兩三碗車仔麵 (已搬遷) 新店位置

慈雲山毓華里出名食肆雲集，其實又唔係間間好味，肚腩男就一直鐘情哩間車仔麵兩三碗。話說小弟幾年前見證住佢開張，已經覺得小店超越香港某啲名氣車仔麵，食到今日，小店仍然能保持一貫水準，令人10分感動！今日就選擇左五點幾黃昏時間，襯人少少唔洗排隊，即刻整返碗攝下牙罅先！平民大眾化既價錢，傳統車仔麵既情懷今次麵就叫左兩碗，其中會真心推介佢幾樣餸，每次必食招牌豬頸肉，食左返唔到轉頭五香牛根，煮得淰滑入味墨魚頭，大大件有𡁻頭湯底小弟就食開辣汁加腩汁多葱，加多兩匙辣油就perfect 啦總結係要飲埋佢杯鹹檸七，保證你會好開心咁行返出來！

一個社區係好需要一間好味的車仔麵店！兩三碗開咗一排，都係第一次食。假期午市時間好多人，一家大細都會過嚟食。車仔麵細細間，估唔到選擇多多，起碼有成70款配料左右，小店來講都算誇張呀。有特別嘅有麻辣雲耳、沙薑豬耳、冬菇椰菜餃、芝士粟米餃、蒜香雞尖同鮑汁魚肚。某啲配料仲可以當小食叫一碟，一家人加餸真係一流。麵食方面都有十幾個選擇，竟然有銀針粉呀！我叫咗韭菜餃、豬腸、墨魚鬚銀針粉多青，三餸$35，正常湯底小辣汁。韭菜餃似係即包咁新鮮，韭菜超多，餃皮睇上去好厚，但其實咬落去好薄，因為餡料十足。豬腸好入味，比平時嘅肥同埋實，差不多都有十嚿，抵食！墨魚鬚有少少咸，應該有醃過。爽口彈耳～銀針粉平時煮好味，但配呢個湯底我就覺得還好，加上都煮得太耐有啲淋，下次都係叫返其他麵先！

黃大仙區真係勁多車仔面，聽人講呢間兩三碗好好味，今日lunch就黎會一會佢喇，因為貪佢帶狗仔可以坐門口位呢間車仔面吾係個種可以比你睇住d餸點個隻，而係比紙你圈左，佢攞出黎比你個種因為早餐午餐一次過食，所以我叫左4餸面加凍檸茶。。。埋單53蚊。。。。其實有點小貴喇。。。。附近鳳凰村3餸加凍飲先係36蚊今次我試左粗面，辣汁，多蔥 ， 招牌豬頸肉，韮菜餃，豉油王雞腳，魷魚so ，凍檸茶粗面就正常既， 辣汁就吾太辣， 豬頸肉幾好味，有咬口。。。。但韮菜餃就吾多ok...好大陣雪藏豬肉既味， 雞腳吾多夠淋喇.....魷魚so 就ok爽口既凍檸茶有點差。。。冇咩茶味整體黎講食第有80分喇，但街坊地區黎講係貴既

兩三碗係我食過最好味嘅車仔麵!! 比起深水埗好多人排隊的文記，絕對好食幾倍。好彩係慈雲嶙係做街坊生意，否則我都唔可以經常食到。首先豬頸肉一定係必食，夠香又淋。鮑汁魚肚係最近新加的，所以都要試下，果然無令我失望！牛筋就係個人喜好，夠淋夠入味，食完唔會痴牙。小食炸豬腸，有時會見到有好多油，但食落一d都唔油。加埋個甜酸汁，夠香又夠脆。豬耳都係新嘅，沙薑味就唔係好食得出，不過豬耳都好味。如圖中所見，每個餸都係好足料。所以話做街坊生意嘅鋪頭永遠係最好！

無論價錢抑或是份量同樣親民的小店，整體水準中上， 車仔麵的餸菜選擇多， 有超過四十款，基本上每款份量也多， 味道也不錯， 有選擇困難的我是一大煩惱。最熱門的一定是香茅豬頸肉， 香茅味濃，而且是厚切，吃起來外面香脆裡面有肉汁。 冬菇也是推介， 肥大肉厚的冬菇炆煮得入味， 咬開湯汁流出。 牛腩啖啖肉， 吃起來不是老柴， 軟腍有肉汁， 水準相當高。豬紅的口感嫩滑， 正正常常。 愛辣之人可以加它們的秘製辣汁，香料的味道教人口水直流。

小弟今次試呢間兩三碗，成日聽人話好食，仲特登上黎慈雲山食。不過小弟就覺得佢既車仔面媽媽地。首先，我覺得佢既湯底吾係好重味，雖然望落色澤好似好深，但又吾覺好濃牛腩味。餸方面，揀左豬紅，豬頸肉仲有雲吞。豬頸肉好實d肉。雲吞同豬紅都正常。

野食ok,但收錢果d阿姐冇禮貌，唔憂做咁，錢我親手放佢手上，佢找錢係放張台面，等你自己拎。試過外賣，等左20分原來冇入單，仲問俾左錢未間野係ok,但員工質素有好大進步空間。

難得呢排放假 咁就一定要多點休息下啦 所以日日都基本上唔食早餐 直接訓到lunch time左右先起身落街食野突然心血來潮 想食下車仔面 所以就黎左一向都知呢間野好多人食 都多學生哥食 都係大件夾抵死今次叫左清湯冇加佢個辣汁同腩汁豬頸肉 通菜唔洗多講真係好正 豬頸肉炸得好好味 就算由佢浸住都覺得唔會軟左唔好食個清湯都夠香濃 飲落好有質感而且唔會令你口渴 成個味好夾 唔怪得咁多人食啦街坊們得閒都可以黎食下呀

久違既平民好味車仔麵，近五十款配餸、十多種麵食選擇，不論湯底、小食、配餸都十分有水準，另外同車仔麵湯底唔夾既配餸會另上，十分窩心（首推麻辣雞腎），而且態度親切，成為左我近期既速食飯堂！！！

自從無響附近返工，都好少去依區搵食😋呢間車仔麵啱啱開已經幫襯，今日再嚟食，食物嘅水準依然keep到！樓面姐姐都好Nice唯一失望之處係冇咗好入味既 鳳爪 不過都多咗好多新野! 即刻圈曬黎試試～首先每次必食 冬菇 好厚肉又入味，墨魚頭 爽口跟住試新野：蒜辣雞腎雲耳 辣得好過癮炸韭菜餃 大大粒 個餡好足料南乳豬手 好夠味 又有咬口 ， 我個人好怕食到啲豬手係無牙既都食得，呢個豬手就唔會啦至於面底 平時都會跟 瀨粉，但今次見到新野，好奇想知咩係 台灣麵，試一試 原來係好似油面咁不過白色。 下次都係食返瀨粉期待下次嘅黎，又會有新野啦👍🏻👍🏻

今次寫衣間位置係慈雲山，而佢嘅實力亦可以話比鳳凰村幾間車仔麵更高！麵底有得揀少見嘅銀針粉同瀨粉，仲有上海麵，真係款式特多，我就揀左好耐無食的瀨粉，食落勁滑。重點的餸方面，我就揀左招牌豬頸肉，東菇，豬腸同埋魷魚鬚。豬頸肉果然不負招牌之名，外層香脆但唔乾身，仲有濃郁香茅味，正！東菇真係一大驚喜，個人覺得是必叫之選，原因係佢地的東菇係超大超厚身，就好似去飲宴食到戈d東菇咁，而且炆得入味，咬下去有湯汁流出，真係一流豬腸十分新鮮，唔算好淋，有d𡁻口，脂香同滷水香互相輝影魷魚鬚用的不是水魷土魷，而是鮮魷，食過真係返唔到轉頭，又爽又鮮味，食材如此講究的車仔麵，吃過的只此一家還有他們的辣汁是必試的，不算很辣，但有大量香料，非常惹味，把魷魚鬚沾上一點辣汁就是人間美味

自從朋友同佢哋去過一次，一試難忘。細細間店鋪，平日中午時段必定坐滿了附近的中學生。香濃嘅腩汁湯底，加上爽滑油麵，魷魚、墨魚頭、鮮蝦餛吞、豬軟骨、牛筋、墨魚丸都好正。店中所有餛吞餃子都是自家製。炸大腸好特別，好美味。美中不足，肥牛、魚片頭太遜色。凍飲少甜，依然好甜。$32大大碗真係食到飽，秘製辣汁也超好味（都幾辣，食無到辣又想試下，可以圈出寫分上，見餐單右上角），沙爹味辣汁令我次次都差唔多將碗中麵湯飲晒。就連平日對飲食頗有要求的老公都讚，值得我一去再去。

是咁的~今日同女朋友仔黎到呢頭 想食下d平野平民野 車仔麵配搭多 想食咩就食咩 所以就一於試試呢間車仔麵啦我女朋友仔就叫左豬頸肉 豬手 牛筋三餸我就叫左牛柏葉 墨魚鬚 生根 牛腩 四餸唔好以為車仔麵好易 其實要食到一間好食仲要抵食嘅車仔麵都幾難 但呢間就絕對做到 好似豬頸肉咁 睇落好似好柴 但咬落係有肉汁 而且仲有種秘製醬汁味 係餐廳自己秘製過 好正 牛柏葉亦唔係間間麵店都有 呢到就有喇 而且彈牙爽口份量多 豬手亦係自己炆 又腍又入味 牛筋腩亦係超水準 好耐冇試過食一間車仔麵係覺得樣樣餸都係好食 唔係一般貨色就算係d豬頸肉 牛腩呢d唔會係新鮮嘅野 呢間食店都會用自己嘅方法將佢升級 唔係就咁煎香d豬頸肉就算 淨係呢份心意都值得我地多多幫襯俾menu大家睇睇 雖然一碗一張紙唔太環保 但食車仔麵 咁樣點餸真係覺得正宗d 大家都睇到餸嘅款色多到好誇張 好多餸下次都想試 好似響鈴 肥牛 豬腸呢d咁 鐘意食蔥嘅我地仲可以剔埋多蔥 總括黎講 呢到d車仔麵一d都唔hea 係平民化但好好食嘅隱世小店 真係好期待下次再同女朋友仔黎食

呢間車仔麵都開咗又一年以上呀我諗， 其實本身自己都好鍾意食車仔麵嘅但係就拖咗好耐都未你試呢間嘢早兩日終於諗起就帶埋阿女一齊去食， 下晝兩點到去到以為會冇乜人但係成間鋪都係客， 嗰下就相信自己揀呢度係冇錯， 佢張車仔麵單有兩餸麵或者三餸麵， 佢除咗車仔麵之外另外有啲沙嗲撈麵， 當然我到最後都係食車仔麵 ，我每次食車仔麵都唔止揀三個餸而我今次都唔例外都係揀咗四個餸， 佢個雞翼尖確係唔錯， 我食過一次之後我肯定我會再去食

呢間車仔麵勁多好餸食，有啲餸一般車仔麵鋪未必有，今次食豬頸肉豬軟骨魷魚韮菜餃瀨粉豬頸肉今次啲豬頸肉條邊炸得有啲硬有啲乾，不過好彩唔係邊位嗰啲就唔硬唔乾豬軟骨呢次得一舊，不過勁大舊，軟骨勁多唔會太淋又唔會太硬魷魚做得好好唔會有梘水味韮菜餃勁多韮菜唔知有冇食錯，好似冇肉瀨粉份量唔多又唔少，唔會好似其他鋪頭咁，粉麵勁多，啲餸勁少