全日雞實驗所 (已結業)

唔止第一次食，我係第一次聽「溫泉雞」😳原來係佢哋有部機~用咗升降機原理去控制隻雞唔同部位嘅烹調時間!就好似俾隻雞浸溫泉咁!浸到佢皮香肉滑🥴<<全日溫泉海南雞飯餐>>份量唔算多~咁好食~~ 男士們一定覺得唔夠¯\_(ツ)_/¯我就覺得剛剛好!醬青瓜超入味~搭埋雞油飯又可以中和一下佢嘅油膩感😌不過佢已經比起出面嘅油飯唔油! 感覺健康好多👏🏻三色醬汁之中我最欣賞薑蓉!打到好似薑泥咁幼滑! 而且味道濃郁👍🏻無味精靚湯真係冇呃你!!我飲得出真係「無味精」!仲飲得出好甜嘅粟米味添呀😋除咗有靚湯飲，仲有冷泡烏龍茶飲添呀!$48咁豐富~~呢個價錢真係超親民🤩

抱住一個嘅平常心態去試食，由於係半個泰國人，對海南雞有種執著要求，疫情下又冇得去泰國😔，希望可以揾到止住癮嘅海南雞飯😎。首先見到FB友人話店主嘅海南雞係坐升降機已經覺得非常有趣😌，結果真係令我好驚喜🥳，啲雞真係好滑dodo，即使係雞胸一丁點鞋口都無（泰國海南雞雞胸好鞋架🤭），我本人極度欣賞個雞醬🤩，簡直完全更加提升味雷刺激👅，好正，一試難忘。而個飯亦唔會好油，啱晒一啲唔可以太油嘅女士。我最開心係家人有老有嫩都非常喜歡，尤其無乜牙力老人家都大讚，總括好好味，值得經常叫嘅一間外賣😋。價錢好合理，終於有一間令我掛住嘅海南雞🐔，支持💪💪💪💪特別提示:即使叫外賣，但包裝後面都有温馨提示如何翻熱海南雞。如何保持嫩滑嘅口感😋😋😋😋😋👍

太耐無來西九龍中心搵食，以前住呢區經常來幫襯Food Court,甜辣雞車仔麵到三餸飯都抵食口味，今次發現一間新晉推介餐廳專賣海南雞，見到附近街坊個個食梗已經流哂口水。=̶ 全日溫泉海南雞飯餐=̶ $48推介:⭐️⭐️⭐️⭐️⭐️溫泉海南雞配香噴噴香飯，是日靚菜(新鮮青瓜)自家三色醬汁、無味精靚湯、冷泡烏龍茶。同老闆傾談得知原來開鋪招牌唔簡單，店主親自設計機器，用升降機原理控調，準確烹調雞件各部位的時間，以令雞肉如浸溫泉般嫩滑。就算雞胸都變得特別嫩滑，保留原雞味。另要一提三色醬料是由店主自製，將辣椒發酵4日再混合蘋果醋製成辣汁，將焦糖再加入秘制湯包製成老抽豉油，每日新鮮利用破壁機打薑成蓉製薑蓉小編非常欣賞店主對海南雞一絲不苟的細心堅持，呢個價錢享受到呢份用心，CP值遠比泰國餐廳的雞飯爆燈👍👅美味: 8/10 😮驚喜: 8/10✨環境: 5/10 💆‍♂️服務: 6/10💡性價: 9/10 🐽飽肚: 9/10💫回頭: 8/10 👍推薦: 9/10

朋友仔話呢間係西九龍中心嘅🐓海南雞飯🍚好好味，叫埋我一齊去食🤩。佢個名叫 All Day Chicken Lab，睇個名應該係啲😎新派啲嘅🍽海南雞專門店。門面寫住♨️溫泉海南雞🐓，基本上就主要係❤️專心❤️一意賣海南雞飯，無乜其他嘢賣喇⋯⋯佢哋嘅🐓海南雞飯價錢💰經濟實惠！👍我哋點左三份🐓海南雞飯，出餐速度幾快！Wow~ 原來雞🐓嘅份量都幾多，有脾肉又有胸肉，而且作為配菜嘅青瓜😮係去咗皮㗎😍！去咗皮嘅青瓜又爽又滑又多汁🥰！啲雞🐓件好嫩滑而且雞🐔味濃郁，就算係雞🐓胸部份都好嫩滑，有少少🤏似慢煮雞胸嘅質感👍！啲飯軟硬度🥰適中，而且有啖啖清香嘅薑黃同🐔雞油味！😋佢哋嘅清🐓鷄湯🥣好清香，入口比平時我食開嘅其他海南雞飯配嘅雞湯🤤味道濃郁，而且感覺好似有少少🤏椰子🥥嘅清甜味，好正！醬料方面，我平時食海南雞🐓嘅時候最鍾意係點甜豉油🤤，佢哋嘅甜豉油都好杰身好香甜，但係佢哋嘅姜蓉係十分之 impressive ！佢哋嘅姜蓉打到超幼滑🤩，入口 creamy 又夠油香，果一種幼滑嘅口感😋配埋又嫩又滑嘅海南雞🐔一齊食真係好👍夾！我食過返尋味，即刻買返半隻雞🐓打包返屋企俾屋企人試吓🥰！佢哋會抽真空包裝，好細心，佢哋話🤤

係海南雞飯眾多嘅西九中能夠吸引到我既，係個名＜全日溫泉雞＞同有部升降機係度浸雞好特別，門面不似其他食店以英文寫住＜All Day Chicken Lab＞感覺格調不同。湯我個人覺得夠味，唔淡完全無油雞湯值得一讚另外雞胸嫩滑，雞脾熟度剛好恰到好處有雞味冷泡茶都係有心機之作另外值得一提既係黑鼓油都係係個盒仔難開些小建議食法先飲啖清湯有淡淡既椰子味再食啖黃油飯香但唔油膩之後飲啖冷泡茶清一清味蕾，再試主角溫泉雞

係西九龍中心，行嚟行去，搵到間新嘢。叫左一個海南雞飯套餐，雞滑有雞味，醬好味，食落就知，唔係街買過啲。問老鋪啲醬有無得買大樽，佢話：唔好意思，因為醬和雞太好賣，所以唔多存貨，每天新鮮做。而且，我見到海南雞是搭「昇降機」煮熟，好新奇呀！缺點：油雞飯少🤣🤣🤣

美食博士今次嚟到一間新開嘅專門海南雞飯店🐓，佢哋套餐得一個，就係叫做溫泉海南雞套餐♨️，$48。配有香噴噴嘅油飯🍚、是日靚菜🥬、冇味精嘅靚湯🥣、冷泡烏龍茶☕️、三色醬汁。另外亦可單點。之所以叫溫泉海南雞，因為餐廳親自設計機器⚙️，有升降機原理去控制烹調⏲，令到唔同部位嘅雞肉有準確時間處理，更加嫩滑，就好似幫雞肉浸溫泉一樣。佢嘅溫泉海南雞每吋雞肉平均熟成，挑選最豐滿嘅部位，再用秘方處理㊙️。醬料都係自製，例如辣椒汁就係將辣椒發酵四日再混合蘋果醋🍎，所以博士我覺得口感唔會辣而且幾香，另外豉油係用焦糖再加一啲秘製嘅湯包，以薑蓉亦係每日新鮮利用破壁機打成。博士我食落去覺得啲雞冇咩骨而且的確係好滑，不過就略為鹹咗少少，金黃色嘅飯聞唔到飯香，食落亦冇味。不過三個醬汁都非常出色，我最鍾意佢自製嘅辣椒醬🌶。 食嗰陣將三個醬汁撈晒落去啲雞同飯度，攪勻嚟一齊食相當滋味。至於佢嘅冷泡茶好清甜唔錯。當日假期lunch去到人流相當多，要搵位唔係咁容易。

深水埗美食多籮籮，淨係西九龍中心個food court 試哂都應該唔要成個月😙今次揀左食海南雞飯，痴線平過出面食好多，平民價錢$48 一碟海南雞飯，有菜、湯、茶🥺出面食起碼一倍價錢有多🤦🏻‍♀️先講飯底，飯的質感幾有，有少少咬口，唔會好淋👍🏻配埋雞油香香地，淨食飯都ok🤤雞肉唔肥，但夠嫩滑，佢個辣醬真心好食，查問先知， 原來個醬係自己調🤭辣椒發酵再加蘋果醋，個辣醬唔會太辣，甜甜酸酸，非常開胃！醬油都正，帶少少甜，老闆話因為加左焦糖去煮，所以個甜味好特別👍🏻老闆仲話啲雞係佢地親自set 部機吊住只雞，好似部lift 咁🤣只雞每個部位烹調時間都唔同，務求做到每part 都嫩滑，好似浸溫泉咁🤣🤣聽到都覺得大工程♥️咁大工程，但呢個價錢，真心性價比超高🤭

今日去到西九龍中心， 喺 食咗個全日溫泉海南雞飯餐，呢度温泉海南雞🐤食落特別好味，原來海南雞烹調方法好特別，餐廳親自設計咗機器，利用升降機原理 控制準確烹調雞各部位時間，像雞肉浸溫泉一樣，雞胸好嫩滑😋 因為利用機器烹調，所以雞胸和雞肉超嫩滑 ，而且雞味🐤重。醬料由餐廳自製辣椒汁，辣椒發酵4日，再混合蘋果醋、豉油、老抽、焦糖再加入秘制湯包; 薑蓉 - 每日新鮮做，利用破壁機打薑打至成蓉🥰 除左海南雞外，入面仲有自製醬油瓜，再加埋個香噴噴的雞油飯，簡直享受咗個超美味晚餐😋😋😋 飯餐還包椰子雞湯🥥🥣，還有杯冷泡烏龍茶🥃🤩 低温泡出來嘅烏龍茶特別香醇😍

西九龍中心8樓全層都係food court形式營運，新開左間門面鋼銀色既海南雞飯小店。主要由兩位員工負責，質素不俗，價錢適中。.🔸全日溫泉海南雞飯餐($48)分數: (7/10)- 溫泉海南雞: 皮薄肉厚，肉質好嫩滑，雞味重，雞胸位都唔鞋，用佢地自設機器去整。- 香噴噴香飯：其實都係油飯，但食落唔會油淋淋，亦都幾香口，飯粒粒粒分明。- 青瓜：批晒皮，淋咗啲醬汁幾入味，幾新鮮。- 無味精靚湯：呢日係椰子雞湯，飲落幾清甜，竟然完全冇油膩嘅感覺。- 冷泡烏龍茶：清涼解渴，至在食完飯有野飲下。- 三色醬汁：係小店人手自家製，薑蓉嘅質感好細膩，薑味好濃郁。

最近係西九龍中心8樓嘅美食廣場發現開咗一間新食雞嘅店，雖然場內都有類似而且食開嘅店舖，但人總係想試新野的！所以今次就試咗呢間新開嘅 《All Day Chicken Lab》啦！🐔🐔🐔呢間小店主打係食溫泉海南雞飯，我同亞妹一人點咗一份溫泉海南雞飯套餐，都只係街坊價$48已經有齊雞飯、冇味精靚湯同冷泡烏龍茶，仲配埋三色醬汁，真係好抵食呀！雖然唔貴，但雞嘅份量都唔少，仲要係非常之滑同嫩又有鮮雞味，就連雞胸都唔鞋的，仲要係配黃油飯的！加埋啲醬汁食仲正呀！好啱我呢啲長期糧尾嘅人！😝😝😝

行過西九龍food court, 呢間好似新開，試伏心態去食。叫咗個套餐，雞好嫩滑，不會油膩，香濃雞味，熟度合到剛好，唔生唔老，食到有心機煮。雞油飯不得之了，配埋個醬真心唔錯。加埋杯茶異常配搭。一定會再來食。

好耐冇去過西九龍廣場，懷緬一下小時候嘅「過山車」行到上美食廣場，感觸良多！轉變了很多。行到去呢間海南雞飯店，店面都幾特別！就叫左個海南雞飯餐食，等左陣拎餐時都好吸引，用紙盆裝住嘅海南雞飯都第一次見，好有Fish & Chip感覺。好了，就坐在門口，跟餐除咗雞飯，仲有一碗湯同一杯茶。望落飯嘅份量唔係好多但夠。試左舊雞，超滑超有雞味！因為冇骨所以啖啖肉，送啖飯，嘩！個油雞唔係出面油淋淋，而係有雞油香同軟硬適中，極奇開胃！食完，飲埋會湯，湯都係好清，有種椰香味，椰子清雞湯？後來行去問店主，原來係五指毛桃，又估佢唔到喎！仲有芽菜都唔錯！肥嘟嘟！整體抵食超水準！雞滑有重雞味！

喺西九龍中心food court ，發現一間新開嘅海南雞飯,抱住試吓嘅心態叫咗一個海南雞飯套餐。一食真係不得了，啲雞勁滑而且雞味濃郁，算係我喺香港食過咁多間海南雞飯最好食嘅一間，但係個飯稍為硬咗少少，如果啲飯可以淋啲就Perfect啦走之前仲買咗半隻雞外賣，佢嘅包裝都好有心機，幫你真空包裝，又乾淨又衛生只要返到屋企攞暖水稍為浸下佢就食得