六両三.台灣食堂 (已結業)

好耐都無食台灣嘢，呢間好近公司，等佢開好耐，咁就唔駛排長龍，又唔駛行到好遠先有啦。幫襯個陣新張期間，有9折。價錢唔平，都要七十幾八十幾先有碗麵。間鋪都幾大㗎，而且都幾靚，都有啲台灣特式。鏡頭另一邊係矮嘅梳化，已經坐滿人，唔好意思影相啦。叫咗牛肉麵，75元，個陣得一種湯底就係川味紅燒，有小小辣。同事唔食得辣話都還可接受，但可以嘅話俾清湯供選擇會較好。麵都唔錯，不過未可以掛到湯，牛肉算多同林，唔錯嘅。加18元就可以升做套餐，我地幾個分別叫左唔同嘅小菜，可以分黎食，正常味，未至於特別好味。我要左冬瓜茶走甜，都ok啦。價錢有啲貴，味道一般。