元朗合隆潮州粉麵 (德仁街)

營業中

休息中

聽朋友講呢間餐廳長期排長龍，今日離遠見到唔洗排隊就衝過去，原來都要等一陣位，好彩都係10分鐘左右就入座。係等位期間睇睇到底係食咩嘢咁把炮可以咁多人排隊，見到係港式嘅粉麵，豬雜似乎係鋪頭都出名但由於本人唔係所有豬雜都食，所以就無揀。見餐牌上面醉雞都有手指公係隔離，於是乎就揀咗個醉雞撈麵，撈麵係聲稱用豬油撈。入座後就落單，上菜速度都好快，醉雞分量都算多，撈麵好香，而撈麵另外仲跟咗碗湯添，本來以為碗湯係普通比人濕下嘴，點知一飲就係胡椒湯底嘅湯，又甜又辣好惹味！好飲到我下次食會想叫湯麵。醉雞面頭個層無掂到汁就無乜味，要浸返落去先食到醉雞味，雞唔算特別滑但有雞味，可能始終唔係主打菜，整體只係一般般。撈麵味道唔算超濃但係有豬油香嘅，加埋鋪頭特制辣椒油就豐富啲，但由於佢麵係只有油麵揀，個人比較喜好粗麵，所以未到十分滿意。整體其實味道唔差，只係下次再食會自選湯麵，感覺上選擇更開心滿足！

真係失覺晒嘞，原來呢家店全港已有六家分店，我竟然未聞大名添！它大字標題推介胡椒湯底，與爆汁牛肉餅，我覺得颇特别於是試試。另一特别，是可以叫：銀針粉。於是我要了，胡椒湯，銀針粉，牛肉餅，鱼皮餃。合共 ￥48。胡椒湯不错。牛肉餅其實與牛丸差不多，故弄玄虚之馬！但也不錯！銀針粉，有新鲜感，但其實跟吃米線頗類似。份量 OK, 收 $48 也合理，皇后大道東是貴租地段。店内也很整潔，座位不太逼。我加了辣椒油与辣菜脯，哇！原來是非常辣的。現今罕有咁勁辣的，恍惚回到了 30 年前！結果，太辣，我要了一瓶菊花茶。 $12。竟然是非常深颜色的菊花茶！這也是古風。也算是 古早味！

已經連續兩次畀錯我。因為唔想食辣，特地＋3蚊轉清湯，結果次次都系畀我胡椒湯底。上次我投訴openrice，結果打過來電話講退3蚊抑或下次免費轉清湯。呢個唔系3蚊問題，系辣到成個餐完全唔得食。呢次專登返回店鋪換，竟然唔系重新做一份畀我，而系將原嚟嗰份倒掉胡椒湯底，加入清湯。結果仲系有辣味。因為上次嘅經驗，呢次攞餐時特登check佐收據明細，結果收據寫豬骨清湯，但實際系胡椒湯底。以前呢舖頭胡椒湯底冇而家咁辣我和同事間中都會幫襯，後尾因為量少同事食唔飽，就只有我幫襯。但呢兩次體驗真系太讓人失望。

之前要成日排好耐先有得食，今次去灣仔試吓。保持到水準，叫咗細豬什銀針粉，最愛，胡椒湯，夠勁，驅風一流，又夠味，豬什無臭味，唔太老。蠔仔泡飯芫荽味重，正呀，大大粒蠔，嫩細冇沙。價錢合理。

2/5裝修有特色，座位空間也足夠，乾淨企理。醉雞先到，淡淡嘅甜味，酒味唔重，唔太香。雞皮爽滑，但係雞肉爭小小。胡椒豬肚湯，胡椒味超級重，個人認為過火咗少少。豬雜類都偏乾身，豬油唔太香。自家五花茶少甜好飲，菜莆辣勁十足也非常好食。

成日食港式粉麵，今日轉轉新口味！🔸豬什銀針粉胡椒湯底非常濃郁，少少胡椒，天氣涼涼哋非常合適！豬什新鮮乾淨，烹調剛剛好，唔會柴實👍🏻🔸上湯白蘿蔔蘿蔔非常清甜，配上胡椒湯底perfect!個人覺得如果下次嘗試撈麵嘅時候，可以再配搭上湯蘿蔔，咁就可以又有撈麵，又有啲湯暖胃～🔸花雕醉雞雞件非常入味，亦都唔會太過肥膩👍🏻總括🔹經常食港式雲吞麵的話，想轉轉口味可以一試潮式胡椒湯底粉麵！小食都有唔少款式，下次再試招牌墨魚頭～

好搞笑地明明間本店係開喺灣仔，因為咩會有元朗呢個招牌呢？原來元朗合隆潮州粉麵招牌寫住「元朗合隆」，是潮州人老闆為紀念爸爸當年50年代喺元朗開辦的合隆冰室😆 大家千祈唔好去錯元朗揾嚟食主打嘅豬雜麵一碗有勁多款式，每一個部位都有唔同嘅滋味。而且全部都清得好乾淨無異味，好有心而個暖心暖胃辛香惹味白胡椒湯底正不特只，食嗰時記得要加埋勁正嘅辣菜脯同香到不得之了嘅潮州辣椒油。好香又辛辣🥵越食越刺激！脆門鱔魚皮同平時一般魚皮比厚身好多，油香豐富，香脆嘅魚皮索咗湯之後個口感更一流佢哋完全無一般中式粉麵舖油冧冧，地下滑潺潺嘅感覺！連個筷子筒都係爽身，可見清潔做得好足，呢點好值得欣賞呀👍

24-10-2023 (Tue)老公生日同佢放假,由於我哋book咗呢晚去中環嘅東歐餐廳(https://www.openrice.com/zh/hongkong/r-%E6%9D%B1%E6%AD%90%E9%A4%90%E5%BB%B3-%E4%B8%AD%E7%92%B0-%E6%9D%B1%E6%AD%90%E8%8F%9C-%E9%85%92-r499161)食晚飯,而我哋又冇咩嘢做,於是不如過咗海食晏先,我就提議去灣仔BakeHouse(https://www.openrice.com/zh/hongkong/r-bakehouse-%E7%81%A3%E4%BB%94-%E8%A5%BF%E5%BC%8F-%E9%BA%B5%E5%8C%85%E5%BA%97-r558300)食,佢就係咁search灣仔美食,就Search到呢間,佢生日就就佢啦.我哋嚟到時啱啱好多人,因為Lunch hour嘛,咁我哋拎定紙仔睇同填定先啦,由於要留肚,所以都唔敢揀太多嘢,我就要自選湯粉麵,清湯底,要豬心同豬肚配銀針粉,盛惠＄45.00,老公就鎖定要豬什豬油撈麵.等咗８分鐘就有位,交咗張表

今晚帶仔仔來食牛肉米粉，但是明明圈了鮮牛肉，員工就打錯單，來了羊肉米粉，仔仔細個又唔識表達，食到有少少作嘔，此終有羊蘇味，仔仔食唔慣。最後，查看單據才知道員工打錯單，但並沒有作出補救，對餐廳太失望了，若果小朋友有食物敏感，真的很危險。雖然如此，他其他食品也可以的。魷魚鬚也幾新鮮，爽口。今次我試了蠔仔泡飯，蠔仔生熟程度岩岩好，湯低香香的胡椒味，若在冬天食十分暖身。餐廳環境也可以，地方寬闊，不會太迫。

Although its name mentions Yuen Long, this noodle shop is in fact no longer operating there. It has got three outlets, with the main branch located in Wanchai Tak Yan Street. Looking from afar you might think it is closed, with the green shutters pulled across, but seeing through the glass door they are in business, with also customers queueing at the ‘side door’ waiting.After a short wait we can go in. The place has a traditional, no-frill décor but everything is clean and neat, with decent spa

星期六放半晝，超熱嘅天氣唔想叫媽咪出街食晏，又住喺美食沙漠，唯有買啲好嘢返屋企同媽咪食啦！喺門外有點餐紙圈好要食咩，入去俾錢再喺門外等最愛白胡椒湯，媽咪要魚片頭同魚蛋河粉我揀咗鮮牛脷同爆汁牛肉餅油麵，最鍾意店家分開湯裝等咗一陣就拎得返到屋企啲湯仲熱辣辣魚片頭同魚蛋都爽口牛脷好味，原來油麵唔係好夾個湯，下次揀米粉先特別推薦爆汁牛肉餅開頭諗咩嘢叫爆汁牛肉餅？叫嚟試吓點知係牛丸嘅《變奏版》超·級·好·味好濃牛味之餘仲好juicy我同媽咪都飲晒啲湯，超好味

佢未做網紅店前食過 網紅排長龍時候食過 最高峰啲人會排兩個鐘 排到7-11個位 依家lunch time 多數去到佢間鋪一半落地窗無論係味道、服務態度同份量，感覺都冇以前咁好。網紅熱潮過咗，唔太值得排隊2個鐘囉/等咁耐外賣。（唔建議加計粒既餸 完全唔抵）自取時間13:02 但係入單廚房係13:05 完全唔解釋會遲 淨係話出緊 跟本個客黎到都未入單都可以講聲啦 個個員工都問幾次no. 問完又唔答 慢過現場嗌外賣 要食呢間可以現場嗌 堂食更加快

豬什湯粉麵(細) $43佢地最出名就係招牌白胡椒湯底，咩都想試下又唔介意食內臟就最好揀豬什🐷，貪心之選😂麵底有米粉/河粉/油麵/銀針粉/淨餸揀，我今次就揀左河粉。一黎到就聞到胡椒味好香濃，細碗女仔都已經夠飽🤗豬什包括豬潤、豬粉腸、豬大腸、豬肺、豬肚、豬脷、豬耳等，食內臟最怕有陣臭味，但呢到全部洗得好乾淨👍🏻一路食一路忍唔住飲埋佢啲湯，河粉完全吸哂啲湯既精華😍不過唔鐘意食青既朋友仔就要留意啦，佢呢到特別啲會有芹菜，唔食記得係最底剔返走芹菜啦❎

之前經過灣仔見到個招牌寫住元朗覺得好得意，俾佢個招牌名吸引咗，不過一路都冇去試，因為平時經過都見到好多人排隊，今次見唔使排隊直入去試吓啦！我嗌咗個豬什豬油撈麵，喺香港越來越少食到豬油撈麵喇！佢嘅豬什系會配埋胡椒湯一齊上，超正超好飲。豬什本身唔係我鍾意食嘅嘢，不過我見平時好少有得食就試吓啦。豬油撈麵我就唔係好食到好香嘅豬油味，不過個豬什份量都好多，最緊要嘅係佢價錢一啲都唔貴，50幾蚊就有啦，都算幾抵食，同埋個環境都算幾乾淨，絕對值得一試推介指數：8/10

今次要講，係呢間係全港最乾淨又好味嘅潮州粉面舖😊以前有間合龍喺跑馬地，佢嘅酸辣粉超級好食，唔係四川嗰隻酸辣，而係泰式仲要有片檸檬嗰隻。去到每次見到事頭兩公婆黑口黑面互不遷就，我仲覺得做人咁唔開心為乜😅😅，之後佢冇做啦，但係我又真係好鍾意食，所以上網搵吓仲有冇合龍喺邊，就俾我搵到呢一間，但係食嘅嘢完全唔一樣，反而似西環永記嗰啲豬雜粉。呢間舖頭嘅豬面青好好食，辣菜譜真係辣到飛天。胡椒湯底好好味。仲有佢有個牛腩飯都好好食。仲有仲有必須盛讚：佢係我見過最乾淨嘅粉面舖，你睇吓佢啲筷子筒、辣油樽，店主應該有潔癖，我好鍾意😆！但係我都仲係好掛住跑馬地嗰個泰式酸辣粉。