初見 (已結業)

在香港旺角區，有一家名為「初見」的日本餐廳，吸引著眾多食客前來品嚐。這家餐廳的特色在於它成功地將日式烹調與洋食完美融合，令人驚艷。特別值得一試的是他們的意大利飯，可謂達到了一個相當高的水準。不僅口感綿密，米飯吸足了濃郁的醬汁，每一口都讓人陶醉。當然，來到「初見」不能不提到他們的招牌菜——「初見特選蟹皇刺身飯」。這道菜採用新鮮的蟹肉，搭配上精緻的刺身和綿滑的日本米飯，令人回味無窮。蟹肉的口感鮮嫩，刺身則切得極為細薄，非常適合喜歡品味海鮮的食客。此外，這裡的炸物也毫不遜色，尤其是那道「甘粟紫薯餅」。這道菜將甘粟與紫薯完美結合，外層酥脆，內層香滑。每一口都能品嚐到紫薯的香甜與甘粟的獨特口感，讓人滿足至極。總結來說，「初見」是一家充滿驚喜的日本餐廳，無論是意大利飯、刺身飯還是炸物，都能讓食客大快朵頤。若你剛好身在旺角，不妨來此一遊，體驗一下它獨特的美食風味。

“初見香草吉列牛”($138)“安格斯牛肉鍋套餐”($88+$38)其實已經bookmark咗呢間初見好耐因為之前得荃灣店所以冇咩機會會食到但原來餐廳喺旺角開咗分店🤩咁冇藉口唔過去食啦😆最吸引我嘅就係初見香草吉列牛🐮原味同黑松露味都喺其他餐廳食過炸衣呈綠色嘅香草味真係好特別💚將吉列牛放上鐵板每邊燒10秒左右就食得😍食落外脆內軟熟,帶點點香草味🤤呢份吉列牛仲會配上白飯🍚溏心蛋☺️我地另外叫咗安格斯牛肉鍋套餐🍲牛肉片份量夠哂多,而且肥瘦分明😋湯底用上味噌湯,裏面配料都好豐富有魔芋,芋絲,冬菇,鳴門卷,椰菜等配埋白飯一齊食夠哂飽肚😋我地仲+$38升級咗呢份做套餐會有一份刺身,味噌湯/南瓜湯,熱茶刺身好厚切而且夠新鮮🥰都幾抵食😚

放工去咗朗豪坊行行，經過上海街見到呢間就入去試吓。地方雖然唔大，不過就坐得舒服。我哋order咗：✨日式叉燒・豚骨湯拉麵。$70✨拉麵賣相唔錯，叉燒好入味，湯底濃郁，我好鍾意！😍✨初見香草吉列牛配白飯、溏心蛋。$138✨睇menu,,見到吉列牛就覺得好吸引🤤吉列牛配埋石坐燒，呢個配搭唔錯😎。牛燒到啱啱好，配埋啲醬料，好正。糖心蛋都係我既favourite 😋😋📍初見（旺角）旺角上海街511號地鋪！

餐廳：初見地點：旺角上海街菜式：日本野餐牌：主餐牌有小食，刺身，壽司，丼，拉麵，燒物，鍋物，和洋創作，飯，漢堡。初見特選蟹皇刺身丼 $168 另加一初見特選蟹皇刺身丼用隻西式碟裝住，面頭有海膽兩大片，刺身有厚肉帶子一隻，仲有蔥花吞拿魚蓉，蟹分別有蟹鉗兩隻，蟹肉絲，蟹膏同蟹籽，伴有玉子兩大片。材料都算新鮮，質素可以。蟹膏有好多，可以撈飯食。飯係酸酸地，濕潤度同味道都唔錯，上面加左飯素，更添味道。碟邊仲有酸薑同日式芥末。熱柚子蜜 $12 另加一熱柚子蜜甜度適中，好暖身。

呢間初見嘅門口好靚，係旺角嘅鬧市中尤其特出😮係門口睇見個menu 又唔係貴。所以揀咗呢間做今日晚餐😋選擇都幾豐富，拉麵，丼飯，燒肉，鍋物同小食都各有好多口味選擇😍安格斯牛肉鍋：係味噌湯底😋好有日本嘅味道。配一份牛肉都幾多，有10幾塊牛肉，而且唔會太肥，肉質都幾滑。 鍋配料都多，有冬菇，鳴門卷，豆腐，菜，芋絲🤤$100 都唔使，材料幾豐富，性價比高👍🏻照燒豬軟骨拉麵：2舊豬軟骨都好大塊😋D肉好鬆軟，夠淋👍🏻而且豬骨湯底味道濃郁。值得一試😋炸雞軟骨餃子：👍🏻好好味，各款餃子都有得揀煎/炸。🤤炸過嘅餃子皮金黃香脆🤩，咬落脆卜卜真係好正！食日本菜嘅餐廳黎講，呢間性價比真係高👍🏻價錢抵，食物亦豐富，環境又靚坐得又舒適👍🏻值得推介❤️

地鐵站附近嘅日式餐廳,店舖有樓上位置,不過平日都好多人食,所以記得BOOK位.食物選擇都幾多,有壽司,燒肉,拉麵,鍋物,小食.1️⃣季節海鮮鍋(龍蝦湯配白飯)海鮮方面有蠔,蝦,青口,帶子,魷魚,三文魚,八爪魚.海鮮款式都幾多.鍋入面有菜,豆腐,金茹,冬茹,芋絲, 蒟蒻.仲有碗白飯,一定食得飽💰HKD$882️⃣安格斯牛肉,豚骨湯拉麵牛肉都幾多,但較un.湯底都夠味.溏心蛋幾滑💰HKD$703️⃣加配南瓜湯,刺身同柚子蜜南瓜湯幾濃味,唔會好水.刺身新鮮,非常厚身,大件.💰HKD$38

近朗豪坊附近有間日本餐廳推出平民價吉列牛套餐🤩份量都多，可以同朋友share 食，再加小食都夠飽肚。.🥣初見香草吉列牛🥣：💰$138配白飯、溏心蛋，牛類都可以追加，或可以加錢轉做拉麵/烏冬/味素飯。一人一個石爐，吉列牛都多片，因為石板已經預熱後，要先自行放上牛脂塗均石板，以免痴底，一次過可以放3-4片吉列牛燒，仲可以根據自己口味燒到唔同熟成度添，牛肉係薄切會較易熟，燒十幾秒就食得喇！每片牛既肉脂比例差不多，牛味濃，鎖肉汁肉質唔好韌。沾埋醬汁，一口牛一啖飯，好滿足呀🤤🥣照燒豬軟骨豚骨湯拉麵🥣：💰$70拉麵幾大碗，兩大片紫菜，配幾條竹筍片，半隻溏心蛋，主角豬軟骨煮到好念，湯底好濃味又多湯，份量岩岩好。

又到搵食時間~OpenRice search 到呢間幾多好評~咁啱又就腳~試下啦~叫左份香草吉列牛, 有配溫泉蛋, 蛋甜甜的很好吃第一次食吉列牛😅牛牛🐮顏色唔錯, 雪花幾均勻, 仲附上牛脂~唔怕chi底~熟度可以自己調節, 加上淡淡香草味, 唔錯仲叫左特選海皇蟹🦀刺身丼, 因為個樣實在太吸引, 用料好豐富, 有松葉蟹肉、蟹膏、蟹鉗、蟹柳、帶子、吞拿魚蓉、海膽、甜蛋, 好滿足☺️不得不讚加配的南瓜湯, 超濃郁, 有人好好好欣賞第一次見面, 所象很不錯~☺️

<初見> 📍旺角🔸初見、又見、再見 👋🏼😁🔸性價比高！抵食可取！第一次試<初見>係荃灣，食過下感覺相當高質，定食內容豐富同埋夠晒飽肚 ☺️💕 旺角呢間初見Location係上海街，近住朗豪坊，同樣地都係咁多人幫襯。炸芝士餃子釀雞翼($58) — 熱辣辣芝士爆餡餃子有驚喜 WoW 🤩 食落有爆醬Feel，但如果再多啲芝士就更上一層樓。 (Must have item!!!)初見香草吉列牛 ($138) — 套餐一set包左一個石燒座、一碗飯同埋調味盤。吉列牛生勾勾咁款，煎一煎佢，食落軟淋 🥴 沾上鹽、咖哩醬配飯食幾好送口。咖喱吉列魚柳定食 ($80) — 炸粉鬆脆幾香口，魚柳無雪味，而且啖啖肉。日本咖哩醬偏甜唔算太辣，幾好餸飯 🍛

香草牛既牛唔靚，煙三文魚明太子意粉勁水似湯意，無明太子味，加左$36有刺身、世界麵豉湯&飲品，麵豉湯溝太多水，稀到清水咁。seat位又窄，啲staff態度差，第一次寫食評，第一次負評！

想食吉列牛，諗起荃灣嘅初見，性價比高；除咗燒肉，仲有其他選擇。既然旺角開咗分店，就近近哋食呢間啦！ 初見香草吉列牛🐂一條吉列牛份量都幾多。有一隻溏心蛋，套餐有刺身、麵豉湯、烏冬同飲品。吉列牛外面少少脆，裡面牛肉嫩滑，啱啱燒起好香口😋 季節海鮮鍋🦞🐙🦐🦑🦪湯底用龍蝦湯，仲有份量十足嘅蔬菜，海鮮有蝦、青口、八爪魚、三文魚、蠔等等，好豐富😄 日式鐵板煎雞軟骨餃子🥟好食呀！食到粒粒脆口雞軟骨，而且外皮煎得香脆，增強餃子嘅口感👍🏻 炸和風一口芝士🧀️炸芝士粒都好正😋脆脆嘅外皮包住軟淋淋嘅半熔芝士，唔錯！

人生若只如初見🍃#初見 雖然係一間小店，裝修簡潔清新，但野食選擇非常多，除左拉麵、刺身、漢堡、鍋物等等⋯你想食嘅都可以滿足到你🤨👩🏽‍🍳推介初見香草吉列牛、季節海鮮鍋#旺角平價日本吉列牛定食#香港美食#旺角美食#吉列牛#人生若只如初見

今日專登嚟到旺角食吉列牛 呢間餐廳都唔算好大 都幾多人嚟食 所以我哋都等咗一陣 除咗吉列牛 仲有其他日式食物😍 啲嘢食唔貴 每人大概$100-150都食得飽🤣-🐮初見香草吉列牛 $138香草吉列牛面層係香草炸漿 香草味幾好食 將牛扒放上石爐上面 煎十幾秒就食得 牛肉味濃郁 唔會太乾 一啲都唔韌 而且雪花均勻豐富 另外佢會提供一碗飯仲有糖心蛋 🥳有兩種調味 一種係幼鹽 另一種係鹽醬 但就咁食都好好味☺️-🍲野菜豆腐鍋 麵豉湯 配讚岐烏冬 $76呢個鍋材料豐富 有菜、金菇、豆腐、鳴門卷、獅子狗、蒟蒻 另外仲有烏冬 食完好飽🤣湯底都好飲 🤤-📍初見 旺角上海街511號地舖

一定可以再訪既”初見”👍🏻旺角人均$100以下既選擇‼️‼️♡┈┈┈環境┈┈┈♡思考旺角食飯真係好麻煩😪呢次“初見”呢間餐廳，距離地鐵站只有2分鐘既距離，夠晒方便🤣我地7點去到全場無人好舒服+好乾淨🤭裏面有好多款日式料理，最適合我呢類日系人同朋友見面🌸4人位🌟（走既時候就幾乎滿場啦🤣）♡┈┈┈食物┈┈┈♡🥢安格斯牛肉鍋(味噌湯配白飯) $88手機QR落單夠方便🥰好快店員就拿左個一人鍋過黎，由0開始煮慢慢睇住熱真係好興奮😝牛肉片數夠，又有豐富菜同日本魚蛋😚滿足🥗手切青瓜蟹籽沙律 $68 #kurin沙律地圖 Kurin我推介呢個沙律‼️😍出去日本餐廳怕heavy，一開始唔記得走醬擔心好肥，結果青瓜🥒絲大大碟，而且明顯新鮮夠爽，無出水情況👍🏻！有蟹柳絲同蟹籽，拌埋青瓜絲個人覺得醬份量絕妙，沙律人我比5星🤣🌟🍵熱柚子蜜 $12叫左少甜所以非常滿意👍🏻😙💛店員態度同對應都好好🍵精選花茶/杯(熱) $12花茶個杯好特別係有個自帶蓋🤣可以保溫之餘真係好多花花🌼養生下一個字：去！😝📍初見旺角上海街511號地舖 電話:59120309

夜晚喺旺角食飯通常人多較難搵位 但今日行入少少到上海街 搵到呢一間日式餐廳 唔使等我入去試吓香草吉列牛🐥🐥🐥🥚🥚近呢幾年都好多餐廳做吉列牛所以見呢度有都叫咗黎試 先去廚房，將牛肉表面炸成吉列形狀 再切開近乎三成熟上石鍋俾客人煎 不過今次呢度略嫌牛肉條偏幼 做唔到好飽滿嘅感覺 但要讚餐廳配料夠多 有一隻糖心蛋切半 又有牛油脂 足夠嘅醬汁同埋粗鹽特上豚骨拉麵🐥🐥🐥🥚🥚其實呢間餐廳好多元化 有吉列 有定食 有壽司有刺身 有丼飯 今次叫咗拉麵 特上拉麵就好似過橋米線咁咩料都有 好大塊嘅叉燒 安格斯牛肉 以唔係專做拉麵餐廳嚟講 都不錯 略嫌湯底有少少鹹 但餐廳有多幾款湯底選擇 推介大家可以加錢試一試 佢嘅安格斯牛肉真係好食