57
26
7
港鐵上環站 D 出口 繼續閱讀
所有分店 (68)
電話號碼
25408929
開飯介紹
旨在不斷延續日本正宗壽司文化,元気寿司對食材選料尤其講究,務求將日本美食特色原汁原味帶給客人客,盡享最新壽司體驗。 繼續閱讀
營業時間
今日營業
11:30 - 22:30
星期一至四
11:30 - 22:30
星期五至六
11:30 - 23:00
星期日
11:30 - 22:30
公眾假期
11:30 - 22:30
付款方式
Visa Master AlipayHK 支付寶 現金 八達通 AE 銀聯 JCB Apple Pay Google Pay
其他資料
嬰幼兒設施 詳細介紹
加一服務費
以上資料只供參考, 請與餐廳確認詳情
招牌菜
元氣卷 日式炖蛋 吞拿魚壽司 赤海蝦壽司 油甘魚刺身 軟殻蟹手卷
食評 (99)
今日午餐要快,就去左元気寿司搞掂。第一次食呢度既午食之選。揀左極上元気刺身配雜錦天婦羅定食,價錢$88加一,包極上元気刺身,雜錦天婦羅,日式海鮮燉蛋同面豉湯(可轉汽水)。極上元気刺身有兩隻赤海蝦,兩塊三文魚,三塊超薄帶子,一塊油甘魚,一塊赤身,兩塊玉子,兩片青瓜同一大碗飯。老實講,刺身質素明顯差過散叫,又細塊d,唔抵。飯就正常。雜錦天婦羅簡直係慘不忍睹,有三舊,分別係茄子,蠔,同南瓜。見到都知難食,個炸皮油淋淋又厚。茄子係無味架!日式海鮮燉蛋我食左少少,配料至少有日式魚蛋一片,算滑既,不過偏鹹。面豉湯我轉左汽水Cream Soda。跟餐加配優惠有加$22要赤海蝦刺身,一共有三隻,係正常質素,抵。跟餐加配優惠都有加$12既6款指定手卷,我揀左加州手卷。似乎都係散叫質素安全d。赤海蝦刺身 $42 另加一:一客五大隻,又新鮮又香甜,啖啖肉,蝦頭有汁,抵食。炙燒黑松露帆立貝壽司 $17 一件 另加一:非常正!帆立貝又大又厚切,鮮甜啖啖肉,炙燒過後好香。有微微黑松露味道,令帆立貝更好食!雙重鰻魚流心芝士壽司 $14一件 另加一:有兩塊鰻魚上面再加一大舊炙燒過嘅花畑牧場卡門貝爾芝士,唔錯,幾抵食。香蒜海鮮軍艦 $14 兩件 另加一:上面帶有辣椒,脆口蒜粒同葱絲,海鮮切粒都算新鮮。紫菜唔係最新鮮脆口,不過都可以接受,好抵食。柚子油甘魚蓉軍艦 $17 兩件 另加一:油甘魚蓉好滑溜,份量勁多。柚子皮就可有可冇,仲灑左啲七味粉喺上面。抵食。三文魚籽軍艦 $17 一件 另加一加州小卷 $22 另加一:一客四件芝士焗日本蠔 $26一隻 另加一:好邪惡,芝士蓋又厚又拉絲,食落好好味又鹹鹹哋又酸酸哋咁,入面隻蠔又新鮮又多汁,不過唔知點解無左碎洋蔥粒。牛肉烏冬 $32 另加一:牛肉烏冬有五塊肥牛左右。烏冬唔粗唔幼,都算煙煙韌韌,好味!加左少少蔥,個湯底都油,湯底味道就麻麻哋。牛油果蟹柳沙律 $22 另加一:今次賣相好差。蟹柳兩大條切開六塊,質素唔錯,堅有鹹香蟹味,夠厚肉。牛油果切左粒,都新鮮。其他配料仲有好多生菜片同幾塊青瓜片加少少車厘茄,個汁係柚子醋,唔知點解有少少辣。青森蘋果汁 - 柚子味 $15 一包 另加一:當然係非常好飲,味道豐富有多重果汁味道,所以次次encore! 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-02
284 瀏覽
本人一直對食元氣都冇乜期望,但估唔到今次直頭係失望!叫咗幾碟壽司,啲魚生同嚿飯嚟到已經係分開嘅,再望一望,幾隻碟都有跡,心諗都算啦,話晒都只係元氣🤭不過今次最令我驚訝嘅係,我今日一嚐帶子連殼嘅壽司😓👍🏻我夾咗啲洋蔥落口,咬落去個口感好似食緊沙石咁又刮口,即刻同返出嚟睇個究竟!勁囉!望一望隻碟,再睇一睇嚿壽司,幾塊女士們鍾意攞嚟做首飾嘅貝殼片竟然加咗喺帶子上面做點綴!果然係好有創意嘅元氣壽司! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-25
198 瀏覽
元氣壽司出咗夏日新 menu,今日即刻去試食!柚子醬油漬鰹魚:本來以為會好鹹,擺到最後先食。但點知原來一啲都唔鹹,淡淡地口啱啱好,配埋柚子皮碎,好清新好夏天。雖然魚味唔算濃,但完全無渣!瘋辣三文魚卷:辣味唔算好辣,只係有少少刺激感。無乜驚喜但 ok 嘅!鮮味鮑魚壽司:鮑魚夠大塊,咬落爽滑彈牙,配合恰到好處嘅醬汁,味道超級無敵鮮甜,啲鮮味直情係喺口腔內爆發出嚟!榮登今日 MVP!雙重鰻魚芝士流心壽司:兩大片薄鰻魚,配上芝士同濃濃甜甜嘅醬汁,一大舊一次過放入口,好滿足!黑松露吉烈蠔壽司:雖然黑松露味唔算突出,但隻蠔好厚好肥美,吉烈外衣好脆唔油。唔錯,次 MVP!食到咁上下仍然口痕,再追加貝類三點盛。北寄貝壽司:好鮮甜彈牙,但有少少砂。螺片壽司:同樣好鮮甜,非常爽脆,一啲都唔會靭,好食!芥末翡翠螺軍艦:呢個有驚喜!芥末味道好清新同攻鼻,明顯同枱上一包包嘅 wasabi 唔係同一個級數。而且螺肉亦好鮮甜彈牙,唔錯!順帶一提,上環信德有位中長度頭髮,束半馬尾嘅女收銀員服務態度非常好,好 nice 同好有耐性同客人解釋。值得稱讚! 繼續閱讀
(以上食評乃用戶個人意見 , 並不代表OpenRice之觀點。)
等級4 2021-04-28
341 瀏覽
元氣性價比其實不錯,不想吃爭鮮的話,她絕對是好選擇剛巧今天午飯時間不太多人,等了七分鐘左右就食到了,算好采辣吞拿魚壽司,最愛上面的脆辣椒火炙三文魚壽司,入口即溶牛油蝦壽司,肉質新鮮彈牙,配香草牛油食落好有幸福感芥末八爪魚壽司,夠凍,顯得八爪魚很新鮮,肉都夠大和多黑椒蠔壽司,配合表層邪惡的沙律醬汁好惹味海鮮軍艦,又是配有脆辣椒碎,所以都有味 今次雖然食得好趕,不過味道仍然令我得滿足 繼續閱讀
(以上食評乃用戶個人意見 , 並不代表OpenRice之觀點。)
等級3 2020-09-07
640 瀏覽
抗疫期間,好多餐廳都有做外賣自取優惠元氣外賣自取都幾抵食‼️ 👍🏻今次叫左兩個壽司盛同屋企人一齊share😋💕經典壽司盛A(限時6折優惠)🍣💲157.6壽司款式都幾多,而且每件都好新鮮‼️😋最推介嘅係鰻魚壽司同埋炙燒牛油赤海蝦😍炸蝦卷略嫌炸粉比較厚,唔熱 麻麻地🙃其他就不過不失啦。不過呢個價錢黎講都幾抵食🤣牛油味香氣撲鼻,赤海蝦都幾新鮮😍正呀‼️經典壽司盛B (限時6折優惠)🍣💲121除咗呑拿魚壽司之外,其他都係我既至愛象拔蚌清甜爽脆,每次食sushi都會叫佢,好好食😜👍🏻帆立貝清甜厚肉,正吖‼️其他就正正常常,無咩特別。嘩‼️好多蟹膏吖😍甜蝦同蟹膏都幾清甜,不錯喔👍🏻兩者原來可以甘夾😋 繼續閱讀
(以上食評乃用戶個人意見 , 並不代表OpenRice之觀點。)