元朗合隆潮州粉麵 (德仁街)

營業中

休息中

環境 3分：大排檔格局，四周圍都好綠色，圓枱圓櫈搭枱制，樓底非常之高，又有風扇呀，同冷氣，坐低未食熱嘢前真係好涼爽。午餐時間日日都要排隊等位，好在橫行有帳篷，唔使曬太陽，有Ｄ花花草草你望下，大排檔嚟講算好企理，不過比盡都只係三分。衛生3分：大排檔開放式廚房，任睇唔嬲，地方都OK乾淨。Ｄ污漕碗碟同汽水樽都好有系統地分囇桶，衛生好過平時Ｄ大排檔，可以加佢一分。但枱面D公家筷子同辣醬就油立立，要扣返佢一分。服務 4分：樓面夥記都好有禮貌，門口阿姐又要搞外賣又要mark位，忙極都仲好好面口，帶位阿叔記性超強，加佢一分。味道3分：叫左碗豬肉青，魚皮餃，黑豚肉餃，三拼銀針粉。個湯底胡椒味好香好濃好嘢味，先加佢一分。Ｄ豬肉青非常非常爽，又甜，再加多佢一分。但個黑豚肉餃除左話個皮薄之外，入面Ｄ料就好瘦，扣返佢一分。魚皮餃又唔靚，再扣多分。抵食 3分：大排檔有冷氣，三十九蚊碗三拼粉都算夠大碗，正常抵食，可以畀三分。

據聞是朋友的朋友開的，朋友讚不絕口，心思思想試下，這次真的是特地去，位置不算方便，至少我在金鐘上班去有點遠，下巴士後還要走一段路。下午茶時段去，一人一枱，唔使等。不太好豬什，惟有豬大腸，點知沒有，失望。安全啲點了魚皮胶和牛脷雙拼河粉，牛脷很鮮味很香，魚皮胶肉地也很實淨很大粒，可惜只有兩粒，唔夠喉，最讚賞是湯底，很好喝，應該不含味精，配搭起全個河粉水平很高。我沒有撻朶，亦不需要，服務好親切，是用心做的小店，雖然選擇不多，但細想一下，集中做好一些招牌款式更好，好喜歡這類有人情味的店，我諗下次真係要突破下自己試試豬什。

早排見到新開店，每次行過店內都坐滿客人，今日午餐專登走來試試。職員態度很讚👍 效率快，食物質數有態度，100分。特別推介這店的魚扎 ，好好味😊❤❤ 。炸魚皮同出面普遍的唔同，口感好正。👍😃😃😃😃

之前夜晚行過好想試，今日終於 的起心肝約埋鐵脚同事一齊去食晏。食晏時間好多人，但好快已經有台。我叫咗豬粉腸，魚皮餃，鮮牛脷豬油撈飯，仲有脆門鱔魚皮同金銀花茶。同事叫黑豚肉餃，鮮牛柏葉銀針粉同醉雞翼。 我些牙咗d餸。鮮牛柏葉係黑色個隻，爽口！黑豚肉餃係堅有豚肉味醉雞翼夠味，但好實，筷子好難篤入。豬油撈飯夠晒豬油香，可惜d飯有點硬，不過因為餸係連湯上，可以撈d湯食豬粉腸，好怕出面個d細鋪駛唔干爭，但佢真係洗得好干爭，爽口彈牙鮮牛脷，夠膽寫明新鮮牛脷，當然要試，果然夠新鮮，同個d急凍真係兩種食法。魚皮餃係堅魚皮餃，唔似其他粉麵鋪個d層皮得個煙靭感冇魚味。附帶一提係佢地自家製辣菜餔，唔食得辣既要三思。

灣仔新開張潮州粉，主打每日新鮮豬雜🐷仲可以揀銀針粉👍🏼每款豬雜都處理得女子乾淨，冇異味，小弟最欣賞嘅係佢嘅粉腸，真係非常之「粉腸」😂 店員話佢地嘅湯底以豬筒骨、雞腳、螺頭熬製十多小時，由朝煲到晚，顏色清徹但味道濃郁👍🏼👍🏼又好似真係冇味精😏因為我食完之後幾個鐘都唔係話好口渴！本來我係想試佢嘅銀針粉，但係七點鐘去到已經話賣晒😢😢不過佢個米粉都唔錯鍾意食豬雜嘅朋友仔可以去試吓🐷🐷🐷🐷

灣仔區巳經食到悶悶地，難得見到有新粉麵舖開張。即刻去了解下。舖位之前係一間車房，樓底好高，堂食應該坐得舒服嘅。呢度主打豬雜，心肝脾肺腎都有齊，日日食就梗係無益啦，間中犯罪當平衡下心理。除左配粉麵飯，重有少見嘅銀針粉。炒就話姐，放湯我覺得唔係好啱channel。買左碗細豬雜油麵$29，加一份菜芯$13外賣。返到公司一打開，嘩！大大細細足足有七個膠盒:湯、麵、菜各一大盒，然後蠔油魚露辣油辣菜莆又四小盒………………其實係細心嘅，只係搞到我有D內疚講返碗麵，個湯幾香幾甜，只係調味重手左少少，唔及得西營盤永記同埋潮洲人做嘅清甜。麵底加左䓤粒芹粒同芽菜，食麵之餘重有多D唔同嘅口感。材料係非常咁豐富，正如個餐紙所寫，又大腸粉腸潤，豬心豬肺豬肚豬脷一大堆，每一件你都可以睇得出又食得出果種新鮮，果種乾淨嘅內臟香。塊豬耳，咬落去啪啪聲，豬肺同豬心點DD魚露同潮式辣椒油食，又有另一番茲味，一件接一件唔停得口。另外佢個辣菜莆，一咬落去朕指天椒辣味會即時爆出黎，笫二三口之後越食越辣，係幾刺激架，不過咸香味不足，變左一味死辣咁。$29可以食到咁嘅質素，份量，實在抵比個讚嘅D同事見我話好食，黃雨都要走去買兩碗返黎食

經過灣仔見到新開的麵店，門面很廣闊，原來是使用側門出入，一進去發現樓底特別高，感覺很舒適。店員告知現在是試業期間，所以聽到其他食客也有比意見，其中一個叔叔講得特別誇張，灣仔終於有似樣的麵店🤔，跟住我自己在一星期內去了光顧兩次 🤩🤩第一次點了油菜（分量十足六條粗粗的菜心），黑豚肉餃子及豬肉青（有別於其他豬肉，肉質彈牙）米粉，豬骨湯是甜甜的及有芹菜和芽菜。想點的反轉豆卜已經沒有了，店員建議我吃門鱔魚皮店，一個人吃不到一份，店員給了我兩片，厚厚的炸魚皮有別於其他。店員告知可以自己拿菜甫，喜歡吃辣的我當然不會錯過，想知味道自己去食 😁😁第二次吃了魚片頭油麵加一碟炸魚皮，爽晒，意外地這個油麵不太肥膩我還影了別人的豬油撈飯， 很吸引，所以下次再去一定要試一試😂