共度一燒

營業中

休息中

好耐無食串燒啦!!!!因為要搵一間好食又乾淨嘅串燒店都唔易最多見到屋企附近有間新串燒店開張牛舌芯至愛嘅牛舌佢有牛舌同牛舌芯揀牛舌芯通常會較爽口一串三件 好大塊 又夠爽口我仲叫咗兩串 韮菜韮菜夠多 唔會燒得太燶同太黑 燒蠔 $19一隻每隻都手掌咁大隻燒得岩岩好 唔會好老或者燒到乾晒食落口仲好juicy啲蒜同蔥 有多重味道 好正！ 燒茄子超大塊！就算兩個人食都唔會嫌少同埋落咗好多辣粉啲蒜好香 食完一啖再一啖 雞皮串 多春魚 墨魚咀正常發揮！ 紫薯波波估唔到串燒店都有小食等本身好鍾意食紫薯波波呢度整得好好 好熱 好煙韌 食物種類其實都幾多 同埋價錢唔貴！而且仲有得叫酸辣粉～下次一定會再黎食埋其他款！

吃飽睡好，人生一樂也﹗忙碌工作之餘，得閒都要約朋友食飽餐一頓﹗和友人來到這間可以食串燒、酸辣粉共度一燒，店舖裝修呈小清新風格，綠色沙發椅，環境舒服。酸辣粉＄29，基本配料十足，有榨菜、肉碎、花生、蔥花、芫茜等，有辣度麻度酸度選擇，可以再加餸。我地加左豬皮$8 豬大腸$8 鮮腐竹$6，由於加左底$9 ，所以酸辣粉顯得特別大碗，店員貼心主動地俾個碗仔我地分享。薯粉透明滑身，酸辣開胃。呢間主要食串燒，所以和友人點了不少品嚐:燒茄子$42:店家毫不吝嗇在茄子上均勻鋪滿蒜蓉，賣相誘人。茄子軟綿可口，輕易一絲一絲扯出嫰滑茄子肉， 香濃惹味，好推薦!牛舌心$28:牛舌心肉質顯得Q彈嫩口，輕易咬開，牛味濃郁﹗雞腎串(2串)$22/雞軟骨串(2串)$22/大墨魚嘴$24:脆口，忍品住啪完一粒又粒﹗韭菜$16:韭菜鲜嫩，燒烤味夠多，入味香濃XO醬粉絲娃娃菜$40:相對濃味串燒，呢碟娃娃菜顯得清爽，粉絲索晒xo醬咸鮮香~蒜香牛油雜菇$40:雜菇包括冬菇、金菇 、杏鮑菇，牛油蒜香夠晒味!蒜香燒生蠔：店員推介生蠔，特價 $19/1隻，特價限點2隻。size算大,店員提醒趁熱食，果然熱食保持肉嫰多汁。菠蘿$24

呢排好興食串燒，我都行去荃灣睇一睇，竟然俾我發現一間小店，叫做共度一宵，睇吓個餐牌都非常吸引。娃娃菜酸辣粉BB辣：味道好地道，湯底非常燶厚，榨菜配米線絕配，BB辣已經啱我口味。蒜香燒蟶子：勁多蒜蓉，啖啖肉，蟶子非常鮮甜，仲有少少汁，好味。燒台灣腸：第一次食燒既，好惹味，面上有孜然粉，非常入味。上湯煮花甲：好大隻嘅花甲，甜到不得了，湯底好清好甜，份量都大。燒白鱔：啖啖肉，冇骨，燒到個皮好香脆，好大嚿好抵食。舖頭入邊仲有嘢飲，不過如果啤酒就要自己買。

共度一燒同普通串燒店好唔同，呢到有晒裝修，環境好乾淨，燈又光猛，除咗串燒之外，想食得飽肚啲仲有酸辣粉酸辣粉($29)叫咗小辣，平時食開譚仔三小辣嘅我就覺得唔太辣，不過酸味幾突出，配料都好豐富，有肉碎、花生、榨菜、蔥花、芫荽等等，我仲加咗餃子($12)、豬大腸($8)同豬皮($8)，唔想食麵仲有得揀淨餸，麵底我就推薦食薯粉，口感好彈牙😆以小店嚟講串燒種類算好多，包括肉類、海鮮、丸類、蔬菜等等，都有超過50款選擇🌟心水推介🌟✔️上湯煮花蛤($58)花蛤份量都幾多下，有十幾隻，蛤肉肥美冇沙，湯頭仲勁鮮甜😍！唔怪之得店員咁強調要連湯飲啦🤤✔️燒茄子($42)茄子肉軟嫩多汁，調味粉非常惹味，蒜香十足😋✔️燒菠蘿($24)串燒淨係食肉會好快膩，燒菠蘿酸甜多汁，非常適合炎熱嘅夏天，清新又健康😚✔️燒雞皮2串($20)入口香脆乾身，冇咩脂肪感，完全唔油膩😚

想同朋友有個環境舒舒服服 聚腳飲杯啤一啤又唔介意某d食物質素低，呢個地方就一流啦。第一次寫食評希望幫到想嚟食嘅朋友，避到伏位。第一碟嚟咗個冷盤嘅 醉雞捲 幾好食，但係一碟得四件！26蚊同可能要預咗個員工會 唔戴口罩 上菜俾你。之後就係啲串燒，全部調味料都好重手，係預咗你不停飲嘢嗰種，但係放心餐廳係 唔會 提供免費水，一支水要$10食得好重口味嘅朋友就唔使擔心啦。D普通牛舌，老到起渣，仲勁過啲香口膠，夾硬吞都搞唔掂，要吐返出嚟。招牌牛舌芯，唔係牛舌芯嚟，純粹係啲比較冧嘅部位，仲見到牛舌上面嗰啲毛毛添。韭菜又係老到起渣嗰啲，不過好多串燒餐廳嘅韭菜都係咁，係預期之內。雞腎都唔係新鮮燒，真係唔好幻想咁多，係細細片又硬，係供應商已經處理好，解凍即燒嘅急凍雞腎。(上面白色嗰啲我估係鹽粉)酸辣粉不過不失啦，未計加餸 本身都幾多料，係叫咗加酸加麻，但無加酸，又無加麻咁解。薯粉係比較難咬開消化嗰隻。XO醬娃娃菜個XO醬幾好食，有啲似安記嗰隻，但係個娃娃菜又老又硬，仲要最多得半棵。有粉絲可以撈埋剩低嗰啲XO醬嚟食$40都OK嘅個生蠔做緊推廣$19/1隻，都幾好食，係太多蒜蓉調味料，想食蠔味就可能要沖一沖o

.🔺 共度一燒 (荃灣)荃灣最近新開左一間串燒店👅裝修得幾特別 餐廳裏面好光鮮好乾淨有小小似cafe咁🖐🏻.串燒款式都幾多 好多選擇🐣基本上平時食開嘅款式都會有仲有啲比較特別嘅係雞泡魚乾、白鱔🐡.平時去串燒店都有一個煩惱👀就係燒嘅時間通常比較長 等到肚餓都未有得食😆但係呢間就唔會 同友人傾咗陣計全部串燒已經嚟哂 值得一讚👌🏻.串燒普遍嘅味道都幾好😻小編個人最鍾意就係食燒韭菜 多汁惹味另外安格斯牛串同雞泡魚乾都唔錯🥰.想同朋友傾吓計食下串燒共度一燒都係唔錯嘅選擇🤙🏻

夏天無得戶外燒野食係差咁啲 嚟到荃灣覓食 見到串燒店 即刻🦮沖入去入到去 成個店俾我感覺完全唔似串燒店 雖然店面唔大 但完全唔會坐得辛苦 一入門口 有張枱做到好似bar枱咁 係到食串燒都咪話唔chill一坐低 店員已經俾咗兩張menu我地自己tick 一張係for酸辣粉 一張for串燒涼拌同炸物先講酸辣粉 酸辣粉可以自選湯底 鐘意麻多過酸可以揀少麻多酸 總之鐘意咩就乜 鐘意乜就咩 咁我就揀咗少麻少酸嘅 配菜方面揀咗豆卜 豬腩肉 酸辣粉面頭有成堆炸花生 my飛佛 腩肉肥瘦適中 因為係薄切 唔會覺得好韌 而米線係偏幼身個隻 唔會太淋 亦十分掛湯 湯底方面麻辣味再加強會更惹味涼拌方面就嗌咗酒雞卷 雞卷一共有4件 個人認為份量偏少 雞卷肉質唔算十分嫩 而味道方面 酒味十分夠 但完全唔會蓋過雞原本嘅味串燒方面 總共嗌咗蒜燒生蠔整場mvp 好食程度有50個like 太耐無食生蠔 見到啱啱燒起嘅生蠔真係好感動 蠔上面一大推蒜 成啖啪落口 om豬 世界級燒牛舌心牛舌心相對比較淋 啱曬無乜牙力嘅我 而且越食牛香味就慢慢湧出嚟 絕對可以encore燒雞軟骨一串大概有6-7粒 粒粒都係軟骨 無一粒係雞肉扮軟

Happy Friday 遲左放工，搞到晚餐變宵夜超肚餓，同事提議去荃灣食串燒嘆一嘆解一解鬱悶。係“共度一燒”到我都地可以找到我們喜愛的食物，食物款式多樣化，各式肉類，海鮮，蔬菜，丸類都有，就連酸辣粉都有薯粉，米線和烏冬供選擇，調味方面有辣和唔辣的格仔自行選擇。食串燒我地好夾的都愛牛舌和韭菜💓💓💓其實真係好唔明d 韭菜簡單加上調味粉點解可以咁好食，我地一口氣叫4串呀😂😂😂 茄子大大條味道一流。五花腩燒到脆邊入口一d 都唔油膩， 雞翼夠惹味， 羊架燒得剛好入口粉嫩。小食麻辣豬耳，辣得過癮又爽口，秋刀魚加點檸檬汁美味可口。驚唔夠飽又叫左碗米線share食， 材料自行選擇。侍應親切有禮，下次會再去。

好鍾意食串燒嘅我成日都怕淨食串燒嘅鋪頭會食唔飽(˶‾᷄ ⁻̫ ‾᷅˵) 今次喺荃灣經過比我發現一間新開嘅串燒店，入面仲有酸辣粉食(´･Д･)」完全擊中咗我嘅心！即刻入去試試佢～《酸辣粉》酸辣薯粉 (BB辣) ($29)加配 響鈴肥牛娃娃菜 (成碗Total $53)薯粉份量比想像中多！吸晒啲湯，好惹味呀～～ 酸辣比例啱啱好，唔會覺得酸味或辣味太搶味 (不過可按個人喜好揀多酸少酸多麻少麻嗰啲)，嗌BB辣啱晒我呢啲又要唔食得辣，但又覺得唔辣唔好食嘅麻煩友♪( ´▽｀) 我今次叫咗啲餸都比較索湯，特別係響鈴真係好夾 (竟然唔打邊爐都有機會食，佢仲好細心響鈴係自動會另上！) 而除咗我加嘅餸之外，本身啲配料都唔少嘢！有肉碎、花生、榨菜、葱花、芫茜，落榨菜比較少見，不過又幾match～朋友叫咗酸辣薯粉(唔辣) 配 肥牛芝士腸～ 雖然唔辣但都好香，佢話佢係會再回頭嚟食個薯粉ʕ •ᴥ•ʔ 啲餸就正常發揮～《串燒類》五花腩串 ($20/串)雞肉串 ($16/串)一口豚炸串 ($18/串)整體幾款肉嘅肉質都唔錯，燒到有啲脆口少少燶邊之餘仲要充滿油香，邪惡到暈♪( ´▽｀)芝士竹輪卷 ($18/串)- 好耐無食過

荃灣路德圍新開左間串燒店！聽人講大埔幾出名，所以今日都黎試試！裝修乾淨企理，相比上一般串燒店更似一間靚靚coffee shop而且冇油煙味呢一點 very good💕！食物方面點左好幾款！而家精選啲我鐘意嘅幾款俾大家先🤪原條茄子$42燒得好淋，充滿辣粉的味道，燒茄子基本上都係是食串燒必叫的品項😼泰式豬頸肉$22 豬頸肉爽口，配搭泰式辣醬好惹味五花腩串 $20 油脂同肉層層分佈！一咬落去充滿油香肉香！推介🥰雞皮 串（兩串）$20 脆卜卜！又唔會好乾🤟🏽酸辣粉$29 （加配料另計）酸辣粉有肉碎花生榨菜！辣度叫咗小辣都覺得好似BB辣甘！下次嚟到中辣啦試吓😚📍共度一燒 (荃灣)荃灣鱟地坊80-84號華成樓B座地下B1號舖Cp值：80%回訪率：70%

原來荃灣最近開左間新既串燒店，梗係要去食下啦。餐廳好乾淨企理又光猛，唔似平時有d串燒店咁好多油煙，十分之好。串燒既選擇非常多，價錢親民，當日燒蠔仲有特價。串燒即叫即燒，都要d時間燒，我地即刻寫寫寫叫左好多款串燒。煙肉蘆筍卷 - 朋友最推薦之一，香口同爽脆兩種口感好特別五花腩串 - 燒得好香口，都係朋友最推薦之一厚燒牛舌 - 我最推薦之一，厚切又鬆化雞皮 - 香脆又邪惡，要燒完即刻食原條茄子 - 必食呀，成條茄子鋪滿蒜蓉燒，又香又惹味一口豚炸串 - 表皮炸到金黃香脆，裡面既豚肉軟綿綿芝士年糕 - 熱辣辣咬開即流心菠蘿 - 酸酸甜甜泰式豬頸肉 - 邪惡之選大墨魚嘴 - 咬落爽口白膳 - 我至愛，魚皮非常脆，白膳肉質新鮮彈牙牛油粟米 - 鮮甜又充滿牛油香豆卜 - 燒過脆身更有趣燒賣 - bbq 必點既😂內軟外脆除左串燒，餐廳仲有酸辣粉食，我地就share食左碗薯粉，加響鈴卷，魚皮餃，午餐肉，腐竹，仲有好多肉碎同花生等等配料。薯粉又滑又彈牙，湯底bb辣我地岩岩好，配料索哂湯汁好惹味。。。共度一燒荃灣鱟地坊80-84號華成樓B座地下B1號舖。。

今晚做完運動相約朋友係Fitness Center旁邊新開業「共度一燒」試吓他們酸辣粉及串燒，小店有新穎嘅裝修，雖然空間不算大，但感覺舒服，聴住音樂食串燒有另一番滋味😁😁酸辣粉$29+鮮腐竹$6+豬大腸$8+豬腩肉$10Q彈紅薯粉，爽口豬腩肉，入味豬大腸，鮮腐竹吸收又麻又辣的湯汁，食落更好味，肉碎，花生，榨菜，蔥花、芫茜等配料令整碗酸辣粉味道更有層次😋😋酒糟雞卷$26啖啖雞肉，滲着花雕同藥膳香氣，吃落又美味又滋補👍蒜香燒生蠔🦪（4隻）$76生蠔鮮嫩，配上蒜蓉牛油燒，好惹味😍😍厚燒牛舌（串）$28，牛仔骨（串）$42，大墨魚咀（串）$24 雞軟骨（2串）$22，蒜香茄子🍆$42，菠蘿🍍$24厚切牛舌、大大件牛仔骨，加点孜然粉燒烤已好香，爽脆墨魚咀同雞軟骨送啤酒一流，茄子🍆燒得又香又糯，燒過嘅菠蘿更香甜美味😋😋榴槤炸彈（2件）$28金黃色外層，裝滿流心榴槤餡料，口感豐富😍😍

食串燒既餐廳一向俾人嘅感覺都好熱好迫下，但朋友介紹既荃灣呢間又好乾淨好明亮，坐得好舒服😼食物嘅選擇種類都幾多，價錢一啲都唔貴，尤其係食海鮮，咁岩仲有新開張優惠 $19 一隻蒜香燒生蠔😻燒生蠔都幾大隻，燒完都唔會話縮晒水，都幾juicy新鮮上湯煮花甲個湯好鮮甜，一啲都冇味精粉嘅感覺，最特別係啲廚師用咗紫洋蔥去淆個湯底，令到花甲更加鮮味，我連個湯都飲埋😻今晚嘅重點當然都係串燒啦！燒雞翼同五花腩片都唔錯，五花腩嘅油花都夠香，孜然同五香粉嘅味道調校得啱啱好。雞皮燒到好乾身好脆，落少少辣粉會惹味啲😸羊架都幾大件，羊膻味好香，燒得唔會過熟魷魚一夜干同馬友特別要讚！一夜干非常的Q彈，肉質肥厚且表面無粘口，送酒一流😻馬友夠油花，但再油啲就更完美。皮燒得好香脆，外脆內軟😽整體十分滿意，價錢都幾抵，最緊要係好味地方又衛生😽

今日很高興能夠與好友🫂一同晚餐，我們選了這間店。它外型光鮮，店內裝潢新穎，有空間感，坐位也很舒服，十分合適好友相聚傾下計的一間店。這店是食串燒的🍢，我們點了許多樣東西分別有。。。酸辣粉(29元)+響鈴(8元)+牛柏葉(12元)=49元酸辣粉質地滑滑軟軟的，不會像咬塑膠般，很好食。欣賞響鈴是分開上的，保持趣口。京蔥肥牛卷(20元) 我們點了兩吃分別係原味和小辣，京蔥香脆，肥牛包裹著京蔥感覺更健康， 然而我覺得小辣比原味更好食。牛舌心(28元)厚薄適中，軟硬恰當，食牛舌心最怕太硬，鐵牙都咬唔開，但這店控制火候十分好，軟軟的很好食。羊架(36元)我們是點原味的，不過熟，肉是軟軟，調味剛好也不會太鹹，不錯。雞中翼(18元)這店燒雞中翼燒得外皮乾身，認真好吃。🤩多春魚(28元)多春魚燒得香脆，調味惹味。😋章魚蔥棒(26元)覺得很有趣，所以點了這味感覺像食章魚丸加蔥很特別。鵪鶉蛋(15元)🍳鵪鶉蛋外皮焦香，咬落去有蛋香味，很好食。豆卜(15元)豆卜外皮燒得乾脆，加上調味是一個很好的送酒小食。台灣腸(18元)純粹因為Miss 台灣，所以點了，味道冇令我們失望。雞髀菇(14元)燒雞髀菇咬下去，很多汁，

今日星期五, 約左朋友去荃灣行街順便食晚飯，我地兩個都好中意食串燒，貪佢份量少，但可以叫好多唔同款式。我地走去大河道附近食肆核心位置，加上openrice 搜尋下，搵到附近間“共度一燒”, 餐廳環境望落唔錯，裝修清新自然，坐位寬敞舒適，最緊要地方清潔。依度隨左串燒之外，仲有酸辣湯粉，岩晒我地口味，我地叫左碗酸辣薯粉+豬腸+墨魚丸，湯底酸辣度岩岩好，味道好似我地返大陸食好地道個種四川風味, 薯粉口感QQ, 豬腸墨丸都好味。串燒點左至愛既牛舌, 一串辣一串唔辣, 口感煙韌，濃厚牛舌味，仲好油香好惹味，食一串點夠喉😋🙈另外仲叫左，一份燒牛仔骨，雞腎, 雞翼，好香既孜然味, 燒得岩岩好，不會太乾，好有風味。 店員推介左今日既海鮮有優惠，包括燒蠔同燒虎蝦，我就每樣叫左一隻，燒蠔肥美飽滿，加上蒜蓉一齊燒，蠔味十足又惹。 燒蝦都好大隻，燒完既蝦特別鮮味香口，正👍！！食完唔夠喉，加多個濃湯花甲同燒鱔，花甲大隻，連埋濃湯一齊食，非常鮮甜。 燒鱔好重魚油香，外皮燒得好香脆，魚肉仍保持鮮嫩Juicy。另一推介燒蒜香茄子，勁多蒜蓉，再加上秘製調味，茄子軟滑惹味。最後啟動埋第二個胃，叫埋個甜點 - 炸紫心香