八月花 (朗豪坊)

營業中

休息中

第一次幫襯，為同家人中秋食餐團圓飯，見咁多食木評就諗住試下啦，點知中晒伏。先唔評食物質素如何，一間餐廳如果服務質素差，就算食物幾好食，客人都唔會想食。等我先分享下受氣既經歷啦，明明訂4人位，比3set，要求比多set碗筷，點知D侍應就齋應完就算數，搵到第3個部長先有多set碗筷；跟住搵人開茶水又係一樣情況，都算啦，當你地大集團做節特別多人。落單後，等左20分鐘左右，見張張枱枱面都有張菜單，我地就好心問下係咪未落單，個侍應串嘴咁回"你張咩咩咩單呀嘛，落左啦，等下啦你"，OK我地就耐心等，但等足超過1過鐘只有花生出現，其他所謂已入單既菜一樣都無上過，但其他枱都食完走埋添。我地再搵侍應追單，果時個部長先去入單。老實講遲入單，唔係最大問題，員工做錯野仲對客好唔友善先係問題。呢間都算係我食過最差既一間美心其下餐廳。極度失望！

最近我們經常到八月軒進食午餐，今天我又來開飯啦！最近經常到八月軒進食午餐，今日也來到八月軒開飯啦！檸香叉燒酥個名幾吸引，中西融合，可是名過其實，我吃的叉燒酥吃不出檸香，吃到是實實在在的叉燒酥。超迷你的瑤柱蒸蘿蔔糕，有少許瑤柱舖在蘿蔔糕，但實在太迷你，連小費收費$35.2三小件，造價太高。蔥花酥脆海皇腸粉&上湯雪吞，蔥花酥脆海皇腸粉是腸粉包裹油條蝦仁，味道尚可。上湯雪吞則沒嘗試。$68的蛋香雞肉醬配小米餅，普通的食材，的確見識一次就夠了！回味豬仔腳是我們在八月軒每次必吃的，但今次的回味豬仔腳，我是吃到最後一件，却發覺豬仔腳有排豬仔毛，罩眼間我仲以為是眼睫毛，我自然不會再吃了！但我也沒有致電食環處投訴，便沒有告訴朋友們，以免影響大家吃飽飽後的心情！蝦子叉燒薑蔥撈生麵，都算食番正正常常的撈生麵啦！桂花龍鬚蛋散造得不錯，我特別喜歡桂花龍鬚！今次有眼睫毛的回味豬仔腳事情，我會暫別八月軒。

今晚選了在朗豪坊的這家中菜吃晚飯, 本想吃他們的鳥籠點心再加2個小菜, 但點心都賣完了, 與友人再翻了好幾翻菜單, 才選到了以下幾道菜:乳豬三拼: 聞說這裡的燒味不錯,選了一個乳豬三拼, 拼了叉燒及油雞。乳豬皮香脆而不肥, 叉燒有燶邊不太肥是我喜歡的, 油雞給了脾位, 豉油味香而不過咸, 整體不錯。旁邊的豆味道也不錯。炒金粟: 外表好漂亮的一道菜, 內有粟米, 紅椒粒, 葱粒, 加上旁邊的櫻花蝦, 看來是清淡但實際調味很惹味也很好拌飯!冷•爽•脆: 前菜三味, 一口牛柳粒有牛味, 配上黃芥辣味道不錯, 中間的拍青瓜和一般中菜店的不同, 更像西餐的醃酸青瓜的口感, 菠蘿海蜇頭應是因其長得像菠蘿而得此名, 口感是比一般海蜇要更爽, 我個人則更喜歡一條條的海蜇。芝士大蝦煲: 芝士汁很香濃, 內有6件半邊的大蝦(即3隻蝦), 蝦很新鮮肉質爽, 和芝士汁很配合, 不過$158只有3隻蝦就似乎貴了一點...整體餸菜質素頗高, 但選擇較少, 肉類 蔬菜 海鮮均只有約8款選擇, 比其他中菜館的選擇未免要少太多, 如菜單能增加更多款式的菜相信會更受歡迎。

今晚為阿姨補祝生日，諗左一大輪結果都係食返中菜。朗豪坊呢間八月軒好旺場，晚上七點鐘入座，餐廳要求我哋八點半前還枱。兩個人食量唔大，所以只係叫咗兩個餸同一個湯。叉燒同老火湯比較出色，另外嗰味餸就算吧啦。蜜汁叉燒皇（$88）叉燒火候拿捏得恰到好處，有少少燶邊，又有玫瑰露香。而且份量幾大，兩個人食有點多。是日老火湯（$128）是日老火湯係淮山杞子燉螺頭，湯頭幾濃郁，仲有湯渣食，2個人飲好多，因為足足分左6碗湯，所以適合4人分享。蒜香四角豆蝦仁（$108）呢個就一般了。蝦仁好細粒，四角豆賣相怪怪，口感亦一般（介乎豆與菜之間），仲九唔搭八加左粟米一齊炒，感覺唔係幾夾。

我食左旺角八月軒五十次以上，係非常熟既客人，係咁多年間睇到八月軒既水準有升有跌，有時候繁忙時間食物質素令人失望到下次唔想再黎，但係近排隔一段時間冇去，又掛住八月軒，點知就非常好食，五樣點心每樣都新鮮熱辣，同埋有冒煙，我終於發現八月軒要食到美食既秘訣，答案就係要坐係出菜口既檯，近收銀台個度！總結，奶黃包有時候無流汁，但係今次非常美味，所以去過既食客，如果有人因為上次坐近窗口靠近男廁入少少個便而食到凍既食物，請你地唔好失望，因為好多時候只係因為食物有時候送菜姐姐放左係一二邊，一直無人遞上來，太忙遞唔切菜，今日整體對八月軒感觀都好返好多，又有令女侍應姐姐，好開心！點左五樣點心，兩個人食，260蚊價錢ok啦！叫左比較貴既明前龍井，感覺呢個價錢已經算高級同好享受！

上星期在同學推介的八月軒茶聚後，今個星期放學後大家一致同意再到八月軒茶聚。今次我們吃的大部份是懷舊點心.........我人生最貴的一碟車仔豬腸粉，不過勝在夠熱騰騰，但舖面甜醬不是人人喜歡，在下就是不喜歡。香煎臘味蘿蔔糕粉多就唔合我心水。上次吃過回味豬仔腳，感覺很滿意，今次再吃多轉！柚皮蒸素千層味道濃淡得宜，不錯！時菜順德鯪魚球香酥彈牙，是小點$24，抵食。煎釀三寶（青椒、茄子、豆腐）也不過不失！京葱煎烹胡椒包賣相很靚，沒有油膩，感覺很用心煎烹，肉饀好味道，但沒有肉汁是最敗筆！沙爹牛筋坑腩炒河粉是濕河粉，除了夠腍牛筋坑腩，還有我喜歡的牛筋。酒樓表明不添加味精和選用健康米糠油，有健康之選當然受顧客歡迎，我們吃的點心的確比較清淡，顧客當然希望吃得滋味又健康！

上星期我相約了家人一起到八月軒食晚飯，這是在旺角朗豪坊的，地理位置十分方便。這個是灌湯餃，材料有很多，例如帶子、花膠等等...湯底十分鮮甜，餃子肉質鮮美這是脆皮牛坑腩，有外脆內軟的感覺，不過我最喜歡的是那個醬汁，味道酸甜，很開胃。這是豉油雞，份量也是挺多的，味道十分入味，雞肉肉質鮮嫩，雞皮也很滑溜。配飯吃也非常之很好最後叫了個蟹黃翅，蟹肉味道十分鮮甜，不過略嫌覺得湯底比較稀，但是整體也配合得很好。

煎到熟透嘅蛋黃, 再加上一層好似紙咁薄嘅山竹牛肉, 就係美心集團旺角八月軒價值$46嘅煎蛋牛肉飯。煎蛋牛肉飯嘅精髓在於荷包蛋嘅蛋汁同甜豉油混合然後包住飯粒, 然而雞蛋嘅蛋黃已經熟透, 再加上只有紙咁薄嘅山竹牛肉, 完全唔符合本身嘅價值。

同學推介今次以下食品，款款俱美味，真多謝她！回味豬腳仔$68，的確好味又夠腍，豬腳仔的主骨已先去除，吃起來更方便。香噴噴的麻香擔擔麵$25，大家都讚！迷你桶仔飯$25，是炒得乾爽又香的炒飯，碗仔外再用迷你木桶仔盛載，頗可愛！懷舊甜品芝麻卷$24，帶出大家兒時回憶！由於我沒有打算寫食評，所以沒有拍攝食品照片分享，但以下的酥皮龍蝦湯拼鮮竹卷$38，不得不推薦；我們都每人一份，鮮竹卷的蝦肉爽脆好味，酥皮龍蝦湯的酥皮吃起來彈跳不少在枱面，雖然有點兒失儀和狼狽，但不失是很好的享受，龍蝦湯濃郁味美還有紹菜。

親友來港旅遊，住旺角一帶月租單位。前幾天中午約在朗豪坊八月軒飲茶。假日人多，幸好早訂位及有相熟部長，我們七人去到立即可入座。我們喜歡這裡環境時尚清雅，食物味道好。當天我們要了十多樣點心，一碟肥瘦適中、甘香豐腴的叉燒；一碟鹹魚雞粒炒飯，鹹香惹味，人人爭吃；再加一碟合時的涼瓜牛肉煎米粉，滿滿豆豉香味的醬汁，佐米粉一流。點心方面，較突出的包括皮滑蝦鮮甜的鮮蝦腸粉、棉花雞及辣辣惹味的XO醬煎腸粉。水滾茶靚，埋單七百多元，整體令人滿意。

八月軒聽得多，今次第一次食，總體來講不過不失，最好食係個和牛沙律，比想像中好食好多！服務不過不失啦，一開始叫個生果茶，成20分鐘到唔來，個staff就埋來話個水巴放假，佢地太忙，叫我地揀第樣，最後上茶果陣個staff都係咁同我地講唔好意思，算係咁！另外，恆生信用卡有九折

有2個好耐唔蒲頭既中學同學竟然肯出黎食飯，梗係要約出黎聚聚啦 地點改完又改，最後因為有人帶B,所以就選擇黎八月軒啦～7點15分左右到達，冇需等位但要個半鐘內交枱。（大約7，8成入座率，但我地走時都未坐爆過）前菜~ 菜甫花生有機腐皮鮮淮山~ 這個小食d腐皮好滑好香豆味,鮮淮山亦都好薄好爽，配埋少少酸酸地既芝麻醬，好夾好開胃。這裡的老火湯是整煲上的，今天是螺頭煲雞，d湯好清甜，湯渣d螺頭差不多比我地清哂。湯量十足，每人起碼有2至3碗擔擔麵~ 一人份， 個湯冇出面嗰d咁“杰”，冇咁膩迷你桶仔飯~ 入面有d雞肉同蘑菇類，幾香幾好味一口牛柳~ 火候剛剛好，每口都又嫩又充滿肉汁燒味三拼~ 這個拼盤有白切雞、燒鵝及叉燒，三款都好嫩好有肉味，正，尤其是馳名的叉燒更正Round 1食完，但仲有d唔滿足，決定黎個Round 2加菜。（依家已經大約八點半啦，但個場都未爆，應該唔會咁準時就趕我哋走啦掛)瑤柱杞子浸菜苗~ 瑤柱既鮮及杞子既甜完全可以蓋過菜苗嗰種臭青味，整道菜很清爽，食左咁多野，消下膩最岩。頭先個拼盤冇呢度出名既乳豬，都係忍唔住要叫一份脆皮bb豬~ 皮脆肉嫩勁正可惜分量太少…… 旁邊有沙律菜解膩

相傳在三國時代，曹操起了一個字謎曰：「一合酥」，吩咐手下「一人一口」分享糕點。二千多年後，八月軒奉丞相命，祭出「一合宴」，「一人一口」絕不欺場，父親節前夕晚市這個「四人套餐」未加一前「只售」 $1,180。第一道菜是湯羹，原本我以為有一盤，卻只是四碗。味道呢？上佳！拜上湯的福，簡直和魚翅撞味。有圖有真相，不是稀稀的，啖啖有咬口。第二道菜是翠綠蚌片，份量僅有例牌一半，帶子一人一粒，我和家人恍如當頭棒喝！味道呢？掂既！第三道菜係鮑魚冬菇生菜，鮑魚同冬菇一樣配額。味道呢？唔錯！第四道菜係燒豬片加豉油雞，燒豬片四件咁大把，上碟幾靚喎（笑）！ 味道呢？凍咗啦，都唔脆。第四道菜係龍躉，以前有啲酒樓為吸客，客人憑券幫襯可以免費獲贈一條青斑仔。青斑仔大小形容呢條龍躉仔，最適合不過。味道呢？斑唔會差得去邊，不過食得出 overcooked 肉太實。Last 係甜品，嗜甜既我 like。找經理來了解一下「一合宴」背後的智慧，他客客氣氣稱：「外出用膳係咁上下。」明白了，冇下次。

今日又到聚會時間，因為有小朋友嘅關係，想坐嘅地方舒服啲，所以就揀咗朗豪坊的八月軒。 但係唔知係咪因為父親節嘅關係，所以要有訂金，今次專登早咗過去朗豪坊俾咗500蚊訂金，然後之後再定星期六夜晚六點鐘食飯。我哋六點鐘準時去到，就叫咗一個六人餐再加一個飯，共二千四蚊 ，每人約$340，個餐有一個花膠翅食落去花膠味都好重，同埋份量都好多，反而就覺得如果冇咁杰身會好啲。我哋半席就所以有一條魚，魚肉都ok唔錯，但係唔夠熱，可能因為父親節嘅關係，好多嘢都已經整好曬 。炸子雞，雞比較鹹蛋味道唔錯醬汁冇味只屬一般。乳豬仔係成圍枱最好味嘅一樣嘢，因為我哋等朋友關係所以遲咗20分鐘食，但係乳豬都十分脆口，而且啲肉都好入味。西蘭花海鮮，冇乜味海鮮，有兩款海鮮但係都係味道偏，淡黑松露係冇嘅。之後仲有一個甜品係芝麻湯丸同埋壽包 壽 包好多朋友都覺得好好味，好香然唔太甜，仲有蛋黃。湯丸係吾夠熱，湯圓好彩都好軟熟，而且芝麻都好香。之後我哋最後另外嗌咗一個海鮮炒飯，海鮮比較少，炒飯比較濕，但分量都唔錯。因為我哋七個人，每人一碗。整體可能因為父親節關係所以嘢食我反而覺得有點兒失望，希望下次會再嚟會好食啲嘅嘢。同埋侍應真係

父親節前夕，光顧職員力推既4人套餐。本來都不期望可以4個人都吃到飽，畢竟適逢父親節，而且朗豪坊租金必定貴。我們以為所謂「4人份量」是4個人都可以有6成飽吧，期望算低，點知……我認為頂多只有2人份量而已，是頂多！真是食到背脊骨落！食完成個「4人套餐」，我覺得自己食左陣風而已！問下佢地有冇糖水或者生果送（一般酒樓都會有啦！），但佢地連呢啲野都冇！其實我建議番八月軒，你將一個細橙劏開8 portions，我都已經會當你送左個「8人份量」（唔止「4人份量」咖啦！）既飯後水果畀我咖啦！（完全受教了！）但你連一個橙都唔願意畀——丫係，我地仲搵埋經理投訴個「4人份量」既「4人套餐」份量太少，個經理一味淨係識話多謝我地既意見！主動送番糖水／生果都唔識做，NO SERVICE RECOVERY AT ALL！唔知佢憑咩做經理既呢～夠厚面皮掛！個客同你講食唔飽，唔識送番多DD野畀客人食既？我地係冇向經理要求送糖水或生果（只係在接觸經理前問過普通職員會不會有得送），因為我地真係唔係AO野！因為我地真係唔係乞丐！最後我媽同經理呻完一輪都算了。我們不願意畀機會任何人以為我地投訴純粹為AO野！我們也真的對呢間野死