凡直友里

營業中

休息中

平時去元朗多數都係買B仔就走上個禮拜入元朗順便搵野食 對面就有一間食西菜嘅餐廳個名叫凡直友里幾盞鬼 就入左去試下啲員工好熱情好親切 佢地會主動過嚟介紹好食既野佢地首推係乳豬嘅但我地唔係好鍾意食豬所以冇叫到 我地叫咗牛扒 配菜就要左芝士忌廉菠菜同埋芝士黑松露薯條另外仲叫咗焦糖蘋果鵝肝 嘢飲方面就叫咗呢兩杯 睇住bar嘅同事沖 感覺好專業berry果杯係有酒精嘅但係係好易入口架 唔會話好澀我哋以為配菜好細碟兩個人一定食得晒點知黎到果陣都嘩左聲 好大碟架你睇下啲芝士有幾多 個芝士菠菜好好食主菜兩個都好有水準 鵝肝好肥美牛扒五成熟岩岩好 唔會好多筋 又唔會好老下次黎真係可以試下佢推介嘅乳豬啦

喺openrice 睇評論發現到哩間西餐廳，黎開元朗就黎左食dinner，估唔到又真係幾正喎！個店名幾有趣，門面整得有feel,黎飲野傾計都唔錯，下次飲野再黎坐戶外。set dinner都幾多野揀，哩個價錢喺元朗食飯略貴，但見餐廳菜式都幾特別，一分錢一分貨。朋友唔飲得就叫左杯mocktail share飲，係一杯菠蘿特飲，甜甜地有果肉粒，幾好飲。dinner set加$30轉龍蝦湯，個法包焗到金黃色好脆，點一點湯食仲正。龍蝦湯味濃，唔錯！見到多人推介哩碟菜式，出面餐廳少見，特色野梗係要試試。真係原隻魷魚咁上，切開見到有蟹肉同少少辣肉腸釀喺入面，咁既配搭好好味，魷魚爽口，有好多蟹肉，係鮮味既。伴碟仲有墨汁脆餅，點果個辣蕃茄蓉好正。哩個真心唔錯！烤西班牙黑毛豬扒揀左要7成，店員介紹7成係最好味，就信佢。揀左配薯菜。黑毛豬扒肉質好厚身，但爽口，容易切開。肉質烤到岩岩好，juicy 。仲叫左個pasta ，有3粒帶子，個汁辣辣地調得好好味，扁意粉彈牙好滑，可能加左蛋黃，仲有菠菜煙肉等配料，好味到一陣就食晒。set dinner加$20有埋甜品，係酥皮桃撻，係即叫即焗，一上枱聞到好香。個酥皮底好

經常去開元朗又新街揾食，見到呢間西餐廳開左一段時間，每次經過都排晒隊，今日朋友預早book左位，嚟食下究竟有咩咁巴閉先！餐廳室內位置唔係太多，好在門口都仲可以多放4 張檯，想食得再寬敞舒服d既朋友，不妨選擇室外既坐位！餐廳內由廚房到水吧都係開放式設計，咩都一目了然！餐牌設計一貫m1 集團既設計，設計差唔多，但食物既款式就唔太相同，凡即友里主打即叫即製pizza, 串燒，同西式美食，都係各有特色！去酒吧又梗係唔少得叫返杯酒飲下，今晚我就叫左杯用自家醃製既梅同清酒沖調既cock lady: Plum Lady, 酸酸甜甜，口味非常清新！幾醒神！朋友就叫左個red melon fizz! 餐廳上菜速度都幾快！ cocktail嚟左無耐，餐湯已經送到！我個係磨菇加黑松露湯，未飲已經聞到好香既黑松露香味，飲落啖啖'肉' , 嗰d係磨菇肉，甜甜地，口感唔錯！我覺得比我朋友既龍蝦湯更好飲，朋友話佢既龍蝦湯龍蝦味十足！ 酸酸地幾開胃！除左餐湯外，我哋每人+$48仲叫左份香煎法國鵝肝嚟食！鵝肝做到色香味俱全既要求，賣相吸引，香味四溢，索晒鵝肝油脂香脆既多士配上肥美，入口即溶既法國鵝肝，$48嚟講真係抵

同肥仔又去元朗食好西!連放幾日假當然去玩啦!!呢都有D BAR FEEL , 有人8點半會唱LIVE。西班牙海鮮焗飯$298份量多而且好足料！😀蜆肉鮮甜、蝦肉同魷魚爽口，醬汁越食越開胃，仲有帶子，可以二個人share。烤美國特級西冷牛扒配黑胡椒燒汁$178牛扒肉質鮮嫩，肉味香濃，除左本汗的燒汁，仲有芥辣醬。法式龍蝦湯+$30龍蝦味道超濃厚，好creamy，點埋個蒜蓉包食就perfect。法國鵝肝$48晚餐加$48就可享用，鵝肝好肥美，入口即熔，仲可以配埋多士食。White sangria $88帶白酒的香甜同果香，較易入口。Red sangria $88酒味較white sangria 濃郁，酒香之餘又有果味

今日入左元朗試下呢間凡直有里。呢間餐廳夜晚黎真係好正，我幾鐘意呢到既裝修。我地今日無叫SET DINNER，散叫左一份Fresh Tuna Quinoa Fruit Salad做頭盤先果然夠FRESH，因為真係有唔同既生果，仲加埋吞拿魚同藜麥，豐富蛋白質夠哂健康，生果加埋D汁酸酸甜甜咁好開胃！Pan-Fried Sea Bass Fillet唔知係咪因為我好鐘意食魚，我覺得好好食，因為佢煎到外面好香脆，入面就好滑，調味又岩岩好！不過呢到菜一定要襯熱食，因為凍左就真係無咁好食架喇USDA Prime Angus Rib-eye 12oz牛扒呢方面就都係咁啦，最緊要煎得香，火喉控制得好就搞掂，呢層呢到就做到喇，最重要靚扒係唔駛點汁食既，所以佢都好細心汁另上，再俾D玫瑰鹽俾我地點，好味！咁食到咁上下就有歌手黎唱歌啦，好好聽好有FEEL，所以就叫左兩杯COCKTAIL ENJOY返呢個晚上🌃White Sangria Gls同埋Berry Crush，前者就幾好味，後者就唔太岩我口味喇。如果大家想同FD聽下歌傾下計咁，呢間係唔錯既選擇。

👫元朗出名多好西食，今次嚟到呢間西餐廳，有室外室內座位💁🏻‍♀️ 環境好有feel，食物種類好多但價錢都唔貴❤️一一一一一一一一一一一一一一#炭烤原隻魷魚筒釀蟹肉及辣肉腸伴墨汁西米脆片 <$168>魷魚筒大大隻，入面充滿咗蟹肉同辣肉腸😆好新奇，第一次食，味道都幾特別😚魷魚燒得啱啱好，少少焦好香口💕餡料好足，食落啖啖蟹肉，好鮮甜好滿足✨辣肉腸比較少，食落香辣肉質偏瘦🧐墨汁西米脆片就無乜味，不過蘸醬食都唔錯㗎💁🏻‍♀️.#香煎Rougie法國鵝肝伴焦糖蘋果配多士 <$128>一上檯就聞到好香😍鵝肝超肥美好多汁，好有油脂香，入口即溶😳配埋焦糖蘋果，清新得嚟又好match👻.#美國特級安格斯肉眼牛扒 <$298/12oz>▫️黑椒汁賣相好吸引😝牛肉肉質好嫩，好易切，而且無咩筋😋咬落去好多肉汁，脂肪比例唔錯👍🏻有岩鹽吊味，唔算太鹹又令牛味出曬嚟✌🏻.#WhiteSangria <$88>唔係太重酒味，好似飲緊果汁🍹.#PeachSour <$68>桃味好濃，但飲落無乜特別👀一一一一一一一一一一一一一一👾驚喜指數：❗️❗️❗️❗️🔙翻

一坐低，店舖職員就問會唔會食生蠔，心血來潮就試下啦，估唔到又唔錯喎！淨係吱左檸檬🍋，有鮮味得黎又唔腥，相信係即日入貨，夠新鮮！青口配上蕃茄同肉粒，幾惹味。雖然青口份量唔算少，不過青口肉縮到好細粒，有d唔夠喉啵！一睇menus，就已經想嗌依個！原隻魷魚🦑塞滿蟹肉同辣肉腸，魷魚表面烤到金黃，睇到都流哂口水🤤食落其實淨係食到蟹肉，真係啖啖肉，好足料，再配埋彈牙既魷魚，好滿足！側邊係用墨魚汁整成既脆餅，墨魚味就真係冇乜，不過就幾香口，好似食緊厚切薯片咁嗌肉眼扒可以加$48配黑松露薯條🍟薯條即炸，薯仔夠，表頭灑滿芝士絲，好難唔好食，黑松露味再濃d，就更好喇！至於肉眼扒揀左5成熟，真係煎到岩岩好，冇overcook，而且肉眼扒夠厚身，有入口即溶既感覺，又冇筋位，幾高質！另位仲嗌左Pizza，意粉同乳豬件。pizza🍕係薄底，不過不失，冇乜太大驚喜; 意粉係限量供應，用左蟹肉蟹粉蟹汁煮成🦀🦀🦀，店員再三叮囑一定要襯熱食，凍左就會痴埋一舊，唔好食。意粉蟹味爆登，仲撈埋一粒粒鹹蛋黃，邪惡到爆。但係個人喜愛較乾身既意粉，依個就多汁左d喇; 相反乳豬件🐷有驚喜！😍平時西餐廳都係食豬肋骨，乳豬件真係少有。低温

第一次黎感覺真係唔錯，舖仔雖然細但坐得幾好，食物都幾有質素。晚餐menu選擇好多而且非常吸引，因為只有兩個人食所以最後叫了燒春雞，安格斯牛柳同炸雞漢堡，符合期望十分美味。Watermelon Puree哩杯西瓜飲品伴黃色檸檬，賣相吸引。飲第一啖有西瓜及檸檬既清爽味道,飲完一啖好解渴。Peach Syrup飲第一啖就好大陣桃味再飲落去仲有小小簿何味清新易入口同解渴。French Spring Chicken燒春雞配磨姑醬，雞肉唔乾，痴汁食更加好味！有水準，切到一半聞到好香既味道原來雞入面包住好多醃料，唔怪得之咁入味！Spicy Chicken Burger漢堡入面嘅醬令到成個包都好特出，炸雞香脆配蕃茄生菜成個味好夾薯條炸得香脆可口。下次黎要再叫黎食，因為個醬汁好味到好難忘。Beef Wellington 本身揀五成熟，侍應告知因為外有酥皮所以有固定熟度。一切開安格斯牛煎到剛剛好，內裡嫩紅的肉質，牛肉味濃郁，肉質有口感。

前個排日日落雨, 濕笠笠街都唔想出, 成個星期都好似無離開過元朗. 好在, 依邊就係食店多, 自給自足, 唔駛出城一樣可以食好西. 記得之前朋友介紹過凡直友里, 因為個名太有玩味, 印象深刻, 周末唔想煮, 一於同老公黎撐枱腳.​本來還想着帶埋囡囡黎食, 但因她想睡覺便放棄了. 入到店內才慶幸自己無帶囡囡黎, 因為座位比較窄, 而椅子也較高身, 實在未必適合小朋友來. 但入座時已坐無虛席, 好不旺場.​長方型的餐廳, 一邊做了廚房和酒櫃, 放了很多不同的洋酒. ​即開生蠔也是賣點, 這天有太平洋蠔和蘇格蘭石蠔, $58一隻, 因為對生蠔沒太多硏究, 不知是否抵食.但都見幾多人點的.​先點了兩杯Mocktail: Pine'Art'ple & Red Melon Fizz PineArtple 集合菠蘿汁, 青檸汁, 雪碧等, 味道清新可口, 相當解渴解熱. Red Melon Fizz 則有西瓜汁, 青檸汁和梳打水, 同樣鮮甜解渴, 適合悶熱天氣.​啤酒脆漿酥炸魷魚圈配芥末蜜糖醬 分量十分多, 鮮魷以啤酒脆漿包裹再炸, 能吃出粉漿的淡淡麥香, 亦較軟身, 魷魚鮮味而韌性豐富, 是用

又到每月紀念日了👫 男朋友特登搵定餐廳 再由女朋友我用openrice book枱兼賺埋25AM 一舉兩得！💁‍♀️ 今次男朋友帶我黎既餐廳叫 凡直友里 fan straight lane🤣 個名都幾funny🤣 準時到餐廳都仲要等一陣 未有枱🤦‍♀️ 肚餓既我表示不滿🤦‍♀️ 同場都仲有人等walk in 呢間餐廳都幾旺wo😯 入到去坐定定後 欣賞到live band既演出 同客人嘅互動 氣氛都幾happy😝 食嘢飲番杯酒都開心啲🙆‍♂️🙆‍♀️餐廳嘅食物做得唔錯 整體都幾高質！價錢都唔算太貴 食set dinner就抵啲💁‍♀️ 我哋就叫一個set dinner+snacks+甜品🙆‍♀️炭燒原隻烤魷魚筒釀蟹肉、辣肉腸配墨汁西米脆餅 超好味阿😘😘 蟹肉辣肉腸塞滿左成隻魷魚筒 脹卜卜好qq😋 用料十足！不過嫌細隻咗啲 唔夠喉🙈 嘻嘻🤣 墨汁西米脆餅就好得意💁‍♀️ 西米煙煙韌韌但係又有少少脆 沾啲蕃茄墨西哥辣汁幾好味bor💁‍♀️ 不過男朋友就唔太欣賞脆餅了🤷‍♂️Set dinner 有個餐湯 - 青豆湯 就正常啦💁‍♀️ 不過個蒜蓉包就唔得了🙅‍♀️ 唔脆又太硬🙅‍♀️美國特級西冷牛扒賣相已經好吸引😍

這間餐廳打電話嚟、我book咗9月1日星期六 19點30分這間凡直友里餐廳、他的工作人員叫我食到20點30分問有冇問題😤我問返佢你覺得1時間晚餐有冇問題?我係嚟食飯唔係嚟打仗、 問呢個問題之前唔佢自己諗下呢個問題有冇問題先啦? 呢啲咁嘅餐廳完全令人討厭....

元朗既食店多到不得了，所以雖然我住得遠，但係有時都總會入嚟元朗睇下有咩食。今次本來同朋友入元朗覓食，但我入左之後發出紅色暴雨，朋友最後都唔入嚟，所以就自己一個去左食呢間元朗最近都幾多人食既西餐。意粉，risotto，pizza，牛扒等食物應有盡有，飲品方面有日本酒，紅酒，白酒，beer，cocktails等。我就叫左個　set dinner ，其實價錢以西餐嚟講都算抵，平均都係 $118-$188左右。我就叫左烤美國西冷牛扒配黑椒燒汁 ($178)。呢間餐廳有得加錢加埋前菜，餐湯，飲品等，所以我都分別加左餐湯+ iberico ham 配melon (+$18)，法國鵝肝 (+$48)　以及一杯 Magners (+$38)。Iberico Ham 油脂甘香，配上爽甜既 melon 減低膩感。餐湯幾 creamy ，配上脆身既蒜蓉包。法國鵝肝，底下有麵包，減低膩感，鵝肝充滿油份，好邪惡呢。嚟到主菜，烤美國西冷牛扒配黑椒燒汁。可以跟飯，意粉或者薯菜。我就叫左薯菜，薯條尚算香脆，西冷牛扒就質感鬆軟，旁邊有黑椒燒汁以及 mustard。飲品我加左杯　Magners ，係一杯 Irish Ci

係元朗都幾多好野食嘅去左又新街 行到B仔附近佢店面細細唔係太起眼Order 左個set dinner +18蚊就有前菜同湯我叫左個黑毛豬扒配意粉味道相當唔錯🤤🤤Waitress 建議7成熟入口果然嫩滑扒仲好有肉汁仲有手掌咁大大塊要比一比正評👍🏿👍🏿係估佢唔到嘅之後佢加18蚊嘅前菜有ham同栗米湯我覺得栗米湯嘅蒜蓉包幾高質會再去！埋單都係100幾蚊🤤問左9月會出埋set lunch 我覺得要去再戰一下！

好友介紹元朗呢間小店一定要來試一試，難得今晚放假我同老公就決定去呢一度食晚飯。小店門面都記得意，一排餐枱，又有室外嘅四人枱。感覺熱熱鬧鬧係窩心嘅小店。由紅磡站坐火車到元朗，差不多要30分鐘。一到步就先來兩杯飲品解解渴。White Sangria 及 Red Sangria，10分正宗，酒味唔係太濃，反而果汁味重啲。10分解渴。👍🐥⭐️⭐️⭐️低溫慢煮烤乳豬件伴椰菜仔及手指薯配蕪花果乳豬汁🐷烤焗乳豬唔係好多地方，可以整、可以做，來到凡直友里點樣都要試下㗎啦。乳豬不肥不膩，烤嘅時間啱啱好，乳豬皮脆、沒有很多肥膏，肉質鮮嫩，讚。 👍👍👍🐥⭐️⭐️⭐️⭐️⭐️蕪花果乳豬汁有提升了乳豬嘅味道，廚師心意10分窩心、美食當前俾我食晒啦。鵝肝煙肉砵酒汁烤焗法國原隻春雞🐣🐤又鵝肝、又煙肉、仲有砵酒汁，想唔好食都唔得啦。廚師手藝了得，春雞多汁甜美。讚👍👍🐥⭐️⭐️⭐️⭐️⭐️⭐️伴上毫不起眼的肉汁，原來裏面有鵝肝啦👍👍🐥⭐️⭐️⭐️⭐️⭐️伴菜有5種，我們點了煙肉炒椰菜仔、煙肉炒手指薯。原來煙肉炒椰菜仔的煙肉同炒手指薯是不同的煙肉。真係要食到落口，先至知道佢地嘅滋味。👍👍👍🐥⭐️⭐️⭐️⭐️⭐️其實這間小店有好多亮點，等我一一數比你哋聽啦。⭐️有生果水煙

每次要住元朗嘅友人搭車出嚟九龍陪我食飯，有時候真係覺得唔好意思！所以今日就決定入番次元朗同佢食飯！經朋友介紹下，就決定去一間西餐廳—「凡直友里」試一試！餐廳位於元朗站附近，唔算太難搵。餐廳備有室外同室內嘅座位。行入餐廳裏面，廚房採用半開放式，非常開掦！以工業風作為餐廳設計，簡單得來又不失型格！打開餐牌，正苦惱緊叫咩好嘅時候，店內職員即刻為我地介紹，最後我哋叫左一隻豬手、雞胸凱撒沙律、帶子意粉！先講下個雞胸凱撒沙律。生菜非常新鮮，即使唔點醬汁，亦無損味道！雞胸肉值得一讚，肉質嫩滑，完全唔係平時食雞胸嘅口感，非常之有驚喜！然後就係店員極力推介嘅豬手！豬手用四個字形容，「皮脆肉嫩」！豬手嘅脆皮連同嫩滑嘅豬手一齊食，層次感即刻出晒嚟！令一道主菜亦都係店員親自推介嘅！意粉係用雞湯燴煮，味道同出邊截然不同！配合貶意粉同新鮮帶子。好好食呀！至於飲品方面，由於我唔太喜愛飲甜野，所以就咁叫咗支sparkling water ！都唔錯㗎！