元朗冰室

今日去咗尖沙咀按摩，按完都差唔多九點幾，大部分餐廳都開始Last order，好彩搵到間開到零晨嘅冰室，冰室環境超寬敞:)，坐得好舒服，待應都好有禮貌，朋友覺得凍，佢哋都會主動過嚟問下我地洗唔洗閂細啲冷氣，非常細心，講到食物就比佢地個辛辣麵餐牌吸引住，我地叫咗厚豬扒，因為見到佢地裝飾大部分都係豬仔，厚豬扒肉質鮮美，仲一啲肥肉都無，超好食，蒜茸多士大大件充滿蒜香，辛辣麵有誠意咁加咗啲菜，如果唔食得太辣可以叫小辣，整體嚟講，尖沙咀食宵夜呢間冰室絕對係好好嘅選擇。