公和荳品廠

營業中

休息中

這間公和,真係細細個已經來過,大約,是廿幾年前,陪家母去附近的"師奶"商場,順道來吃豆腐花,喝豆漿.環境不變,二十年如一的"那渣".味道不變,豆花滑,有豆香.糖水清甜.口味不變,豆花我仍只愛凍.友人就同我相反.感覺不變,從來也覺得,全港多間公和,係這一間最有"味道".其他分店,好像差一點點.但是,地球在轉,千載不可能不變,如果這間公和因拆樓而結業,亦是我與公和的感情結束之時.

食完蛇王協想搵野飲咁就去左公和飲豆漿~!!去果時都成9點半,心諗都應該收左e,...睇真d,都未收不過已經無得食豆卜咁就買枝豆漿飲下la~枝豆漿好大枝,13.5抵飲甜度岩岩好,出門飲果d太甜,無豆香味呢間就岩岩好一開個蓋就聞到香濃既豆味亞b又一力讚~!!!!

"公和" 同 "人和" 都係香港有名的荳品廠, 在3日之間, 食了這2間荳品廠的老店 (旺角奶路臣街人和荳品廠, 深水埗北河街公和荳品廠)公和: 豆腐花, 煎釀豆腐豆卜雙拼豆腐花: 好豆味, 石膏味不重, 但有依然食得出煎釀豆腐: 煎得好香, 入口油味不重, 但煎得老了一點!煎釀豆卜: 鼻嗅到油膩味好重, 但食入口又唔油, 有汁! 真的不是油!比較: 2間同食了豆腐花, 煎釀豆腐豆腐花: 平手! 2間都好滑!煎釀豆腐: 人和win! 香滑最重要!

大家不要見笑, 深水埗這地方我長這麼大, 唯一的印象就是 N 年前給爸爸帶著去了一次黃金砌機, 自此之後就沒再來過了。於是這天要出差來深水埗, 對我這路盲來說是有點難度的。不過, 知道要來之後, 第一樣想到的不是其他, 正是深水埗有什麼好吃!~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~公和呢, 其實並不是在我預定計劃之內的, 只是從地鐵站走出來, 往找維記的途中路過而已。既然一場來到, 順便整番碗豆花吧。一大早開店不久, 店員叔叔正努力的舀著豆花, 所以我很快便有得吃了。靚靚仔仔滑滑溜溜的凍豆花, 骨碌一聲滑下喉頭, 雖然豆香不重但也香甜, 連黃糖也不用下了。最吸引我的, 其實是店子的那種古早味。不過店家又夠哂與時並進, 繼年前在 OR 得過獎之後, 也開拓遊客市場, 賣豆花都有英文餐牌, 兼圖文並茂!

到深水埗買東西, 順道到公和荳品廠吃豆腐花2人叫了熱豆花(x2)+煎釀豆腐豆卜雙拼豆腐花很滑, 亦有豆味豆腐豆卜也很香口舊式鋪頭, 很有懷舊的味道真的不錯, 難怪如此多好評!!

呢日同同學過黎食，行行下呢度就食左豆花。呢度雖然坐得無咁舒服，不過好懷舊。特別係裝修。凍豆花好夠凍，碗豆花唔加黃糖都夠甜。因為糖水都幾多，加唔加都得既。豆花有種綿綿既感覺，好香滑。實有下次既，七蚊碗又唔算太貴。

同d frds 嚟, 每人嗌碗豆腐花豆腐花算有豆味亦好滑 唔錯但依度當然冇咩service可言啦 又迫又多人食完仲買咗支豆漿飲

今日食飽飯 , 行過深水埗公和 , 又入去食吓甜品喇喂 熱豆腐花豆花賣賞嘅幾好 , 一大片一大片的 ( see photo )雖然唔影響味道 , 不過睇到個阿姐對工作嘅真認同要求好嘅服務態度給食物加添味道 豆花夠熱 , 入口好滑 , 有豆味不過豆味不如義香滑滑的但不夠大圍亞婆豆腐花的滑整體上都係唔錯 , 如果多加點豆味會更好環境同九龍城公和一樣 , old shop styleby the way , 唔知邊間公和最老呢 ?

去完劉森記食野就過黎公和, 唔知係咪收工時間大家都黎食番碗豆腐花, 好多人食左幾次依然咁有水準, 豆花真係好滑又有大豆味, 而且夾個糖水岩岩好, 唔駛加黃糖都夠甜. 叫塊一碟炸豆腐, 炸得岩岩好, 真係外脆內軟, 不過太大碟, 呢2 舊已經好夠.不過真係好迫-__-

宜家 d 人吓吓都話食飯要食 services, 但我個人所要求的所謂 "service", 比較另類一點 - 我鍾意同 d 伙計你一句時我一句, 又或者同隔離枱 d 人吹吓水咁...這裡就是這麼樣的一間豆腐店~豆腐花好滑, 不用加黃糖亦可以好好味 加埋杯豆漿已經 perfect, 好過食雪榚

因為工作的緣故, 偶爾在下午的時份到了深水埗.烈日當空, 加上打風後依然悶熱的天氣,在深水埗的街頭feel到自己暈暈地.同事怕小妹暈倒街上, 即刻拉我到旁邊的公和坐低抖抖.飲杯凍豆漿, 成個人舒服晒, 才不過$4, 又叫多一杯.門口的煎豆腐好香, 雖然真係熱到有點反胃, 但都忍唔住叫左一碟.豆腐好滑, 有豆香. but 煎豆腐從來都係"聞起來"比"食落口"好味, 所以食左2件就已經食唔落, 迫同事食埋佢.上黎諗住留個駐腳, 先知到公和係"寶". 小妹有眼不識泰山, 可幸的是"唔暈唔相識"~~~

食完飯, 行番屋企之際陳某帶左我黎公和買豆腐花食, 聽就聽得多食就真係第一次, 買左豆腐花同雙拼番屋企食,豆腐花好滑!!!!!!!!食開cheapcheap百福豆腐花既我即時愛上左公和,不過得一包黃糖唔太夠...我鍾意食多黃糖..雙拼我只係食左一啖,唔太知咩味, 但公和真係幾正

深水埗的公和豆腐花，由細食到大，我唔鍾意加黃糖，豆腐花+糖水先最夾。公和的凍豆花好滑，加碟煎釀豆腐及凍豆漿真係無得彈，但最弊是地方太迫，食完要拿拿淋走人。食過其他舖頭的豆花，一啲都唔及深水埗公和，豆腐無味兼實轟轟，仲要只有黃糖無糖水，從此只去深水埗公和食豆腐花，專登去都在所不計，順道過條馬路可以去埋維記食咖央西多及豬潤麵。

我覺得最好味既荳品店就係深水埗既公和荳品廠雖然有好多間公和荳品廠 .. 但我覺得其他個d同呢間都冇得比 招牌菜係 豆漿 .. 好好味 .. 唔會好甜又好有豆味 豆花 .. 正 .. 唔會好膏咁 ..幾滑 雙拼 .. 差唔多個個去到都會食 .. 又平又正 3樣+埋都係$20多d 當食個下午茶都抵啦 ^^

八月廿二日(星期六)同老公吃完了泰潮,行多一陣就到了公和老公要解渴,飲了一杯豆漿,還有叫了煎釀豆卜(新產品)煎釀豆卜有五件,內有上湯,味道不錯,咸咸的,有魚肉!而且不太油!推介呢!豆漿就比較甜!不過豆味重!我們還見到有不少內地遊客前來到訪!真識食