元気寿司 (已搬遷) 新店位置

帶三隻馬騮去踩完冰，四圍逛到晚飯時間，問班馬騮想食乜？答案一定係壽司，去到要等位，去到時差不多下午六時半，仲係下午茶時段，好好彩六時二十五分入到場，坐到迴轉卡位，舒服又可以自取壽司！地方當然乾淨，日本餐有保證，即刻點兩個下午茶餐！然後再叫其他嘢！餐好快上菜，份量都夠飽，尤其係配烏冬，好煙韌，溫泉蛋可以自己打蛋同落汁，呢個安排幾好，咸淡可以自己決定，壽司新鮮！兩個套餐再加兩個軟殻蟹手卷--新鮮炸起，香脆好味另外叫多幾款壽司：飛魚子、三文魚子正常，點知芥辣八爪魚來錯蟹子沙律軍艦，同侍應講先換返啱，芥辣八爪魚唔夠攻鼻，八爪魚爽口，螺片最失望，有一件係爛嘅，好肉酸都攞比客人！最後叫了朱古力芝士蛋糕，朱古力味好濃，所以食唔到其他味！我鍾意原味多點！服務勤快，好快有人應！唔錯！