入口

營業中

休息中

外賣叫咗花膠清湯蝴蝶腩泡飯就算拎到返屋企 個湯依然非常熱辣辣湯入面有嚿又大又淋而且充滿骨膠原嘅花膠個湯超好飲又好大碗 而家仲回味緊此外蝴蝶腩數量亦唔少 而且嫰滑唔韌配搭店舖提供嘅各種醬汁 大大昇華蝴蝶腩嘅味道同層次♡

今日去到元朗一間小舖，只得兩個位，主力做外賣生意，舖頭不是太明顯，但係有很出色的花膠湯底，有花膠龍躉片花膠湯飯或烏冬任選，花膠好大塊，龍躉片厚切四大件，仲有特色的手撕雞，例如芥末蜜糖手撕雞，亦有花膠湯雞或豬什，價錢相當合理，舖頭親民，事頭婆親切，有貓店主好靚的緬因貓，亦提供免費餐俾有需要貓貓，詳細可以睇吓佢門口佢嗰張貼嘅poster，在眾多元朗小舖，這家算是具有特色湯底的小舖，值得支持的小舖。👍

呢間鋪既位置，起初唔太起眼，行過唔敢幫襯。不過，試過一次外賣之後，就開始每星期食兩、三次。食材新鮮無味精，只要你對食材與健康講究既話，你就會自自然然去幫襯。日頭返工夠曬忙，根本無力整野食，飲返碗花膠湯，食住新鮮既食材，身體就自然少左病痛，皮膚和體質都慢慢改善左。俾貴少少，食好啲好過攞錢睇醫生。

呢間餐廳嘅花膠雞湯泡飯真係相當有水準！雞湯濃郁鮮甜，完全感受到熬煮嘅功夫，帶出雞肉天然嘅旨味，同時花膠滑溜帶黐嘴感，每一口都充滿滿足感。最讚嘅係飲晒成碗湯都唔覺口渴，亦冇嗰種過量味精嘅嚡口感，證明用料講究，絕對係用心熬製。另外試咗花膠海鮮泡飯，最驚喜嘅係佢哋選用新鮮海鮮，而非雪藏貨，食落海鮮彈牙鮮甜，絕對加分！以呢個價錢嚟講，性價比高，而且每一款都係用心製作，值得推薦。香蔥油無骨雞亦係亮點，雞肉滑嫩入味，蔥油香氣撲鼻，簡單但令人回味。整體而言，呢餐食得非常滿足，已經開始期待下次再訪，特別想試埋佢哋嘅咖喱！期待下次可以試到更多驚喜之作！

花膠湯用料很足，湯頭鮮甜，無味精！試咗佢嘅雞飯同海鮮飯，雞肉新鮮嫩滑有雞味，海鮮又有大大隻蝦！湯飯會附上三款醬料，特別欣賞佢哋自家製嘅XO醬，好惹味！會再幫襯！

這小店開業不久，專誠去嘗試，點了一份花膠海鮮泡飯，有驚喜！ 花膠魚湯底真材實料，花膠份量很足，每一塊都很大，口感嫩滑，和魚湯完美配搭，鮮甜滋潤。喝完這碗湯後，完全沒有口乾的感覺，應該是沒有加味精，這點很難得，有heart 👍🏻海鮮也很不錯，彈牙多汁，鮮美濃郁，不管是蝦或貝類，都能感受到它們的新鮮和高質。值得一提的是這家店自家製的麻辣和XO醬，原本我不太喜歡吃辣，但在老闆的推薦下，我嘗試在湯飯中加入了一點醬料，結果出乎意料，這些醬料不僅沒有掩蓋魚湯的鮮味，反而讓鮮味更加突出，令我印象深刻 😋

經過見到呢間新開小店，主打花膠湯泡飯，買左幾款同屋企人食！每碗花膠湯底都有一大舊花膠🤩湯好好飲無味精！試左花膠濃湯雞泡飯、花膠慢煮龍躉泡飯、無骨蔥油豉油雞，其中一款加錢轉左手打烏冬，烏冬都唔錯！鮮雞湯好夠味，而龍躉泡飯係鮮魚湯底，都好有驚喜，好鮮味👍🏻龍躉去左骨啖啖肉！附送自家制麻辣醬同XO醬好惹味，唔太辣幾岩我，我用黎撈烏冬食，正！呢個價錢都算抵食，有湯有飲品！總體都滿意，最緊要無味精，有下次！希望會出多啲飯餸款式，同多啲粉麵選擇！

住喺附近見到舖頭名，幾得意叫”入口”吸引咗我去睇吓咩嚟原來係一間新開食肆食物足料👍夠新鮮👍原來係即叫即整嘅🙀湯好好飲，冇乜味精👍飲完唔會頸渴由於即叫即整關係，所以比完錢要等一陣間款式暫時唔係太多但會再去試其他食物因為夠親民🫶🏻

買咗花膠新鮮豬什泡飯+花膠慢煮龍躉泡飯+無骨蔥油豉油雞+花膠杏汁豬肺湯，真心全部都真材實料夠濃👍🏽豬什嗰個好味😋龍躉嗰個雖然第一口有小小腥，但食落又ok喎！鼓油雞味道特別！杏汁豬肺湯濃郁！

上次食花膠龍躉超足料，4-5塊魚大大塊。今次試花膠濃湯雞，啲雞件好滑好正，花膠大大塊！佢哋個XO醬亦都好正好香！大推呢間小店~CP值高，少湯水嘅你必試！將會試勻晒佢有嘅嘢