八麵玲瓏 (已結業)

2008.12.28今日見唔曬, 咪諗住去城市水塘行下…2:10 pm 去到八麵玲瓏…岩岩好彩搵倒位..坐低叫左牛栢菜, 豬蹄紅薯粉, 小辣…另外叫左一碗鎮江骨, 雲吞紅薯粉..先講牛栢菜, 好爽, 正…豬蹄煮得岩岩好..唔會太淋或太硬…鎮江骨醃得好入味, 正…雲吞只係正常, 無乜特別…第一次食紅薯粉…嘩…咁淋既..仲以為會係彈牙忝…下次都係叫米線會穏陣d…個人幾鍾意食米線, 吸汁, 口感又幾好..唔會好似米粉咁冒險…有時米粉都會刷口嘛..唉…湯底雖然叫小辣, 但都好辣下…呢度既小辣會係出面既中辣或大辣…唔食得辣既朋友就唔好加辣loo..野飲叫左熱朱古力...濃味..夠朱古力味同奶味...又大杯...好多食店都唔俾咁多料開野飲..有誠意...!!去開荃灣會再黎…hehe….

(半個月前食評)夜晚約左男友出街食, 由於要繼續戒口, 有好多野都唔食得, 諗下諗下就黎左呢間豬腩肉米線(豬骨湯) - 豬腩肉份量都幾多下, 半肥瘦, 男友話食落覺得似肥牛, 肥左d, 但我就覺得幾好味! 好似好食過同類型鋪頭既腩肉 ^ ^ 可惜米線煮得太稔喇, 過左火鎮江肉排紅薯粉(小辣) - 肉排整得好稔好入味, 酸酸甜甜, 不過可能係個人口味問題, 唔係好鐘意呢一款味道, 男友都覺得麻麻地. 紅薯粉同米線一樣, 都係煮得太稔, 一d煙韌都無, 建議要改善一下無試到好多人讚好既果汁, 只要了杯熱好立克完全無孤寒, 唔會係溝好多水好稀果隻, 不過粉又好似多得滯喇總結黎講算普通, 米線/紅薯粉太稔扣左好多分!

BA。。。BA招牌排骨上海麵：兩大舊酸酸甜甜的排骨，仲有鐘意佢既麵質，配菜有芽菜、酸菜 熱檸蜜：甜度調較合適，不錯！豬頸肉上海麵：正啊。豬頸肉超瘦，一D都唔肥，仲要燒得好靚好香，好多塊，切得又薄喎，好味！凍咖啡：都幾大杯，老爸仲飲剩1/3...$24，凍飲+$2 The Last 荃灣遊。。。

其實我一星期總有2日到荃灣食飯,經常路過此店,但都無入去一試但在openrice經常見到人讚依間d粉好好味..所以去試下囉上星期6同朋友來試下是否真的咁好食....感覺比想像中差我叫左一個鎮江骨米線豬骨湯底套餐加6元轉食木瓜奶朋友叫左個3乜乜餃上海麵酸辣湯底套餐飲凍央待應好快地送左碗米線來...碗米線個碗真的好大可惜d米線好鬼淋d鎮江骨有4舊咁多..味道ok啦不過d染色好勁下><搞到我碗米線都變左紅紅地d湯飲落去同普通湯無乜特別...都唔似豬骨湯到柸木瓜奶...eeeeeeeeee....一d都唔好飲又無奶味得dd木瓜味而且好杰下我叫木瓜奶啵...點解好似無加奶落去..飲左2淡放棄了朋友碗都好似好味d...因感覺d麵質幾好佢話ok啵....但柸凍央唔掂勁甜總括來講好普通囉...無乜特別但..我唔會再來了埋單2人60元正

中學時期常在午飯時間匆匆來吃，吃的不亦樂乎！當天的小伙子已剛變成上班一族，就趁這個下午，和中學老死兩人來吃一餐，順道回味昔日的種種。一點幾來到，店內不是全滿，幸福呢！坐下花不了很多時間，就要了往日常點的玫瑰雞翼和香炸雞扒，要豬骨湯米線加罐可樂，承惠$33！米線和雞翼、雞扒分開上，以服務來說，這要加分，何況這是多年來店裡堅持的服務習慣，抵讚！米線碗內有芽菜、蒜蓉，豬骨湯有味但應該是師傅駕到，但也無謂深究了。玫瑰雞翼有三大隻，水準依舊，雞翼皮\滲有淡淡的花雕酒味，味不苦相反頗易入口。雖然這次覺得雞肉稍硬，但雞翼皮的Texture實在一絕，可親身試試呢！而香炸雞扒粉太厚了，雖則炸到很香口，但實在影響了食感，感覺稍為空洞，扣了不少分數。總括而言，這還是我在荃灣其一會繼續Encore的食店！

同食野無關 只係想順便提及。雖然最緊要正字既效應已過 大家都繼續創新 照食音 照食字話就話字係由人創 應該唔好咁局限但遲早通街都係咁 社教化下 遲早大家都越黎越懶理。原本今日同兩位親愛的ocamp pic同vpic黎食茶餐咁偉大既pic就點名要黎呢度!好呀 俾下面你。3個人要了pic最愛的玫瑰雞翼vpic要了鎮江肉排小弟要了炸雞扒佢兩位都話可以我都同意。 雞扒炸得十分香脆 但都幾油 可以改善一下。而且都缺乏味道 雞本身已經無味 可以再加少許調味吧。 而且炸漿也希望可以減薄。至於麵要了紅薯粉 ， 店員也沒有問要粗或是幼 就來了幼; 也沒有問要湯還是撈 來了湯。不知是沒有還是忘記了。薯粉是可以的 口感不錯。但湯底完全不行 沒有什麼酸辣的感覺。最重要的配料 花生 芽菜 茜 和沒有下沒有分別。 比同區另一間小店 這裡是坐得舒服 而衛生和冷氣也較好。 但味道和價錢就被比下去了。不好的 一試已經要走了 久留的話自己的人生也會隨之改變對自己有點要求 至少是丁一點也要有。 親愛的pic 下次唔再俾面你啦!!乖的確 30蚊同區可以有更好的選擇

朝早食得好滿意,中午經過呢度,繼續食北方嘢.好多人要排到出門口,好彩一個人好易攝到位.要咗過脆口雞扒酸辣紅薯粉($26),再加$6要咗凍生薑汁.雖然係小辣但都幾勁,食到不停流汗,碗裡面已有花生,榨菜,肉醬做配料,紅薯粉係幼條好爽口,雞扒另上幾細心.碗粉就好滿意,不過雞扒雖然係即炸但係就好油而且槳粉皮較厚身唔係咁好食.至於杯生薑汁就真係用薑磨,唔係化學嘢,淡咗D但勝在真材實料.質素比川味美食好D但係價錢就貴D都應該嘅.

今日路過見到"八麵玲瓏"諗起好似食評唔錯又有d肚餓,就入左去"開飯" (番黎睇開飯網,先知原來好評來自兆和街分店,而我係去左川龍街xD)5點零鐘,又唔記得師兄們講過咩野好食於是就order下午茶餐:豬腩肉米線,可樂 $24先黎一碟菜心?!下...無order啵睇睇個餐牌,原來係送晒,死傻仔咁都睇唔到,好彩無出聲,唔係就瘀皮差不多清左碟菜時,米線到喇...豬腩肉好味呀,唔會太肥,五花腩,半肥廋咬落去唔太諗唔太硬,辣辣地而且無因為係茶餐既關係而縮水有幾大塊豬腩肉,米線水準ok唔錯唔錯值得一讚係伙記都幾細心幾識做入門口時有個男伙記o係門口附近,佢知我準備入黎幫我開埋門幾好幾好

此間 八麵玲瓏 係我時常幫襯下午茶的地方, 因為只係22蚊有野飲, 有碟"細油菜" 已經好飽.個人最喜歡係呢度的鎮江排骨, 可能我又鍾意食d甜甜酸酸野的關係.唯一係呢度的酸辣湯底好一般, 再者個人較鍾意食上海麵的關係, 因為上海麵要煮得耐d先淋, 有時會煮得唔夠耐而好有"口感"囉.唔知點解個人認為兆和街店好味過川龍街店好多倍

荃灣區, 食店很多. 一條兆和街...已有數間唔同菜式食店. 星期六, 與好友 5:15 p.m.到達 還來得及叫下午茶餐.朋友要福建三寶米線（豬骨湯底) + 汽水 HK$24我要 鎮江排骨薯粉 ( 酸辣湯底) + coffee HK$22鎮江骨味道酸酸甜甜, 很特別. 酸辣湯底, 只酸唔辣. 很開胃.下午茶套餐, 還送 油菜.. 好食及,抵食的下午茶餐.食店雖然細細, 得幾張檯, 但乾乾淨淨, 坐得.. 還可以舒適.

好耐無黎食, o岩o岩要去荃灣, 又諗起佢d 炸雞扒, 所以就去左食啦~去到見到噤少人, 覺得有d 怪~以前好多人架, 又要等位~叫左個炸雞扒米線, 男友叫左個鎮江肉排酸辣米線~d 米線一夾, 即斷, 好林.....又脹左....not ok!!雞扒就so far so good, 但都無以前噤好食, 佢好似炸過龍~男友個鎮江肉排醋味好勁....唔同以前...酸辣, 有酸無辣....以後black list.....

01-02-08 Lunch見客前黎食個lunch點了四川酸菜紅薯粉$26配菜: 香茜, 炸醬, 炸菜, 花生主菜選了鎮江排骨, 只限一款選菜凍檸茶+$2 total $28紅薯粉煙靭彈牙晶瀅通透排骨唔似一般鎮江排骨一般深啡色, 呢度既係偏紅色酸酸地, 唔係平時咸味果種值得一提既可能係廁所!?算係幾乾淨, 同埋廁所地板的設計不錯凹凸的

食過兩次. 覺得無咩特別﹐廿幾卅幾蚊碗麵都大眾化的價錢。service都OK﹐但係有陣時唔好expect D 阿姐對你咁好聲氣。但係我試過同個Friend去食﹐佢個碗野就黎左嘅時候我先話想轉ORDER﹐D阿姐都無比面色我睇﹐重OK好添。食過個炸雞扒﹐我就覺得太多粉同油﹐有待改進OVERALL去得過

不想費心找餐廳，就隨便找一間人不多的。又是米線，不想再吃米線，便來個紅薯粉。鎮江骨米線配凍檸茶($28)︰鎮江骨是推介菜式，原來真的不差。味道有點酸酸甜甜，很特別，也蠻好吃。米線都是一貫水準。腩肉紅薯粉配凍檸茶($28)︰第一次吃紅薯粉，有驚喜﹗紅薯粉是透明的，口感煙煙韌韌，不錯呢﹗可惜腩肉對於我來說，又是過辣了。但自己卻又最喜歡腩肉作為吃米線的配菜﹗這間餐廳午餐時間不算太多人，也是一個不錯的選擇。

本身由佢開店個時都開始幫親~由好食到唔好食~最近開始回到以前好食d既水準但講到服務就一定唔好囉~波鞋街個間.好幾次去到都要受氣((講廣東話超唔正個個),都算~叫外賣,咁外賣只送到屋企樓下~咁岩我電話整左冇聲,我就拿拿林打返去啦,咁係我錯我係咁say sorry.我話我自己去拎都ok.etc....點知聽電話個人好似越話我越開心咁,到最近我係忍唔住cut線囉.話晒我都幫親左咁多年.只有一次電話咁樣就比人話到飛天,仲要佢地話我次次都係咁我先興.佢地打黎我馬上飛到樓下又唔見人,都未到.但我1遲小小就媽到我飛天.(我點都唔洗人地等超過1min)現在都不會再去幫親~因我只係去食飯~唔係係比人當出氣筒