八麵玲瓏 (已結業)

今日同媽媽出荃灣..行完三點幾過去八麵玲瓏食..先講食物...我叫左玫瑰雞翼米線(豬骨底),媽媽叫左香炸豬扒米粉(豬骨底)..佢係雞翼同米線分開上...上左雞翼好耐都未有米線...我望住碟雞翼呆左..等左幾分鐘碗米線先上..媽媽情況都係咁..隨餐附送ge油菜佢剩係比左一碟我地..佢同我講兩個人一齊去食係會比一碟..我眼見四個人都食都係得一碟..多兩條菜咁大把..跟住要講服務同衛生..服務唔差..但我唔知d侍應係發緊夢定尋日先請返黎..期間不斷上錯食物..我唔知係落錯單定咩..最無奈係我見到有個呀姐手執起雞翼骨掉落個筒度..之後隻手抹都唔抹就擰d野食比客人...仲有一次..有個呀姐經過o係我隔離咳..手又唔掩住個咀..我又o岩o岩擰過去..結果我塊面擋晒.....我真係...都唔知有無下次...

第一次黎，一入去就覺得舒服，唔會好似茶餐廳咁又煙又嘈又坐得唔舒服，這裡有電視睇，加分~~食左三寶(扁肉、燕丸、有餡既魚丸)上海麵酸辣湯底+熱檸茶，幾大碗架。熱檸茶好苦！三寶幾好食，以魚丸為最佳，上海麵都gd，但湯底騙人的，只是一個普通湯底加一匙酸辣汁，辣辣地。朋友仔果碗，無問佢意見添~~加$5有果汁飲，好大杯好抵~~服務幾好，我地食完佢收碗但唔會催我地走。下次會試紅薯粉& 玫瑰雞翼！

同朋友來吃個麵~本來想去同區食刀削麵~不過我朋友食過話d味精好勁, 所以,我就放棄左~黎左依度食,我個朋友話依度ok喎~不過地方有d細,要同其他人坐埋一齊叫左香脆雞扒麻辣紅薯粉~小辣(凍奶茶)我個friend叫左炸豬扒米線(飲西瓜汁)碗野黎到以為好鬼辣,不過攪均食又ok喎~本來好驚d滑o既紅薯味滑落喉嚨時會俾d辣油嗆到~點知又無喎~勁鍾意食依種粉~d雞扒切到一舊舊,好易入口,d炸粉唔厚,d雞掩到入味,所以炸粉表面唔駛落調味粉果類野,我好怕d野好咸,所以覺得好好味~食完好滿足我有食我朋友d豬扒都幾好食,無用炸粉炸o既~佢話d西瓜汁好正d阿姐勁傾偈,無乜服務,不過又唔係叫做差囉~下次會帶男朋友黎~

公眾假期好多人呀....住係荃灣咁耐...都無幫襯...今日經過翠華又係好多人...岩岩呢度有位...就揀左呢間...好在無人食煙...我數過全間鋪得三十個坐位...都迫下!老公叫左個鎮江排骨加燕丸既上海麵豬骨湯底, 西瓜汁, $35....我見排骨好橙色...食完佢覺得都ok!我就叫左個福建三寶酸辣紅薯粉加木瓜汁$28....三寶係燕丸加魚丸..仲有一個扁既雲吞....整體都唔錯...個紅薯粉好煙un....紅色可能係指辣汁....我碗薯粉係透明既....! 最後仲有一碟小油菜$5....暖暖地...係整定! 不過...前面兩碗係即做....所以好熱!如果裡面人少....我會再光顧...否則都坐得唔舒服呢!

此店已是第二次光顧了。第一次光顧時，並沒有深入品嚐，只是隨意試試米線及玫瑰雞翼。對酸辣米線印象不佳，可能是習慣了隔壁那間雲南米線的味道，所以令我覺得此店酸辣米線的味道很怪‧‧‧‧今次光顧，是特地來品嚐酸辣紅薯粉的。（因為見此店在OR的食評有不少人也對紅薯粉給予好評。）和媽媽兩人來吃，媽點了豬腩肉米線及熱奶茶。我則點了酸辣紅薯粉配玫瑰雞翼及芒果汁。米線先來，我嚐了兩口米線，喝了幾口豬骨湯，湯底不俗~雖然沒下味精，但味道也頗濃郁~之後我的芒果汁也來了，喝一口，感覺太甜及頗稠，一般。紅薯粉最遲來，一上桌，紅紅的湯底及頗多油，配料有：炸醬、炸菜、花生，等等。先盛走芫茜才開始吃紅薯粉，吃了兩口‧‧‧太辣了‧‧‧雖則我愛嚐辣，但我卻不太吃得辣的‧‧‧我隨即要求加湯，阿姐話幫我換過湯底，但我又想保留一點辣(真麻煩)所以最後也給了我一碗清湯。加了半碗清湯，盛走堆炸醬後，再次開動，我原本以為紅薯粉是紅色的，原來不是。紅薯粉麵質很彈牙及煙韌，下次再吃紅薯粉時，我一定走炸醬！不然會過辣。玫瑰雞翼上次來吃時已覺很佳，夠冷冰冰，鹵水味較酒味重，不苦，讚！值得一提的是，阿姐服務不俗，又不趕客。感想:吃著紅薯粉時，

無咩胃口,諗住食粉麵,入去就見到有個叫"四川酸辣紅薯粉"又無食過,於是姑且一試!我完全唔食得辣既,本來想問可唔可以走辣,但最終叫左小辣..個粉本身透明既,幾煙un,有炸菜,花生,莞茜,炸醬等4種基本料,仲可加配一樣,我叫左冬菇,因為想清清腸胃唔食肉.但個粉都有d辣,仲幾油tim,違反左我最初目的....不過真係好好味,冬菇"索"左湯仲得呀!而且好似有5隻,個粉份量又ok,仲有一杯野飲送,所以算唔錯哦!佢仲有d特別配料好似燕丸,咩福州三寶等,都幾多人叫,下次會試!

食過幾次luu!碗粉大大碗熱辣辣;杯飲品大大杯凍冰冰,廿幾三十蚊就有交易!當中個人比較喜歡-炸豬排-福州魚丸-玫瑰雞翼-炸雞塊坐位真係好迫下,唔夠四人搭(木台)就難免了,不過醫下肚食完就走都very ok架!

是日公假四圍遊，臨時決定到荃灣搵食。好在之前有做功課，記低幾間食店，而呢間最近地鐵站，所以就先試呢間啦！兩個人叫：炸豬扒上海麵麻辣湯底(中辣)加鹵水豬大腸、福建三寶四川酸辣紅薯粉(小辣)加兩杯奶茶。豬扒麵- 係薄薄地、淋淋地唔脆豬扒，雖然唔係我最鍾意o固種質感豬扒，但係我都覺得好好味。因為醃得好入味，令到味道好出。不過真係幾油，唔可以成日食。麻辣湯底只辣不麻，而且中辣確係唔少，熱汗直標。麵質麻麻地，但份量幾多。好飽！鹵水豬大腸有驚喜，爽口唔肥同幾夠味，份量都唔少。三寶紅薯粉- 雲吞、燕丸同(好似係)醬爆魚丸麻麻地，但薯粉煙韌幾特別，唔係度度食到，幾好味。酸辣湯底加埋花生炸菜，十分豐富。奶茶- 雖然唔係好夠茶味，但總算夠奶夠滑，合格有餘。之前網友留言話無煙味，但今日一入門口就見人食煙，攪到全舖煙味。唔知係咪改可以食煙？！加上位都幾逼同唔係幾好坐。環境扣分......

點了炸豬扒米線酸辣湯底, 加芒果奶, 男友點了水餃四川酸辣紅薯粉, 跟西瓜汁~炸豬扒先到, 炸得夠薄身, 醃得不錯, 不過碟底厚厚的油好恐怖, 建議加花紙墊底~後上的米線好香, 有肉碎芽菜在內, 一聞之下...勁香辣, 結果預先將一半的辣油送到男友碗中, 不過這個酸辣湯底仍是辣多過酸, 但辛辣的感覺跟出面的食店有點不同, 這個除了麻之外, 還有一重講不出的香, 連平時不嚐辣的我都覺得愈食愈好味, 另外米線亦好有口感(平時大多是淋的)~見到男友的酸辣紅薯粉紅紅一片, 我不敢試~ 飲品方面, 芒果奶及西瓜汁都是新鮮~ 相信不會有難飲的..整頓晚飯60蚊有找, 是最近搵到又平又好食的小店之一註: 飯後拿了傳單細閱, 這店的總店是路德圍的雲貴軒~

今晚約左朋友仔黎荃灣想起有食家讚過呢度既鎮江骨天氣熱熱地無乜胃口至o岩叫左鎮江骨拼五香豬蹄肉麵($32)同鹵水雞翼米線($27)鎮江骨拼五香豬蹄肉麵～麵用左上海麵,唔太淋份量又多,食完都好飽;湯底唔油,好有住家feel,佢標榜無加味精,信完又真係唔口渴!鎮江骨一碗有三件,炆得好淋又入味,唔太肥,甜甜酸酸真係好開胃;豬蹄肉有驚喜,賣相似薰蹄,肉淋而外層有o趙口,分左一半俾朋友仔,佢話唔肚餓都清得晒鹵水雞翼米線～雞翼有三隻,鹵得入味,味道帶少少甜,好好味,朋友仔大讚!!兩個set加2蚊跟左凍檸茶但茶味不太濃overall以呢個價錢食晚飯都滿意但如果可以好似川龍街分店咁有多d選擇例如肉燥飯同多d小食我相信會有多d客仔服務一般姐姐仔無乜笑容又一見你停筷子就問你仲要唔要有少少趕客feel要扣分

我住將軍澳區，對荃灣印象唔深。朋友仔，帶我到荃灣。中午，去到呢間附近，朋友仔話好好食，入去試下。細細間，無煙味。靜靜地咁，好feel。係位窄左D。同{建康公房}差唔多格調。無茶餐廳feel{岩晒我}點左個{炸香脆豬扒}既米線。小{la}湯底。凍奶茶。都係個20幾蚊，我覺得一個hi tea，差唔多價錢啦。野食到桌上，嚇，超大碗。好似{味千拉麵}個碗咁大。第一口飲湯，味度唔錯。再試下D炸扒……外脆內軟。又香又有鮮味。D肉，好似識溶入口咁...超想再食。真係好好食。超正{讚}米線份量又唔錯喔。唯凍奶茶就...{本人都幾好奶茶飲品}D奶味怪怪地，似練奶加水，當鮮奶用咁。D茶又唔係碭蘭茶<--{港式奶茶味}茶帶微苦{夾}.....唔太like員工服務唔錯，無比人壓迫感，落單又會介紹下。店細，就快手收碗之類。店細得來，靜靜地。勁有{自已地頭}feel。總括來講，今次去呢間。印象好好，又靜，又好

今日有事到了荃灣,跟媽二人逛了一陣子才想到要吃東西,在千式店附近逛了一圈,最後選了這看來企理又蠻多人吃的小店坐下,吃了一個相當豐盛的下午茶餐。媽媽叫了桂香白肉米線,不辣,我則因為天熱,叫了福州魚丸米線,小酸辣(因為自己想著近來吃辣的功夫進步不少才敢叫辣)。米線未來,先來一碟油菜。可以想像的預先做好的,因為菜很涼,一點也不好吃。小小建議是不若把菜放到湯中與米線一起上吧,大家也會好過一點。桂香白肉賣相相當類似蒜泥白肉,不過吃起來酒香很濃,是啥酒則不得而知,夏天吃感覺不錯。福州魚丸則當然是交來的,吃下是熟悉的味道,不過米線和湯底都還可以,所以吃下感覺ok。唯一可惜是自己吃辣功夫仍然未到家,小辣也支持不了,結果也不能完成一整碗~可是,以份量來說,男孩子也不會覺得不夠吃吧~環境不能要求什麼,因為是茶餐廳吧,椅子的位置相當迫~這樣的價錢得到這樣的食物,我覺得是相當"抵"的。

其實基本上我去親都係食早餐ga咋~~~因為十幾蚊, 又有一碗麵、一塊多士、一份腸蛋同一杯野飲!!!!!抵過去美x食la!!~~飽到唔駛食lunch ga!!!~~~不過地方就細左dd....

今日經過荃灣﹐但只得40分鐘時間食晏﹐諗住求求其其茶餐廳搞掂便算。行下行下﹐先避過左一間人多及另一間大煙味的茶餐廳(太太有鼻敏感唔可以於“勁煙味”的環境中進食)﹐黎到一間叫八麵玲瓏的茶餐廳﹐又有位又無煙味﹐一於就呢間。餐牌上面選擇都唔算少﹐而且都幾“雜”一般茶餐廳港式食品又有﹐台灣麵類飯類又有﹐中式粉麵都有﹐真係中港台粉麵飯共冶一爐。叫左﹕一個西炒飯餐配凍柚子蜜﹐一份公司治﹐一杯熱薑蜜﹐一碟玫瑰雞中翼小食。飲品先到。柚子蜜應該係韓國出品的現成即沖貨色﹐雖然味道無甚特別但勝在濃淡適中﹐冰的份量亦剛好。雖然自己沖一杯如此“標準”的柚子蜜係完全唔難﹐但以茶餐廳計﹐飲到一杯無偷工減料的已經唔容易。熱薑蜜則略為甜左少少﹐不過薑味十足﹐如果天氣夠凍去飲番杯﹐一流。西炒飯鑊氣夠﹐料亦足﹐味道合格﹐都可以算係色香味全的一個炒飯。公司治則比較單薄﹐雖然有芝士火腿餐肉蛋﹐但係欠缺左蕃茄或生菜又好似唔夠“公司”Feel..但只賣16蚊份﹐已算合理。玫瑰雞翼一客賣$10﹐係三隻凍的醉雞中翼﹐至於係唔係用玫瑰露酒我真係食唔出﹐但味道就算係幾好。埋單共七十一個大洋﹐以茶餐廳計﹐算係標準價錢﹐但考慮埋環境﹑服務同味

今日要去荃灣,之前看到這店的食評幾好,所以便來試試.我叫了一個下午茶餐,叫了鎮江肉排/桂香白肉上海麵鎮江肉排- 幾好味,又鬆軟,唔錯.桂香白肉- 也是不錯,唔會太肥,剛剛好,但因鎮江肉排味太重,令白肉沒有什麼味,但口感很好.上海麵- 就一般d了,沒有什麼口感,好在也不是太唸.奶茶- 奶味太重,茶味太少,麻麻地.食物都算OK,可以一試.