函館元祖北海道拉麵 (已結業)

公司放lunch去搵嘢食，咁咪是但喺附近行吓囉，行下行下見到間食日本嘢嘅，食飯時間又唔太多，咁啱又可以即刻入到去坐低，跟住咪入去囉。入到去叫咗個套餐，有個魚生飯拉麵同沙律，飯有三款選擇，三份嘢都幾大訓架。如果Lunch又想食多啲款式嘅嘢，可以去呢到試吓，成個餐都唔使＄100呀。

喺入夜後嘅上環覓食，特別係9點後選擇唔多有幾次幫襯茶餐廳都不幸中伏今次剛好經過函館，膽粗粗一試店子小小但坐落又幾舒服，雖然8成坐滿，但又幾靜幾peaceful點了炸雞咖哩飯同滑蛋雞飯，送餐來時發現原來仲有湯同配菜跟，都幾surprise味道唔錯，最後我竟然一個人食哂成碗值得一提，服務員服務態度對客人都幾細心會嘅，下次都會再支持嘅

香港味噌拉麵龍頭大哥。可能是香港最好的味噌拉麵。值得一試。85/100函館在香港經營多年，主打味噌拉麵。麵條用了很出名的西山麵條。上環這鋪位是較為新開的，老鋪在鰂魚涌。有天和同事來吃午飯。餐牌選擇令人花多眼亂。雖然這裡最有名的是味噌拉麵，但我看見辣拉麵便忍不住點了最辣的。我同事點了「金味噌」拉麵，我亦點了一客跟餐的炸雞。除了金味噌之外，還有一款更濃郁的味噌拉麵。我試了同事的金味噌拉麵，又香又鮮，味噌濃郁有層次，絕不會死咸，相信是以數種不同的味噌調教出來的，絕非坊間一般味噌拉麵可媲美。這裡應該是香港最好的味噌拉麵。我的勁辣拉麵($95) 很有辣勁，但辣得挺香。小辣應還可以感受到味噌香味，但勁辣就吃不到了，雖然如此，我亦吃得津津有味。這裡用的是西山麵條，在日本相當出名。卷曲的粗麵很有嚼勁, 沒有任何鹼水味，很讚。叉燒用上豬肩，肉味芳香。唐揚炸雞($25)炸得鬆化可口，肉質嫩滑可口，同樣很讚。整體來說，性價比高，質素有保證。適合熱愛味噌拉麵的朋友。

年初五，好多食肆都未開，不過依間店舖有開，就試下，雖然貴左少少，新蒸頭，食豪啲都可以既😬薑汁牛肉飯賣相不錯👍🏻，有前菜，有湯，味道唔似想像中咁好，一啲薑味都唔覺😅，似普通的洋蔥抄牛肉，唔鐘意薑味既朋友，應該會覺得ok

偶然经过试看看，一行3人，尝试之下米饭定食出乎意料的好吃! 因为米饭本身煮的软糯Q弹，可以把基本米饭做好的店也不多。拉面很普通，感觉自己在家煮日本的拉面也有了。所以大家不妨试试看米饭定食哦！

買左機票下年去北海道，先知道原來北海道有個地方叫函館，最出名就係有個靚夜景。加上鹽味既發源地就係函館，所以決定黎試試。濃厚味噌芝士拉麵 - 佢地用左隻無咩味既芝士碎，只係可以做到溶溶地芝士果種質感，而唔影響本身拉麵同湯底既味道，但係呢我覺得依種狀態，進食時會比較麻煩，一夾就可以夾晒成碗麵咁，所以我都唔係唔建議食芝士拉麵。到個湯底，本身已經叫左濃厚，但都唔覺得特別濃厚味噌味。而麵質方面並唔爽口彈牙，十分普通，如果用依個價錢黎計己經可以食排隊豚王啦。

一連放了三天假，心仍在放空，加上早早回來看見整個檯面的文件，於是決定Lunch好好獎勵自己。逛了公司附近一個圈終走了進來，午市時間但竟然不用排隊等候，一個人更可隨意坐。店內的員工都會說英語，有些更懂日語及廣東話！各人態度都非常誠懇有禮，亦會不斷留意食客的需要，十分細心值得一讚沒有細看餐牌上的內容，只見湯底款式已經有很多配搭，芝士、咖哩、醬油、味噌....選擇困難症的我只好向店員姐姐求推介，於是點了這個蝦味豬骨濃湯拉麵。忘了叫走蔥，呈上時看見一大堆大蔥真的呆了豬骨湯底算是濃郁，亦呷出蝦味，麵條連湯一起吃也不會太鹹。除了蔥外，還有大量芽菜，拉麵份量不算多，但總算口感彈劾。叉燒頗肥，味道沒有特別，整碗亦只有圖中這一塊，盛惠110元連加一不包飲料索價如此，恐怕只會步周月後塵！

味噌拉麵從湯底色澤看出味噌唔夠濃，再試一口發現味道仲要好淡，似係加得太多水，溝稀左個湯另外拉麵質地偏軟，唔夠爽口彈牙，湯汁完全掛唔住麵條，以一間收人100蚊碗既拉麵店黎講，我係非常失望。

實在唔不行  個麵又干身又唔好食D 湯底咁叫咩湯底呢 落鹽煲熟就算.. 我屋企都整到 呢D同我起　XITXSuper 買一包包札幌拉面沒有分別最後你仲要睇值幾錢？　100$ 碗. 真係唔值  點解我話唔值 , 佢只有一塊差燒OK 我可以講佢地個差燒係好食, 5星,我會俾3粒星係俾塊差燒 , 但是拉麵衰了湯底就不用再說豆芽沒有清尾還帶有芽根 , 湯不清 , 青蔥不新鮮 然後入到鋪面抬頭望一望.. 成個天板都係塵..嚇死人 我食塵鹽 拉麵? 

响上環禧利街間日式燒肉店執咗冇耐，隨即就變身做拉麵店。以往番工食拉麵，一係行上山，一係行好遠，好多時都唔夠時間食。而家開近咗，又多個選擇，我開心都黎唔切。今日時間緊迫，要買外賣番公司食，行過新開嘅函館北海道拉麵，諗住冇外賣啦，點知一問之下，竟然有喎。餐牌有好多種拉麵，未能細讀，但係佢個北海道3.6 牛乳拉麵好似幾特別，我又未食過，就要呢個啦。等麵嘅時候，店員好貼咁俾咗杯熱茶我，叫我坐住等，我就湊機環視店內。室內裝修簡樸，淺色木枱，牆上掛滿一幅幅關於北海道嘅相片。因為新開張，只得小貓三兩。大概10分鐘，麵已經包好，店員店長都好有禮貌，將外賣遞俾我，同我講下次外賣可以打電話黎叫，唔洗等。雖然麵館同我公司只隔2分鐘步行距離，我都有啲驚個麵會稔，急急腳就番公司。欣賞一下碗麵先，面頭有叉燒一片，車厘茄，粟米，菠菜，薯仔同蘆筍。第一啖就梗係飲湯先啦，湯香滑帶點肉甜，有啲似生魚燉鮮奶嘅味，不過當然唔會腥啦。湯飲落好順喉，令人飲完一口再一口。麵條係札幌拉麵，粗身微曲，入口仲好彈牙爽口。麵味溫和，鹼水味唔重，估唔到鹼水味同奶味又幾夾喎。叉燒圓形薄切，味道正常，屬於少調味，食到原味個種。至於配料呢，不過不

最近 10月頭，我發現原先為日式燒牛肉店 298 Nikuya Kitchen 的原址，開了一間日式餐廳 <函館元祖北海道拉麵>！ 營業時間：主打供應：拉麵及定食地獄拉麵、蝦湯拉麵、芝士拉麵及生薑拉麵  起初，我想平日中午來幫襯，可是被那門外的人龍嚇到打退堂鼓！  一於找個星期六放工來吧！ 在星期六中午，我站在店外看餐牌，主動的女店員立即走出來招呼我，她以半鹹淡的廣東話向我推介各款口味拉麵！ 當我走入去，店員及日籍師傅以日文說歡迎光臨！ 這裡簡約舒適！桌上已備有調味料！ 安排入座後，她繼續推介拉麵，我不肯定這裡的女店員是否菲律賓人？！ 她們就得到廣東話卻有點口音，  半中半英跟我介紹各口味拉麵！我總算聽得明，還是跟她們說英文，我會聽得舒服一點，她們都幾有禮貌及耐性！ 我總覺得日式餐廳的衛生方面會很好！這裡也不例外，卻是被小烏蠅的出現大打折扣！  看見紙巾上的小烏蠅，衛生的紙巾也變得不清潔嘞！  我還是用自己的紙巾較好！期間，醒目的女店員見有食客用手機，見她立刻上前跟食客講有 WiFi，認真週到！ 各式其色口味的拉麵，令我花多眼亂！  我問女