傷心酸辣粉 (桂林街)

營業中

休息中

午餐入去食個涼拌米線，見到該頁餐牌內的右下各位置，註明:粉麵加配三食材或以上送冷熱咖啡茶一杯。到賬單放在枱上時我發現問侍應，她再問經理，之後就話我知，你叫嗰碗係無喎!個位阿姐仲話我，你點嘅時候無問清楚!（到底係咪個客問呢？）本人覺餐牌所寫的內容，好明顯係有誤導。

一直都係傷心酸辣粉既粉絲, 由最初得深水步一間小店, 到依家全港咁多間分店, 做到好有系統, 味道菜式更多樣化.今晚點了皇牌二人套餐, $138, 可選A, B, C各一款。 分別叫左 A - 皇牌口水雞, B – 海蜇脆耳,C – 酸辣土豆絲, 仲有兩碗傷心酸辣粉。A - 皇牌口水雞, 口水雞係每次必食的, 雞有口感, 有雞味, 配香脆花生加埋口水汁,好正, 口水汁酸辣麻有齊B – 海蜇脆耳, 海蜇加脆耳都係爽脆野, 仲有青瓜絲墊底, 好開胃。C – 酸辣土豆絲, 土豆絲爽口, 酸辣岩岩好, 土豆絲一絲絲好索汁, 醒胃。傷心酸辣粉, 雖然落單果陣已講左個粉要爽口D, 可惜今次好失望, 太過淋, 甚至一夾就斷, 完全唔似紅薯粉, 紅薯粉應該好Q, 好彈, 有勁道。 湯底夠濃,  酸辣混合, 有一種複雜既味道, 令你一口接一口咁食, 有人食到成頭汗, 有人食到流鼻水, 所以食呢D野一定要自備紙巾。加左一杯凍飲+$5, 埋單$143

好耐無食過傷心酸辣粉💔酸辣粉的始祖🤭一直都好喜歡QQ的口感雖然好怕辣，叫左BB辣😂😂上到枱真係無咩色。睇落早知應該叫小辣2人餐 -$138包括2碗酸辣粉再加3個小食，再配飲品價錢很親民12:00am入座更有8折的優惠酸辣粉無我想像中咁qq彈牙口感，比以前食差左好多麻辣脆耳 - 不夠入味。得辣味。似飛水之後加紅油酸辣土豆絲 - 很惹味。酸酸辣辣好開胃。食吾停口招牌口水雞 - 斬得吾好。好多碎骨。但有雞味。都吾錯

Really hungry last night, so my girlfriend took me to have something to eat. There were not many people in the restaurant but full of staff (5-6 staff). We ordered Set A dinner for 2 persons. There were varieties of selections at HKD138. The price was reasonable.

依幾日開始回南天，潮濕既天氣下，成個人都唔聚財😖朋友話不如食d辣野醒醒神，所以上完堂就去食酸辣粉。入到黎朋友見到雞煲，佢話好想食，所以我地轉軚叫左個「重慶麻辣雞煲-BB辣」雞肉好嫩滑，又香麻辣味，BB辣連我怕辣既人都食到配料仲要有莞茜、洋蔥、大蔥、蒜頭。當煲林時，入晒味，又甜，呀！酸辣土豆絲上枱已經聞到好香麻同蔴味，食到酸酸辣辣，好惹味。土豆絲切得粗幼適中，仲要好爽口涼拌米線撈起配海帶絲、大腸、豬手片，都係BB辣米線加左d麻油好香、好滑，而且煮得岩岩好，好彈牙。海帶爽口好滑；加埋脆脆花生，口感好大腸好肥美，好香，超愛豬手切片，食得好方便，而且入味朋友點左熱柑桔青檸蜜，好香柑桔同蜜味我就點左凍柑桔話梅雪碧好濃既話梅味，總覺得配雪碧係最夾食住雞煲飲，仲爽

黎開深水埗黃金嘢買, 好耐冇食傷心酸辣粉了, 找了很久才發現原來佢地搬咗新鋪新鋪內環境好咗好多, 闊落啲, 坐得舒服啲。巧多辣野食麻辣肥腸~中辣 ($46)傷心酸辣粉主打麻辣食品, 點都要叫個麻辣食物頂吓辣癮, 麻辣加肥美猪大腸, 簡直天下無敵, 傷心酸辣粉的猪大腸一點也不肥, 瘦瘦的, 鹵得入味軟腍, 無胛味, 咪睇條腸無肥膏, 茶實入口頗油香的, 又無帶膏肥腸咁食到滿口油, 個人更喜愛。 酸菜原條海班烤魚 ($238)烤普通魚同海斑價錢只係相差$50, 咁就梗系食海班啦, 麻辣湯底雖然惹味, 我還是喜歡不太搶味的酸菜湯底, 烤魚較能食出真味。酸菜烤魚湯底除咗大量酸菜外, 還有降脂通腸雲耳、爽口蓮藕、爽脆芽菜、金菇、豆卜及豆干, 湯底雖然放咗大量鹹酸菜, 又唔太鹹, 酸酸地的魚湯底不太搶味, 還能食到海班的魚鮮, 炸過的海班肉質依然嫩滑, 細骨很少, 魚旗炸得脆卜卜, 機乎連骨都食埋。索滿酸鮮魚汁的配菜更覺可口我同朋友掃晒湯底的大量腍滑鹹酸蒜頭, 很好味。 晶絲薯粉（加配$28）薯粉系最正既吸汁良伴, 煙韌又惹味, 煮久了也不會漿口。肥牛（加配$48）食完薯粉, 最後才來一碟肥牛,

今日去左深水埗黃金廣場買上次睇中既電腦同相關配件，買完係附近食埋晚飯先番家本身見到傷心酸辣粉諗住食酸辣粉，但睇到餐牌有雞煲、烤魚、羊腩煲...今晚咁凍梗係要暖暖身所以....我地決定叫重慶麻辣雞煲、毛血旺同兩款小食呢間店好處係佢既辣度由BB辣到大辣都有，實有一個辣度岩你雞煲係我地面前再煲多陣就食得.....D醬汁真係好香又有少少麻辣，半隻雞份量足，洋蔥片吸收晒d精華好好食.....所以之後我地都叫左碟蓮藕片唔好浪費咁好味既汁～跟住就係毛血旺唔好睇佢咁多辣椒🌶️，其實佢係好香但唔辣架！材料有豬紅、腸仔、牛柏葉、金菇菜、魚塊...最特別係d粉....第一次食，爽既、又吸收左d汁，不錯～小食方面....蒜蓉青瓜 同 涼拌土豆絲都不錯～土豆絲好脆口！呢間連鎖店我耐不耐就去食碗酸辣粉，估唔到佢既煲仔菜式都不錯！下次可以試下羊腩煲同烤魚～

有日０向深水埗果邊行街，一個人唔知食咩好，咁岩經過傷心酸辣粉～反正未試過，所以比個機會去試下。真心原來小辣都可以好辣，可能我食唔慣，不過D 薯粉又OK既~ 下次有機會食其他野先.

本人好辣，慕名而來，豈料失望而回！點了中辣酸辣粉（薯粉）+口水雞。湯是ok的，但粉真的不好吃，不知道是不是煮過頭了，薯粉一d都唔爽口，無口感。口水雞，第一無雞味，第二好多雞骨碎，差d啃死。可能佢之前期望過高，吃完之後真的好失望！

姨娚仔從地球另一面回港，他説要幫同學的媽媽買一個中文手寫板，我說現在應該沒有很多人用，即管帶你到深水埗找找，任務完成，帶他逛逛附近食肆。姨娚仔看見店舖的招牌，問我點解香港的食肆名稱咁特別，又傷心又痴心，究竟是吃什麼的？為什麼會傷心呢？我便帶他到傷心酸辣粉感受一下為什麼吃完會傷心? 哈哈！海蜇手撕雞（$58）我叫了這個BB辣手撕雞他先熱熱身，他說不太辣啫，手撕雞配合爽脆的青瓜與海蜇，是一個很適合夏天的開胃菜。口水雞酸辣粉（$52）熱完身後，來一個小辣的口水雞酸辣粉，口水雞的雞肉嫩滑，配合煙靭的酸辣粉，酸辣粉內還有肉末、花生、榨菜絲和莞茜等，湯㡳酸中帶辣，姨娚仔一邊吃一邊開始流鼻水了⋯⋯重慶麻辣雞煲（$138/半只）我點了中辣雞煲，店員揭開煲蓋已聞到濃濃的香辣氣味，初吃時感覺不太辣，但汁料在猛火下逐漸濃縮，越吃越辣，額頭上的汗水加眼淚水開始隱隱出現了。吃完雞肉，還可追加配料打邊爐，但實在太飽了，下次有機會再試。椰汁（$13）甘桔話梅雪碧（$18）大大杯的冰涷甘桔話梅雪碧和椰汁都是我們的解辣救星。姨娚仔終於明白為何店名叫傷心酸辣粉，原來是辣到流眼淚，他説下次要挑戰大辣....，但我整包紙巾都

今日同朋友去深水埗買電子產品，有D肚餓，深水埗大把野食，選擇太多，都唔知食甚麼好，朋友和我都嗜辣，所以最後我們選擇了桂林街嘅「傷心酸辣粉」。進入店內，首先給我的感覺是︰環境好乾淨，好舒適。之後，點咗幾樣店員推薦的食物。重慶香辣烤魚可以選擇不同的辣度，配合各人的喜好。烤魚質素唔錯，條魚甚少細骨 ，可以安心地大啖大啖咁食 。肉質又夠嫩滑 ，煎香後再放入爐上烤，外脆內嫩。烤魚配料十足 ，有蓮藕片、金菇、木耳、枝竹、豆卜等等一同烹調，滲入了烤魚的麻辣香味，吃時百感交雜，麻得嘴唇都痺了，但又像上癮了似的，總想把食物送入口中，又刺激又滋味。以這樣的價錢吃到的質素來說，尚算合理 。 口水雞同樣可以選擇不同的辣度 ，雞肉肉質都幾嫩滑，醬汁又夠juicy，本身不愛吃雞皮的我也忍不住將雞連皮放入口，雞的皮和肉之間的啫喱狀凝結物更顯得雞的嫩和軟滑。如果辣度增加的話，口感更好，會愈食愈惹味。炸雞軟骨很香口，很好食 。當你食得多其他味濃的食物時，你就會發現雞軟骨騷香鬆軟，脆卜卜的，愈食愈滋味，而且又能中和口腔中的痲痺的感覺，是解麻辣的良方。海蜇爽口，配搭上特製嘅麻香醬汁，相當惹味 。

傷心酸辣粉辣得過癮＠傷心酸辣粉 我很喜歡食辣，尤其是川辣，喜歡那種麻痺口感，那種特殊香料氣味和重口味的味道。一邊食一邊出一身汗，既促進血液循環，令新陳代謝快對減肥也有一定的作用。 傷心酸辣粉是我最喜歡的食店之一，夠平而且很多分店，而且上菜速度很快，趕時間想去醫肚，隨便點碗酸辣粉，幾十蚊就可以食飽飽，又能滿足食辣的願望 早幾日在黃金買完東西，就在附近搵食，原來傷心酸辣粉在桂林街開了新店，新店裝修比舊店舒服，而且冷氣強勁，伙計也很有禮年輕 晚上７點已經坐滿客人，門口也出現了小小人龍～（著恤杉的店長好斯文又有禮貌，ＬＩＫＥ！！！） 除了酸辣粉外還有很多川式食物，可散點又可以點餐～ 價錢非常親民，款式非常多 目測現場客人，大部分人都點這個重慶香辣烤魚＄１８８，重慶香辣烤魚可分為大，中，小或ＢＢ辣，客人可跟據自己口味去點辣度，也有不辣的酸菜烤魚可供選擇 我當然點辣的，不過第一次食，還是點小辣去試一試水溫 其實只是一點點的辣，下次我還是可以點上中辣 重慶香辣烤魚份量很大，麻辣味濃，入面有多樣配料，芹菜、油炸花生、香菜、蒜、紅油豆瓣、豆豉、干辣椒、乾花椒。。。最重要的就是豆腐卜，吸

上次挑戰過中辣的【重慶香辣烤魚】，辣到老公滿頭大汗，猶如落雨一樣，雖我們要勁飲水，但仍感刺激、美味。早日心思思，便再到【傷心酸辣粉】挑戰味蕾。由於肚仔餓，我倆便叫了二人套餐及多款小食。(例牌)【黃金花枝丸】花枝丸大大粒，外脆內軟，肉質彈牙，沾上酸甜醬後，更見惹味。(例牌)【酸菜龍脷魚】份量十足，酸菜湯不會太酸，帶有魚鮮味，龍脷魚啖啖肉，鮮嫩幼滑，很快便被我倆掃清。【皇牌二人套餐】 - 皇牌口水雞經上次嚐過「中辣」的威力後，今次返回「BB辣」，口水雞肉質不錯，辣度輕量級，容易接受。【皇牌二人套餐】 - 乾撈牛肚牛肚切得夠薄身，十分爽口。雖是「BB辣」，但辣度殊不簡單，我倆品嚐後，停不了飲水，果真是味蕾的挑戰。【皇牌二人套餐】 - 涼拌海帶絲平日很少食海帶，原來以涼拌調整很不錯，感覺得清新爽口。【皇牌二人套餐】 - 晶絲薯粉薯粉晶瑩通透，煙煙靭靭，有如熱啫喱一樣，很特別，配以多種酸菜配料及湯汁，醒神暖胃。(例牌)【時令油菜】【凍甘話梅雪碧】享受一頓酸辣晚餐後，來杯冰感酸味味話梅雪碧，喉嚨即時舒服晒！一於下次再來挑戰！

去完黃金買野, 急不及待搵個地方邊食邊欣賞戰利品. 原本諗住簡單食碗粉就入黎傷心, 坐低左同行友人話呢間有雞煲魚煲食, 所以要左個煲.半隻麻辣雞煲要BB辣, 雞煲煮左一陣已經香味溢出, 半隻雞件數都算多, 配料主要係蔥, 芹菜, 洋蔥之類.雞肉肉厚入味, 入口軟滑唔鞋口. 一食既時侯唔覺好辣, 好易入口夠惹味. 食食下個底原來好多汁, 所以點多少少, 點知個味道完全唔同左, 辣之中仲帶少少麻感, 仲越黎越辣, 不過辣得過引.滷水拼盆有紅腸, 翼尖, 牛肚, 滷水蛋, 滷水肉等等, 滷水唔算太咸仲幾入味, 特別係翼尖唔會太細太瘦, 唔錯好開胃, 滷水肉夠腍, 牛肚爽而有咬口.酥炸抄手, 入面係肉既餡料, 外面炸得夠香脆, 唔油膩, 外脆內嫩, 點埋甜酸醬更加開胃.

冷冷雨夜，街上的行人流銳減，有的趕著回家 ，有的在簷篷下躲雨，有的則與我一樣找吃辣的讓身子保暖。既然要暖身暖胃，重慶麻辣雞煲自然不少得。雞煲裡面的雞肉真的是不少，我怎麼挖都挖不停。雞肉真的是很嫩又很入味，我家爸爸也超愛吃這煲雞肉。麻辣的部分，說真的一點也不太辣，超好下飯吃，不油膩。不過不太吃辣的可選bb辣，那麼就可品嚐這惹味雞煲。雞肉久煮後不會有乾柴難咬的情形，加上花椒煮得入味，味道屬於溫順的麻辣，風味佳。四川酸辣薯粉香氣四溢，酸酸辣辣好開胃，不愧是讓人驚嘆四川經典麻辣的美味，酸辣的香氣，嫩滑彈牙的薯粉，讓愛吃辣的爸爸欲罷不能。口水雞這是傷心酸辣粉力推薦必點招牌，雖然本來我比較想點水煮魚，不過爸爸說口水雞是招牌，於是改變心意，果然沒讓我失望。我們點bb辣，微甜微辣的調味，配上超嫩的雞肉，皮的部分滑溜的，一點都不油膩，舖滿香酥的花生配上醬汁超搭配的，我們都讚不絕口。蒜泥白肉上面淋了不少的蒜蓉醬，大蒜味不會很嗆或很辣，醬料帶點濃郁的蒜香味，白肉部分切得比較大塊，給得不小器，也好咀嚼，肉質嫩度十分軟嫩。柑桔青檸蜜話梅超大顆，味道酸酸的，很解渴與辣味。