元気寿司 (信德中心)

營業中

休息中

見次次去親元気都係散叫壽司，今日同事又話去元気食，好啦，今次就試下餐啦牛肉烏冬、關東煮、沙和風沙律、壽司（$75）：牛肉好肥呀，烏冬幾好食，湯底不太濃味道都不錯，但不夠熱。關東煮，冇味既。壽司不太新鮮，可能午餐多人，所以整定好多，所以覺得得有點放凍左咁。全程最好食就係沙律。份量好夠食，咁既價錢以份量來說是不錯的。下次都係散叫壽司好d

之前還在提自己元氣會員積分十月便到期，可是來到十月的最後一天才醒起還有百多分未用！本著不能蝕底的心態下，這天來了一頓豐富的午餐。由於一個人前來，不用等位便能入座，正~由於還有130分，所以一來便選了最貴的刺身定食。另外還點了一些軍艦吧，午餐來說是超豐富的喇。刺身定食 $88吃過普通到不行的沙律後，還是趁新鮮先吃刺身呢。三文魚與帆立貝算是鮮美，還不及赤蝦肥大肉厚的鮮甜！比較起來，壽司五點的三文魚與赤蝦則來得普通點了。至於北寄貝、玉子及牛油果軟殼蟹卷也來得一般。反而湯烏冬依舊是爽滑彈牙，美味。另外還點了海膽墨魚($16)及松葉蟹牛油果($16)，Topping還算滿滿，不錯吃。吃得超飽的一個中午，扣除積分後只需補回$2，超抵超抵超抵！

3點3黎到一心諗住食lunch set,點知原來有tea set就無lunch set，都唔知夠唔夠飽蒸蛋好滑，薯餅熱辣辣味道唔錯，壽司不過不失啦，份量雖小，如果係下午茶就夠食既，如果未食lunch就未必夠飽啦。

好久沒有去上環吃飯了，最近的天氣都不太好下雨天總是讓人提不起精神幸好約了同事吃飯的那天，沒雨，可以出去走一走走到元氣，很順利的我們不用等位直接進去了看看餐牌，感覺午餐定食好像換了新菜式！？點了個沒吃過的火炙魚生飯定食 $75和同事閒聊一會，食物就到了看著很豐富的感覺，很適合我這個花心的人午市定食包含沙拉、大根豚肉煮、主菜、麵豉湯火炙魚生飯裡面有火炙三文魚，火炙油甘魚，玉子燒火炙的程度是半生熟，魚生感覺新鮮，經過火炙，魚油都出來了，好吃白飯裡面好像加了點燒汁，甜甜的，配著魚生一起食，感覺很好大根豚肉煮味道一般，幾片豚肉配上两塊煮軟了的白蘿蔔和一塊魔芋(應該是這樣叫吧~XD)沙拉和麵豉湯就不評價了，一般正常味道我想為了魚生飯我是會再吃的

話說之前lunch同同事一齊嚟食，叫左個刺身飯定食。個set有個刺身飯，湯，沙津同豚肉煮。刺身飯上有三文魚同魚子舖滿面，三文魚都幾新鮮魚子有好多，正。至於豚肉煮就幾多料，好入味，個湯都好飲！沙津就似係充下場面，普通。不過整體都好食！午餐飽曬

簡單lunch好簡單牛肉餅外層香脆內有碎牛，牛味濃伴有薯泥，冇粒粒，好香滑不油膩，沒有太多油標出來吉列蝦炸得脆，送來熱辣辣蝦鮮甜彈牙，不過比較細隻紫菜仍然脆囗燒牛肋肉好香牛味加咗燒味甜甜地，入曬味幾條蔥點綴出鮮味

是日A餐前菜沙律新鮮夠凍。烏冬熱辣辣，烏冬質地當然唔及手打果d咁彈牙，但仍然合格。刺身都新鮮，蝦刺身夠大隻厚身而且肉質夠膠質。帶子新鮮爽口。軟殻蟹卷d飯就略為硬咗少少，軟殻蟹炸得不肥膩。北寄貝夠彈牙，三文魚就不過不失。

好在係元氣會員唔係嘅話都好難可以喺lunch食元氣午餐轉咗... 今日試c餐...帆立貝夠大粒爽口... 三文魚籽唔腥卜卜脆... 三文魚夠新鮮新嘅豚肉煮都好味... 唔咸.... 不過得一塊豚肉...到個湯.... 嘩... 超咸！不過都一樣大滿足！

一個早上忙到死 放飯決定同同事食餐正d同事用元氣app 先攞位 去到門口等咗太約十分鐘就入得 lunch set 只在星期一至五供應價錢太約七十五至八十八加一小妺點了最貴嘅刺身定食 嘩portion 好大 刺身有三文魚 蝦 帶子壽司有蝦 三文魚 北寄貝 蛋 軟殼蟹卷X2刺身新鮮鮮甜 帶子最impressive 壽司件件都唔錯沙律d dressing 係醋 好開胃 仲有湯烏冬夠熱 我湯都差不多飲曬 大滿足

今日去澳門，諗住去元氣食壽司先上船，由於食晚飯時間關係！所有勁多人等緊位！我就駁一駁睇下我一支公有無得即入！好彩可以偷雞入到唔使等之後就叫左2件三文魚腩壽司，鮮樕肥美！赤海蝦大大隻，非常彈牙，帆立貝亦非常厚身！好有口感海鰻就唔夠多鰻魚汁，但味道都唔錯！再黎芥辣八爪魚軍艦！非常足料！但點點攻鼻！但非常刺激海膽都非常鮮甜，無雜味！！份量亦都唔少！最後就係鵝肝壽司，外層煎到脆脆，內層油油軟淋淋！非常香口埋單139!! 已食到大滿足

今日係澳門做完野之後，答夜船返香港，返到黎已經9點幾。其實9點幾呢D時間都幾尷尬，唔係就LAST ORDER就就黎閂舖。一落船過關後即睇下信德中心仲有咩舖未閂，果然水靜河非，成個商場無咩人。見到附近有元氣就入去醫肚，可能附近大部份閂左，店內都算旺場。店員見到我手拎住咁多野就安排左兩人卡位。其實都可以話係經常黎元氣，快速點左幾舊壽司同小食。中華沙律都算係大份，海草爽口，不過嫌有D乾，汁多返少少仲好味。鵝肝壽司中規中距，雖然好厚切，不過肉唔夠挺身實，整到淋啤啤，不過外皮都算煎得脆口，加上底層壽司飯唔會一野散晒，做得一般一般啦!元氣卷係每次必點之一，不過唔知係咪就黎收工，好似整得好馬虎，外層的三文魚刺身仲未解凍咁，有層雪味，入面的軟殼蟹凍之餘，仲係淋晒，好失望。幸好軍艦壽司不錯，飛魚子爽口，而紫菜仲脆口，食得出係岩岩新鮮整，而海膽魷魚雖然食唔出海膽味，但每條魷魚亦爽口挺身。可能就黎收工，所以整體食物一般般，不過都坐得舒服同抵食。

三文魚好新鮮，刺身同壽司都好味，刺身夠厚身，亦唔會覺得有雪味，壽司飯有口感，唔會太硬或太軟，另外左口魚裙邊係我嘅至愛，入口即化，絕對推介，厚燒玉子甜甜哋，飯量亦適中，面鼓湯就較淡

今日Lunch 好想食日本野，本身諗住去ifc板長，但由於太多人決定轉戰元氣Lunch set 總共有abcd 4個A餐係刺身(有三文魚，帶子同海蝦)，加一個淨烏冬及5件sushi(2件反卷，一件三文魚，仲有兩件唔記得左)B餐，因為想叫時已經售罄，所以見唔到真貌C餐，就係我食個個，火炙系列，有三文魚(厚厚地)，帶子同蝦。望落去一般，但食落去都幾好味，個人覺得個飯煮得好好味，但要85蚊加一就有d貴最後D 餐，80蚊，牛油果長腳蟹飯，上菜後隔離同事大叫，哇～咁少d蟹肉既!! 其實都算略少，性價比頗低。全部餐都跟面豉湯，蕃茄沙律同一個關冬煮，(a餐就得個蕃茄沙律)整體黎講，食物味道，質素，份量都唔算差唔算少，但計落差唔多成一百蚊一個lunch,就真係唔係好抵。如果各位黎開上環又想食性價比高既日本野，可以參看我另一篇食評，"尋寶記" 係蘇杭街附近，同樣價錢，更高享受

呢個tea set 只係 $48 加一， 係中上環呢講算係平，有 3 set 野被你選， sushi, 小食， 麵/甜點 超級大滿足, 如果係附近返工既朋友仔, 而且又可以避開LUNCH TIME 食飯時間, 可以考慮下呢度sushi 一向做得不錯,很新鮮小食我點了多春魚, 雖然炸出來不油膩, 但很厚炸將, 魚本身很細條, 下次一定不選這個這次menu改了是湯烏冬, 之前可能是夏天關係是冷烏冬, 現已踏入十月份, 所以有所改動, 烏冬很滑, 味道也不錯, 份量我也很足夠

面試完畢決定去元氣食返餐好嘅，剛好是午飯時間，遠遠已看到有一堆人在排隊，不過一個人應該不用等太久吧？最後足足等了四十分鐘才有位。日式燉蛋(HK$18)，夠熱夠滑，保持一貫水準！不過那塊無味的日本魚蛋轉其他材料會更佳。必食指數：4粒星燒帆立貝配芝士薯茸(HK$22)，雖然我知道圖片只供參考，不過這個落差實在有點大，幸好味道還可以，必食指數：3粒星明太子玉子壽司(HK$14)，可能是烤過的關係，玉子有點乾，還是普通玉子壽司好吃。皇帝蟹柳壽司(HK$16)，蟹柳還是板長板前的好吃，不過也較貴。必食指數：3粒星炸蝦天婦羅壽司($10)，天婦羅脆而不膩，不過炸粉過厚。必食指數：3粒星燒牛肋骨壽司(HK$10)，充滿肉汁，很好吃！必食指數：4粒星P.S.另收加一服務費，印象中元氣的軟殼蟹手卷是超好吃的，可以一試。