影片
更多
2018-01-21
132 瀏覽
友人在筲箕灣上班，經常向我推薦區內美食，尤其是位於東大街嘅食肆，說這條街道雖然全長只有 780 米，但美食如雲，有快餐、粉麵、西餐，另外亦有日本菜，當中平民小食更是街知巷聞，雞蛋仔、碗仔翅、燒賣、魚蛋、沙嗲串燒等，應有盡有，簡直是個覓食天堂。講起上嚟，其實我也很久沒去東大街搵食。醒起早前曾幫襯過上環新紀元廣場一間主打烏冬、拉麵及串燒嘅店舖，餐廳叫「八沢」，總店設於東大街。記得上次喺上環分店食完，覺得食物質素唔錯，仲話如果下次去開筲箕灣，會試下友人推介的拉麵，反正周日有空，就一於去走番轉。店子位於東大街 55 號東威大廈地下，門外泊左部單車作裝飾，營造出古樸風情。踏進內，地方雖然不大，但環境唔錯，清幽舒服，配合柔和的燈光，令人有一種溫暖感覺。細心留意，牆身和用餐檯均用上木質設計，四周掛了不少具懷舊風情的畫作，加上店內的日式擺設，裝潢甚具東瀛風味。拿起店員送上的餐牌，雖然只有底面兩頁，但食物選擇都算豐富，有烏冬拉麵類、炸物、串燒類、鍋物、小食類，另外亦有飲品、啤酒和清酒等，分門別類。先點兩客小食做前菜，然後再慢慢揀。選了芝麻醬滑豆腐 ($28) 同黑安格斯肉眼牛扒。豆腐非常軟綿，質感滑溜
講起上嚟，其實我也很久沒去東大街搵食。醒起早前曾幫襯過上環新紀元廣場一間主打烏冬、拉麵及串燒嘅店舖，餐廳叫「八沢」，總店設於東大街。記得上次喺上環分店食完，覺得食物質素唔錯，仲話如果下次去開筲箕灣，會試下友人推介的拉麵，反正周日有空，就一於去走番轉。
店子位於東大街 55 號東威大廈地下，門外泊左部單車作裝飾，營造出古樸風情。踏進內，地方雖然不大，但環境唔錯，清幽舒服，配合柔和的燈光，令人有一種溫暖感覺。細心留意，牆身和用餐檯均用上木質設計，四周掛了不少具懷舊風情的畫作，加上店內的日式擺設，裝潢甚具東瀛風味。
拿起店員送上的餐牌，雖然只有底面兩頁，但食物選擇都算豐富，有烏冬拉麵類、炸物、串燒類、鍋物、小食類，另外亦有飲品、啤酒和清酒等，分門別類。
先點兩客小食做前菜，然後再慢慢揀。選了芝麻醬滑豆腐 ($28) 同黑安格斯肉眼牛扒。豆腐非常軟綿，質感滑溜，而且入口充滿水分。面頭綴上紫菜條，麻醬富濃郁芝麻香，味道唔錯，與幼滑的豆腐簡直係絕配。
黑安格斯肉眼牛扒 ($78) 非常大塊，旁邊伴有沙律菜，牛扒上桌前已經切左一片片，方便分享。挾起一塊入口，邊位好香口，肉味非常濃郁，食落油潤有脂香，而且質感鬆軟多汁，嫩滑無渣，正。
意猶未盡，決定再來多客炸物同串燒。率先送上的明太子雞翼 ($38)，一客有 3 隻，外形脹卜卜，炸至色澤金黃，賣相對辦。一於豪邁點，用手拿起品嘗，雞翼外皮非常香脆，內裡釀滿明太子，入口鹹香惹味，而且一點也不腥，食味一流。
接著是兩串鹽燒白鱔 ($45x2)，肥美的白鱔以慢火細烤至皮脆內嫩，再配上岩鹽燒至香口，食落肉質幼嫩，爽口彈牙，而且大廚功夫非常到家，鱔肉不會燒得過乾，加上夠厚身，吃起來啖啖肉，既有鮮味又有肉汁，充分發揮白鱔鮮、嫩、脆、香的感覺。
烏冬拉麵乃店家主打，上次喺上環分店食左烏冬，今次就一於試下友人推介的黑蒜炙燒極濃黑豚肉拉麵 ($78)。拉麵端上桌時仍滾熱辣，湯身散發著濃郁香氣，未吃已教人垂涎。先輕嘗小口湯底，嘩，果然非常香濃，肯定用料十足。挾起麵條，粗幼度適中，入口煙韌彈牙，而且掛湯力也不俗。配料方面，除了香口十足的黑豚肉外，還有滑嫩的半熟蛋、爽口的木耳絲，再加埋蔥粒和黑蒜油，味道令人驚喜，水準絕對不比日本過江龍拉麵店遜色。
飲品點了筆者至愛的鹹檸七 ($18x2)，味道甜甜酸酸，帶一絲絲鹹味，冰涼解渴，為這頓豐富的拉麵午餐作結。
張貼
