36
25
5
營業時間
今日營業
06:30 - 03:00
星期一至日
06:30 - 03:00
有關餐廳
食家推介
響元朗無分店既元朗冰室主打厚豬扒專門店，其實我覺得塊炸豬扒唔算好特別，肉質都算嫩，唔會柴皮或太乾，但幾油膩下。不過算係幾大塊同幾厚身，如果叫Double厚豬扒應該幾震撼！厚豬扒飯$55可配上另一個餸，司華力腸同蓮藕餅都係炸物，正正常常都唔錯。朋友追加個辣肉醬$5，原來撈飯好好食！我試左一啖都即刻叫多份黎撈飯，辣辣地又香口，真係非一般既邪惡！特別讚一讚個飯有跟少少菜同粟米粒，唔係成餐都食肉真係唔太健康。
繼續閱讀
以豬扒作招牌的茶餐廳。個人喜歡尖沙咀店，以前是開到零晨3點～岩哂宵夜一族。而我每次都會叫豬扒，有時豬扒餐碗沙律🥗🤤大大塊豬扒，軟身又多汁🤤🤤而另一個推薦，就是辛辣麵餐～不過要等下午2點半後先會有。
繼續閱讀
晚上七點零鐘去到，之前亦都經常嚟，見呢度環境尚算舒服，食物質素不太差，所以係沒其他特別選擇情況下，都會光顧，今次亦冇特別，亦不太講究，純粹揾處地方去醫下肚，今晚嚟到，外邊位置已有八成入座，只好選擇餐廳較入位置，近出品部後方，最接近收下欄位置，今次精彩囉，全程不斷噪音滋擾，換句話說係清潔部同事，處理碗，碟，用暴力去發洩，發出極頻率嘅撞擊聲，有多次係用冧樓式聲浪嚟形容，真係有啲得人驚，我現在才發覺，原來用輕力係做唔到效果㗎，所以要用重力，但都顧及下顧客感受吖，其實，發脾氣同發洩式做事，只會令到自己梗加唔開心，與其為生活而工作，倒不如欣然接受命運安排，如果感到不滿，辭職在家，坐以待斃都未曾一個好嘅解決辦法！
繼續閱讀
是日大約1:30pm去食去到先係風口吹到頭到痛 勁大風 問呀姐可唔可以調位 點知勁無禮貌話出面都有人等 咁我又唔係霸你兩張枱 關有無人排隊咩事跟住另一個點餐呀姐仲好笑我地2個人本來叫左一個飯 諗住叫多個辛辣麵餐 但呀姐話2點先有 咁我地話轉頭再落 諗下再叫個時我地都無為意結果諗到食咩啦 再叫個陣 首先個呀姐已經多次無視我地 叫左好多次先落單然後我地叫左第一個就走左去正當我想話 我2個人叫一個餐你就走都走唔切？無啦啦上左杯野飲 原來呀姐私下自己竟然幫我落左第一次個個餐Wt? 你同我講未到2點你得賣 我話再睇下諗下食咩 你走左去同我落餐？跟住仲想屈話個飯出左啦 想擺我枱如果你服務好d態度好d 我都算跟住我地問佢咁其實你幫我落左幾多個餐點知呢位呀姐又轉頭走鬼左佢左走右走 死都唔理我地然後幾經辛苦叫到個好似經理既人點知同呀姐一樣無禮貌 仲暗串我地咁你宜家想落咩呀又嘩 真係想即有走人 但佢又屈左杯凍檸茶放我地枱面跟住野食黎到 當然垃圾 個烏冬係噹噹最差個隻烏冬 招牌厚豬扒只係一塊普通豬扒 唔覺待吃厚 特別好味 真係呃鬼人咁樣叫特色豬扒 ….
繼續閱讀
一早出黎尖沙咀 整完野見時間仲早 經過見到諗住食個早餐點知都中伙金牌沙嗲牛肉麵炒滑蛋配蒜蓉多士熱奶茶呢個組合正常黎講唔會差得去邊點知.. 蛋好似溝水咁 唔滑又水沙嗲牛肉麵 牛肉差 個味唔掂 個麵太淋熱奶茶 唔知自己飲緊咩🥲最後就係食到咁 埋單
繼續閱讀