元気寿司 (信德中心)

營業中

休息中

去到2:30，又想食日本野就見到元氣有下午茶餐分別可以自選壽司，亦都可以揀佢set好嘅壽司盛之後再揀埋輕食同埋小食所以其實都好多嘢可以自己揀我就揀咗套餐1C + 2C + 3A ($50)包括三文魚壽司、脆蒜燒三文魚壽司、甜玉米壽司、皇帝蟹柳壽司、玉子壽司同埋炸蝦卷小食就要咗章魚燒，輕食就要咗個茶碗蒸朋友就另外散叫野食蟹籽青瓜沙律，魷魚鬚其實下午茶呢個價錢真係好值可以喺元氣食到咁多野就咁時間一定會再嚟

我係一個好鍾意食壽司嘅人，真係每餐都食壽司都得😾 其中一間最鍾意食嘅壽司店一定係元氣🙌🏻我覺得佢嘅下午茶真係好抵食我自己最鍾意就係食下午茶set，鍾意食佢嘅烏冬同埋燒蟹柳🫶🏻 仲有覺得佢嘅牛肉壽司係必食😋

嚟都信德，食元氣壽司，唔使等位，入到去坐低，就掃掃個 QR code就可以點餐， 完全自動化，點完餐就有自動電動車直接運到你枱面前面，真係唔錯。點咗十幾款壽司， 最鍾意就係嗰個海鮮燉蛋，夠曬滑溜，味道鮮甜。 各款壽司質素都超好，夠曬新鮮 食到飽飽，發覺有下午茶優惠，重有payme找數，過250蚊有優惠劵50蚊，噤就再點咗個超優惠嘅下午茶餐，嘩!真係超飽! 埋單用pay me畀錢，仲有張50蚊嘅優惠券，留返下次用。

今日午餐要快，就去左元気寿司搞掂。第一次食呢度既午食之選。揀左極上元気刺身配雜錦天婦羅定食，價錢$88加一，包極上元気刺身，雜錦天婦羅，日式海鮮燉蛋同面豉湯（可轉汽水）。極上元気刺身有兩隻赤海蝦，兩塊三文魚，三塊超薄帶子，一塊油甘魚，一塊赤身，兩塊玉子，兩片青瓜同一大碗飯。老實講，刺身質素明顯差過散叫，又細塊d，唔抵。飯就正常。雜錦天婦羅簡直係慘不忍睹，有三舊，分別係茄子，蠔，同南瓜。見到都知難食，個炸皮油淋淋又厚。茄子係無味架！日式海鮮燉蛋我食左少少，配料至少有日式魚蛋一片，算滑既，不過偏鹹。面豉湯我轉左汽水Cream Soda。跟餐加配優惠有加$22要赤海蝦刺身，一共有三隻，係正常質素，抵。跟餐加配優惠都有加$12既6款指定手卷，我揀左加州手卷。似乎都係散叫質素安全d。赤海蝦刺身 $42 另加一：一客五大隻，又新鮮又香甜，啖啖肉，蝦頭有汁，抵食。炙燒黑松露帆立貝壽司 $17 一件 另加一：非常正！帆立貝又大又厚切，鮮甜啖啖肉，炙燒過後好香。有微微黑松露味道，令帆立貝更好食！雙重鰻魚流心芝士壽司 $14一件 另加一：有兩塊鰻魚上面再加一大舊炙燒過嘅花畑牧場卡門貝爾芝士，唔錯，幾抵食。

本人一直對食元氣都冇乜期望，但估唔到今次直頭係失望！叫咗幾碟壽司，啲魚生同嚿飯嚟到已經係分開嘅，再望一望，幾隻碟都有跡，心諗都算啦，話晒都只係元氣🤭不過今次最令我驚訝嘅係，我今日一嚐帶子連殼嘅壽司😓👍🏻我夾咗啲洋蔥落口，咬落去個口感好似食緊沙石咁又刮口，即刻同返出嚟睇個究竟！勁囉！望一望隻碟，再睇一睇嚿壽司，幾塊女士們鍾意攞嚟做首飾嘅貝殼片竟然加咗喺帶子上面做點綴！果然係好有創意嘅元氣壽司！

元氣壽司出咗夏日新 menu，今日即刻去試食！柚子醬油漬鰹魚：本來以為會好鹹，擺到最後先食。但點知原來一啲都唔鹹，淡淡地口啱啱好，配埋柚子皮碎，好清新好夏天。雖然魚味唔算濃，但完全無渣！瘋辣三文魚卷：辣味唔算好辣，只係有少少刺激感。無乜驚喜但 ok 嘅！鮮味鮑魚壽司：鮑魚夠大塊，咬落爽滑彈牙，配合恰到好處嘅醬汁，味道超級無敵鮮甜，啲鮮味直情係喺口腔內爆發出嚟！榮登今日 MVP！雙重鰻魚芝士流心壽司：兩大片薄鰻魚，配上芝士同濃濃甜甜嘅醬汁，一大舊一次過放入口，好滿足！黑松露吉烈蠔壽司：雖然黑松露味唔算突出，但隻蠔好厚好肥美，吉烈外衣好脆唔油。唔錯，次 MVP！食到咁上下仍然口痕，再追加貝類三點盛。北寄貝壽司：好鮮甜彈牙，但有少少砂。螺片壽司：同樣好鮮甜，非常爽脆，一啲都唔會靭，好食！芥末翡翠螺軍艦：呢個有驚喜！芥末味道好清新同攻鼻，明顯同枱上一包包嘅 wasabi 唔係同一個級數。而且螺肉亦好鮮甜彈牙，唔錯！順帶一提，上環信德有位中長度頭髮，束半馬尾嘅女收銀員服務態度非常好，好 nice 同好有耐性同客人解釋。值得稱讚！

元氣性價比其實不錯，不想吃爭鮮的話，她絕對是好選擇剛巧今天午飯時間不太多人，等了七分鐘左右就食到了，算好采辣吞拿魚壽司，最愛上面的脆辣椒火炙三文魚壽司，入口即溶牛油蝦壽司，肉質新鮮彈牙，配香草牛油食落好有幸福感芥末八爪魚壽司，夠凍，顯得八爪魚很新鮮，肉都夠大和多黑椒蠔壽司，配合表層邪惡的沙律醬汁好惹味海鮮軍艦，又是配有脆辣椒碎，所以都有味 今次雖然食得好趕，不過味道仍然令我得滿足

抗疫期間，好多餐廳都有做外賣自取優惠元氣外賣自取都幾抵食‼️ 👍🏻今次叫左兩個壽司盛同屋企人一齊share😋💕經典壽司盛A（限時6折優惠)🍣💲157.6壽司款式都幾多，而且每件都好新鮮‼️😋最推介嘅係鰻魚壽司同埋炙燒牛油赤海蝦😍炸蝦卷略嫌炸粉比較厚，唔熱 麻麻地🙃其他就不過不失啦。不過呢個價錢黎講都幾抵食🤣牛油味香氣撲鼻，赤海蝦都幾新鮮😍正呀‼️經典壽司盛B （限時6折優惠)🍣💲121除咗呑拿魚壽司之外，其他都係我既至愛象拔蚌清甜爽脆，每次食sushi都會叫佢，好好食😜👍🏻帆立貝清甜厚肉，正吖‼️其他就正正常常，無咩特別。嘩‼️好多蟹膏吖😍甜蝦同蟹膏都幾清甜，不錯喔👍🏻兩者原來可以甘夾😋

第一次黎上環呢間元気食，一入到黎服務員都還可以，基本禮貌都有既，今日就試左新野，和牛鵝肝壽司，聽個名都吸引，黎到和牛都幾大片，鵝肝就一舊仔係面頭，都幾好食，但有d太油，另外仲試左一款新甜品，焦糖奶凍條，還可以，雪硬d會再好d。

我覺得呢度嘅海膽壽司都好抵食對比起出邊嘅話質素算係唔錯不過呢度嘅三文魚依舊都係麻麻地以前好鍾意食三文魚腩壽司因為佢大大份！ 唔知點解今次呢我覺得新鮮度下降好多睇嚟下次我會揀下其他日本餐廳食啦⋯⋯

近期見元氣，推出優惠，每日都有一款半價嘅食物，就去公司附近嘅元氣幫襯下！今次帶埋囡囡去，諗住氹吓佢開心，點知一坐低已經俾張凳𠝹親😩☹️，呢張個皮爛晒嘅卡位🤨咁都可以攞出嚟比客人坐，有冇搞錯！反而食物方面覺得OK嘅，今日半價係大阪章魚丸，呢個係今日嘅驚喜，半價左後只係$13一份，有四大粒，外脆內軟，外面嘅紫菜份量都好足夠，值得一讚！其他平常嘅壽司不過不失啦！另外再試咗新款～野菜天婦羅，略嫌佢款式唔夠豐富，一份四件嘅天婦羅，只係兩件南瓜和兩件茄子😌，而且問咗店員佢係冇天婦羅汁，剩係俾咗淮鹽🤨，希望佢可以改善下，同埋做吓research，乜嘢叫日式天婦羅😪😪

相信大家都吃過元氣，食物的質素是不容置疑的。沒有特別的餐點, 但水準一向十分平均, 不會令人太失望....但是，這間上環的上菜服務快得令我驚訝，我們才剛坐下來，點好菜，茶還沒來得及來，食物便從輸送帶送到我們面前了，而且是源源不絕地送上來的! 基本上不到十分鐘，所有食物都來齊了，如果下班很餓的朋友，我絕對推介這家元氣，比茶餐廳更快哦! 但是食物的質素一點也沒有改變，我最愛的日式蒸蛋仍舊香滑又多汁，烹調得剛剛好，不會太熟太生!晚上8點後入座可以要等一下桌子，我們七點半入座，便沒有要等的問題。但是要等的話相信也很快啦!

元氣壽司一直以來都為香港人所熟悉，區區基本上至少有一間，今天下班以後便與男友到上環的元氣壽司吃吃。由於男友是半日本人的關係，所以很少會到太劣質的日本菜，而他每次也會想食元氣，所以今次也是一如以往吃這吧~相信大家都吃過元氣，食物的質素是不容置疑的。但是，這間上環的上菜服務快得令我驚訝，我們才剛坐下來，點好菜，茶還沒來得及來，食物便從輸送帶送到我們面前了，而且是源源不絕地送上來的! 基本上不到十分鐘，所有食物都來齊了，如果下班很餓的朋友，我絕對推介這家元氣，比茶餐廳更快哦! 但是食物的質素一點也沒有改變，我最愛的日式蒸蛋仍舊香滑又多汁，烹調得剛剛好，不會太熟太生!晚上8點後入座可以要等一下桌子，我們七點半入座，便沒有要等的問題。但是要等的話相信也很快啦!

i came here last time and it was good.when i came today, quality seemed to go down by a lot: grilled eal and grilled mackerel were both burnt, assorted sashimi platter was plated horribly and matcha crepe cake served as frozen as an ice block"train" service is also pretty slow but that is expected as it was the same last timecool concept with the automatic train, but probably not an ideal place to go if you're looking for food with good qualitygood to go if you have kids with you i guess... or i

等人收工去食飯😆😆😆所以間中都會係呢到食下壽司🍣，每次都食得超級満足，次次都食到高高的碟，價錢唔算貴，座位亦舒適，我最鍾意食螺刺身壽司，所以就連續食左幾碟😂😂。但就不是每次都食到，可能係有季節因素，其他刺身又爽甜，不過師傅做的壽司飯就差左D，唔夠黏，一夾就散曬😰燒靖魚又是我喜愛吃的，燒得夠熱又夠香，好味道。呢個係季節性限量的，咬落卜卜脆，味道也不錯，呢個食落好有口感，係甘食下食下唔多覺又...................😅😅😅😅😅😅又係食到飽飽的............😋😅