傷心酸辣粉 (桂林街)

營業中

休息中

出街天氣咁熱，搵個地方食個下午茶休息吓係必須嘅🥳。尤其喺深水埗，行完黃金買完game，更加要搵地方坐低休息吓睇吓戰利品🤣。以為天氣咁熱冇乜人食酸辣野，點知都座無虛席，當然計埋疫情封咗嗰啲位啦。不過好好彩等咗5分鐘就有位。叫左個酸辣粉套餐，一個酸辣粉加一個小食👍🏻。🔻傷心酸辣粉🔻傷心酸辣粉嘅精粹係唔需要加任何餸，淨係一碗粉都好好食😋，叫咗少少辣🌶，紅薯粉既煙韌配上偏酸嘅湯底好開胃，小小肉末調下味👍🏻🔻海蜇豬耳🔻麻辣味好香但唔夠味，豬耳切得幼細，海蜇夠爽口👍🏻

放假出黃金買野。咁就係附近搵食。行過傷心酸辣粉見到有位。二話不說就入左去。眼見都有一兩張枱未執好。其他就要搭枱坐。於是選擇坐埋一角。打開餐牌睇左1round.都有好多野想食。最後嗌左個麻辣肚絲配酸辣粉加多杯凍奶茶。成個送餐過程都算正常時間。唔使等太耐就有得食。凍奶茶茶味夠濃。唔會奶多過茶。麻辣肚絲唔會太辣或者太麻。岩曬啲可以試小小辣既人。酸辣粉既味道香辣適中。酸爽開胃。份量都算足夠填飽個肚。但係唔知點解隻匙羹有陣漂白水既味道。唔知係咪想比啲客人知道佢哋有用漂白水做清潔呢。環境方面認真一般。食完都係那那聲走人。酸辣粉麻辣肚絲凍奶茶

話說個曰同朋友去深水埗買啲批發嘅嘢，然後喺嗰度發現咗一間食烤魚嘅酸辣粉店，然而覺得好新奇哈哈😄因為未試過喺傷心酸辣粉入邊食烤魚。兩個女孩子一齊食一條烤魚（再另外叫了一碗酸辣粉／一個小食）講返主角：成條烤魚好好味，味道濃郁而且夠麻夠辣，仲越煮越辣添😂 真係流晒汗！魚嘅份量都適中，亦唔會覺得好小。（烤魚原本已經有好多配菜，仲有入邊嘅薯粉縮囇啲湯之後好入味！）如果鍾意食辣嘅，我覺得可以嘗試一下呢間舖頭，食咗一次有啲回味，希望可以再有機會過去食😂

平時食開傷心嘅水煮魚，一直覺得唔錯，份量又多，用龍利魚又無骨，所以耐唔耐就會買黎食。今日突然想試下佢個酸菜魚，就出事啦。一打開個蓋，睇下入面d料，已經呆左，真係得酸菜同魚，仲有小小水晶粉係底，份量少過水煮魚嘅好多。跟住一試，失望透頂，酸菜完全無味，唔知係浸水浸左幾耐，可以無味嘅。最勁係d魚，我第一次食龍利魚，食到腥味，而且好甜，唔知落左幾多糖啦，又完全唔辣。成兜野食左一啖就頂唔順，倒左。可能平時食嘅水煮係濃味嘅，會蓋住魚原本嘅腥味，但酸菜唔夠濃，蓋唔住。以後都係食返水煮算啦。

約左朋友黎深水埗見面，佢話想食酸菜魚，於是入左呢間試下，佢既酸菜魚不過不失，唔算難食，但服務真係太差，我地同隔離檯既飲品點左催左幾次，差不多食完先到，阿姐不停話水吧做緊，但根本冇去睇，環境又污糟，真係冇下次。

傷心酸辣粉食過好幾次，都係食粉麵套餐，見有放題，又心郁郁試吓。放題有4款選，麻辣雞煲，烤魚，牛肋骨煲，胡椒豬肚雞煲，閒日128，紅日148。我們點了酸菜魚，條魚煎封過，好香好滑，配酸菜湯，好開胃。食過酸菜魚，凍櫃有各類火鍋類，任攞任食，食材未算太多類，有各類丸，五花腩肉，豬紅，肥牛，鮮雞件，疏菜，香姑，麵條等等，飲品有啤酒，可樂雪碧洋恊成。食完條魚，再用酸菜汁作湯底，滾完的食材都夠味，不用沾醬油，麵條吸收湯汁，正。發現一樣好味就係酸菜湯中有酸蒜頭，好好味，食咗好多粒。埋單296， 紅日關係148/位，人均148元，任食還可以吧！

為咗響應政府呼籲彈性食飯時間，我同同事就轉咗食下午茶時間，貪佢冇咁多人又平啲。而傷心酸辣粉嘅下午茶真係平到你唔信，以今時今日嘅物價，$29包咗一碗麵、一份小食同埋一杯嘢飲，你話去邊度搵啦！唔好以為好細份，呢碗肥牛牛丸湯米線，肥牛份量好多，牛丸亦有三大粒，正常食量嘅人一定會覺得夠飽。雞翼同埋芝士豆腐丸各有兩件，順帶一提我今次係第一次食淮山麵，原來好好食個喎！同事推介佢嘅墨魚餅做小食，果然冇介紹錯，如果出面鋪頭我相信呢個小食要加$10囉！花枝丸都好食，仲變相做咗三餸麵添呢個價錢可以食到咁多嘢仲要係好食，真係好感動！所以我真係好贊成彈性食飯時間啊！呵呵呵！

因為唔食得辣，所以我一直都無試過傷心酸辣粉🤣。不過之前經過桂林街分店，見到有個下午茶餐好抵，就已經bookmark咗一定要試！我都估唔到自己一試就連續食咗兩日🙈。下午茶兩點鐘就開始，所以可以買外賣返去當lunch食。一入去就係收銀櫃，直接喺嗰到畀錢落單，但我想講兩日唔同嘅女店員態度都差到一個點，一個好似唔識講嘢咁；另一個就自己無問清楚，要重新落過就黑我面😤。我買外賣就算啦唉。落完單即刻整，所以都要等一陣先有拎得。我嗌嘅下午茶餐超級抵，$29有一碗麵同一款小食，送熱飲。外賣盒🥡每個要加$1，由於麵同小食分開上，所以加咗$2。如果可以嘅話，堂食抵啲同環保啲。題外話，個外賣pack得幾好哈哈。我第一日要咗🐔鹽焗手撕雞准山麵，依個一打開就已經聞到超香！手撕雞份量唔算多，比較碎，但味道都唔錯。至於准山麵，我係第一次食，一直以為味道會怪怪的、藥材咁嘅味，而口感就粉粉地。點知同我想像中完全唔同😂，原來准山麵係咁爽的，而且無乜准山味，我立刻愛上咗，因為好掛湯，好好食🤤。湯底好香麻油味，唔辣的，下午茶好似無得揀辣。題外話，碗麵好多芫荽同蔥🙅🏻‍♀️。小食方面，有幾款選擇，樣樣都幾吸引，我要咗炸墨魚餅🦑，配

今日返工去左深水埗做野，食飯時間周圍都好多人，見佢門口寫住每日精選$25，當日精選係秘製蔥油雞，入面都有3、4個客食呢個餐，$25有一碟雞、白飯、飲品，雞既份量正常，我覺得同出面四十幾蚊既餐差唔多份量，最好係有大量蔥油正！唔食雞都夠送晒成碗飯😂，我仲加左叫左個墨魚餅，除左墨魚餅外，仲有雜菜蝦餅、蓮藕餅、炸餃子，加$10就可以加一款另外，仲有夫妻肺片，叫左小辣，對於我辣度適中，食完嘴邊有少少麻😋總括來講，$25有野飲真係抵到爛

雖然呢間舖頭主打係酸辣粉 但我一次都冇食過 反而好鍾意佢嘅烤魚。自從第一次食完之後 都會心掛掛再去食～記得之前十一點後還是十二點後係有八折㗎 個時食真係超抵～ 但依家好似冇呢隻歌仔唱嚕。😂我地三個人 成日都係一個烤魚 一個雞煲🤣 然後order d配菜or 小食。烤魚一般會揀酸辣湯底 或者麻辣小辣 ～味道都係好正 烤魚同d配菜都好入味，雞煲都唔錯 超級香滑有fd超鍾意食呢度嘅炒土豆絲 酸酸辣辣幾惹味～ 一般係宵夜食 正到冇朋友。🤣

我估傷心酸辣粉個老闆可能有睇開食評, 事關之前寫左篇傷心, 話只有MOS分店蒜泥白肉無豬毛, 咁啱最近兩次食其他分店, 真係有改善呢👍🏻.>蒜泥白肉 酸辣米線 (HKD56)薄左d嘅蒜泥白肉, 好乾淨無豬毛架🤩. 所以好入味, 最鐘意係一塊肉卷住一大啖蒜蓉超惹味. 米線🍜唔錯.>麻辣肥腸 酸辣粉 (HKD56)豬大腸好味😋>夫妻肺片 我地用某APP啲points換左個夫妻肺片, 值得一提嘅係即使li個係free, 同平時order分量無變ga!

夏天食辣別有風味傷心酸辣粉的紅薯粉一直令人難忘今晚入去叫了一個大薯粉配口水雞個人唔係幾食得辣 小辣已經就快頂唔順了面上有肉碎 不少花生 香辣油在面上一來已經嗅到香香辣味將薯粉佔一佔紅油再食 薯粉更加滑薯粉吸油能力唔夠米線勁 但就口感好好彈牙又滑 配上辣油 味道十足食熱湯食到口熱 就食一塊口水雞即刻降溫雞皮有d係脆口 脂肪唔算多 可以連皮食都得口水雞係哩到熱賣 所以水準唔差雞肉都幾好 除左雞胸位 其他部分都唔會太硬口水雞配上小辣紅薯粉一齊食感覺都幾夾 又熱又涼 正

今日同媽媽去食下午茶，媽媽叫咗豚肉拼鮮雞湯米線，跟墨魚餅，而我就叫三鮮水餃紫菜湯米線，跟黃金蓮藕餅，我吔都係飲熱檸水。我吔想試多啲款，當然要share啲餸嚟食。先講杯熱檸水，檸檬好苦，我飲了不夠半杯已再沒有飲了。至於碗米線，湯底偏淡，但米線彈牙，仲有好多米線好大碗，雞肉好滑，水餃皮較厚，但肉汁好味。墨魚餅彈牙最好味。整體嚟講，$29的下午茶算是不錯了。

係大陸食烤魚食得多～係香港真係從未試過第一次喺香港食烤魚，就係喺傷心酸辣粉食㗎啦，估唔到香港都有咁出色嘅烤魚。同男朋友叫咗一條酸菜魚，等嘅期間我仲諗住應該都唔會咁好食點知上到枱佢真係好大條喎烤魚上面鋪滿左酸菜，連個湯底都有酸味🤘🏻仲有蓮藕片同腐皮卷做配送，酸菜仲要係爽口嘅唔係淋架 食晒成條魚其實都會覺得好飽我哋仲叫多咗兩個配料佢嘅粉絲唔係係食傷心酸辣粉嘅薯粉而係另一隻尼架～感覺都唔錯～最鍾意食貢菜～爽口好味整體來講酸菜魚係好食嘅其他配料就不過不失不過我相信會有下一次㗎

今日5月12日難得大佬請食呢間咁既鋪頭"傷心酸辣粉"...真係好傷心囉 ,見到我最愛既海蜇手撕雞 更係食下啦。。。。。點知就出事啦！！！！原來香港食呢類地方餐廳既手撕雞係無雞肉淨得雞皮架咋！！！！！！嘩好晴天霹靂囉。。。。。。有圖為證架 仲要等左成半粒鐘先齊野 又搭台 我終於知道點解香港人中意返深圳食啦！！！！！！⚠