几回味 (已結業)

今年十一國慶假期, 好友小姚建議再去石澳「几回味」食燒乳豬仔午餐......入到石澳, 成個停車場都泊滿車, 好彩餐館門口伸有數個"臨時"位! 九個人叫左著名好食燒乳豬半隻、燒鵝半隻、 紅燒北菇豆腐、砵酒焗美國石蠔煲、椒鹽鮮魷、咸魚炒芥蘭、馬拉盞炒通菜、脆炸沙拉骨同几回味招牌炒麵......除了鮮魷過咸外, 其他?菜都中規中矩, 貴唔貴就唔知?! 有人請客...多謝小姚!同場加映, 遲來的嘉頓限量版珍寶裝『十二黃白蓮蓉月』做甜味! 咁大個又幾好味番!

　　第一次到此食店，相信都有十年前了，印象中叉燒幾好味，同埋個名幾好聽。　　數日前聽友人提起石澳有間燒鵝好好味，心想應是几回味了，另一半最嗜吃燒鵝，心思思便驅車直入石澳嘆返餐。　　五時許到達，太陽還未下山，坐在半露天座位，環境好OK，叫了燒鵝例牌，$75，微暖，皮夠脆，但肉質一般，無咩味。是日無乳豬，於是叫一客鐵板黑椒牛柳，$80，未知是否此店是中菜關係，上桌的並不是牛柳，而只是四片牛肉，好稔，但亦是沒甚麼味道。也許罪不在食店，只是現今的食物材料都難再找到材料本身的鮮味，一切都只是醃料的味道吧了。　　再來一客鹹魚雞絲炒飯，反而是此餐最精采的，夠熱，而且我們嗜吃澱粉質，當然最滿足了。　　三個菜加兩枝小紅酒意（每枝一杯，$45），埋單三百八十四元，可能位於郊區，做遊客生意，價錢都幾貴，不過在石澳食餐蛋麵加杯飲品都起碼三十多元，這裏算是有環境，有招呼，也不過份了。　　離開時天已全黑，招牌霓虹燈加上陣陣海浪聲，有點重回昔日好時光的感覺。

茶坐係我的至愛乳豬的確夠脆炸蠔有d 料到炒菜只係一般豆腐花就ok

前日去几回味吃午飯, 真的食到一肚火。侍應建議乳鴿, 價錢$98。咁貴? 問有何特別, 答案是: 講唔出, 總之就好特別啦...。當然沒叫。第一道叫的是乳豬, 侍應建議雙拼燒鵝, 只加五蚊。OK啦, 點知大錯特錯。上來的碟頭很小, 只有六塊薄薄的乳豬皮, 其餘的全都是燒鵝。問題是燒鵝的肉又乾又黑,明顯的不新鮮。慶幸沒聽建議叫乳鴿。第二道叫的腐乳椒絲通菜, 上來的加了牛肉。第三道叫的炸生蠔, 上來的生蠔包了煙肉, 又沒事先通知。看見菜牌上咖喱蟹$180, 叫了。埋單時是$250。問為甚麼,答案是: SORRY,價錢改了, 忘了告訴你。竟然照收$250 !又貴又如此服務,如此管理, 絕無下次!

13號晚係我既生日, 老公神神秘秘咁車左我去石澳食飯, 不過剛去到唔知食邊間, 我唯有靠直覺咁揀左呢間, 入到去都幾靜下, 得幾檯人! 我地點左3個"食送"1) 尤魚筒飯(味道唔錯, 不過我食到有d鹽未溶)2) 西蘭花牛柳粒(西蘭花少油, 正, 牛柳粒唔老) 3) 炒雜菜(好清, 少油...我鐘意) 當我同老公食到一半驚唔夠飽所以問個待應生拎多次個meun黎睇, 講左兩次佢都睇唔到, 老公講第三次佢終於聽到勒, 不過佢竟然問"meun係乜" @ 0 @" 有冇搞錯, 你講緊笑話咋嘛哥哥仔...........食飽結帳果陣仲發現檯底有好多蚊...仲要好大隻架.......

昨晚約了朋友去石澳<看浪>，看到這間食店，朋友話聽說都唔錯，之後我們便來試試。我們人少少，只叫了三個菜和一支啤酒(因開車，無我份)。包括炭燒化皮乳豬和炭燒鵝皇(例)、酥炸肉美國石蠔卷和蒜茸炒通菜。炭燒化皮乳豬- 外皮好脆，肉質唔會太肥，陣陣炭火味更加香，真係唔錯，值得一試。炭燒鵝皇- 失敗之作，肉質太韌，唔入味道，外皮又又韌，和乳豬相差很遠。不值一試！酥炸肉美國石蠔卷- 炸得好脆，蠔也幾新鮮，但每人要食二隻，真係好飽。多人會好點！蒜茸炒莧菜- 想不到莧菜很新鮮，味道也很好。想說一說，這裏的啤酒真係好貴，完全唔值；細支青島要$28支(還要加一)，真係酒吧都未必要這麼貴。食物價錢也比較上貴，但還可接受，但啤酒就....

呢次4個人去,埋單每人$130,重點係我呢次講明一定要食乳豬,的確無令人失望,真係好正!好香同埋食落去唔覺得肥,極力推介!

昨晚去了几回味食,睇個餐牌,好像燒味是出名的食物,叫了個乳豬,好脆,但多油,肥到漏.我覺得兩個人好難叫食物,因為例牌都是好大碟,叫了三個饌,食唔哂,價錢有點貴.伙計都不十分招呼.

上星期同女友去石澳行, 起初打算去Beach Cafe, 因為網友對Beach Cafe評價不錯. 但後來見到几回味的裝修OK, 所以轉左軚.我地叫左炭燒脆皮雞同埋煎鱈魚, 魚方面我俾佢70分左右啦, 唔係話太特別, 不過雞就唔同咯, 皮好脆, d肉好香同好嫰, 有肉汁(唔會燒到乾憎憎), 半隻好似係$80, 其實平就唔算平, 但咁o既質素都算值o既, 相反鱈魚就真係貴左少少, 要$150. 叫埋野飲, 兩人埋單$361.有d遺憾就係無試到佢地o既馳名乳豬, 因為我係返到屋企睇Openrice先至見到其他網友o既評語, 下次有機會一定要試試.

老公話去情人節要浪漫下，於是就入左石澳。我地差不多十二點黎到，係餐廳既第一客。我地一坐低，waiter就俾左個情人節餐牌，但我地一眼都冇睇過，因為老公唔多鍾意食set既野。佢個menu有好多variety，我地睇左一陣，要左：燒鵝瀨粉～幾一般，d鵝比較肥蒜香雞～正，個汁好好味醬爆美國大蠔（唔記得個名）～佢應該係用油先爆過d蠔，所以比較脆身，個汁又係好正，非常好味豆腐花～係送既，好好食，唔太削呢次係第二次黎呢度食，所以都知佢好食。老公第一次食，所以覺得out of expectation 既好。下次會再黎試下其他菜。

閒日下午入o左石澳；最初仲以為呢度好細，點知原來別有洞天，入到裏面有個幾大o既內園，放o左唔少露天座位，附近仲有個小小o既庭園池，環境幾優雅。當天人客唔多，我地兩口子叫o左D小食同飲品，非常relax咁坐o左好耐，都幾舒服。o黎得呢度通常都會食馳名乳豬，皮脆肉鮮，燒得好正。可能因為當天冇乜人客，service都唔錯，總括o黎講值得再去。

有次成班人貪得意去行山，經衛奕信徑旁晚行到入到石澳，又係食飯時間，唔係食泰菜就梗係幾回味啦！剛巧有人想食乳豬，所以就去左幾回味。乳豬及燒鵝係必然選擇，再加幾個小菜。兩樣主打都非常新鮮熱辣，逄燒味新鮮熱辣都必定好食，所以乳豬最快清碟，燒鵝次之。曾問過老闆點解唔燒中豬，原因係怕賣唔完，?耐左就唔新鮮，咁又係。我話個爐無咁大就真，不過佢話唔係。埋單位位佰三蚊，唔係平，但食倒咁高水準的食物都叫值得。

我初初見到佢的格局以為係食東南亞菜，入到去見到原來係食中菜。我們是坐露天的位置，雖然現在是深秋的晚上，我們都覺得熱，何況是夏天？我見到好多人吃燒味，可能好好食，但我們沒有叫，我們叫o左(以好食次序排列)1)酸辣青衣柳(雖然酸味多過辣味，但魚柳大大塊，幾正)2)斯里蘭卡咖哩牛肉(牛肉不太入味，但d牛肉食落去幾有口感)3)巧製宗棠雞(一般)4)青炒西蘭花(好多油)5)椰汁咖哩焗四蔬(味道唔濃，食吃落唔以食咖哩)雖然d食物質素ok，但D價錢比酒樓貴了些少。

同bf遊車河遊到o黎石澳，揀o左呢夜食宵夜，因為貪佢有冷氣～嘻！我地都肚餓，所以只係叫o左尤魚筒飯同燒豬拼燒鵝。尤魚筒飯好香，入面Ｄ飯有咖喱味，仲有小小提子乾，甜甜地，好正～！燒豬都吾差，皮好脆。另外，仲有送的豆腐花，但我覺得有草味，好奇怪，吾通?地仲用緊山水做豆腐花？

每次到石澳, 都會到儿回味吃魷魚筒焗飯, 好正! 真係唔好錯過呀!!