八寶清湯腩

營業中

休息中

很久找不到好食的清湯腩啦，今日居然在兒時居住的舊居北角找到！下午2:30 仍有人排隊。食左崩沙腩麵及爽腩麵，兩個都好正！腩肉軟冧，牛味濃郁，最難得係麵都係認真製造非常爽口彈牙。阿仔食完，話有和牛牛初吻的感覺😂。食完先睇到原來此店舊年係攞米芝蓮！

山長水遠去到八寶，為左品嘗一下爽腩麵同崩沙腩麵。去到一點倒，門口有兩三個人排緊，等左十幾分鐘就入得。點左爽腩麵同崩沙腩麵，點知只係一點幾，就話咩都冇了，得返牛腩，冇辦法啦，就叫左個牛腩麵同牛脷麵。個湯底有清甜既當歸味，因為我都食開當歸，所以好岩我。不過佢個麵有白蘿蔔，唔係話白蘿蔔解中藥？咁咪解左個當歸？有冇識既可以解答下。牛腩味濃香又厚，食完感覺都仲想食。試左個牛脷麵，牛脷淋得黎一D腥味都冇，平時麻麻牛脷既我都覺得好味。問過店員佢話四點幾會再出多轉牛腩，唯有下次去開就再碰碰運氣啦！

要搵一間良心嘅牛腩店真係唔容易所以就算價錢唔平都決定試一試🤩支持下🔸清湯蘿蔔牛孖根麵$58無論餸同麵嘅份量都唔太多，好早就無哂啲牛部位，都多人等位🥲🥲好彩唔算等好耐重點喺個湯好好好好好鹹… 鹹到我問佢拎咗杯熱水去溝淡🙃而且佢哩個應該不屬於清湯吧？另外牛筋味道同口感都OK的，而牛腩試咗一舊，唔算太靭及鞋，可接受的😉希望湯底只喺一時失手，我個人就未必會再去多次🍜每個人口味都唔同，以上言論只供參考😊

八寶清湯腩連續兩年獲米芝蓮推介👨🏻‍🍳提供新鮮坑腩/ 爽腩/ 崩沙腩主打用當歸等八種材料熬成嘅藥膳清湯設有人均$30最低消費👯‍♀🌟👼🏻清湯蘿蔔崩沙腩河🐮 $88崩沙腩部位有根有肉有肥膏食落軟糯唔洗點用力咬開🥹口感入口即溶食得出牛味🐄湯底雖然有藥材味但飲得出嘅鮮甜蘿蔔爽口無根食落清甜🥕索曬湯嘅鮮甜味正🤩👅味道:9/10🙋🏻‍♂️推薦:8/10🌟👼🏻清湯蘿蔔爽腩幼麵🐮 $88爽腩部位帶有筋膜食落比較煙韌但唔會難咬開🤤由於肥膏比崩沙腩小肉質比較實少少但牛香味爽腩相對較濃🐄幼麵食落彈牙有蛋香🍜👅味道:8.5/10🙋🏻‍♂️推薦:8/10📌本身以為藥膳湯會好大浸中藥味但竟然飲得出鮮甜嘅湯，小編食完之後仲飲埋碗湯😲係暫時食過最好食嘅牛腩🫡絕對值得一試🤤🤩記得Like 同 Follow instagram: @kb.foodie_‼️以上食評只反映當日食物質素及本人主觀感受

天后成日有人排X姐清湯腩🤔醒既緊係食八寶啦！🥰一入門口已經聞到濃濃藥材湯味🤓🎖清湯蘿蔔牛腩河 $58Lunch 1點黎已經賣哂最岀名爽腩坑腩崩沙腩個d🥲唯有下次早d黎🙁不過普通牛腩都好好食😋勁大舊再連埋少少肥肉咬落牛味重又唔會un😻蘿蔔就唔係好入味但都清甜可以解膩🤔重點係！個自家製藥材湯❣️見到隻色已經非常深😍飲落非常濃郁😋平時食牛腩河一定要加醋加辣椒油既我今次竟然無加🤣仲飲哂成碗湯😆而且重點係唔會口渴✨係岀面食唔到既味道💛必推！

天后《八寶清湯腩》清湯牛腩河粉，清湯牛脷米粉，每碗均有兩大件蘿蔔，$58。牛腩軟稔入味，牛脷四大片，爽滑，牛味香濃，份量十足，蘿蔔淸甜，藥膳湯底濃厚，當歸味芳香，冬天一流，據説配方會因應季節而調配⋯

呢間牛腩麵我已經係第三次食，每一次去都保持到水準，雖然單價比一般麵檔貴，但絕對係值得❃ 清湯蘿蔔金錢肚麵 $58呢度特別之處係用咗藥膳湯底，個湯濃郁好飲，唔怕會好重藥材味，恰到好處金錢肚炆得超級入味，而且好軟身～蘿蔔有三大舊都係好入味好甜非常juicy❃ 清湯蘿蔔牛腩河 $58湯頭同蘿蔔係一樣的～呢度嘅牛腩分咗好多部位，我今次叫嘅係最普通同最平嘅牛腩，雖然係比較瘦，但牛香味夠濃，而且唔會起渣份量亦都唔少㗎

我第二次黎食啦，個清湯真係好得！但我第一次食嘅部位係崩沙腩同爽腩，今日兩點去到賣晒，so sad唯有order 普通牛腩，都估到會失望，但當黎飲湯，牛真係鞋口呢，我哋都食唔晒，不過佢個湯同蘿蔔都好好味

🐮 八寶清湯腩📍 香港電氣道124號榮華大厦地舖💭 食品質素優良，出餐速度迅速，值得回頭一試。👍🏻🍚 清湯牛腩飯 $68💯 評分：🌕🌕🌕🌕🌕 (5/5)💬 牛腩肉質軟腍，煮到入口即溶。白蘿蔔嗦滿湯汁，食落亦唔覺有渣。飯量俾得毫不手軟，夠飽肚又有滿足感。🤤🍜 清湯蘿蔔牛孖根麵 $58💯 評分：🌕🌕🌕🌕🌕 (5/5)💬 牛孖根大大條，食落軟腍多汁。米線爽滑彈牙，掛湯能力唔錯。藥膳湯底香濃，整體相當配合。😋

行完工展會 搵食時間又到入夜少少涼想搵碗熱辣辣既野食下就諗起 崩沙腩麵黎到 見到 ～嘩！ 蘿蔔無筋崩沙腩 一咬落去 嘩嘩好林呀 超好味湯底係 好濃既 牛煲出 花椒八角味但加埋牛 啖啖淺味濃郁轉伊麵底 +$8佢沙腩係 好好味2人食 老公叫 麵我叫飯乜都想試 所以 貪心叫左個3寶咖喱飯（牛腩+牛肚+牛根）先送上一碗 牛湯 with 蘿蔔飯就無咩特別！但佢 咖喱汁 是 稀身 但好濃味 可以撈晒成碗飯 因 是正常有小小油普通牛腩都忟得好林 一絲絲咁 好好食牛肚 林得黎有口感牛根 入口即溶好食到 老公要食完麵 食埋我半碗飯傻左 ～ 所有野都忟到好入味好林黎個近鏡俾大家檸茶都幾好味！

同朋友做完運動 下晝兩點幾揾野食醫肚朋友就推介左天后呢間 八寶清湯腩佢話呢間餐廳嘅牛腩麵幾好食 招牌菜係時候回味下雖然係下午茶時段 但可能因為餐廳門面細黎到都等左陣先入座睇左陣menu就決定順應朋友推介Trytry佢個主打招牌菜 清湯蘿蔔牛腩麵1. 清湯蘿蔔牛腩麵牛腩同蘿蔔都大大舊牛腩炆得好淋 食落去唔洗用咩牙力 幾唔錯個清湯亦都幾好飲 有牛味麵嘅份量都正常整體而言幾好食 牛腩係正 印象幾深刻2. 熱咖啡（跟餐）見到杯咖啡嘅顏色 就知道非常多奶所以飲落去好順滑 但咖啡味就好淡當佢白咖啡咁飲 覺得正常發揮我個人比較鐘意咖啡味重d最後埋單143蚊 冇加一整體黎講係幾唔錯嘅清湯腩餐廳我自己就唔係特別好牛腩麵但如果你係牛腩麵忠粉 就一定要過黎試下喇題外話：見門面細 可能廚房都比較細所以食物儲貨有限 我朋友原先叫左個牛展飯但係已經售罄 之後先轉牛腩飯所以想食得滿足就盡可能早少少時間黎食啦！

滿心期待放工去食個lunch, 2pm入餐廳，叫左碗牛坑腩麵，隔咗陣，有職員同我講無哂牛坑腩，佢建議我轉爽腩，我話好！我再問職員，點解落單時無講？ 因為我確實見到門口有張紙，寫住咩食物已沽清。又過左一陣，又有位職員同我講咩三寶，有三樣餸架，其中有牛坑腩同爽腩，佢up左一大輪野，原來係我想食個2樣都無哂🙄🙄，但佢無一開頭就表達清楚爽腩沽清囉，第三位職員又出聲講我地係要入單先清楚知咩無架，重複講左3次，喂！小姐，我想食餐飯姐，係你間餐廳真係好難...第一次去，極度失望，態度非常差，員工完全無溝通，短短幾分鐘有3個人同你講無乜無乜，女收銀員說話語氣態度好強硬，完全無歉意，覺得自己無錯！令人非常反感😑😑

今次黎到天后朋友話一定要帶我黎呢間，仲話呢間好出名成日排長龍，試左呢間鎮店之寶既清湯腩，又真係好味到唔係路窩🤯原來佢亦係米芝蓮必比登推介為具質素且經濟實惠既美食😋而且之前係A類餐廳，要大大力懲罰啦💛.清湯蘿蔔牛寶麵 HKD118諗住難得黎到緊係叫返碗有齊曬三寶既牛寶麵，牛寶麵既三寶係坑腩、爽腩、崩沙腩～ 碗麵一黎到超勁藥材味，以為會好苦似飲中藥，點知一飲完全唔係個回事咯！雖然湯底以當歸等八種食材依古法秘方每天熬煮十數小時而成，但容易入口而味道都好清甜，相信無論大人定小朋友都會接受到佢😋蘿蔔有三大舊，咁大舊都做到一咬即融，相信炆左好耐而去都好入味！試到主角既牛，個人比較鍾意坑腩，牛味最濃🤩而崩沙腩肥瘦啱啱好，因為有膏又有筋口感淋得黎又帶少少咬口；當然爽腩都好食，口感比較爽脆煙韌🤤同埋件數都唔少架，而且每件都係厚切食到一半已經好飽🤣.八寶清湯腩地址 ｜天后電氣道124號榮華大廈地鋪.ig@foodie_heiemi

有日見到朋友ig 嘅相，心癢癢，決定搵日試試！當日人數都唔少，接近滿場！一進店已經聞到藥材味！叫咗崩沙腩飯同淨牛丸！湯底入口好重藥材味而且甘甜，崩沙腩爽口有油香；蘿蔔好稔同入味！而牛丸爽口彈牙就基本嘢，多汁有油香，但嫌牛味不太濃郁！不過都可以一試！

閒日2點半到門口諗住避開午膳時間但去到都係要排隊🤭果然係人氣熱店·✿清湯蘿蔔牛腩河粉（$58）一黎就試啖傳說中既藥膳湯底同一般粉麵店既大地魚湯底有好明顯分別超重中藥味·帶陣陣既當歸香個湯底好清澈·完全唔似藥材湯牛腩無咩肥膏·但完全唔乾柴炆得夠軟腍·唔會淋到無哂口感仲食到一絲絲既牛肉·但又唔會痴牙個蘿蔔好清甜配藥膳湯好夾河粉係幼身既河粉唔會一夾就斷✿清湯崩沙腩幼麵（$88）坑腩爽腩已經賣哂我地叫完崩沙腩 · 廚房話係最後一碗✌🏻崩沙腩略帶肥膏個油脂好香加埋個痴住既筋膜真係好正🤤幼麵彈牙無鹼水味 無論幼麵定河粉配個湯都好正整體而言係天后呢個清湯腩寶地中憑佢個藥膳湯底絕對能佔一席之地