜好調味，同牛肉好match。＊ 日式豚肉叉燒特色白扁包配炸薯條店員送上呢個時，我哋認唔出係我哋叫嘅，因為我哋以為係白色蒸包夾住豬腩肉嗰種。細看之下，發現原來係牛角包，心諗仲正仲賺咗！😝牛角包咬落好脆，一啲都唔hea。豚肉份量唔少，配埋木魚絲、蕃茄同生菜，好味。唯一係食起上嚟有點論盡，會飛晒出來😅 仲有就係厚切薯條，好有口感。成個餐配埋嘢飲都係$58，幾抵！＊ 炸雙拼雞翼一次過可以試晒兩款口味！首先係明太子釀雞翼，冇骨而且餡料飽滿，明太子唔會太鹹或太辣，味道啱啱好。另一款係芝士餃子釀雞翼，其實係將平時嘅餃子餡放入去骨雞翼入面，仲有芝士嘅惹味，好正！😋＊ 菊花茶 & 玄米茶跟餐餐飲分別要左菊花茶同玄米菜。菊花茶好多菊花！2杯飲落都

放工今天和舊同事敍舊，和她去了荃灣一間想試好耐既日式餐廳食下好西，果然無令我失望，約了七點，鋪頭都坐得鬆動。鋪頭陳設幾靚，以木系裝飾為主，天花版有啲樹枝，照射出黎個樹影幾靚，可見餐廳的心思。另外，佢電視都播下日本節目，幾好笑幾好睇！再先睇下餐牌，個餐牌幾decent，野食種類都好多，應有盡有，總有一款岩你。例如有佢出名既吉列牛餐、火煱、拉麵、沙律、大阪燒burger、飯、意粉。我同朋友叫左個香草吉列牛套餐配白飯糖心蛋（$128）、季節海鮮鍋配龍蝦湯和白飯（$88）。總共$216。全日免加一，晚餐黎講幾抵食。等左一陣就上左野食。香草吉列牛套餐配白飯糖心（$128）：依個set幾好味，好食過出面好貴果啲吉列牛。燒既方法首先係用雞肉係爐上面燒一層油，再將香草吉列牛係上面煎至變色。肉質不錯。唔會好韌，變埋香草味再將牛味昇華。配埋佢提供既調味如燒汁、淮鹽，幾好食。季節海鮮鍋配龍蝦湯和白飯（$88）依個邊爐真心抵食，抵過吉X家，至少佢海鮮真材實料，有蝦、魷魚、三文魚等等，也不會有雪味，煲入面有不同的野菜，配上龍蝦湯真係正。係個唔錯既日式邊爐。總結：餐廳陳設不錯，坐得舒服。食物總類多而且質素好，價錢

講到荃灣日式料理的話，初見這間小店10分推介。菜式選擇非常多，由拉麵，日式火鍋，石燒料理，到意粉或者漢堡包都一應俱全，而且賣相和味道都非常之好。初見香草吉列牛配糖心蛋同白飯牛肉份量非常多，賣相吸引，放在石燒上燒烤，外面香草吉烈香脆可口，肉質鮮嫩 厚薄均勻。安格斯肥牛火鍋配地獄湯底同烏冬依家$35有刺身，湯同嘢飲想不到刺身是厚身的還非常新鮮安格斯肥牛分量多，而且肉質鮮嫩，脂肪比例均勻。地獄湯底大少少辣你非常開胃惹味

是咁的荃灣不嬲都係多嘢食嘅地方，今日我地就黎到，荃灣海壩街試下呢間小店啦！午市餐牌非常豐富，仲有一款啱你口味！餐牌不能一一盡錄！係呢到同大家說聲不好意思！煙三文魚田園沙律配日式芝麻醬 $68煙三文魚份量都算多，沙律菜食落非常爽口，配上芝麻醬，完全係醒胃的最好配搭！初見吉列香草牛 $128我作為一個食肉獸，我完全比佢吸引住，牛肉出面用左香草和麵包糠包裹住，香草為牛肉點綴，食多幾件都唔會覺得好膩好滯！後記：店內環境非常舒適，望落去俾人一種好清新嘅感覺，好適合一班朋友食飯傾計！

放工緊去醫下肚😋荃灣既初見環境有好多綠油油既草，就好似初次見面咁fresh，係大自然環抱下食野特別舒適🌿食物質素都好唔錯，好味夾抵食仲唔洗加一添👍為食餐單: 日式叉燒豚骨湯拉麵🥩 $68大大塊日式叉燒超入味，再加上整得剛剛好既溏心蛋，混埋香濃豚骨湯同好有彈性既拉麵一齊食，正啊😎櫻花蝦海鮮豚骨湯拉麵🦐 $78滿滿櫻花蝦、鮮魷塊、蚝舖係面既最上端😍第一啖已經滿滿海鮮加濃香豚骨湯味🤤仲有三文魚、蝦、青口，真係啖啖滿足😋炸和風甘栗子薯餅(2件)🌰 $50酥炸表皮包住內裏creamy既香芋蓉，中間仲有一粒甜甜既甘栗，食落好sweet，係好好既飯後甜品😍

人生若只如初見🧏🏼‍♀️人從來就是貪新厭舊🕺💃，尤其是在食方面，尤其是身處於美食林立的荃灣🥘🍛🍔！店名”初見” 可見經營飲食的感慨🤷🏾‍♀️，但又存有一份做好初見的承諾！👊🏼由於呢度的燒牛肉出名🐂，我要了板燒雪花牛肉🥩味素飯，牛肉的樣子已告知一切.....肉質、牛肉的大小厚度.....全部啱晒👍🏻，米飯🍚亦煮得好出色，仲要好抵食🙀$98 lunch set 🥣 +🥩+🧃!朋友選了海皇蟹刺身丼🦀食材高質，非常豐富有吞拿魚蓉🐟、蟹肉🦀、蟹膏、帶子、海膽.....鮮甜美味🥢，而且”打卡”亦好上鏡📸人生若如初見，只盼一再遇上！👩‍❤️‍💋‍👨

今日同男朋友嚟到荃灣一間日本餐廳食飯 初見，六點鐘去食，都已經有兩三枱客嚕，環境睇落非常正，好似入左去森林咁，長身佈置全部都係草為主，好有大自然嘅style，座位坐得好舒服添！呢排天氣涼涼地，就同男朋友叫左個bino set，我就嗌左個野菜豆腐鍋$58，而男朋友就叫左安格斯牛肉鍋$88，兩個鍋分別都可以upgrade做餐+35就享有刺身+湯+飲品喇！都幾抵食架！湯方面佢有南瓜湯同麵豉湯俾你揀，南瓜湯味道好濃郁好入味，我最欣賞佢嘅係佢嘅碗碗碟碟都好靚，好有日本風味☺️而刺身就有三文魚吞拿魚同劍魚，每份各兩件，好鍾意食三文魚嘅我都覺得好新鮮好肥美，特讚一下！主菜方面，兩個鍋都係用火熱住捧出嚟嘅，個份量都好多下架，我同男朋友嗰個嘅分別就係佢比我多咗一碟牛，仲有醬料俾佢點牛肉食，味道方面個湯底好濃郁，好似壽喜燒果種湯底，有豆腐、雜菇、蘿蔔、椰菜、竹輪等等，仲配埋一磅珍珠米白飯俾你添，打到唔夠湯的話，店員仲會幫你加湯，男朋友食安格斯牛肉都話牛肉味道不錯！個醬汁好特別有少少薑味甜甜地好開胃！飲品方面，我哋就叫左茶，原來佢茶方面都有幾隻俾你揀，有柚子茶綠茶等等，好多選擇！overall無論環境食物服務

今日同朋友收工後心郁郁想去荃灣掃街, 見到間鋪叫初見, 餐廳裝修得頗具無印風格, 就吸引左我入去啦, 坐低後睇下個餐牌先, 打開餐牌一睇發現好多嘢都想食, 加上可能我今日工作太忙碌, 現在既我十分肚餓, 最後決定咗叫👇🏻♕✧✧✧✧✧✧♕【～初見香草吉列牛】石燒香草吉列牛肋肉一個set入邊有吉列牛、溏心蛋、飯, 超豐富！加上自己燒吉列牛感覺幾好玩, 這個值得推介😋👍【～南瓜雜菌意大利飯】用三種菇材料去製作帶有南瓜嘅🎃甜味, 味道不錯🤤✧✧✧✧✧✧✧✧✧Total: ＄196♕✧✧✧✧✧✧♕環境: 4/5服務: 4/5味道: 4/5性價比: 4/5 ♕✧✧✧✧✧✧♕📍P.S: 人生若只如初見, 憂傷的美麗只能定格在回憶中。也許哪天轉身而去, 留下一個美麗的遠去背影。完美的弧線, 會訴說著對昨日的依戀。也許, 在我們認識的人中, 有過誤會, 有過得失, 你就會想起初見的美麗。或者, 哪天在某個特定的地方, 故地重游, 突然發現多年未見的你, 一下子就回到了初見的情景, 初相遇, 哪是怎樣一種讓人難以忘懷的感情呢?! 初見驚艷, 再見依然。但願再次見到你的時候, 你依然哪麼美麗如初。令夜春風放

人生若只如初見·🐮初見香草吉列牛（$128）綠色賣相望落似青苔🤣但仍然好吸引好想食！香草味唔係好覺，牛肉質感一般.但岩鹽醬汁超好食加哂分👍🏻溏心蛋還好～·🍲安格斯牛肉鍋（$88）比吉列牛好食🙃牛肉口感較佳～味噌湯底唔會太咸⋯配料足🥬🍥🍄·🍤初の特選小食拼盤（$98）最鍾意點小食拼盤😆咩都有岩哂咩都想食既我地👩🏼‍🤝‍👩🏻甘栗紫薯餅；明太子雞翼；一口芝士🧀；雞軟骨餃子🥟一口芝士真係好想再食多幾粒🤤·📍初見荃灣海壩街22號華達樓地下F號鋪

呢啲時期 去街食嘢要好小心今日忽然好想食邊爐嘅嘢 但又諗起邊爐家族😖但諗起之前食過呢間日本餐廳 入面有一個個火鍋仔嘅定食！ 一於再去食一次，滿足下自己想打邊爐嘅食慾！餐廳好細心咁提醒我地要注意衞生我地order 咗兩個鍋 分別係安格牛肉鍋同野菜豆腐鍋 再加$35 有一客刺身，湯同埋飲品或者可以揀沙律等湯分別有南瓜湯同味增湯，我就揀咗南瓜湯！南瓜湯味道濃郁而且唔會好多渣 nice!!!!!牛肉鍋，牛肉嘅口感唔會好老 而且好有牛味，鍋入邊嘅湯底好清甜 又健康！入面有蒟蒻 好爽🤪 而且份量好充足食到攬住個肚走而豆腐鍋， 主要係素為主 勁多嘅豆腐同菇係入面keep fit嘅女仔就最啱不過追加嘅呢一份刺身份量都好多！而且味道都算鮮甜👅👅+$35 算好抵食整體而言，環境舒服 而且食物健康又美味會再光臨！

叫咗個日式咖喱豬扒飯，我都轉咗做跟餐，咁樣似乎比較抵食呢。拉麵好大碗，包羅萬有嘅海鮮，有三文魚、青口、蜆肉、大蝦、海蝦同埋櫻花蝦都好正喎。個湯充滿海鮮味，蛋黃色的拉麵又夠爽！日式咖喱豬扒飯簡直係我自愛，熱辣辣嘅香噴噴日式咖喱，味道唔辛辣，加埋脆卜卜嘅吉列豬扒，口感一流。豬扒隔離仲有沙律菜配日式麻醬，酸酸甜甜更開胃。另外仲叫咗軟殼蟹飯卷，蟹籽脆卜卜，點上沙律汁，口感好豐富軟殼蟹夠新鮮。餐廳裏便好多人嗌石板吉列牛，下邊有個火上面係石燒板，燒住一塊塊嘅吉列牛，下次我都要試吓先得。初見到最後不如不見，人生就是這樣，每一個人都是人生的過客，就讓一切隨緣如風。