元朗冰室

營業中

休息中

今晚遊走尖沙咀街頭，毫無頭緒食咩好🐻熊大人一眼就俾門口“厚豬扒”三隻大字吸引左入去 👍環境比一般茶記光猛整潔，但座位未算舒適好坐，可能刻意唔想人坐得太耐😂見檯檯都食既厚豬扒，應該係呢間餐廳招牌作。叫左個特餐再+$10轉豬扒厚豬扒確實夠厚，尚算有肉汁，質地亦唔靭，可惜炸得略為油膩，而且鬆肉粉亦重手左，肉質稍為鬆散左少少😪至於特餐的炒蛋唔錯，有蛋香，但多士唔夠鬆軟不過蒜味幾足，茶記黎講都係合格呢個特餐，味道中規中距，勝在平得黎作為晚餐都夠飽肚

服務態度差 又要搶人單睇漏乜走開就當左催單 咁好既態度 真係叫佢唔好做又有個待應是但應一兩句 就當應左條問題睇佢地個樣個個都唔關佢事咁叫個焗豬扒飯 都要等半個鐘仲要明明個焗飯係先叫 都可以俾其他台

元朗冰室以「厚切豬扒」及「豬扒」嘅菜式為招牌菜, 咁理論上, 佢嘅豬扒應該係: 用料靚、製作出色。但豬扒有幾明顯醃肉分嘅味道。呢篇食評好難寫。佢地價錢公道, 抵食; 烹調手法亦唔錯, 廚師煮得好好味; 服務亦唔錯, 侍應經理都招呼周到、有禮貌(除了收銀員外)。宵夜時段我哋嗌咗兩個都有豬扒嘅菜色: <厚切豬扒飯拌蓮藕餅> 及 <厚切豬扒飯配司華力腸> 飯ok、蓮藕餅ok、司華力腸ok、 配菜都ok。兩塊豬扒外型都ok, 睇落炸得好好味。 與其中一塊感覺比較薄啲, 薄啲呢一塊就出事喇: 肉質好淋、好霉, 非常重醃肉粉嘅味道(重度有啲苦)。無法進食, 所以叫服務員玩過一份。佢哋好好, 了解過情況後, 幫我哋製作過一塊出嚟, 叫好好多: 厚、炸得靚、肉實, 但仍然食得出有醃肉粉味道。總括嚟講三塊豬扒, 都有醃肉粉嘅味道。以我所知, 比較好及健康嘅做法, 係應該係用蔬菜去處理豬扒嘅醃製。<紅豆冰> 好好飲, 好香椰奶味, 紅豆大粒, 時間啱啱好, 軟硬適中。<熱奶茶> 香滑可口, 茶味適中。

同朋友下午茶時間去到尖沙咀肚餓到決定唔到食咩好經過見到呢間某餐廳大大隻字寫住「有件厚豬扒等緊你」就被吸引左入去見到呢到個個台面都係豬扒就知呢個主角一定唔野少一於試試個DOUBLE厚豬飯見到塊豬扒真係嚇親 好大塊而且都真係貨真價實既厚豬我目測都有這2-3cm厚淨係食豬扒都飽了個飯仲可以加$5加一碗辣肉醬無淨撈豉油咁dry 不過都真係幾辣不適合怕辣人士試左厚豬就試埋隻大雞脾雞脾個餐有碗埋一碗辛辣麵同蒜蓉多士相比起雞脾就較普通 亦唔係相像中咁大味道較濃 配埋個淨麵食就岩岩好 套餐加5蚊可以要紅豆冰紅豆都幾多同大粒 仲算粒粒分明但椰奶好淡同稀 較失色

要係尖沙咀揾一間平靚正既茶記真係唔容易今日係尖東揾食俾餐廳門口既招牌吸引到「厚豬排專門店」😍令我二話不說就入左去試下🙈叫左個下午茶餐鮮茄焗厚切豬排飯 $52🍛一上菜果下嚇到我塊豬排有我手掌咁大2隻手指咁厚心入面當堂叫左出黎😱而且咬落去都幾鮮嫩多汁飯底又炒得夠熱真係一個驚喜👍👍 元朗冰室地址: 尖沙咀金馬倫道48號中國保險大廈地下A2號舖電話: 26032686小編介紹：我叫亞坤新手食評家鍾意煮好野 食好野如果你都係愛吃之人可以follow我既IG同Facebook會有更多既飲食資訊IG: marquezkitchenFacebook: Marquez Au Yeung 亞坤廚房

位於金馬倫道嘅元朗冰室，主打厚切豬扒，食肉獸可能都會感興趣，行下行下唔知食乜好，就決定入去會一會傳說中嘅厚豬扒。2人同行，一人叫左一個餐。分別係Double厚豬扒飯同大雞脾配辛辣麵+蒜蓉多士。講番塊招牌厚豬扒先，的確係夠晒厚而且肉質又軟腍得黎唔會太淋或太韌，煎得又幾香口，確實唔錯嘅。不過配菜就hea d咁，同埋冇諗過係配鼓油汁，雖然都唔差嘅，但總覺得配番蒜蓉汁呀黑椒汁之類好食d。至於辛辣麵就普通辛辣麵，多士係淋嘅，而雞脾亦炸得唔乾身非常油，所以我成個皮起左冇食。價錢都係一般冰室價中規中矩，唔會因為開喺尖沙咀就貴左好多。不過真係除左塊招牌厚豬扒外，冇咩可取之處咁。

每日尖沙嘴午餐時間都非常煩忙，依間元朗冰室勝在多位，唔洗驚無位坐，午餐選擇非常多，以厚豬扒做主打，豬扒非常厚，但又唔會好乾，仲非常Juice，司華力腸皮好脆，午餐頂肚既一流選擇。

因想喝奶茶，紅磡冰室的又不怎麼樣，於是再次光顧元朗冰室。多士 - 怕太熱氣，特意點非蒜蓉多士，豈料變成薄方包，而且烘過頭，侍應更忘記走油，結果入口又硬又油。炒蛋 - 更令人崩潰的是餐廳將炒蛋放進了米粉？！習慣將炒蛋與多士混在一起吃，現在蛋濕透後幾乎嚐不出什麼奶香蛋味。雪菜肉絲米 - 正常、肉絲偏少味淡。奶茶 - 奶比例較少、偏稀。下午2時多喝，晚上竟然失眠，不知有沒有關係。冰室座位和空間寬闊，但冷氣的溫度逼近雪櫃。不久前在長沙灣分店吃早餐是可以的，這次失望透頂，一星期吃一次常餐的quota就這樣毀了。反而友人點的焗豬十分吸引，裡頭竟有炒蛋，或許應點餐廳標榜拿手的厚豬扒才對。

尖沙咀「元朗冰室」其實開咗一段時間但個個都話岩岩開唔好咁快好食🙊🙊🙊有日突然間食厭咗平時間茶餐廳就走咗入去食佢好多都係豬扒⋯⋯同埋豬扒係要加$10咖🤪🤪🤪豬扒真係好大塊同厚身、好香、彈牙、有肉汁係正ge👍🏻👍🏻👍🏻之後，同日下午，食埋個午餐😂😂😂三色蒸水蛋好滑🤤🤤🤤🤤🤤不過...我每次叫飲品都俾錯咗我😵😵😵我要「凍齋啡。走甜」成日都唔記得落單走甜🤦🏻‍♀️🤦🏻‍♀️🤦🏻‍♀️搞到我又要換過杯，做大嘥鬼😵😵😵

每日尖沙嘴午餐時間都非常煩忙，依間元朗冰室勝在多位，唔洗驚無位坐...午餐選擇非常多，已厚豬扒做主打，豬扒非常厚，但又唔會好乾，仲非常Juice，實在午餐頂肚既一流選擇！

朋友推介呢間「厚豬扒專門店」的豬扒大件夾抵食，而且又喺公司附近，所以Lunch Time同同事去試下~好多人~ 但都即刻有位，可以入座~我揀左歐美全日早餐，好豐富~  牛角包好鬆軟~ 炒蛋亦都好滑~ 仲有個沙律、青瓜同蕃茄~ 感覺無咁heavy~ 豬扒煎得剛剛好，雖然係厚切，但十分入味，肉質軟腍，有肉汁~同事揀左Double厚豬扒飯配豉油汁，果然夠厚身，切開見到肉汁，食落口嫰滑又幾入味~ 份量十足，非常抵食~

今日去咗尖沙咀按摩，按完都差唔多九點幾，大部分餐廳都開始Last order，好彩搵到間開到零晨嘅冰室，冰室環境超寬敞，坐得好舒服，待應都好有禮貌，朋友覺得凍，佢哋都會主動過嚟問下我地洗唔洗閂細啲冷氣，非常細心，講到食物就比佢地個辛辣麵餐牌吸引住，我地叫咗厚豬扒，因為見到佢地裝飾大部分都係豬仔，厚豬扒肉質鮮美，仲一啲肥肉都無，超好食，蒜茸多士大大件充滿蒜香，辛辣麵有誠意咁加咗啲菜，如果唔食得太辣可以叫小辣，整體嚟講，尖沙咀食宵夜呢間冰室絕對係好好嘅選擇。

我的午餐系列第14篇。元朗冰室，隔了幾個舖位是紅磡冰室，而我現在身處尖沙咀，時空交錯的令我以為有隨意門，3秒遊走於三個不同地區🤣說完笑，說回食物。這間冰室我之前已试了下午茶，吃了厚切豬扒和pizza，覺得它的出品是比一般茶餐廳有誠意。所以，今天特地過來吃午餐，我點了個鹹魚蒸肉餅飯，那塊肉餅很有厚度，而白飯上枱也是熱的。咬了一啖肉餅，滿嘴都被肉包圍，不是那種薄薄一片的口感。那杯凍檸茶也有茶味，整體來說，這間冰室的出品算是很高了。　

其實元朗冰室食物質素唔錯，但服務就真係一般。。有d待應好似黑口黑面!個冷氣凍到好似想趕客走，問他可否較細小小個冷氣。。勁悔氣話無得較都係方便同食物ok先再幫襯。。不過嘢食到左都好快就凍左，因為個冷氣太凍

我同老公都好鍾意去深水埗嗰間元朗冰室食晚餐因為覺得啲豬扒又好食又大件，而且其他餸都不俗所以見到尖沙咀新開都好期待不過老公係尖沙咀返工就自己偷偷地黎試咗一個午餐老公報告話呢間比起深水埗差左，所以我同老公係冇嚟過呢度食午餐同晚餐嘅不過今日想食早餐，就同布歐去試下有幾唔好食啦賣相okay，D蕃茄容好夠味有蒜蓉厚多士👍🏻仲有一杯熱飲我又唔覺得好差啫，起碼有味，而且牛肉又唔少，我仲差不多飲哂D湯添🙈早餐Okay 喎😎