元朗冰室

位於金馬倫道嘅元朗冰室，主打厚切豬扒，食肉獸可能都會感興趣，行下行下唔知食乜好，就決定入去會一會傳說中嘅厚豬扒。

2人同行，一人叫左一個餐。分別係Double厚豬扒飯同大雞脾配辛辣麵+蒜蓉多士。

講番塊招牌厚豬扒先，的確係夠晒厚而且肉質又軟腍得黎唔會太淋或太韌，煎得又幾香口，確實唔錯嘅。不過配菜就hea d咁，同埋冇諗過係配鼓油汁，雖然都唔差嘅，但總覺得配番蒜蓉汁呀黑椒汁之類好食d。

至於辛辣麵就普通辛辣麵，多士係淋嘅，而雞脾亦炸得唔乾身非常油，所以我成個皮起左冇食。

價錢都係一般冰室價中規中矩，唔會因為開喺尖沙咀就貴左好多。不過真係除左塊招牌厚豬扒外，冇咩可取之處咁。