元祖沾麵專門店 (已結業)

今晚收工之後叫左男朋友陪我食沾麵，呢間沾麵店次次行經過都見到好多人排隊，今晚終於有得試一試。我地大概九點去到，好彩門口都唔算好多人，等左大概10分鐘就有位啦。一坐低二話不說我就即刻揀好左，極上芝士海膽沾面配原板海膽。個沾麵汁一送到黎，濃濃既芝士香味，再見到原板海膽，即刻心心眼😍 佢個芝士汁濃得黎唔算太膩，汁入邊仲有啲肉同埋海膽，一啖沾麵一啖海膽，簡直一流😋😋而男朋友就叫左個元祖龍蝦沾麵，呢個龍蝦沾麵汁一樣都好出色，超濃嘅龍蝦香味，仲有好多龍蝦肉😍呢間沾面店好高質，唔怪得成日都咁多人排隊同埋咁出名👍🏻👍🏻 必定會再encore😋

沾麵而家係香港都好流行可以自己將d麵浸入去一碗熱濃湯度🍲沾麵汁會掛係麵條度比拉麵用湯浸住好食d因為唔會浸林哂🤣-豚玉魚介沾麵 $89魚介湯味夠濃用左豚肉去煮而且d肉煮得夠軟好食👍沾麵湯底一般都較咸但呢個味道適中👍店員就提示食前落d青檸汁落個麵度會覺得冇咁濟🤣-極上芝士蟹皇沾麵 $148本身以為係個湯係蟹皇味原來芝士蟹皇係指蟹蓋🤣蟹蓋好好味蟹膏量多食落鮮甜冇腥味🦀另外加左$10飛魚子咸中帶甜好好食❗️沾麵湯係櫻花蝦係上面食落似忌廉咁唔錯不過比較膩好快會覺得濟

極上芝士蟹皇沾麵另加飛魚子呢個基本上係餐廳既招牌之一，一嚟已經有個滿佈芝士既焗蟹蓋、一個熱辣辣到出哂泡既蟹皇醬同埋沾麵再加配料。首先已經聞到好香港蟹皇味，入面仲有幾粒蟹肉同埋叉燒粒，個醬唔會太咸味道好適合沾麵。本身好杰身既關係所以一放麵入去已經掛哂湯，索哂蟹皇醬既鮮味同埋濃厚感!好足料既一個餐，加埋蟹蓋係有滿滿既蟹膏，鍾意食蟹既真係要試試!濃厚豚骨叉燒拉麵呢度既叉燒係比一般既更加淋身同時又有好濃既豚肉味，呢個拉麵湯底已經有好膠質食得出好豐富既豚骨味，配合埋彈牙既拉麵同埋咁有水準既叉燒令到我一路食一路都覺得好似置身日本一樣!另外就係本身既茶都係宇治抹茶，夠濃而茶味好重，refill多幾杯可以解除拉麵既油膩感添!

👍高質沾麵店😍—尖沙咀有間沾麵店成日都排長龍，今日見少左D人就去試吓！🦞元組終極龍蝦沾麵（💲148）呢個係其中一個招牌菜，一上枱就見到石鍋上嘅湯底，湯底非常濃郁，香濃嘅龍蝦味，仲有龍蝦肉，粗身嘅麵好彈牙，食落煙煙韌韌，掛麵程度高。—

朋友介紹食沾麵今日真係第一次食沾麵🤣🥺鋪頭位於尖沙咀裝修鋪面都非常日本feel 最鍾意係有自修室坐位😆一個人隨時去食都OK👍🏻Relax 吓！餐牌當然主打沾麵🥘可以配搭不同材料和沾汁同埋圖文並茂教你點樣食沾麵👍🏻另外仲有飯同埋小食所以其實都可以有唔同選擇！😃👐極上芝士蟹皇沾麵（加飛魚子）豚肉魚介沾麵沾汁係用石鍋上所以保持熱辣辣唔夠仲可以加沾汁或湯👍🏻其中蟹皇沾汁好似龍蝦湯底非常濃郁👍🏻每次將麵加沾汁食份量可以隨個人口味調節，都幾特別！😆同埋湯底原來係有軟林林的豬肉粒所以真係有驚喜👍🏻另外芝士蟹蓋勁正！入面全部係香噴噴嘅蟹膏😍加埋魚子沙律中和咗好濃烈嘅味道！正😍所以都唔會話好滯！整體都滿意👍🏻

尖沙咀厚福街出左名多野食，聽講元祖沾麵好受歡迎，今天就同朋友去試下。店門口痴滿廣告宣傳，突顯日本風格，室內環境整潔，椅凳好坐。每枱仲有一包紙巾供客人使用，非常貼心。食物方面，除左沾麵仲有飯類同小食，選擇都幾豐富。沾麵有180g,份量好驚人，三大塊日本叉燒，超級滿足，沾麵好Q，十分有韌性，比平時食既麵粗。海膽龍蝦汁用鐵煲裝住，新鮮滾熱辣，散發濃郁的龍蝦湯香，超級邪惡！沾左龍蝦湯汁既麵，變得味道很濃厚。沾埋蟹籽一齊食，口感更好。

極上芝士蟹皇 (加飛魚子)見到menu推介，諗都唔洗諗就點單😃 沾麵汁用熱熱既石窩上，全碗都係滾燙既泡泡，店員叫我地要小心不要碰到窩邊！同時，香噴噴既芝士蟹皇一齊黎，強烈建議要襯熱食😋 成個蟹蓋真係裝滿左蟹膏，非常濃厚香口，一d都唔會有腥味，加埋面頭半焗既芝士一齊食，味道既層次又加厚左，好味道👍沾汁係橙色既龍蝦湯，龍蝦🦞味好濃郁，沾汁除左有五花腩肉粒仲有少量既蟹肉。拉麵既麵質較粗身，為左可以掛上足夠既沾汁，粗度做到有d意粉😂 拉麵既份量非常足，小妹都食唔晒，食完麵可以叫店員加木魚湯，攪混先飲喲👍加左湯溼豚玉魚介茶啡色沾汁，較清香既魚湯味，拉麵附有4塊豚肉，肥瘦剛好。先捏青檸汁於拉麵，再沾上沾汁吃，入面仲有幾粒juicy既豚肉，加埋半隻溏心蛋，豐富😊

一講到沾面每一次都係第一時間諗起尖沙咀嘅元祖沾面 因為之前啱啱開果時食過 感覺好震撼 今次食過返尋味要再食多次😋入面嘅裝修好有日本嘅味道 入到佢有一大排面壁思過嘅座位 非常有特色✨極上芝士蟹黃沾面($148) 加飛魚子($10)沾面嘅醬汁就用上石鍋載着 令到醬汁唔會因為放耐左而變凍 石鍋沾面醬汁入面附上大量嘅海膽同埋腩肉 非常入味而芝士蟹黃就係另上嘅 啖啖蟹黃再加上濃郁嘅芝士造成一個好誇張嘅拉芝效果加$10就有埋飛魚子 飛魚子嘅份量大過你個拳頭 一啖沾麵一啖濃湯一啖飛魚子簡直係大滿足 😋😋😋✨元祖龍蝦沾麵 ($99)元組龍蝦煎麵就用上左龍蝦沾面汁 沾面醬汁入面混左濃濃嘅龍蝦味 而入面亦都有龍蝦肉同埋腩肉 麵條好煙un 同時間亦都好掛汁 吸晒龍蝦嘅味道總括而言雖然一段時間冇黎 但係元組沾面依然係可以維持着一貫高質嘅水準 真係好好食 值得一試👍👍

今日難得遠行去到尖沙咀食飯，知道厚福街附近多餐廳，就決定行過去望下。我同朋友兩個人一人點了一個主菜食。雖然網上多數都係介紹佢嘅沾麵，不過今日我就一反傳統，叫了非沾麵類嘅食物。個飯用石碢送上，絕對夠熱。芝士量十足，同飯撈埋一齊，做到拉絲效果，而飯亦有足夠嘅鰻魚汁，一個字，正。蛋就當然係糖心啦，不過因為太中意食半熟蛋，未影相就已經將佢成隻食左🙊而鰻魚都不錯，用來送飯一流，份量足夠。最後，要讚賞呢間餐廳嘅服務。雖然有時限，不過一入門口就會提醒你。

知道呢間店其實都幾耐噶啦，但系到宜家先過來品嘗。點咗一份濃厚豚骨叉燒拉麵仲有和風炸蠔。先講呢個拉麵，首先一碗料畀得好足，有幾大塊叉燒，木耳絲，竹筍片，溫泉蛋。湯底喺奶白色嘅，可以聞到嘅味道十分之香濃。食落去都喺有驚喜嘅，湯底確實好正，都唔會好鹹，啱啱好，拉麵QQ彈彈，好食。炸物都炸得好靚，蠔肉好新鮮，外面炸得酥脆又幹身，裏面嘅蠔肉全都係汁，好嫩滑，好食好食！

好難食 好難食 好難食 🤯 好唔老實，有好多奇怪條款收多你錢，例如$7茶錢，同$2紙巾錢😡，$20食材價格上升費，全部寫係啲鬼鬼祟祟位，埋數張單又唔會寫清楚每項收費，有騙遊客嘅感覺，好唔老實，死罪。埋單差唔多$120 一碗嘅沾麵，個湯勁甜又勁鹹，食完勁口渴，隻蛋鹹過鹹蛋又細隻🤬完全係浪費食材，破壞地球，CLS。嚟嘅時候湯係滾，但最獲係啲餸同麵係凍冰冰，結果一放落去就極速變凍湯。🤬🤬🤬🤬🤬🤬🤬我唔知我食左啲咩，已經超越左中伏嘅程度，我覺得我俾人整蠱。😡🤯🤯

外面係一間尋常拉麵，見好多款沾麵就入去試下。坐底先見到——-> $7 茶錢!!! 一定係非常上乘嘅特選綠茶，可惜本人唔識欣賞我叫左芝士海膽沾麵。湯嘅濃度都好掛麵，麵上亦有一粒非常小的海膽，附合商品說明條例。湯入面有海膽碎，但調味過咸，整體無海膽味。另外一提，落單時嘅驚喜！拉麵要收$9附加費！基本上大部分人會叫海膽/龍蝦/蟹，所以呢個附加費都算收硬架喇。其實收錢有冇需要咁鬼鼠⋯⋯佢話$9下個月冇，好想知道係咪真係會取消，可惜我不會再來了～

朋友介紹呢間人氣沾麵鋪頭細細間唔易察覺一入去坐低 凳下面有籃比人放野之後就開始叫野食好貼心提供沾麵享用方法我就叫左個元祖龍蝦沾麵湯底偏鹹但可接受入面有龍蝦好味同埋有我最中意既溏心蛋唐揚魷魚好大塊 都好好食炸雞盛合好味！蜜瓜味波子汽水同埋波蘿味波子汽水超好飲 所以途中再叫多枝波蘿味波子汽水環境方面鋪頭好細間但都算坐得舒服凳下面有籃可以放服務方面職員態度友善 不過佢地太忙就比較難叫佢地總括而言我覺得值得一試！

今日同老公路過尖沙咀見到特別多人 尤其呢一間元祖沾麵舖由於冇乜idea 所以就加入咗人群真心等咗超過20分鐘 個時間仲已經係九點實在太誇張極上芝士蟹黃沾麵沾麵唔會煮到淋bet bet好有彈性有咬口 勁大碗上面放咗啲筍筍味十足 叉燒有三塊全部都有用火灼過 好香半熟蛋煮到啱啱好仲有流心海膽芝士沾麵汁用石鍋上熱辣辣長期keep到溫度放啲面入去有拉絲嘅效果入口非常之濃芝士味 更加龍嘅係 海膽味可以食到好多粒粒嘅海膽入面仲放咗叉燒 煮到好淋好入味芝士蟹王 又係做到拉斯嘅效果有大量邪惡芝士配埋蟹肉 勁香蟹膏味濃厚豚骨叉燒拉麵 豬骨湯比較鹹 味道好濃有好重嘅豬骨味 配拉麵味道不過不失

元祖呢間係尖沙咀厚福街真係超出名！次次去都係要排長龍 證明呢間野真係有啲水準先值得人地排咁耐隊去食🤤呢次9點左右去等左半個鐘左右先入琴出面有架風扇可以涼下 唔會太熱而入面環境都好日式 好有日本嘅味道😳而我同朋友就叫左極上芝士蟹皇沾麵同埋元祖龍蝦沾麵極上芝士蟹皇沾麵我就加左10蚊加多個飛魚子 都幾抵 而且份量唔少 推薦大家加芝士蟹皇有一大個蟹蓋 上面滿滿芝士 撈埋下面啲蟹膏食簡直一流 口感十足🤤🤤🤤而沾麵可以配上石鍋入面蟹汁去食 成個口都係蟹味😍元祖龍蝦沾麵呢個都係其中一個好出名嘅沾麵醬汁係超香濃嘅龍蝦味😍 仲有啲龍蝦肉添！岩曬啲鍾意食龍蝦嘅人食🤪🤪🤪