兩三碗車仔麵 (已搬遷) 新店位置

港味車仔麵同男朋友去開慈雲山，見呢個車仔麵幾地道，門口貼既餐牌多選擇，又飄出陣陣「車仔」味，好似細個食開既味道咁，所以晚餐就食佢。我叫左三淨餸，男朋友叫四餸面，白灼鮮滑牛同生菜一碟。三淨餸叫了豬頸肉，雞中翼及牛腩，咖哩汁。個咖哩汁好正，都濃味，又吾辣，用黎做湯夾晒。雞中翼入味，豬頸肉厚肉，好食。四餸面食最港式車仔麵，所以男友叫了豬皮，蘿蔔，牛筋，豬腸配油麵。好大碗！呢幾個餸都好地道港味～蘿蔔好入味，冇渣，牛筋都好淋，吾錯。白灼鮮滑牛呢個抵食，$35一大碟，個滑牛都新鮮，點小小辣椒豉油都好夠味，牛肉底下係生菜，yummy～仲有一大碟腐乳生菜。

今天想食碗面暖肚, 行到見到有車仔面, 門面都乾淨企理,又餓鬼上身, 就入去食啦~跟友人坐低後就睇食物紙揀食物啦！店子小小但款式很多、而且用心制作~麵底有好多選擇，除了常見的米粉、粗麵、幼麵、油麵、粉絲、米線,還有台灣麵, 銀針粉, 車仔飯….麵底選了幼麵, 加魚蛋, 牛筋, 豬手, 芝士栗米餃, 麻辣雲耳，菜心, 前後六個餸, 大滿足~醬汁有咖哩&辣汁可選擇.先試下佢湯底，湯底味道嘅幾香幾甜，味道討好，加左啲辣汁,再將佢個辣汁撈落啲湯底度，發覺個味道再正啲, 又唔算好辣.牛筋, 豬手都腍, 可補充我的骨膠原^.^,芝士栗米鮫食唔出芝士味，魚蛋彈牙, 菜心新鮮~友人麵底選了台灣加蘿蔔,豬紅，豬手, 鮮滑牛，魷魚鬚&酸甜齋前後都是六個餸~醬汁選了辣汁。我跟友人交換互相沒有的食物食, 豬紅入口係滑滑, 唔會一夾就散, 不錯.魷魚鬚爽口, 唔韌唔硬, 蘿蔔夠淋，其他沒試了🤭價錢都合理, 六個餸一個麵底, 埋單都係63蚊~食完大滿足的車仔面, 好爽丫.

這間小店車仔麵雖然舖面細細，只得數十個座位，亦沒有特別的裝修，但一直吸引到不少街坊客，因為價錢平民，三餸麵只是$36，加餸每款$9，大大碗的車仔麵，並有多款特式車仔餸配撘，例如招牌豬頸肉，墨魚頭，鮑汁豬肚等這些特式配料都是劃一價錢，很抵食的。除了車仔麵，亦可以揀車仔飯，撈麵及小食。今晚我的配撘有九菜餃，豬紅，墨魚頭及鮮滑牛配粗麵，餃子是他們自家包製的，有4款選擇，皮薄，九菜的比例比豬肉多，感覺比較健康，他們還有生餃子賣的。墨魚頭就比較少見，口感爽彈。而鮮牛亦很滑，沒有配上腩汁或咖哩汁，只是清湯都很夠味了。另一碗配上咖哩汁就比較濃味一點，配上招牌豬頸肉，支竹，魷魚鬚，牛柏葉及瀨粉。要讚的是招牌豬頸肉，他們的豬頸肉有陣陣的檸檬香，口感脆卜卜。支竹配上濃味的咖哩汁更為惹味。最後仲有點多一碟九菜配腩汁。

今晚同朋友去左兩三碗車仔麵 (慈雲山)，系一間做街坊生意的車仔麵店，裡面有好多人幫襯，我們叫了四個餸的車仔麵，生菜🥬、酸甜齋、南乳豬手、麻辣雞腎、粉絲，南乳豬手煮得好入味，又軟食下去有好多膠原，每個餸的份量都好大好多，麻辣雞腎好好味，麻辣好香雞腎好爽口，我們再叫柱候牛腩，胡椒豬扒、韮菜餃粗麵，胡椒豬扒超大片，胡椒好香炸的豬扒啱啱好，又鬆軟爽脆，柱候牛腩的汁好濃厚，牛腩好軟熟，牛味好香，韭菜餃好香，皮好薄食下去韮菜味好香，充滿著在口裡，再叫了沙嗲蘿蔔、魷魚鬚、豬皮沙嗲汁好濃味，滲入每個餸裡，帶出每樣的香同鮮味，蘿蔔好香好多汁，食下去加埋沙嗲汁，超香超正，魷魚鬚好新鮮，加埋沙嗲汁馬上超好味，鮮味帶出來，豬皮好多水份，同平時我食的不一樣，又抵食大件，在家附近下次再去試其他

食車仔麵真心會上癮，今次上到嚟食尼間車仔麵真係好好好好正呀！首先非常多餸，同埋最重要既係多麵款揀呀！點解🧒🏽咁開心係因為真係第一次食車仔麵係有瀨粉食呀，真係好好好鐘意食瀨粉呀，同埋佢尼度既麵都比較硬身，有咬口係彈牙既咬口呀！餸方面唔洗多講樣樣都好味！👦🏻就想一讚佢地既豬腸，厚身仲食到皮肉分離好高汁！湯方面都真係零味精，即使加埋佢地既辣汁都唔會好鹹唔係重口味既，辣汁真係正呀好上癮既辣！我地仲食左佢地既 #椒鹽魷魚鬢，好好味呀，完全唔係厚粉啖啖肉呀，同埋即刻整熱騰騰咁第一啖咬落去真心高汁，加上仲有好多味粉同話鹽，真係好好好好好食呀！午餐時間既就真係要預早dddd啦，因為真係好多人食。

呢間係少數茶餐廳中keep住好多人流😲但原來好多餸都係好有水準!! 仲有成45款餸揀，所以就入去試下～首先我叫左一個台灣麵，第一次見車仔麵有呢款揀，麵好煙韌、好特別！蠔油冬菇真係好搶眼😂 好大舊，覺得好抵食haha~然後個白菜豬肉餃超 級 好 食!! 好入味，白菜味好出🤩 同埋個鮮滑牛係一D都唔韌，冇筋，同埋食落都唔似係落左鬆肉粉，仲好食過肥牛🥩另外一碗就叫左一個米線，再叫一個滷水豬腸，都係好入味!! 個人中意滷水多過炸豬腸🤣同五香牛筋一樣都係好入味同埋好淋～～配埋豆漿，一流!!⭐呢間茶餐廳最值得推介既係佢既滷水野，車仔麵黎講算好有水準👍🏻💕 不過地方就偏遠少少，都係做街坊生意多～

非一般的車仔面！無諗過慈雲山呢個小社區竟然可以搵到如此佳餚！大概兩三點左右去到，人唔多，唔洗等位。叫左四餸車仔面，有蠔油冬菇，韭菜餃，豆卜，牛柏葉，腩汁，粉絲底。樣樣餸都好出色！先講下蠔油冬菇，大大隻，每舊都超有味。韭菜餃，又係大大隻，菜同肉既比例好平均，食得出係自己包，好食過灣仔碼頭一百倍！然後係豆卜，吸哂碗湯既精華，超級有味。牛柏葉亦都好爽口！粉絲同腩汁完全係絕配，無諗過平民既價錢可以食到咁高質既車仔面！作為慈雲山居民既我，一定會大大力支持佢！

慈雲山出名多小食店，剛好喺黃大仙開會，就隨便搵間簡單醫肚既餐廳。兩三碗車仔麵，樓面乾淨企理，燈光充足，坐位都算舒服唔會好似其實麵店咁太逼。麵店上菜速度好快，完全適合港人每日與實踐競賽既節奏！員工態度都好有禮貌。可能為配合香港人鐘意款式多，有新鮮感啦！菜單有好多得意菜款。豬頸肉撈丁：味道濃郁，豬頸肉脆口但唔乾好juicy，而瑞士雞翼夠入味，唔係得個色。配埋杯凍奶茶，爽啊！同事就叫左個響鈴/南乳豬手/芝士粟米餃/魚皮餃/鮑汁魚肚公仔麵。再配杯凍豆漿，簡直飽暖思床褥，好滿足好想訓翻個教，無奈又要處理千萬樣工作瑣事，好啦！有美食填飽個肚仔之後，充滿能量咁繼續拼搏啦！

慈雲山車仔麵店真的買小見小，而我就最愛吃車仔麵是因為可以選多款餸菜，一同進食，正！店內裝修簡單，放置了4、5張圓桌，更有一排長枱可供堂食；枱與枱有一定距離，唔會出現太迫既情況。兩三碗車仔麵店中所選擇的：粉麵(瀨粉、粉絲、銀針粉) / 餸菜 (魚肚、響鈴卷、酸甜齋)，平常的車仔麵店都未可食到。車仔麵店中，都有飯餐(牛筋牛腩、瑞士雞中翼...等)供應。店中更有自家製餃子供應，可買回家慢慢烹調享用。凍豆漿 - $9豆漿全以獨立包裝，保證日日來貨，新鮮製造。蠔油菜心 - $18菜心翠綠，清甜爽口。6餸餸車仔麵6餸車仔麵 (響鈴卷、豬頸肉、芝心丸、牛腩、芝士粟米餃、魚皮餃配米線) ，我相信都唔會太多人咁叫，但我就真係太愛吃餸了。豬頸肉厚切、肉質爽彈、肉味濃郁。芝心丸質感軟腍、芝士爆醬。響鈴卷乾爽不油、浸湯後，半脆半腍的口感，鬆脆又香口。

食飽先返工, 唔想太heavy食飯就揾左間車仔麵食. 喺慈雲山讀書時都知毓華里多野食, li間開左無幾耐睇menu算好抵食. >滷水豬腸x枝竹x魷魚鬚x豬頸肉 河粉 (HKD36)個人認為車仔麵嗌三個餸最perfect, ****腩汁更加係個MUST. 張剔餸紙好多餸揀; 最終貪心剔埋豬頸肉. 粉麵除左一般粗幼麵米粉河粉仲有台灣麵銀針粉之類嘅特別粉麵款. 豬腸乾淨👍🏻, 枝竹夠哂腍軟👍🏻, 魷魚鬚好爽👍🏻, 而湯底食完唔會點口渴, 店家一啲都唔吝嗇啲腩汁, 味道香濃. >秘製豬頸肉(另加HKD2)因為近來豬瘟事件令到來貨價升左, 但都只不過係加兩蚊👏🏻. 咬左啖, 好有香茅煎豬扒嘅風味, 平時豬頸肉多數斜切, li度竟係好似豬扒直切仲要OK厚, 推介!!>凍豆漿 (+HKD9)來貨嘅凍豆漿豆味夠濃.

慈雲山一向愈夜愈旺，店舖大多開到十二點，最適合放工回家時食宵夜。😋😋毓華街的轉角位的店鋪，迎面飄來的滷水香味，令人停下腳步—兩三碗仔麵🍜裝修跟一般的茶餐廳差不多，點餐是用點餐紙自己圈的，粉麵的種類很多，連車仔飯也有👍🏻👍🏻我選了辣汁，鹵水豬腸，五香牛筋，酸甜齋，蘿蔔米粉湯底濃郁，雖說是辣汁，但辣度其實不高，普遍人都能接受。豬腸🐷最怕的是💩味，但這個完全沒有，還鹵得非常入味牛筋🐮的份量令我感到驚喜，又多又大，令我垂涎欲滴🤤🤤，味道醇厚，香而不膩。酸甜齋，酸酸甜甜的又十分煙韌，開胃一流。蘿蔔雖然加入了辣汁，但仍然好清甜。另一碗叫了瑞士雞中翼，韭菜餃，魚片頭，響鈴河粉份量適中，平均約2,3件，河粉較厚身，晶瑩通透，不會太諗，口感不錯。瑞士雞中翼煮得不會太老但又足夠入味。韭菜餃大粒，餡料飽滿，喜愛吃韭菜的人不容錯過。👍🏻👍🏻還額外加了45元小食～椒鹽魷魚鬚🦑椒鹽魷魚鬚🦑好流行既小食，炸物都係我其中愛吃的食物，一看到麵檔有魷魚鬚毫不猶豫咁叫左。不少地方都有，但有些餐廳的炸粉果得太厚，個人是不太喜歡，而這裡的炸粉不會太厚，薄薄脆脆的，鹹香可口。總結:不論午餐，晚餐或宵夜，車仔麵都是個好好的選擇。推

沙嗲三寶 $40/3餸豬腸+豬皮+魷魚鬚豬腸滷到入晒味，夠肥，食落彈口。豬皮索左個辣汁，辣得好過癮。魷魚鬚條條咬得到，彈口，而且份量都幾多可以幾個人夾份食！抵過食淨餸！車仔麵$36/3餸，價錢好平民。同朋友一人一碗，跟餐野飲加$9一杯。酸甜齋+瑞士雞中翼+蠔油冬菇獨家辣汁好香夠辣，米線底吸到個汁，幾開胃。辣汁加腩汁底更惹味。瑞士雞翼好入味，煮到淋，聽説是用慢煮，難怪咁好味！白菜豬肉餃+瑞士雞中翼+響鈴卷白菜豬肉餃係佢哋自己嘅手工餃子好多餡脹卜卜，響鈴卷脆卜卜，索左湯底好正

大約晚上11點去吃，真的挺多人的，還有人坐出了門口。環境清潔一般吧，不算髒，也不算清潔。但服務態度倒是挺不錯，看見服務員會主動跟客人聊天，忘了加腩汁也可以後加，不會罵人。至於食物，我叫了一個雙拼車仔麵$30,價格算挺便宜的了，但份量略少，我認為人只吃一碗$30雙拼車仔麵不會飽的。我要了牛腩和豬頸肉，各有大約4塊吧，麵叫了油麵，很少，吃了幾口就沒了...味道方面有點淡，麵普普通通，牛腩挺不錯，有點咬口和入味。豬頸肉沒味道，只有彈牙吧。

岩岩搬黎黃大仙 放完工返屋企執屋執到餓餓地又攰攰地 唔想落街食就惟叫外賣喇 app入面搵到附近有間車仔面 都冇特別留意邊樹就即刻禁入去喇 哇 估唔到價錢抵到你唔信 仲要唔收我運費 不得了 選擇又ok講好左20分鐘送過黎 又真係準時 快令正 仲要湯面分開裝下次唔想落街一定會再幫襯

車仔麵是香港的地道美食，慈雲山就有一間隱世好味車仔麵！車仔麵特色就是便宜。每次我都會把湯喝光光，大腸好入味，好彈爽口，洗得乾淨。酸齋也是必點的，吸收晒湯嘅味道，咬落去啲湯汁爆入口內，亦是一種享受。白蘿蔔又是一種吸湯的食材，不會苦，每次食都好鮮甜亦都煮得淋！最重要係三個餸先至35蚊！抵食到爆！