兩姊妹涼皮有限公司 (柏樹街) (已搬遷) 新店位置

食品用心制作，好好味😋兩姊妹招牌涼皮非常彈牙口感好好，值得一試。店員笑容甜美，親切有禮😉😉😉落單等待時間合理，店鋪雖然得兩張枱，但坐得也算舒適😌下次有時間一定會再次惠顧。

好中意食四川菜，每個禮拜都要食一次，香港九龍d名店都食過晒，平時最中意水煮魚同土豆絲~~去基隆街附近行過見到有間店好搞笑，叫『兩姊妹涼皮有限公司』川北涼粉平時成日見，但涼皮未食過，店仔細細坐滿人，心想應該唔錯，就入去試下。睇menu 原來都有賣川北涼粉，哈哈。其他野都係小食為主，無水煮魚個d，不過唔緊要，都係想試涼皮。涼皮有d似闊薯粉但無咁un，亦唔似川北涼粉咁易斷，好正！男友叫左牛肉麵，好夠熱好夠辣，牛肉好林，有驚喜，佢食到流晒汁都食晒 XDD叫左2個粉2個小食都比正常細份 (但價錢都平，涼皮好似$25)，食左一輪未夠喉，問店主，佢推介我食藕丁同炸糍粑。耦丁正過土豆絲，果然無介紹錯！最最後叫埋冰粉，一共好似成8樣野，全部清晒！！！唔食水煮魚食下小食都幾好。絕對有下次，試埋佢其他野！(佢個鮮雞腸/雜賣晒啊嗚嗚)PS* 平時食四川菜全部都係譚仔呀姐落單，依間店主/店員都係好高質靚仔靚女，服務好又細心，超級唔慣=  =""""

#麻辣控 #重口味控尋日係清明節，又咁岩比我地搵到一間正宗地道既重慶小店，改編左杜枚既《清明》詩做slogon，又真係幾有創意同心思。-1️⃣招牌兩姊妹涼皮 $25 好味指數：8.5/10推介小食👍🏻👍🏻用木糬粉整既涼皮好透亮 滑嫩😋😋😋辣椒油的香辣濃郁 (可揀辣度) 辣油配涼皮好夾 食落口感Q彈2️⃣熱騰騰紅燒牛肉麵 $45 好味指數：8/10牛肉份量足 冇被浸入辣湯 保持到肉質既鮮甜👅 麵都好大碗 不過感覺不太入味 3️⃣脆辣嗆藕丁 $20 好味指數：8.5/10推介小食👍🏻👍🏻切碎藕粒粒爽脆 辣中帶甜🤤上面既芝麻花生米 為藕帶上更香濃味4️⃣黑糖五彩冰粉 $25 好味指數：9/10推介甜品👍🏻👍🏻食完辣野食 食呢個甜品真心正完全解辣又解渴 💦入面有花生碎粒 提子乾 杞子 有口感既五色煙韌糖 仲有滑滑涼凉既啫喱 再配上黑糖 真心食唔停口👍🏻👍🏻-呢間性價比真係高，中意食辣既你一定中意呢度，而且食物都高質，重慶感覺番哂黎。 可能新開，openrice仲未有menu，係呢度送上。 -👅味道: 8.5/10🍽賣相: 8.5/10🏰環境：7/10🙇🏻‍♂️服務: 8.5/10💎CP值: 9/10⚖️人均：$2

太子不嬲都係覓食嘅好地方，選擇多，小店多，而且最重要係價錢幾貼地~ 最近有間啱啱正式開張，專食重慶嘢嘅小店😙 🍔係佢哋試業嘅時候去食，見到晚市已經有唔少人幫襯。由於店鋪細細，要堂食嘅朋友仔就記得早少少黎喇🙆🏻‍♀️-熱騰騰紅燒牛肉麵($45) 先唔講味道，依個價錢食到個牛肉麵真係算抵🤩 而且味道一啲都唔差！香料大部分由重慶個邊運黎，而牛肉就香港攞貨，保證新鮮🐮！牛肉麵鋪滿紅油，啱哂嗜辣人士🔥 係過油左少少，但整體夠哂過癮，牛肉有咬勁而麵底算多，掛滿紅油，正！招牌兩姐妹涼皮($25) 話明招牌，梗係有啲料到😏 配料有脆碗豆，豆筋棍同青瓜絲。豆筋棍都係第一次食，其實係黃豆製品，食落幾有咬口。涼皮滑口而且幾煙韌😋 涼浸浸咁幾啱夏天食！小食方面非常推薦藕丁($20) 食落係好脆口，而且好多麻同好多辣🌶 覺得唔多勁嘅仲可以加麻或加辣🤭 紅油抄手($30) 叫左小辣，同樣辣味冇得輸！抄手皮薄滑身，聽講係親自包，誠意💯辣到出哂汗嘅時候，食一碗冰粉($25) 解辣就最啱😍 佢係🍔見過最足料嘅冰粉，上面有提子乾，芝麻，花生，杞子同黑糖~ 味道十足，真係想食多幾碗🤤