元祖沾麵專門店 (已結業)

依間位於尖沙咀厚福街嘅沾麵想試左好耐啦😛有芝士海膽, 極上芝士蟹皇, 龍蝦湯,etc. 聽到都流哂口水喇🤤🤤點左個元祖龍蝦沾麵諗住試試佢龍蝦湯都幾濃同幾掛汁，仲要用個石鍋滾住上熱辣辣!! 每碗沾麵都有四塊叉燒同竹筍，有紫菜同半隻糖心蛋☺️不過沾麵比想像中幼，如過粗身d掛汁會好d，不過份量都算多regular已經ok👍🏻 龍蝦湯入面都有豚角煮同龍蝦肉碎😂 可能真係要叫極上先多d料🙈另外叫左綠茶可樂，綠茶味就無乜喇不過都幾特別😁呢排疫情面壁嘅都係兩個兩個隔塊膠板，四人枱面對面坐嘅都隔左，仲有消毒紙巾tim👍🏻食客都安心d🙆🏻‍♀️

上次去厚福街食飯，經過呢間元祖沾麵勁多人排隊，見到啲食物勁吸引，今日約埋老公一齊嚟試吓先😋我哋大約7點半到可能仲早，好彩唔算太多人，大約等咗15分鐘就有位啦😆我哋叫咗豚肉魚介沾麵和極上芝士蟹皇沾麵，再加配原隻芝士焗蟹蓋😋終於上菜了，期待已久的沾麵，擺盤跟餐具都非常的可愛又有質感。店家特別使用石鍋來保持湯汁的溫度，真的非常的貼心，大家食用時也要小心不要被石鍋燙傷😘在開動之前來跟大家介紹一下沾麵的吃法😆沾麵的麵條通常都是偏粗麵，口感富彈力有嚼勁，湯與麵是分開的👍🏻首先第一步先不要將料跟湯汁攪拌開，而是以沾麵沾取原味濃郁湯汁，品嚐湯汁沾附在麵條上一同入口的味道，第二步再把料跟湯汁攪拌開，品嚐加上柴魚粉的味道🤤呢個豚肉魚介沾麵湯汁清甜充滿香濃魚鮮味，豚肉片厚薄適中，脂肪和肉的分佈平均，仲有溏心蛋非常流心和好香蛋味，配料仲有爽口嘅筍和紫菜和青檸😋呢個極上芝士蟹皇沾麵，鮮甜蟹膏加上一條條的蟹肉，配上沾麵一齊食，非常鮮甜😋當您食完沾麵，店員會有一壺熱魚介湯，用來加入湯汁到再飲，加咗湯就唔會太鹹，仲好鮮味😋我同老公全部飲曬😆呢個原隻芝士焗蟹蓋有蟹膏蟹肉和芝士🦀🧀超級邪惡😈蟹膏可以放落沾麵到食，別有一番

嚟到尖沙咀又想食日本嘢啦， 今日我哋喺厚福街附近， 朋友提議呢間元祖沾麵專門店， 佢話之前食過覺得幾好食。 原來呢度啲沾麵都幾有創意㗎，有好多唔同嘅配搭，我見到有芝士、海膽、龍蝦、蟹黃、鮑魚、帆立貝、赤蝦等嘅款式， 真係幾新奇。 我對蝦湯比較有興趣，所以叫咗個赤海老沾麵， 朋友就叫咗芝士海膽沾麵， 個麵上到枱 個湯係用個石鍋裝住， 保暖得好啲， 沾麵嘅湯keep住熱好緊要㗎，影完相就好快要開始食。 啲麵條都算彈牙， 開頭湯夠熱嘅時候係最好食， 因為一加咗麵落去個湯就會開始涼。 我個蝦湯未食已經聞到好香，加埋啲麵同配菜落去一齊食真係超級好食! 鍾意蝦嘅朋友一定唔可以錯過， 我覺得比喺普通魚介湯底或者豚骨湯底更加好食。 朋友嘅芝士海膽沾麵 一望就覺得好邪惡，個湯底都比較杰， 我同朋友都話個蝦湯好食啲，因為個芝士海膽雖然都幾好食，但係鹹咗啲，同埋我地唔鍾意個湯底太杰。 我朋友話下次會叫我個蝦湯沾麵 。我覺得呢度嘅啲沾麵都唔錯呀，價錢都合理，位置方便，環境又算乾淨，服務亦都ok。 如果有時諗唔到食乜，呢度都係個唔錯嘅選擇。

雖然市面好冷清，食肆門可羅雀，但厚福街的幾家食店仍人頭湧湧，因為天氣寒冷，所以選一家等候時候最短，而且吃拉麵沾麵後，身心都會感覺很温暖濃厚豚骨叉燒拉麵。$79奶白的湯底好濃郁，口感順滑而唔油膩，麵身好彈牙好爽口，叉燒肉香可口，咬落有陣陣油香，看似普通拉麵，每一樣都做到極致極上芝士蟹皇沾麵 飛魚子。$148感覺好fusion，而且非常邪惡，好似日本拉麵+瑞士芝士火鍋+西式芝士焗蟹蓋，沾麵麵身比拉麵粗，而且好掛汁，沾上芝士湯後，芝士味香濃帶乳味，口感軟滑，另外將飛魚子放入芝士湯中，讓飛魚子可以均衡沾上麵，增加味道層次芝士湯中有腩肉，所以芝士也肉香，腩肉汁同芝士混合成特濃香味，變成雙重邪惡的美食芝士焗蟹蓋係一度充滿蟹膏同拉絲芝士的邪惡美食，芝士同蟹膏的味道互相襯托，也互相爭艷鬥麗，而且食完表面的芝士後，可以享受蟹膏的鮮味，也可以跟沾上芝士的沾麵，混合成味道層次更豐富的終極邪惡美食

近排因為武漢肺炎相信好多人都同我一樣好少出街，難得今晚約咗朋友嚟尖沙咀行街，梗係要嚟出名多美食嘅厚福街覓食啦😎平時大排長龍嘅元祖沾麵今日竟然唔係好多人排隊，等咗位一陣就可以入座👍🏻極上芝士蟹黃沾麵配芝士海膽湯底(+飛魚子/$159):芝士質地半溶，蟹膏鮮味同勁香蟹味。飛魚子鮮甜口感爽脆👍🏻半熟蛋蛋黃黏稠不膩有蛋香👌🏻叉燒厚度適中，口感軟嫩，炙燒過所以香氣十足又惹味❤沾麵汁用石鍋上，可以保持熱辣辣😍麵質煙韌有彈性而且掛湯，每啖都好芝味😋如果覺得膩可以加入青檸檬汁，中和油膩感，令胃口大增😎濃厚豚骨叉燒拉麵($79):豚骨湯底夠香濃但又唔會油膩👍🏻

留意到網上ig有很多宣傳片段 於是和女友過來試伏. 餐廳主打沾麵 今次我們分別柯打芝士汁海膽沾麵 和原條鰻魚蛋包飯. 芝士海膽沾麵味道卻有點失望 芝士汁不是很熱 麵浸落去再吃 似食冷麵般失水準.👎 海膽不是最新鮮的 微甜 可以更加好. 另一個所謂蛋包飯 更加令人失望 在一間日本餐廳的蛋包飯弄得如茶記👎 雞蛋煮得太熟了 起碼煮到隻蛋有些少流心才可收貨. 鰻魚汁有點像生抽 如果可轉做較杰身的和風照燒汁會更好. 這餐實在太貴了! 不能夠接受. 再加上吃完也不夠飽肚 絕對無下次.❌❌❌

個日放工後約朋友係尖沙嘴行街 順便食飯。.呢間係佢之前經過見到想試嘅 ～.🌸極上芝士海膽沾麵 HKD | 158呢個靜係睇相已經覺得好吸引 侍應一端上黎就聞到濃郁嘅芝士味～先齋試咗肥美的海膽 味濃醇香 新鮮且甜～然後將麵放入濃湯中 沾麵彈牙且煙韌 好有咬勁。再來將海膽加入濃湯中 令芝士和海膽融和 味道更加美味～ 濃湯雖濃 但唔覺得鹹 呢個先係最讚賞嘅地方 其實如果覺得湯底濃 可以加些清湯 但我個人口味 鍾意濃d 所以冇加到～呢個價錢 可以食到一板海膽 真心好抵.🌸 濃厚豚骨叉燒拉麵🍜 HKD | 79朋友order呢個 佢鍾意食叉燒 覺得豬骨湯濃度恰到好處 加埋拉麵唔會太淋 屬彈牙～ .🌟逢星期一至五 五點前入座 享有九折優惠喔

不嬲都好鍾意食沾麵🥰除咗鍾意佢夠濃味 亦都鍾意佢麵嘅質感🍜比起湯拉麵 佢更加緊實彈牙😝今日係厚福街見到元祖沾麵勁多人作為最鍾意排隊嘅香港人梗係要去試試佢🤣-🐟豚肉魚介沾麵 $89佢地碗麵有成四大片叉燒 超足料😚超濃嘅魚湯入面仲有煮得軟lum lum嘅豬肉🐷個湯唔會太油 女士們可以放心☺️-🦀極上芝士蟹皇沾麵 $138依款分別有三款湯可以揀 我地叫咗龍蝦湯入面真係有好多龍蝦肉🦞☺️重點係個芝士蟹皇 係超級超級正芝士下係有海量嘅蟹膏 側邊係滿滿嘅飛魚籽😚好新鮮好好味😋 必點🥰-整體黎講我覺得真係又抵食又好味佢嘅沾麵係用上極太麵 口感一流仲可以加湯 熱辣辣超幸福🍜店入面仲提供濕紙巾 衛生100分絕對推介啊💛

點左個海膽沾面，個湯底無乜海膽味，但有粟米湯味，感覺被昆。面就不過不失啦，唔夠彈牙。個湯有樣野值得讚既，就係好夠熱，滾住上，仲有得換石頭碗。但湯汁唔係好夠，加大面底最後唔夠汁沾😩遑論加湯飲。另外追加左個芝士飯，好一般，類似係白飯加塊芝士係面再搵火槍燒燒佢。個茶都值得講講，好夠綠茶味，同好夠熱，想飲濃茶朋友會鐘意。店面勁多文宣和連儂牆，裝修都唔錯，係個門面難搵左少少，都會有可能再黎撐撐黃圈既！🤗

尖沙嘴附近好食既餐廳🈶️好多 而呢間係美食街附近睇落裝修幾優美 突出咁岩女朋友話想食沾麵 於是咪入去試下原來先知呢間係黃店 幾特別 🈶️連儂牆係度原本想叫海膽沾麵既 但2點幾就賣晒😳但人流又唔見多 叫左龍蝦沾麵🥺芝士係幾夠料 可惜個龍蝦好難食🤮咬落雪味 冇D鮮甜味 完全唔值呢個價😥其次係叫左龍蝦沾麵 但冇工具我開龍蝦手腳要我主動叫侍應先🈶️ 服務質素欠佳😓再著 我女朋友個沾麵到左 先同我講 海膽賣晒🤷🏻‍♂️食落冇乜特別好味 沾麵同呢個湯唔係好夾 🧏🏻‍♂️呢間名氣好似好勁 但食物質素真係有待改善🙃

重口味 愛杰濃汁 愛沾麵這次點的是龍蝦汁沾麵&魚介汁豚肉沾麵我不愛日式叉燒所以有無叉燒版的我更喜愛～而且我超愛食筍～仲有仲有，就係佢塊紫菜本身係有味唔係淡戍戍嗰款，而且因為佢唔係湯麵嘅關係唔會將佢浸冧咗、濃郁的石鍋滾汁真係夠晒味唔係死鹹，真的是愛不釋口!!! 加上麵底係我鍾意食嘅嗰種，麵嘅軟硬度又正好合心意。成碗麵嘅99巴仙都擢中我的味蕾(1% : 本人對唐心蛋不大興趣)真心會再離食。佢有好多其他配菜，但我認為只是錦上添花得有點畫蛇添足，簡易的一碗沾麵已經足夠同埋已經夠晒飽但對於愛吃湯麵款的人來說真的不大感興趣。這家好像只有2款湯麵選?環境而言，香港地地方淺窄在所難免。服務而言，漏出1罐飲品，但店員是爽手的。衛生:這𥚃有濕紙巾

全間沾麵店裡裡外外都係文宣memo紙📃📒大家都一路寫住memo一路等食去到9pm先入都仲係座無虛席.《原隻極上芝士蟹皇豚肉沾麵》一上碟都幾招積 橙黃色的龍蝦湯上浮現大大舊蟹肉🦀另上整個燒芝士🧀甲羅🦀 勁邪惡松葉蟹蟹膏加埋飛魚子 食到啪啪聲其實可以揀3款湯底: 赤海老/龍蝦/芝士海膽湯不過就算用石鍋 龍蝦湯🦞都好似好易凍左落黎變稠不過放心啦 食食下個湯凍左 可以叫店員再加返熱湯咖咁沾麵先可以沾到咖嗎 keep住食得暖笠笠.《豚肉魚介沾麵》魚介湯就普通d 不過都係好香澴其實兩碗麵一樣 只係湯底唔同魚介湯比較熱 食到尾都仲熱呢間沾麵店麵質比較厚實粗身沾滿上熱濃湯就剛好兩碗都一樣好多塊豚肉 食極都仲有

今日嚟到尖沙咀，朋友說很久沒有食拉麵，所以嚟到厚福街嘅元祖沾麵專門店！一進入店舖，就感覺到店員的細心，每個客人枱上都放了一包紙巾，牆上還掛住了很多樽裝濕紙巾，現在疫情嚴重，有濕紙巾供客人抹手，感覺實在太好了。打開餐牌，我們點了芝士龍蝦沾麵 和 濃厚豚肉叉燒拉麵。先說叉燒拉麵，叉燒爽口而不膩，豬骨湯底十分濃郁。另外，店員將龍蝦麵奉上在枱上時，我和朋友都「嘩」了一聲，是原隻芝士龍蝦，芝士多到可以拉出絲，熱辣辣沾麵的醬汁原來是濃郁的龍蝦湯，湯中還有龍蝦肉，實在太美味，超讚！

由日籍大廚主理的元祖沾麵💛🇯🇵去左元祖沾麵專門店食左極上芝士海膽沾麵和豚玉魚介沾麵。沾麵會用石鍋滾緊熱辣辣送到你手上。沾麵配料有日式叉燒， 溏心蛋，竹筍和青檸。可以根據自己個人喜好加上青檸，魚露，芝麻七味粉。配的日本宇治抹茶好飲。椅子下面可以放袋。紙巾是有自家logo呢，店裡亦有文宣和連儂牆。🍜極上芝士海膽沾麵 $158有原板滿滿的鮮甜海膽😍見到就開心。個沾麵湯有濃郁芝士，仲會有海膽在裡面，熱左的海膽別有另一番風味，都好好味。so creamy🤤岩曬鐘意食芝士的朋友。🍜豚玉魚介沾麵 $89好清甜的味道，在香港好少食到這味道🤤少食多滋味💛突顯到沾麵和日式叉燒本身的味道。日式叉燒肥瘦適中，沾麵好彈牙。尖沙咀厚福街真是有很多黃店呢

人生第一次嬲到寫食評食左個海膽沾面加左錢嗌多左板海膽一嚟到 個板海膽發霉嘅叫佢換過一板個板海膽真係不得了又苦又難食 我平時係好鐘意食海膽係唔會食淨嘅人我都食淨半板真係難食到不得了重點嚟了難食都算 之後我仲肚痾左成晚個沾面又係冇乜味冇乜芝士味我反而食到粟米湯嘅味完全唔值呢個價錢紙巾原來要extra收錢茶又要extra收錢係咪真係咁矜貴啊黃店都要diu真係好難食啊大佬食材唔新鮮你就算有gorden ramsay嘅廚藝都搞唔掂唔會再食原諒我唔記得影相 因為食完真係覺得好嬲所以先諗住寫上嚟