八月花 (朗豪坊)

營業中

休息中

家庭聚餐,老老小小一圍臺,服務員很熱情推銷套餐,環境燈光很足夠.有BB櫈提供,宜家家私同款.碧螺春,喝不慣很苦,😄一試就愛上的水果茶,超級大杯,水果足料有:士多啤梨,橙,柚子,蘋果🍎,西瓜🍉,藍莓,等外加薄荷葉.......夏天喝一個字:爽!!!!!!乳豬仔,脆卜卜,肥瘦適中.鮑魚很香松露味,加了菇一起好吃很多.搭配的很好.好吃的既然是下面的黃豆,😄炸子雞肉多皮薄蔥花夠多,夠滑.花膠絲蟲草浸翡翠苗,菜的口味很原味,很清淡,值得點的一道菜.吃的太飽,已經完全吃不下荷葉飯,不過荷葉味超級香.味道已忘記,😄壽桃包,一口一個大小薑茶湯圓,太甜了.家庭聚餐的話是一個不錯的選擇,因為可以試到比較多的菜式.

三個字已足夠形容，態度差！沒有服務的酒樓，我們一行三人十點來到，可能星期六正常比較多人，安排了我們坐佐狹窄的走廊中，完全是勉強放下了一張桌子，我們三人只有三張椅，更是已經坐在路中心，叫了待應給我們多一張椅子放東西，有回應但每次都是.轉頭來！/等陣過嚟。食物質素一般，不難食但沒特別。最後，我也是第一次去酒樓沒有泊車單給顧客， 而且這個商場是不用電子消費，這個商場滿記食甜品都有泊車單，這間酒樓員工都是說 每張桌子只給一張發票，所以沒有下次 也不會再來

今日去飲下午茶，因為好食所以再來，當日係星期四平日，人唔算好多但都要等一陣，入到去開開心心食點心，不過員工不足沖水又無人，收嘢又無日，到最後有個女中年員工過來要求埋單，又問幾個我就話6個大人1個小朋友，佢又再問幾個大人？似唔信，再講我地係見茶杯數，咩意思呢？因為有2份茶杯D人無幫我地收，我忍不住話你意思我地講大話⋯⋯我真係好嬲呀！

晏晝飲餐茶黎講唔係抵食既！不過佢賣相同味道都唔差，明顯係想走高檔路線🤔不過燒賣真係路可以係出面亂咁食....哩道合格👍🏻唔會有咬唔到既肥豬肉根😛飲茶見客唔失禮....Btw 點解冇左雪山飽？🤔

同媽媽飲個茶🐷🐷飽飽豬🐷🐷之前有黎食過晚餐佢啲菜式幾特別同埋做得好精緻適合我哋相機食先今次黎飲茶點心同樣都係走精緻路線上菜快不過味道有點濃飲茶竟然有龍蝦湯飲不過算係偏貴我哋兩個人都食咗近$400

同女朋友去到旺角朗豪坊， 六點零鐘肚餓梗係搵地方食飯啦， 簡簡單單上去酒樓食，一入門口個帶位女士就話而家6點30，8時前要埋單，我心諗二個人個半鐘應該夠時間食，隨即答ok呀冇問題。兩個人食得幾耐呀～ 跟住佢再講真係個半鐘就食完要走㗎， 我話得啦唔好咁煩喇。嗌左黄金炸蕃薯當小食食住先。幾香口但係鹹左少少。總括黎講食物一般，但勝在地點就腳。除左門口個知客之外，服務都可以。講認真食店除食物好味仲要有好的服務，若果揾啲唔好的員工，其他地方更好都是白費的

有一段時間無黎食過八月軒，原來轉曬新餐牌，我最想食既菜式都不見了，唯有試下新野，見佢有另一個系列既，主打澳洲食材，同恆生卡有85折，所以就試下。生煎原件安格斯西冷好一般，比我感覺好似食緊合成牛扒咁，希望係我錯覺，侍應無問我地要幾成熟，牛扒入面好紅，但無血水，好淋，唔似食緊牛扒。脆皮走地豬即係薄切燒肉，同我心目中完全唔同，不過味道還可以。砵酒焗生蠔驚兩隻唔夠食仲叫左四隻，好難食，厚粉，蠔唔算話好細但無蠔味，食左一隻就放棄。蒜香胡椒皇帝蝦蝦份量都幾多，都幾惹味，但胡椒味可以再重d。平時我會叫埋甜品食，但今次無叫。因為真係太失望。

星期六去飲茶拎位都有少少難度，不過籽好彩，拎飛等左半個鐘左右就入得，間野佈置其實同一般d酒樓差唔多，但食ge野就扮晒高級，咁就睇下係唔係咁高級啦由於相機食係咁比呀媽話阻住晒，所以重點揀左幾樣野影底叉燒例牌 / 鵝肝鮮蝦春卷叉燒一般，佢有一半比左半肥瘦，係幾好食ge, 肉夠腍，不過另一半係柴皮，但又未至於咬唔到春卷個醬係wasabi, 感覺唔知係邊個地區ge fusion 菜，個醬冇乜wasabi 味，不過個春卷都算脆，不過話晒都係”高級野”, 得4條仔真係唔係好夠乾炒牛河，都OK, 碟野唔算太油，不過有少量河炒痴埋左其他點心花果奇緣，見到隔離枱飲得咁過癮，我地都叫左兩杯share ,杯野真係好大杯，兩個人都未必飲得晒，生果都好多，真係飲到好飽埋單$700 左右，唔飲果兩杯野應該會平d

較早前訂左位去食晚餐，因遲左5分鐘才到，最後要我在門口等位，要等第一輪客人食完先有得入坐，最後放棄唔食。今次為免有同類情況出現，未夠六點就已經去到，成功入座，今次去係為咗要食佢的富貴雞。一落咗order個富貴雞就可以即刻上，因為廚房一早準備好，富貴雞係要用四個鐘時間烹煮，所以食落啲雞肉係已經林晒，雞骨好快就可以拆開，裏面嘅冬菇花膠鮑魚都好淋，最緊要又唔會好鹹，味道適中👍🏻，配埋佢四個小飯團就非常好。其他菜式都唔錯。下次外國親戚回港，可以介紹佢哋去試吓。

媽媽喜歡食中菜，就同媽媽幫襯朗豪坊的八月軒。八月軒是一間比較新派的中菜，無論環境格局抑或是餐具擺設亦比一般酒樓時尚。招牌脆皮燒嫩鵝例牌，份量不少，鵝味香濃，但皮下脂肪不算多，啱晒我哋想食鵝但又驚食到滿口脂肪的人。另外叫了一份荷香蟲草花蒸雞，真的有一片荷葉墊底，賣相精緻，但食落沒有荷香味。雞配上吸了雞油的蟲草花，是不錯的組合。酒樓沒有設定交枱時限，飯後坐了很久亦無店員追促交枱，是三五知已和一大班人敍餐的好選擇。

放工後, 相約係旺角八月軒食飯, 等齊人, 便叫了上湯龍蝦伊麪用上整隻龍蝦, 龍蝦肉多, 伊麪唔會太''淋''四季豆肉鬆生菜包, 洛神花黑豚骨四季豆肉鬆生菜包的生菜算合格啦! 起碼青青綠綠爽口, 四季豆肉鬆都炒得入味洛神花黑豚骨醬調得怡到好處, 肉唔''鞋''口, 味道令人覺得開胃, 引唔住都另叫多個白飯相伴

今日好開心好兄弟請食翅～～ 雖然幫助去搬成日嘢執頭執尾～但係都非常值得最緊要好兄弟開心講番個翅用料上乘～唔係一條條嘅～係排翅翅！！ 講真我咁大個仔都係第一次食呀希望陸續有嚟！！ 加啲醋味道啱啱好～而且佢有啲黃芽～增加咗唔少口感

純粹廣州親戚專程來港和媽媽一聚。點心出品叫做ok,腸粉真的不得，好爛。干炒牛河做得ok,炒得幾乾身，點心拼盤賣相幾好，但是味道好一般，流沙包叫做幾出色，好流。服務就超級差，冇水叫極都是冇，服務員又沒有禮。

今日老細請飲茶，去既係位於朗豪坊既「八月軒」。門口裝修貌似好高級，唔係公司食飯真係未必會自己去。入到去見到點心紙，咦！又唔算好貴播雖然比普通酒樓貴少少，但點心款式好明顯精緻好多，行中高檔路線。而下午茶價錢更加係親民！ 點心眾多，揀幾樣介紹下。先講既係 「馬蹄糕」，馬蹄足料又爽口，味道又唔會太甜，不俗叉燒包不過不失，餡料多。鳳爪份量有d少，但味道夠哂惹味，必點咸水角餡料偏少，不過炸得幾鬆脆，皮又唔會太厚，中傭之作。呢個點心幾得意，魷魚入面釀左類似蝦膠既東西，兩者都一樣好彈牙，醬汁又夠濃乾炒牛河反而最無驚喜，講真茶餐廳仲好食過佢，一D鑊氣都無牛肉球上有冬菇，可惜味道上並無帶來驚喜，賣相就幾得意既香麻南瓜餅雖然平，但水準好唔錯，外皮似煎堆咁脆口，入面南瓜甜甜地，咬落去煙煙韌韌

今晚我們喺旺角砵蘭街附近做完嘢之後，去咗朗豪坊睇吓有邊間店好食？行到去見到間「八月軒」，就諗起之前嚟食過覺得唔錯，兼且有信用卡優惠，所以我們就決定入去食飯！我們叫咗安格斯半熟牛肉沙律嘅牛肉因為係燒到半熟，所以肉質非常鮮嫩軟滑，牛肉味相當鮮味濃郁，而且有入口即溶嘅感覺，再夾埋啲鮮甜爽脆嘅洋蔥同彩椒一齊食，口感超豐富，食落感覺好清新，唔會食一兩件就好膩或好滯！洛神花黑豚骨嘅肉質非常鬆化軟滑，用洛神花嚟做嘅醬汁酸酸甜甜，相當醒胃，而且完全無膩同滯嘅感覺！松露醬香煎比目魚伴岩米嘅比目魚煎到好外脆內嫩，有淡淡嘅松露香味，最好係唔會太過濃郁，而岩米嘅質感亦好煙煙韌韌！荷香蟲草花蒸滑鷄蒸嘅時間火候控制得啱啱好，所以肉質超鬆軟嫩滑，完全無「嚡」嘅感覺，而且有淡淡嘅荷葉同蟲草花嘅香味！101鮮果拿破崙嘅造型賣相好似臺北嘅101大樓咁，所以個名就叫101，拿破崙嘅質感相當酥脆，而且每一層之間仲舖滿吉士醬同每一層都唔同嘅水果粒，分別係西瓜、哈密瓜、蜜瓜等等等等⋯⋯頂層仲有一塊長身嘅麥芽糖，令到賣相好似臺北101大樓咁，而旁邊亦擺放咗一嚿彩色拔絲，食落感覺好似棉花糖咁，真係好正呀！