影片
更多
2021-09-08
29 瀏覽
好鍾意食串燒嘅我成日都怕淨食串燒嘅鋪頭會食唔飽(˶‾᷄ ⁻̫ ‾᷅˵) 今次喺荃灣經過比我發現一間新開嘅串燒店，入面仲有酸辣粉食(´･Д･)」完全擊中咗我嘅心！即刻入去試試佢～《酸辣粉》酸辣薯粉 (BB辣) ($29)加配 響鈴肥牛娃娃菜 (成碗Total $53)薯粉份量比想像中多！吸晒啲湯，好惹味呀～～ 酸辣比例啱啱好，唔會覺得酸味或辣味太搶味 (不過可按個人喜好揀多酸少酸多麻少麻嗰啲)，嗌BB辣啱晒我呢啲又要唔食得辣，但又覺得唔辣唔好食嘅麻煩友♪( ´▽｀) 我今次叫咗啲餸都比較索湯，特別係響鈴真係好夾 (竟然唔打邊爐都有機會食，佢仲好細心響鈴係自動會另上！) 而除咗我加嘅餸之外，本身啲配料都唔少嘢！有肉碎、花生、榨菜、葱花、芫茜，落榨菜比較少見，不過又幾match～朋友叫咗酸辣薯粉(唔辣) 配 肥牛芝士腸～ 雖然唔辣但都好香，佢話佢係會再回頭嚟食個薯粉ʕ •ᴥ•ʔ 啲餸就正常發揮～《串燒類》五花腩串 ($20/串)雞肉串 ($16/串)一口豚炸串 ($18/串)整體幾款肉嘅肉質都唔錯，燒到有啲脆口少少燶邊之餘仲要充滿油香，邪惡到暈♪( ´▽｀)芝士竹輪卷 ($18/串)- 好耐無食過
《酸辣粉》
酸辣薯粉 (BB辣) ($29)
加配 響鈴肥牛娃娃菜 (成碗Total $53)
薯粉份量比想像中多！吸晒啲湯，好惹味呀～～ 酸辣比例啱啱好，唔會覺得酸味或辣味太搶味 (不過可按個人喜好揀多酸少酸多麻少麻嗰啲)，嗌BB辣啱晒我呢啲又要唔食得辣，但又覺得唔辣唔好食嘅麻煩友♪( ´▽｀) 我今次叫咗啲餸都比較索湯，特別係響鈴真係好夾 (竟然唔打邊爐都有機會食，佢仲好細心響鈴係自動會另上！) 而除咗我加嘅餸之外，本身啲配料都唔少嘢！有肉碎、花生、榨菜、葱花、芫茜，落榨菜比較少見，不過又幾match～
朋友叫咗酸辣薯粉(唔辣) 配 肥牛芝士腸～ 雖然唔辣但都好香，佢話佢係會再回頭嚟食個薯粉ʕ •ᴥ•ʔ 啲餸就正常發揮～
《串燒類》
五花腩串 ($20/串)
雞肉串 ($16/串)
一口豚炸串 ($18/串)
整體幾款肉嘅肉質都唔錯，燒到有啲脆口少少燶邊之餘仲要充滿油香，邪惡到暈♪( ´▽｀)
芝士竹輪卷 ($18/串)
- 好耐無食過芝士竹輪啦！估唔到燒係咁好食，啲芝士燒到處於半溶無敵狀態，值得encore！！🥰
台灣腸 ($18/串)
- 外皮好脆口，燒得好香，味道甜甜地😙
雞軟骨串 ($22/2串)
- 軟骨控必試，香脆惹味有咬口～😳
多春魚 ($28/份)
- 多春魚一份有3條，我最鍾意多春魚食落好多一粒粒脆卜卜，佢唔會燒到佢散開，外皮香脆，內裡juicy，起鍾意！😍
蒜香茄子 ($42/份)
- 好！多！蒜！本身已經燒得好惹味，但都遮蓋唔住茄子本身嘅鮮甜，超正！！🤤
金菇肥牛卷 ($20/串)
- 肥牛唔會好似出面咁燒到乾晒梅晒，好有牛香味，配埋金菇簡直係perfect match😝
大墨魚嘴 ($24/串)
- 出面好似比較少見燒墨魚嘴，好爽口好好味！🤩
鵪鶉蛋 ($15/串)
- 燒鵪鶉蛋串又係少見，鵪鶉蛋愛好者必試！😆
燒生蠔 (推廣價$19/隻！！)
- 辣同唔辣都各叫咗一隻，唔辣嘅固然燒得好有鮮味同好juicy，辣嘅就好惹味但又唔會蓋過蠔嘅鮮味！仲有濃濃嘅蒜香，推廣價食真係超抵食！！
《總結》
呢間小店好乾淨企理，做串燒但唔會搞到間鋪都有油煙味，而且個裝修都好打卡able～ (可以試下喺cafe以外嘅餐廳打卡😂😂) 價錢合理，串燒種類又夠多，仲可以食酸辣粉墊下肚先，唔怕齋食串燒唔夠飽(´▽｀) 店員仲好nice添呀～ 呢間絕對值得回頭！
張貼
