共享私房菜 (已結業)

中秋節同friend 慶祝🎉🎉 諗黎諗去諗唔到食咩 之後咁岩見到依間有賣盆菜😀😀 中秋食盆菜都係第一次😂😂 店員好好人專登準備左ikea袋方便我外賣自取 每個盆菜仲附送一包盆菜汁🙊🙊 拎番studio翻熱個陣 個個人都覺得勁香勁好食🤤🤤 食完盆菜已經勁飽 份量勁足 蘿蔔豬皮一流 勁入味🤣🤣 食盆菜梗係要自備公仔麵同肥牛 食到七七八八 即刻落d盆菜汁同水 瞬間變打邊爐 😊😊 歡迎大家參考 真心值得推介🎉🎉

小店真材實料，種類多，雞好好味，好入味，味道好，無味精，夠健康。仲可以叫其他小食，蝦餅正，燉湯夠火喉尤其椰子雞湯好飲。老板好人，服務好，性價比高，真係值得一試。

每逢大時大節就會試唔同嘅盆菜, 今次上網揾到呢間, 睇啱款見人評語又唔錯就試吓。呢間可以雞鴨鵝三揀一, 啱哂我, 因為我唔鍾意盆菜裡面有鴨同鵝, 可以淨係要雞。叫咗個"發財好事", 帶子好爽口, 啲雞用酒爆過再放落去, 去咗啲羶味, 豬手夠淋又入味, 芋頭同栗子好粉, 個汁好夠味但食完冇口渴, 同時個盆冇肥豬肉所以唔會油膩。4-6人嘅份量, 我8個人都食唔哂, 好足料, 食完即刻再訂多個過年再食, 真係好啱我口味*由於我冇相機食先嘅習慣, 淨係得張佢哋出車前send俾我嘅相...haha...

其實我已經喺共享私房菜度訂過幾次盤菜，今次終於記得影相啦今年中秋節媽咪話費時出去食，又貴又多人，所以立即3日前就訂咗盤菜（一品佛跳牆煲-4至6人食）今次一樣咁足料，有鮑魚，海參，魚翅，花膠，瑤柱，帶子，西蘭花，炆雞，雪耳，蘿蔔， 芋頭，每樣食材都好新鮮，佢地會比埋包汁嚟，等你自己鍾意落幾多就落幾多，味道剛好，唔會過份咸，連我家人對食物咁高要求，都話好好味，所以我適逢節日都會訂呢間盤菜，呢個係最細嘅都夠6人食，下次家庭聚會再會繼續幫襯

返工好多時都會係呢度食飯，又有得堂食。外賣又平，又好食又健康。外賣仲平啲，$30-40蚊一個午餐，又有飯，住家湯，健康飲品。邊度仲有得搵。我成日都whatsapp落單，講明時間夠鐘就去自取，慳番吾少時間。今次係度又再次訂左盤菜，真係要為大家推介番。盤菜真係好好食，基本上我食過呢度嘅盤菜，已經再冇去其他地方訂。中秋節家庭聚餐，我訂左返去比屋企人食，大家都有讚冇彈。而且老闆又好人，煮野又好食，真係要推介下比大家。

係公司唔覺意摷到張單張寫「共享私房菜」於是上來試吓lunch。呢幢利豐中心易搵。可能因為我地都2點幾先到，好多位！環境尚算舒適，整齊企理！見幅牆都好清楚寫逢星期幾同幾有d乜，好多嘢揀！由雞、牛、豬鹽酥乜...都有！於是我行去櫃位叫個沙薑雞，猴頭菇冬蟲草燉雞腳湯，仲送埋杯養生茶！仲仲仲有個類似馬豆糕甜品！咁多嘢先至$37咋！個沙薑雞嘅薑好多！雞亦大舊，非常足料！杯養生茶甜甜的！好飲！據聞活血！個湯都好好飲！飲落唔似有味精！最滾動係見到佢牆上寫「其實養生不昂貴」！好有良心嘅食肆呀！係有位坐ka! 呢間「共享私房菜」，由健康質素到價錢都係非常有良心！值得極力支持！試晒佢唔同款式！

話說我通常會喺呢一間買外賣，一買都會係麻香手撕雞，今日我見到佢哋嘅餐牌有樣新野，叫做酸菜石斑片嘅，好耐冇食過呢個菜所以今日叫咗佢。用WhatsApp叫外賣非常方便。上去攞嘅時候發現今日好多人，除咗好多人買外賣之外，堂食都坐滿人咁濟，估唔到呢間野多咗咁多人幫襯。外賣不嬲都係一個飯盒，一碗湯同埋一杯熱飲。湯我叫咗五指毛桃燉鴨湯，非常清甜唔太多油，仲一定係冇味精，因為我飲完唔覺得口渴，秋天啱啱好。到個飯盒，酸菜石斑片飯，石班切成一片片，首先炸過，客人叫先至到落個酸菜湯度，咁樣石班片就可以保留着香脆嘅口感，又可以索晒啲湯汁。呢個餸除咗石斑片，酸菜湯先係靈魂，有少少麻辣，我見到有薑同埋有黑椒完粒係啲湯度，因為係少少麻辣所以可以接受，酸菜湯嘅酸唔太夠，因為我個人好鍾意食酸，所以我覺得呢個才可以再酸啲。都係果句：今時今日30幾蚊嘅外賣係非常難得，嘢食仲有返咁上下水準，非常支持。

有一日我行過街見到有個Stand寫住大大隻字共享私房菜，引起左我嘅注意。然後我上網搵，似乎冇乜食評，原本都有D擔心究竟好唔好食，我見佢話可以WhatsApp落單，所以膽粗粗WhatsApp問吓佢個菜單係乜嘢。間野我已食咗兩次lunch外賣啦，其實真係唔錯。我見佢咁少食評所以特登上嚟寫一寫，等大家知道佢既好。首先老闆好好，會喺WhatsApp send個最新嘅菜單俾我，外賣會有一個飯盒，一碗燉湯，同一杯特製嘢飲。咁樣嘅組合只不過係30幾蚊，今時今日呢個價錢lunch喺邊度搵?平還平但野都要好食先得架，兩次我都叫咗佢麻香手撕雞飯肉，係多過飯嘅，手撕雞唔會係太幼嘅一絲絲，太幼唔好食🤷🏾‍♀️。佢每條雞肉都充滿着特製嘅醬汁，的確係有少少麻但係唔係辣既，食完條脷會有少少麻麻哋好過癮，醬汁平均沾滿着每條雞肉，無論夾起邊一塊雞肉，都有好多白芝麻黐住，白芝麻增加左手撕雞嘅香味。即使係雞胸食落都唔覺得老。最最重要係冇雞皮㗎，超健康。燉湯，真材實料真係燉湯唔係味精湯，因為飲完之後唔會特別飲多水。最後我最鍾意嘅係佢杯特製唔加糖嘅嘢飲，如果想知個杯嘢飲嘅材料係啲乜嘢可以WhatsApp問一問老闆娘。今次我冇問到

這間位於1樓的樓上舖餐廳都算方便，大廈有3部客全可直達。餐廳內環境整潔，只是座椅太重拉動不太方便。之前食過呢間的午飯套餐好抵，三、四十元有飯、燉湯、健康飲品，套餐多達十幾種選擇，難怪朋友話日日來食都唔會悶啦！質素超乎想像的好，外賣自取還減5元，超值！今日見隔離一枱有7人訂了烤魚鍋套餐、干鍋山瑞套餐同幾個配菜，鍋的一陣陣香味真係好吸引，朋友已經商量過二天約齊來試了。之前見到有人落單外賣川味口水雞放工時到取，我今日也試半隻外賣今晚加餸。餐廳歡迎自攜器皿，我當然也支持環保帶了個玻璃密實盒，亦可防止汁液漏出。口水雞肉質非常滑，唔會霉肉，雞皮亦爽脆，最正的是那個汁，香、辣、麻，每樣都恰到好處，連我個仔不太食到辣的都接受到，仲話麻辣得很過癮呢！食完也不覺得太口乾，感覺沒太多味精吧，真的一試難忘，下次可以試其他菜式外賣回家。