共享私房菜 (已結業)

係公司唔覺意摷到張單張寫「共享私房菜」於是上來試吓lunch。呢幢利豐中心易搵。可能因為我地都2點幾先到，好多位！環境尚算舒適，整齊企理！見幅牆都好清楚寫逢星期幾同幾有d乜，好多嘢揀！由雞、牛、豬鹽酥乜...都有！於是我行去櫃位叫個沙薑雞，猴頭菇冬蟲草燉雞腳湯，仲送埋杯養生茶！仲仲仲有個類似馬豆糕甜品！咁多嘢先至$37咋！個沙薑雞嘅薑好多！雞亦大舊，非常足料！杯養生茶甜甜的！好飲！據聞活血！個湯都好好飲！飲落唔似有味精！最滾動係見到佢牆上寫「其實養生不昂貴」！好有良心嘅食肆呀！係有位坐ka! 呢間「共享私房菜」，由健康質素到價錢都係非常有良心！值得極力支持！試晒佢唔同款式！