六両三.台灣食堂 (已結業)

有時星期六約人去觀塘，都會順便試下新餐廳，呢度雖然唔係開左好耐，但人客唔少一出電梯，左邊就見到啦！環境好日本風有自助茶水位客人點菜只需喺餐牌上用maker畫就得啦！所有食物不添加味精，好適合注重健康嘅客人！我同朋友一人叫左一碗麵台灣既蔥油伴麵甘出名，就試吓啦！黑色既蔥油比較甜，唔算好油麵質硬度適中，有點咬口，但又未至於好彈牙。麵條上均勻地混了醬汁嘅顏色，好好食😋整體不錯👍🏻另外仲叫左滷肉拌麵滷肉切到非常之細粒，差唔多每粒都連皮脂肪帶肉，就好似東坡肉咁！好正滷肉焾到唔使用牙咬都可以食到！雖然比上一碗麵油，但係味道就非常好👍🏻唔落味精都整得好好食！一場黎到當然要叫啲牛肉食下啦牛腱上放了生青瓜絲硬度適中，薄切，好入味。要趁熱食！小食方面，叫左皮蛋豆腐係冷盤，個醬汁甜甜地同杰身，味道不錯👍🏻放喺面上面嘅木魚片好大塊因為最近天氣凍，想飲杯熱辣辣嘅薑母茶呢度嘅薑母茶非常濃郁，再加點熱水都仲ok，非常抵飲！喺呢度食飯感覺好好，地方又夠大。有啲座位附近有插蘇，可义電、亦有梳化。食物質數不錯，不用加一。性價比非常高！

六両三在觀塘都開了店，方便在綠色線上班嘅你。地方比尖沙咀店寬敞多了。甜不辣($25)甜辣的，有嚼勁。滷肉飯($28)，飯有肥肉油香，滷肉份量不少，飯大小適中，可以吃更多菜。台式泡菜($25)，醃菜口感爽脆，味道清新帶酸辣，幾醒胃。滷豬腳($48)肉都帶皮，很Q很嫩，滿滿的膠質，香料味道也很獨特。紅燒三寶湯($75)有牛腱、牛筋、牛肋條，牛腱肉嫩，牛筋有嚼勁，牛肋條可以啖啖肉，湯頭味道也濃郁，如果涼了，店家會幫忙返熱，很窩心。

今日約埋班同事lunch一齊黎到呢間工業大廈內既一間台灣食堂，呢間店值得黎支持下！呢到裝修比較和風，好似去左日本咁，裝修真心靚，坐位闊落唔會逼！Lunch時間比較多人，排左大約10分鐘左右可進桌！多款台灣有名菜式，牛肉麵更多款選擇，更有台式鐵路便當添，真係花多眼亂！我就揀左呢款「牛筋牛肉麵」$85加$18仲可選一款小食及飲品牛筋有口感食落膠感十足又夠淋牛肉嫩口不痴牙，肉質又淋又入味呢個紅燒湯底超讚，唔會太油唔會太鹹，無味精既關係飲哂碗湯都唔覺口渴！簡直色香味俱全！

新年後返工日，觀塘部份餐廳都仲未開，知道附近新開一間台灣野尖沙咀分店口碑好似幾好就黎試下，叫左魯肉飯便當，另外加9蚊要在個冇味精牛清湯，魯肉便當略嫌份量較少，魯肉得少少，我估可能同28蚊既魯肉飯份量一樣？只係多左少少菜同腸，味道整體都過得去，唔算突出。環境裝修唔錯！

這家的尖沙咀店，我真的吃了很多次，是我在香港吃過最有台灣風味的台式料理，加上價格非常合理，所以是我到尖沙咀基本必選的餐廳。今次知道在觀塘有新店，立即來~!因為觀塘對我來說近很多。餐廳位置都算近地鐵站，不難找，就是要上樓會比較令人發現不到。店內環境非常寬敞，座位亦很多。不過到午餐晚餐時間會比較多人，可能要等一下位置，但絕對比尖沙咀店多位置，不用等那麼久。餐牌都比尖沙咀店的有更多的選擇，例如多了便當。我點了慣常愛吃的半筋半肉麵，我發現這個真的最滿足，三寶其實都很好，就是感覺肉會太多，而半筋半肉就份量最剛好的感覺。這家的麵內有比較多菜，湯頭有牛香，如果能更濃會更讚~~老公點了他愛的滷肉飯。滷肉飯基本都應該必點，一來是價格太便宜，另外肉和汁料都夠多，油香四溢。小食今次叫了我非常推薦的甜不辣，絕對好吃，軟軟糯糯，口感讚。切豆干是老公愛吃的，蠻香的，就是比較乾，配湯麵吃會比較好。滷水溏心蛋，都是一個我吃麵就愛點的食物。今次終於試了店家自製的酸菜，平時這個尖沙咀店放吧台，比較不易發現，通常吃完結帳才會發現它的存在。觀塘店放在當眼位置~很易發現。味道很不錯，好開胃。飲品今次喝了薑母茶，暖暖的太適合冬天

早喺一年前已經bookmark左呢間餐廳(尖沙咀店)，一直想要搵機會試試，聽一個唔係太鐘意食牛肉嘅朋友大讚，所以我都好有信心。近日知道佢地喺觀塘開左新嘅分店，一定要來支持下！呢度係國基集團中心，位置都算方便，呢度鋪面頗大，裝潢上都有啲台式味道，好闊落中間有一張枱放左檸檬水，自助嘅。仲有酸菜可以自取，夠大方！呢間分店新開張期間，全單有折，本身又冇加一服務費，抵食。餐牌有牛肉麵、牛肉湯、牛肉切盤、乾拌麵、滷肉飯便當同埋喺台式小食，價錢方面都同一般台灣菜差不多。滷肉飯 香港好幾間台灣食堂嘅滷肉飯都差唔多價錢，自然無法同台灣價錢相比，但呢碗味道都算唔錯滷肉份量不少，加上適量醬汁，滷肉食落幾香，而且唔會太鞋口，不過我個人比較鐘意肥少少嘅肉。川味紅燒牛肉麵 牛肉麵一向係我fav，就簡單啲點左牛肉麵。每碗有4大片牛展，灑上蔥花再加少少生菜，強調湯底使用天然食材例如蔬果文火熬煮，過程中唔會添加牛骨粉或者味精、化學品等，飲得較放心，雖然唔係好濃好濃郁果種，但味道甘醇，亦都唔會好辣牛展肉食落超軟腍，肉香明顯，做得認真唔錯至於麵條，食落偏硬身，而且幾香。川味紅燒牛筋牛肋條麵牛肋條呢碗同牛肉麵湯底相同，不過牛

六両三繼尖沙咀主店之後係觀塘開了分店，實在太好了！以後去觀塘食飯又多了個好選擇！觀塘分店環闊落，比尖沙咀店更大🐟甜不辣（$25）即係魚蛋喔！咬落煙韌有嚼勁，加埋甜辣醬，超惹味😋🥚滷水溏心蛋 $16溏心蛋欠滷水味但流心效果一流，蛋香味十足👍🏻🥢百頁豆腐 $25豆腐紮實彈牙，豆味非常香濃面頭醬汁甜甜辣辣，更加開胃惹味！🍜川味紅燒三寶牛肉（$88）三寶分別係牛腱+牛筋+牛肋條港女我覺得牛筋超正呀！煮得彈形軟稔，好似食緊花膠一樣喔🥰湯底帶有藥材味及小小辣，非常好味，而且不含味精，令人好放心飲清光💕麵條粗身，韌度適中，仲可以免費加大呀😉🍜 滷肉拌麵（$46）滷肉肥瘦適中，唔會太油撈勻之後，每啖麵條都有肉香呢！

尋日同朋友喺觀塘放工，朋友介紹呢間工廠有嘢食，佢話好似開咗唔係好耐嘅原本係尖沙咀嘅一間台灣野開咗分店，於是我哋就想試吓，一入去就見到呢間嘢好有氣氛。有良心。一見到個招牌就令我好想試魯肉飯，果然好 食，唔係太濃味。半肥瘦啱啱好。配合埋滷水蛋一齊就非常正。嚟到呢度當然唔少得招牌牛肉啦。今日真係非常好運。食到超大舊嘅牛肉。牛肉冧得黎又夠彈牙。整得好有心思。我哋仲叫咗地道食品甜不辣，同埋蜂巢豆腐，真係好有台灣風味。佢牛筋絲就最令我驚喜。好彈牙冇膠感。 平時我好少食。都覺得有意外地喜歡上。最特別嘅係香港都入唔到嘅芭樂汁呢度都有賣。同埋原來冬瓜茶加咗檸檬另一種風味，即刻成杯嘢飲多左層次感。講真可能因為係工廠大廈啦。晚餐佢收緊呢個價錢我真係覺得好合理，觀塘食嘢食到呢個價一啲都唔算貴，一碗麵$70左右。仲有啊，一間餐廳除咗食飯好食之外，最緊要係有良心。呢點大家都明白。

每次去台灣工幹，都會食吓唔同鋪頭嘅牛肉麵，隨便試一檔都好有水準👍🏻👍🏻 但已經有一段時間唔洗去工幹了，好掛住台灣地道嘅牛肉麵呀！台灣人氣食堂六両三係官塘開左分店，聽講尖沙咀排晒長龍，依家開到黎觀塘，都好多人食！好近我公司，可以隨時隨地去食😋呢到主打川味紅燒牛肉麵、麻辣牛肉麵，以牛骨湯文火熬煮，menu寫明唔添加味精，一於叫返兩碗試吓佢😄川味紅燒三寶牛肉麵 ，三寶包括牛腱、牛筋、牛肋條，湯底真的香濃帶川辣，無味精所以都幾足料，牛腱爽、牛筋淋、牛肋彈，麵條都幾彈牙，成碗麵好match！川味紅燒牛肉麵 ，除了餸換了牛肉，其他都同三寶一樣。牛肉很鬆軟，煮得好入味，都好好味😊滷水糖心蛋外面用滷水浸泡，內裡軟滑流心，很有台灣風味。牛肉麵係川味嘅關係，辣得黎帶點惹味，所以點了凍檸樂解辣。阿仔食晒牛肉麵嘅牛肉，然後同我講好辣🤭🤭 所以食唔到碗麵，於是叫左碗滷肉飯俾佢。滷肉飯好多滷汁，甜甜地啱晒佢食，滷肉唔算肥，又好有油香，成碗食晒呀佢🤓六両三嘅裝修都好台灣特色，環境寬躺，好難得可以坐得咁舒服。細心一睇，掛左張poster 與香港人同行，睇黎要多啲懲罰佢至得🤗

剛和朋友去完台灣旅行回港，對當地的美食實在是念念不忘，得知觀塘國基集團中心這裡新開了一間六両三，而且是黃店，當然要來支持一下。冬瓜茶在台灣不同夜市掃街時最愛拿著一杯冬瓜茶邊吃邊喝，來到這裡也點了來喝，黑糖味很濃郁，而且還能嚐到清新的冬瓜味。牛腱牛肋條麵據說這裡的湯底是用上了30公斤牛大骨以72小時熬製而成，不用加味精而能令味道濃香，牛肉份量足夠而且很入味，麵條爽口彈牙。阿宏蔥油拌麵看到麵上鋪滿了深色的洋蔥，初時以為味道會很咸，但撈均吃落又不會覺得很咸，醃製過的洋蔥令成碗麵也非常惹味。滷肉飯說到台灣美食，怎少得滷肉飯，絲苗的飯粒鋪滿了滷肉，還配上了幾片顏色鮮豔的醃蘿蔔，台灣旅行的感覺頓時回來了。燙青菜+滷肉青菜用了一個小鐵板上枱，能保持溫度之餘賣相又美觀，嫩綠青菜配上香濃滷肉還真的挺好，不會產生肉膩感。

超喜歡呢間餐廳的環境、氛圍、服務，全部都好好，一定會再黎食❤ 佢係樓上舖，人流不算多，但餐廳都幾大，座位寬敞，仲有沙發位，令人覺得好舒服❤黎到當然要試下佢既川味紅燒牛筋麵($80)! 湯底有微辣，但都好易接受，同平時食既台灣麵有D唔同～牛筋勁大舊，淋淋地好入味，麵既份量都適中，食完唔會覺得口渴，總之就正啦😂滷水伴麵 ($46)伴麵既滷水味好出，又唔覺得好膩，平時滷水飯就見得多，呢個伴麵真係有surprise到😝但食完可能唔夠飽，要叫多d小食😝阿宏蔥油拌麵 ($46)呢個真係好正!! 超中意蔥油就唔好錯過🤩 份量也不是太多，但就非常惹味，好好味💕台式泡菜 ($25)因為唔知會係咩泡菜，所以就叫左黎試🤣 原來係酸酸甜甜，仲有少少麻辣，整個組合好得意，幾開胃😎餐牌都幾創新，仲有牛肉湯可以叫～但太飽了，下次再黎食過👍🏻

以前黎觀塘淨係識係APM搵食，原來工廠區果邊都有好多好西今次呢間雖然冇APM咁就腳，不過都係行多兩步就到，唔難搵。要搭LIFT先上到，一出就見到門口：費事影到其他客人，只影左D冇人既位。一入門口會見到好大幅壁畫，門口果邊D位就舒服D，所以一早FULL哂。行入D既位就係有少少懷舊FEEL既木枱木櫈。背景係廚房同出餐位出餐個位其實都幾可愛，有少少日本屋台既感覺。一疊疊碗，仲有Ｄ燈籠就算半OPEN KITCHEN都冇好大味大油煙。涼拌小黃瓜普通，勁細碟。$28應該唔會再食三寶牛肉麵呢個有少少辣，不過真係好微辣。小朋友就可能唔岩食喇，我本身唔食辣都接受到。牛筋好淋牛肉都唔會趙極唔爛，可以再食個炸雞皮真係不得之了！台式炸雞係鹽酥雞果種，個外皮好香口好好味，可惜雞脾肉就冇乜味。嫩滑稱唔上，不過都可接受既。成個便當有一半菜仲有半隻滷蛋滷豆干，超足料！我分左一半比人都食唔哂。唯一缺點係佢用紙盒裝，我都明佢SELL火車便當個CONCEPT，但係其實都可以用可再用既器皿...價錢算唔上好抵食，不過物有所值，可以再翻兜。

好耐都無食台灣嘢，呢間好近公司，等佢開好耐，咁就唔駛排長龍，又唔駛行到好遠先有啦。幫襯個陣新張期間，有9折。價錢唔平，都要七十幾八十幾先有碗麵。間鋪都幾大㗎，而且都幾靚，都有啲台灣特式。鏡頭另一邊係矮嘅梳化，已經坐滿人，唔好意思影相啦。叫咗牛肉麵，75元，個陣得一種湯底就係川味紅燒，有小小辣。同事唔食得辣話都還可接受，但可以嘅話俾清湯供選擇會較好。麵都唔錯，不過未可以掛到湯，牛肉算多同林，唔錯嘅。加18元就可以升做套餐，我地幾個分別叫左唔同嘅小菜，可以分黎食，正常味，未至於特別好味。我要左冬瓜茶走甜，都ok啦。價錢有啲貴，味道一般。

never miss the fried chicken and half fat beef fillets, real good! The beef broth is pretty clean in taste, balance well with the spices. I would say some of the finest I ever tasted in Hong Kong.love the decor and details of the shop too! will certainly come back for more!

原本打算食連鎖快餐, 見到廣告牌有台灣菜, 又有開業折扣, 就試吓啦.入到去, 地方好大, 餐桌放置近玻璃位置(入門口轉左)與收銀+水吧部(入門口轉右)遙遙相對, 中央位置是自助的飲水地區, 有別於平時去的香港食肆擺位. 全餐館以木為設計主調. 好想食牛腱, 找了一會, 終於喺餐牌的英文內容發現, 原來”紅燒牛肉飯湯”的牛肉就係牛腱. 正好可以試埋餐牌特別介紹以蘋果熬煮的牛骨湯. 另叫了一份台式泡菜, 到底什麼是台式泡菜呢? 不消一會, 食物已送上. 原本台式泡菜是醃酸菜冷盤. 紅燒牛肉飯湯的牛腱係好”林”, 上面灑上蔥粒, 飯比較特別, 比平時食嘅飯短同圓身啲, 湯好濃味, 個人偏向清淡一點, 好在有醃酸菜淡化.服務的員工都很有禮貌。