傷心酸辣粉 (桂林街)

營業中

休息中

深水埗搵食，經過這間餐廳，門口見到啲餐都好吸引。就坐低左叫咗個$29嘅餐。其實沒什麼期望，只係填飽個肚。餐包括墨魚餅小食，麻辣牛丸肥牛木薯粉。還有一杯餐飲，我點了叫了熱檸茶。食物質素比預期高，麻辣牛丸好味得來唔會太辣。肥牛有點肥。木薯粉湯底都好好味。$29個餐真係冇得輸。

去深水埗買野搵食, 本來想去漢x食野, 點知是日公眾假期唔開, 走返去黃金果邊, 平時覺得傷心酸辣粉好貴唔會食, 點知見佢門口貼出下午茶餐點到野食, 所以即時入去撘張窗口枱食平野~滋味下午茶有4款米線選擇再加個小食, 包熱飲$29個set; 另外飯餐一樣$29包熱飲, 如加小食都只係$10, 唔怪得咁多單人來食啦...一家三口叫左肥牛拼麻辣牛丸湯薯粉 (改薯粉唔駛加錢啊!!!!), 小食要左炸墨魚餅; 另外叫左川香豬軟骨飯; 感覺最唔抵好似係改凍飲要加$5咁..無細到的份量, 平成咁, 味道佳~ 我未食過麻辣牛丸; 又幾鬼過癮, 真係會麻出來.. 清湯底都好甜好味, 肥牛太肥比左仔食一半.. 我又食返佢d豬軟骨, 咁淋少少少少辣, 幾過癮!最驚喜係個小食炸墨魚餅, 一份3件比想像多, 最緊要係超彈牙香口, 我地3個爭住食~ $92埋單, 開心到呢~

今日同男朋友到深水埗，這間是我男友經常幫襯的米線，話價性比好高，今日一齊就試試。環境唔算大，坐位都多；差不多滿的位置，可見多客人來品嚐。好單點又可要套餐又可點下午茶！下午茶也有不同配搭不同選擇！我們點了2個下午茶餐飲品是凍檸茶及熱檸水，普通正常無特別！（豬軟骨切雞米線）都幾大碗，不用等好耐就好快上枱，熱辣辣又幾足料豬軟骨都軟腍，都有幾多塊，但口感及味道可以更好雞都大件又滑，但油了點；米線口感剛好，有口感又不會太硬身（淨水餃拼墨魚丸）水餃大隻，內餡入味又肉多，皮滑又有咬口，有8隻；墨魚丸4粒，大但欠了彈力，普通一點（小食：炸春卷）每一個下午茶連一個小食，這個炸春卷好香又熱辣辣剛炸好，外脆內面是蔬菜、蘿蔔、木耳等，我們都喜歡、更有4條的好香又野味！（另一小食：炸墨魚餅）黃金色好靚，味道好！香口內軟、墨魚餅彈牙可口

作為傷心酸辣粉迷，一個月光顧幾次是常識吧…由於深水埗近近地，基本上每次都係出深水埗食~其實依家除咗碗酸辣粉同土豆絲好食，其他小菜真係一律變得差勁！加上員工個個對客都黑口黑面，樓面廚房傾計嘻笑聲浪大聲過客人，嘈到街市咁。之前食雞煲，成煲野無肉又勁韌 (話重煮但根本無換過反而成煲野十級鹹) 食物質素一次比一次差，每次想試其他小菜… 結果都係一次比一次失望點解要整到咁難食以後除咗叫套餐，真係唔敢再試其他 🤦‍♀️🤦‍♀️🤦‍♀️

夜晚叫左個2人SET, 有2碗粉, 同埋3樣小食。我地叫左1碗酸辣粉, 1碗唔辣紅薯粉, 但其實2碗都係PLAIN 粉, 無送GE。2碗粉都正正常常LAW3樣小食叫左口水雞, 酸辣土豆絲同海哲豬耳。全部叫哂小辣。口水雞最好食, 咁岩係雞脾位, 幾滑。酸辣土豆絲酸酸的, 幾醒胃, 土豆絲夠爽, 但越食越咸。海哲豬耳好辣!!明明叫左小辣.... 不過夠大碟。計番其實小食都偏細碟, 咁不如分開叫2碗粉再加D 配料算LA。

叫左一碗酸辣粉, 一碗酸菜米線。酸辣粉叫左中辣, 勁多辣油, 佢GE 肉碎都係辣GE。送就叫左芝士腸, 蟹柳, 雞翼同雞腎, 全部正正常常。酸菜米線無加送, 真係咩都無, 得大量酸菜同少少芽菜, 最初以為個湯底都係酸, 點知係普通清湯, 酸只係D 酸菜....哂氣。BTW, 食雞煲果Ｄ唔使排，我地食普通粉麵就要排勁耐，　唔公平

首間傷心酸辣粉我記得是在深水埗發現的。而且是接二連三一共有兩間。酸辣粉十幾元一碗周圍都有，但傷心的招牌無可奉告真的是打出一個廣告。麻辣的夠勁，雞絲的冷麵更加是萬中無一。宵夜好推薦。

傷心酸辣粉非常多分店，成日都話去食，但2046都未去到。今晚食飯又有選擇困難症，見到唔洗等位!!因為會食烤魚/雞煲，所以餐廳安排左四人枱。因為最近都真係幾鍾意北上食魚，點左一條烤魚加兩款小食夫妻肺片!食得呢啲川式或麻辣，九成都會點一份黎食。餐廳用既係牛肚同牛舌，除左麻辣醬汁，仲加上花生碎同芝麻粒。食落麻辣味唔算好重，但花生同芝麻勁香口，入口啖啖肉，正土豆絲，每次北上食魚都會點一份!呢度做既係酸辣口味，30蚊唔洗已經有勁大兜。薯仔絲刨得粗幼適中，食落好爽口，而且酸酸辣辣，非常清新開胃主角就係呢條酸菜烤魚! 非常大條，仲有木耳、金菇、豆卜、蓮藕做配菜，幾多野食。味道剛好唔會太酸，但冬天真係揀麻辣既惹味暖胃一點。魚肉有魚味而且幾甜，但可能煮得有點耐，食到後期魚肉有點老我就加左杯柑桔青檸蜜，幾清新幾潤喉

本來不是一個好辣之人，所以一直以來都不敢踏入傷心酸辣粉半步，怕吃完會傷身又傷心。因為朋友想食雞煲和酸菜魚，剛好傷心酸辣粉有齊兩個菜餚，我就放膽試試。第一次食傷心酸辣粉，味道比我想像中好。辣的菜餚均可以跟店員要求小辣，尚算貼心。今次就點了走辣的雞煲和酸菜魚。雞煲 $ 188/半隻味道濃郁，而且帶點甜味，那一刻能夠想像如果配上辣會是什麼滋味。雞採用龍崗雞，肉質鮮美，而且份量十足。酸菜魚 $238/條酸菜魚比雞煲 更令我驚喜，湯頭味道不錯之餘，配料十足，木耳，百葉，蓮藕， 金菇，酸菜... 魚身先煎香過再放湯，風味十足。冬天跟朋友去吃一下的確是一個性價比高既選擇。

天氣凍凍地，食下雞煲魚煲最暖胃惹味同朋友黎左深水埗傷心酸辣粉，都好多人排隊，因為食煲一定要四人枱，所以都會等少少，半個鐵有得入!酸辣土豆絲! 30蚊大大份，性價比超高食落爽口，唔太酸，仲可以揀辣度，真係大件夾抵食麻辣肚絲豬肚切成幼絲，加上辣椒醬花甜醬搞好。豬肚無異味，食落有韌性但又容易咬斷夫妻肺片大眾野，食麻辣必點既小食。用肚絲既醬一樣，但呢碟多啲芝麻粒同花生碎，食落更香口主角出場! 要左一條酸菜烤魚，材料非常多，有豆卜、蓮藕、木耳、金菇菜，仲有成條開邊烤魚。味道酸酸辣辣夠惹味，魚肉有魚既甜味，但我地食得太慢，食到一半魚肉開始變老了食魚煲加返杯柑桔話梅雪碧，爽! 可以清潤一下

排咗一大輪，我地二人係正確按二人飛，點知叫我地戈時，但收銀男話打邊爐要按4人位，結由頭等過！！！大佬呀，我唔係喺你店水打工，點知你咁多野，而且等位途中有其他攞咗4位枱，即係玩野啦！但個收銀男話：你自己冇睇清楚咋喎！請問大家見唔見到邊度寫咗？見到我埋你張單！玩野！浪費時間！對客呼喝！ 根本運作有問題！

酸辣粉唔夠酸唔夠辣，一d都唔過引。仲打正招牌做酸辣粉，但唔好食。最好食係碗面入面d花生，係夠脆嘅。碗面30元，再叫左3個餸，芝士腸2條7元，魚片頭2細粒10元，魚腐2細粒10元， 咁加埋就57蚊， 下午茶時段黎講超級唔抵食！！侍應不秋不採好似唔想做你生意咁，服務0分下午茶時段，問佢有冇下午茶餐，佢話冇， 下午茶要散叫， 食碗酸辣粉飲杯野都50幾蚊，d餸仲要係cheap野，又少餸。咁嘅質數可以開到咁多間真係靠彩數， 幾年後唔知會唔會執笠。以後都唔幫襯

食過咁多間分店，最差係呢間初初入到去都還可以冇咩野既..到落單既時候叫佢幫我叫廚房煮淋少少d薯粉佢唔so...到最後佢就緊係冇落單啦，食到我胃唔舒服落完單就望下周圍環境，其實環境唔錯既，間鋪又夠大。到我望到出菜位，我見有個侍應係個碗道用匙跟整反走d花生。我當時係道諗：如果個客有花生敏感咁點呢？食左花生令到個客透唔到氣點算好？見佢整完之後就將碗酸辣粉放係我面前，好彩既係我只係唔食花生而唔係花生敏感。我希望貴公司又或者公司入面既同事見到個食評下次會小心d，由其是係廚房既同事。我自己都係做飲食業既我會知道事件既嚴重性。講反野食啦，口水雞一睇就知係d骨頭骨尾，但我最想問既係點解口水雞會有青瓜絲我食咁多間都冇...我一食青瓜我就會嘔香脆軟骨一咬落去好似食緊粉咁我真係未試過咁劣質既傷心酸辣粉唯獨我見到全店唯一既男同事佢好努力咁埋頭苦幹做野，但睇得出佢應該係新人黎既？加油呀！

搬舖後第二次惠顧。店名改得十分搞笑又應景。雖然我每次也只是點bb辣，但也會邊吃邊掉眼淚😂。但又因為好吃忍不住繼續邊吃邊用紙巾擦眼睛，但我環顧四周很少人像我一樣，或許來光顧的都是很吃得辣的吧。今次點了酸辣湯底，要雲耳，滷水蛋和牛𦟌。此款三餸奉送冷熱飲品。酸辣粉味道合我口味，不會太咸或太辣，也不算太濃味。粉的質感滑滑的，咬下去又不會太淋，好吃。不過深水埗區來說，價錢不算便宜。但可以用storellet app儲積分。下次有機會會再光顧。

深水埗係有好多美食，但好想食的又排曬長龍！ 而朋友未食過傷心酸辣粉，所以我就陪佢一試了。幾乎每次來麵是點口水雞套餐，今次有朋友點了，我就點了鹵水套餐，鹵物都有4款，都不算小！ 總體感覺 不過不失啦！若果想食酸辣粉都可以一試的！ 但千奇不要太高期望。