函館元祖北海道拉麵 (已結業)

每次黎都總係會無某d野，例如無飯、無面、無餃子， 今日直情係咩都無，得拉麵，但無雞、無牛、無魚，連最基本嘅雞蛋都無！拉麵好油！成層油係面！服務方面，一個員工睇全場，落單、上菜、埋單，可想而知....

見完工8:00中左右，行行下經過這間拉面店，見裡面全部都係一個人食，所以就入去試下。環境店舖不大，當時只有3-4個客人，所以座了四人枱，非常舒適。食物叫左濃厚味噌拉面，再加了10蚊要一個炸雞串，大約85蚊，算較便宜了。拉面味道很好，味噌湯底濃而不咸，可以真接飲，面是比較爽身的那種，沒有鹼水味，配料都很多，整體的味道雖然不算很特別突出，但食落就會覺得好舒服。最好食既係叉燒，很厚很大舊，非常軟嫩多汁。炸雞串的炸粉厚了一點，但配的醬汁很好食，不會太酸，以加10蚊的價錢算非常抵了服務都好好，店員很有禮貌，推薦的一人飯堂

週末到中環英皇戲院欣賞電影，完場已時近黃昏，倆小口子再度尋食去。識途老馬的老伴遲疑了一陣子，既然車子停泊在上環的林士街停車場，咱們不若沿途走向上環老街，看看能發掘甚麼隱世美食。於週未的黃昏，中環添上另一份新姿采，彷彿是曾經滄海以後洗盡鉛華的驀然回首，日暮途窮，帶著一份往昔只能回味的悲涼。在繁華過去復歸平淡，卻留下一道不能磨滅的足跡，流露點點淒滄孤寂的詩意。心中不禁戚戚，幸而馬路口新張開幕之龍虎舞獅沖刷掉悲滄的氣氛。聽著抑揚的鼓樂聲，看著一隻美侖美奐的紫獅傲然攀上燈柱高峰，為日落中環帶出一片新氣象。小的沾著這份喜慶，跟著老伴繼續走，來到上環小街巷處。然而街角存在著一些地道小店，卻大都為麵包蛋撻咖啡室，竟尋不著咱們喜歡之美食。本來打算投入一家上次途經讓老伴興致欣然的定食店，不過當老伴發現此為韓式食家便立即打退堂鼓。最後咱倆還是選擇了和風的「函館元祖北海道拉麵」。位於上環禧利街的「函館元祖北海道拉麵」算是巷裡比較光鮮的店子，一開始經過時見到兩位職員在門外搬弄招紙海報，以為舖頭仍未開市。不過回頭細看發現麵店已剛開始作業，遂於這尷尬的日漸西沉時段成為餐廳的第一檯食客。在入門以前，小的瞧見舖面黑板

今日本身諗任買麥當勞10$優惠.但路過街口見到日本野所以就入去試～12點幾左右 寫字樓放飯時間幾多人得2個侍應 所以等左一陣先有茶飲～拉面都有七種隔離台左右都係叫拉面但我叫左個吉列豬扒定食。等果陣～有個白頭日本師傳講左幾句日文就行返入去。見到飯要等得比較耐 拉面好快。遲過我入黎既人 拉面都食緊不過出乎預料個吉列豬扒好軟唔係硬綁綁咁難咬個醬係果d豬扒梅醬個人覺得好味過某d豬扒飯店～幾值得等強烈建議叫豬扒定食個飯好好味 果然日本米係好食d下次經過會試埋滑蛋豬扒丼～Ps. 為左佢寫第一次食評唔記得影個門口

位於上環這間拉麵鋪座落小巷, 配上低調傳統日式裝修, 有著一股濃濃的隱世小店氣氛.店内空間不大, 播放輕快的音樂, 用餐空間很寬闊.店内客人不多, 店員隨傳隨到.點了兩客拉麵,愛冒險的我特意選了少見的鹽柚子拉麵, 和尋常的豚骨黑拉麵.豚骨黑拉麵就是加了黑蒜油的豬骨拉麵, 味道普通沒有特色, 麵條鹼水味道很重, 需要留意.鹽柚子拉麵就是全晚重點, 重口味如我, 呷了一口湯已經內心暗叫中伏了. 人家的隱世小店是食物美味客人絡繹不絕, 這間隱世只怕是質素差劣, 嘗過一遍直昇機旅程再不回頭. 湯底過咸可以忍受, 最過份是添加了大量味精, 回家不斷飲水也覺口苦, 可憐重手下味精也救不了這間拉麵店.唯一可取是糖心蛋, 蛋白如布丁一樣軟滑, 可以考慮重點推介糖心蛋 温泉蛋之類, 應該有幫忙. 極力推介給想試直昇機旅程既朋友.

LUNCH TIME去食 隔離幾間都要等唯獨呢間一入就有位 唔知有冇代表啲咩呢?環境就.......好迫下 不過香港地土地問題 都唔可以嫌棄架喇.叫咗個醬油拉麵 本身想加半隻蛋 但侍應提醒本身有半隻所以最後都廢事加.......拉麵上 第一樣發現既係竟然係比木筷子你食又唔可以話好大問題 不過有啲震驚 哈......拉麵夠熱 麵係粗身 仲要夠硬 岩我個人口味!!湯底就略為鹹啲...... 所以一路食要一路飲茶.隻蛋都無乜醬油味 好似只係一隻普通既半熟蛋 不過都OK既 浸埋湯食.肉得細細兩片 十分唔足夠 加一塊仲要$15 真係唔捨得加仲要好肥下 個人口味唔係鍾意80%肥20%肉既叉燒.......餃子不過不失..... 三隻 兩個人分唔係好夠喉兩碟又太多... 所以有啲尷尬.總結 無人地講得咁差咁難食既不過拉麵店黎講 唔係寫紙 冇得CUSTOMIZE走蔥走荀 麵硬 湯底淡度咁就會輸蝕少少~

由於係附近做運動既關係，每星期都會經過一次，每次見到依間號稱北海道拉麵元祖都好想入去試，因為佢勾起我之前去北海道飢寒交迫食既第一餐，就係味噌拉麵啦。我一向唔太好味增，但係個碗麵係癲覆左我對拉麵同味噌湯底既印象，好啦講番正題！見今晚餓餓地就入去試試佢，濃厚味噌上台就都不太吸引不過食左先講麵係彈牙煙un既，但係掛唔到上d湯，湯係有味但係太水，整體感覺係湯還湯麵還麵，再講個湯都係一般，有種係普通日本餐廳叫40零蚊碗既質素，真係有d失望，再食，隻蛋個黃熟左7成咁劑，除左個麵彈牙真係無咩優點，仲要加一

早到了上環，好肚餓，忍不住找東西吃。一個人吃什麼好，看見這間拉麵店的裝修十分適合一個人用餐便進去了。看見餐牌上的選擇，我決定選了極上醬油拉麵。首先飲一啖湯，好濃烈的醬油味道，也真的有一點太咸。麵身軟，我是一個較喜歡軟身的人，所以很合我口味，其他配料足，有海帶，乾荀，粟米，蔥。燒肉也不錯，是五花腩，燒得也不錯。桌上有拉麵胡椒，加上去拉麵上更野味，湯也飲了一大半。有誠意的店。招待也有禮貌。值得再光顧。下次可以試試其他的味道。

出開港島，本身諗住食朋友推薦的球哥點知星期日球哥係無開架於是唯有去左附近 少數有開既一間拉麵店見門面、裝潢都幾靚就揀左呢間 函館拉麵店啦同朋友叫左一人一個拉麵套餐，包左一位拉都同一份餃子包埋加一，$99個價錢係上環黎講算唔貴～味噌牛油拉麵套餐個樣都好靚架！ 但食落呢....湯底無乜味噌味，但大大舊肥仔牛油，都足料既鹽拉麵套餐呢個湯底就清dd 無咁咸但想講既係佢個麵！似係超講買既即食拉麵 唔係平時金田家 霸媽 一蘭等等食開既麵底唔好食點解要比禁貴食即食麵同埋睇相都見，佢配料好少，粟米，笋，紫菜都得幾粒幾條幾塊跟套既餃子都唔好食單點要$28 3粒！！如果無左個餐 要單點再加一 食禁既質素真係嬲到反枱唔會再試

我與同事今日冇book餐廳，隨緣選擇。經過呢間餐廳，被佢嘅門面吸引住，好典型嘅日本拉麵店裝修，好新淨。而且居然仲冇人排隊，我地二話不說就入左去。我有考慮過叫濃厚味噌湯拉麵，因為有牛油，好似好香咁，不過怕肥，忍左手。結果我地叫左 :豬骨湯拉麵 - 同事話都幾好食，食完好飽豬骨湯拉麵加黑蒜油 - 我期望黑蒜油會好香，不過達唔到我要求。都粗幼軟硬適中。湯底可能有味精，食完口渴章魚小丸子 - 有3粒，ok迷你沙律 - ok呢間餐廳食物算ok, 離上環站好近，地點非常方便, 都值得推介。

因為覺得中左大伏，所以忍唔住寫我第一次既食評。叫左最普通既豬骨拉面，一上就知道伏。呢間同附近既無敵家一樣個面底係用百佳惠康買到好平果d拉面，個湯都係極普通公仔面果類既味道。差燒普通溏心蛋普通所有野都普通，根本就係港式拉麵扮日式😓埋單仲要加一 o哂嘴。食開d堅既拉麵鋪如豚王、一虎，人地用堅既小「勿」面、自己餚既湯底，好食10倍都唔使加一，姐係平過呢間。埋單要95蚊，講真45蚊都俾多佢。閒日lunch time繁忙時間唔full係有原因！不過都有樣野好，d侍應有禮貌。

同事提議午餐到呢間函館試下，真係大開眼界，我哋四人中最初三個叫拉麵、一個叫飯，落單後店員之後同叫飯嘅同事講話飯要等十分鐘，跟住同事就改埋同一款拉麵；麵味道一般，义燒只得一片、半個蛋、幾片荀，食完覺得好口喝，應該有味精😰。最令人大開眼界嘅係，剛放低筷子，攞起杯水，店員A就收碗，同時聽到店員A同店員C講，1號枱埋單，店員C隨即將張單「Pat」喺枱面，我哋即時O咗，諗住抖一抖飲埋杯水就走，杯水都未飲完，店員A已經走埋嚟「唔該埋埋張單，出面有人等位」，我哋由坐低到趕我哋走都係19分鐘；我明白午市時間要「通氣」，但都唔係咁呱，食得快嘅就要掃你快啲走，我相信都應該合理去處理啩！食物已經麻麻、價錢又唔係抵食、要收加一，仲要咁嘅服務態度，大家真係要諗清楚自己個胃同條氣會唔會受得住食得咁急又激氣先😫幫襯前三思😩

食飯時間見周圍咁多人，呢間無咩人，未入去睇下有咩食。餐牌款式唔多，叫飯食話要等，咁就叫碗拉麵食啦，諗住拉麵應該唔會差得去邊。40幾蚊質數賣90幾蚊一碗，不過旺區租貴，無所謂啦。係湯味淡D，港式拉麵囉，師傅手勢好，d料細細塊，一塊簿切豬肉。最慘係未食完就放低張單叫你埋單，前後坐左15分鐘左右，又唔係無位，出面都係得一檯人坐緊，無服務。最慘係無服務仲收加一。完全唔掂間野，無下次，本身唔多出聲都要出聲講句野，等佢地睇到可以改善。

今日一枝公出上環食lunch, 諗住食餐好既再返公司搏殺啦，結果真係呢....一點鐘去到唔使等位再極速落單，以為成件事好順利啦，點知一等就等左半個鐘，問下店員，佢地只係識講唔好意思🙈；再望下廚房，頂原來得兩個（日本）人，睇住佢地handle咁多orders真係有啲勉強，最後惟有火速食完再跑返公司，堅中伏啊😇不過公平啲講，個飯味道係唔錯既，最少滑蛋的確夠滑，唔會整得好老；豬扒個炸粉唔厚，食落啖啖肉；但味噌湯就唔夠熱喇。考慮到等野食既時間實在太長，個人覺得未必會再encore了

Please note, this review is of delivered food, not food consumed in the store. As such, quality may differ.So I have to dine alone for lunch for the foreseeable future (wife has new job), so I've decided to try everyplace that will deliver to my location (currently using online dining platform ), and review them all. This was my first choice.I ordered: Fried Dumpling (5pcs) - $50 and Pork Bone Rich Taste Hot Spicy Soup Ramen - $110. Both were "favorites" and they gave me an option for spicines