冰冰一叮 (已結業)

小小一個聯和墟有不少良心小店，今次就試了「冰冰一叮」。門面平凡的茶餐廳，但充滿正氣、良心。內裏枱不多，空間夠寬闊、乾淨利落。下午茶與常餐的價錢相約。除了常餐/下午茶，還有其他粉麵飯可供選擇。 雙雞翼一丁配餐肉蛋 $44常餐上桌，份量比想像中大份。生炸雞翼金黃香脆，再配煎午餐肉、荷包蛋，做brunch確不錯。丁麵軟硬剛好、夠爽，是我喜歡的質感。帶著共同信念的茶記，值得香港兒女的支持。餐廳資料：冰冰一叮地址: 粉嶺聯和墟聯昌街9號電話: 26180788

尋日喺聯和墟行左一陣搵嘢食，後尾見到冰冰一叮有呢個餐，先至42蚊，平過呢區一般嘅午餐幾蚊，即刻入去幫襯。味道ok，最緊要係抵食！環境就一般啦，唔好期望好乾淨。佢亦有炸髀揀，不過我上牙肉仲有啲腫痛，都係食鹵水髀算了。

以前一路唔知冰冰一叮係黃店，自從出咗「北區印記」先知🙊🙊 隔咗咁耐先至有時間去幫襯下💛 同埋聽聞有黃黃的大banner掛在店內，所以都打算嚟朝聖🌟 當日晏就四點幾落去食個下午茶，見到店內都接近滿座，量完體溫等多陣都有位了。本身叫完一人一個餐都考慮要唔要叫多個一口西多士食，好彩冇叫，因為真係會食唔晒😂🥞下午茶餐D-炸雞髀配紅豆冰$33🐥見到雞髀熱辣辣都流哂口水，少油，外皮薄得黎脆卜卜，但點知咬落去好柴好乾身☹️ 食落就知係用煮好嘅滷水雞髀翻炸😩好失望😫😫 紅豆冰夠大杯夠凍，可惜個人認為紅豆食落偏甜😞常餐B-香茅豬扒福麵配火腿腸仔厚多士🥪平時唔多餐廳有福麵揀，有得揀一定揀福麵😋麵煮耐都唔會太淋太硬，麻油又夠香🤤呢個餐好抵食，香茅豬扒又大塊☺️ 咬落唔會好鞋，香茅味重。火腿腸仔就不過不失，熱朱古力都唔會太稀。反而望哂成間店都見唔到幅大banner☹️難道只是傳說嗎？☹️

今天午餐諗住食茶記，來到這間冰冰一叮，想不到內部居然乾淨明亮，衛生程度令人放心。我們點了常餐：雙雞翼一丁配餐肉蛋送厚多，吉列魚柳一丁配火腿奄列。食品的質素也非常好，想不到吉列魚柳這般大塊，炸得外脆內滑，熱騰騰的味道很好；雙雞翼原來是雞全翼，吃起上嚟雖然較雞中翼麻煩，不過勝在量足味道好；餐肉、煎蛋、奄列都是正常。值得一提的是餐飲，熱朱古力和凍好立克都很足料沖得很濃。同區附近有很多茶餐廳，但這間環境衛生，食物量足美味，伙記待客有禮，值得推薦！

入到黎個感覺唔係太乾淨， D MENU都係痴立立，叫左個豬排餐肉腸仔意粉配蒜蓉汁，D汁好希，望到都唔開胃，得個咸，意粉好似煮過頭，不過豬排就幾大份。叫左杯茶走，茶味濃，都幾好飲。

清明節拜山後打算過來群記，誰知撲一空，是日休假。正當搵食之際⋯⋯看見這間食店都幾多食客，於是一行五人決定入內試試⋯⋯看餐廳名字，應該是主打冰冰和吃一叮吧！11:00am 看看早餐仍在進行中早餐主打果然是出前一丁項目，價錢由$25-$35 不等⋯⋯香茅豬扒另配火腿出前一丁$34~豬扒不算太香茅，但煎得香脆，吃落鬆軟，一讚。火腿出前一丁~老實說，以丁丁來作招牌的話，丁丁未算突出。沙嗲牛肉一丁配火腿奄列厚多$34~牛肉帶點點騷味，未覺驚喜，但以這個價錢，算是抵吃之選。火腿奄列厚多~五香肉丁餐肉出前一丁$32~我們吃著，但家姐點的還未到，於是問家姐點了什麼？家姐答: 餐肉叮叮麵只吃餐肉，為何不點雙拼？家姐再答: 咪點了餐肉肉丁丁囉⋯⋯當端上檯面時，發現真的是餐肉肉丁丁⋯⋯原來是五香肉丁餐肉出前一丁，大家笑了⋯⋯清明節除了是對先人的一份孝敬之心外，更是家人藉着這份心意聚在一起。

星期天留了係粉嶺區，沒有個出外，約了區友食下午茶，個freind 話想食西多士喎，就見冰冰一叮門前張西多士相片都幾吸引就入了去試，當然更係點了西多士餐，炸雞🍗比沙津+紅豆冰餐更有焗朱豬扒飯餐；西多士賣相同餐牌一樣，麵包新鮮外脆內軟，中間夾了花生🥜醬，都好味但無驚喜：炸雞肶即叫即炸都熱騰騰，沙津一般，紅豆冰都係一般茶檔風味；焗朱扒飯就不敢推介了，飯無炒底+茄汁無味，總括來說我下次來都係只會食西多士會有信心d。

之前提到，早上在聯和墟街市熟食中心開餐。之後，我和兩個朋友居然傻傻地睇樓去。不經不覺，睇吓睇吓，已是下午兩點幾。神推鬼扯之下，走入這間茶餐廳。當時，我心裏一直渴望食一口西多士和紅豆冰，而我朋友叫了一個炸雞髀配沙律和凍檸茶，另一位叫了個蕃茄焗豬扒飯。一口西多士，並不是如想像中，一口一件，都需要切件，味道雖然沒什麼特別，但都算外脆內香，西多士中間揸了花生醬，口感都算ok. 至於紅豆冰，本人認為奶味太搶，話明紅豆冰，無碎冰，不夠凍，但粒粒紅豆飽滿，彌補不少分數。朋友的炸雞髀, 有點 over cook, 雞皮和雞肉乾巴巴，沒有肉汁，沒有雞味，仍有改善空間。至於個蕃茄焗豬扒飯，豬扒夠份量，茄醬充足，但飯身頗為硬，像是未煮熟似的 有點兒失望。整體而言，沒有驚喜，充夠飽肚已而。

今日一行3人做完gym後，因為下雨隨便找了一間餐廳食早餐。我們叫了2個早餐加一個常餐。本來只是想避避雨，但卻有點驚喜的感覺。雖然只是平常的早餐，但單單是用出前一丁已有點誠意，而且不用加錢之餘，味道也十分好味（三人都有同感）。我叫了沙嗲牛肉麵，濃濃的沙嗲味配上軟軟的牛肉，非常好味。除了牛肉麵外還有奄列加餐包。另一個fd叫了吉列豬扒，但我沒有試吃，所以有機會再試。最後其中一個朋友想食薯條，所以我們點了一個，是波浪的薯條，我喜歡那粗粗的感覺。整體而言，十分好，有時間我一定會再來

每個星期日我地一定會黎以間食午餐先再出去，我地好鍾情以間西多士，一口西多，每舊都有牛油，賣相夠特別，唔會炸到太濃，入面仲會有花生醬，食完一舊就好想食第二舊，另外午餐我地會叫常餐，炒蛋餐肉出前一丁，好多出面出前一丁要加錢，但以間麵就已經係出前一丁啦，唔駛再另外加錢，沙嗲牛肉通粉配火腿蛋奄列餐包，餐包拎出黎係暖架，唔會凍晒硬晒，沙嗲牛肉通粉因爲小朋友食一定要另上，餐廳好好會幫我另上，仲要另上既牛肉唔會話少左，有d 加錢都唔肯，仲要態度唔好，值得一讚

我呀媽去咗喱間買外賣，點知食完完全中曬伏！喱間餐廳千企唔好外賣，等成個鐘都味可以有，喱間餐廳為咗想清咁人流只做門面生意，令等外賣嘅人等好耐！講番啲野食先，個黑淑汁好伏！煮到好杰都算好似屎咁，食一口好似食緊_咁，又話係珍寶腸火腿時菜飯，打開盒飯菜都無條喎仲有叫咗杯熱華田，杯熱華田飲落去好大陣洗潔精味一句講曬，喱間餐廳啲野食好難食，伏到死，不知所謂嘅一間餐廳，唔明點解啲人話好食我唔會再幫襯喱間餐廳囉大家想試下喱間可以有幾伏就去試啦

愛食焗野既人，黎到上水可以試下冰冰一叮！好食既焗飯一定要有芝士! 餐廳選用既芝士都好香，唔會太濃，而且芝士份量都好多。其實餐廳選擇唔多，主食主要得芝士焗肉醬同埋焗豬扒飯，價值大約$50。每份焗飯焗意粉撈埋芝士非常開胃!豬扒都唔細塊，都幾厚架，而且唔會太un。而肉醬意粉個汁唔會太甜而蓋過芝士既味，好開胃。此外都可以試下佢地既厚多士，但相對就冇乜特別，主要都係焗飯焗意粉。餐廳Lunch多數都要等位，但鍾意食焗飯既，等下都值得！

基本上我個人每逢星期日都會去食，尤其是常餐D同公司三文治，雖然呢間野好平凡，但係侍應都好有禮貌，上菜速度一流，非常快。而且冇叫走冰都唔會落超多冰，我非常推薦大家去果度食吓午餐或者下午茶架。

20161024--每次去外地旅遊，總會有點思鄉病，特別是想念港式美食。是日從印度旅遊回港，食了6天印度食物，悶得快瘋了。坐了8個小時飛機，坐機場巴士回到聯和墟，家人回家放下行李，我飛快找地方開飯，好想食港式茶餐廳，看到冰冰一叮吃早餐時間到11:30AM，店內有位。二人點了，食物上桌也很快，幸好家人也及時趕到:C餐--($31)沙嗲牛肉出前一丁配火腿奄列油包 --沙嗲味濃，牛肉淋，出前一丁爽口，火腿奄列和油包上桌熱騰騰的，油包新鮮好吃。E餐--($31)香茅豬扒出前一丁配火腿--豬扒上桌大大件，份量已經得分，凸賣相討好，我最愛吃香茅豬扒的味道，肉質淋而鬆軟，好吃。一冷一熱的餐飲，一般水平。經過此店數次，門口亳不起眼，如不是今天趕時間想吃茶餐廳，沒有細意選擇食肆，也許未必會特意光顧。快餐類之中，算是又平又好吃。與同區名氣出前一丁店相比，我覺得整體還較過水平呢。

假日行完山，諗住出去聯和墟食個tea，上左的士，問下司機去邊有好tea食，司機就推薦呢間。其實食個tea都無咩特別，但係叫完見到杯檸茶，就決定要寫番個食評。有成2/3個檸檬，實在太驚喜喇。雖然都有啲茶餐廳咁有良心，但係而家咁貴租，唔少茶餐廳都呢度減啲嗰度減啲。西多士好難話好特別，講到咩內軟外脆就真係太假。但係起碼食完唔會覺得唔抵或者好難食！總括黎講，都係正正常常一個下午茶。行完八仙嶺要揾野食，絕對可以一試^^同埋侍應都好有禮貌，又唔駛等太耐呢